پىنھان سۆيگۈ (يىڭى)

xunqatabi

	پىنھان سۆيگۈ شۇنچە تەبىئى ھېكايە ‹‹ماڭا زادى نېمە بولدى ، بۇ نېمە تۇيغۇ بۇ؟ نېمە ئۈچۈن ئۇنى بىردەم كۆرمىسەم چىداپ تۇرالمايمەن ، نېمە ئۈچۈن كۆزلىرىم ئۇنىلا ئىزدەيدۇ ، نېمە ئۈچۈن ئۇنىڭ ئازابلىنىشىغا ، ھەتتا باشقىلارغا چاقچاق قىلىشىغىمۇ چىداپ تۇرالمايمەن ؟؟؟؟ ئەجەبا مەن ،،،،،،ياق ،ياق ، مەندە بۇنداق تۇيغۇنىڭ پەيدا بولغىنى نىمىسى ، بىز ئىككىمىز ئەسلا ئىككى دۇنيانىڭ ئادەملىرى ، بەلكىم مەن ئۆزۈمنى بەك پەس كۆرۈپ كەتكەندىمەن ، لىكىن،،،،بولدى ، بۇ ئۇچقۇنلارنى ئۆز كۆڭلۈمگە تىندۇرىۋېتەي ، بۇ سۆيگۈ قەيەردە پەيدا بولغان بولسا شۇ يەرگە كۆمۈلۈپ كەتسۇن بىز ئەسلا ماس كەلمەيمىز ،ئۇنىڭ مىنى ياختۇرىشىمۇ مۇمكىن ئەمەس ......خەير ....... سۆيگۈنۈم .....›› خاتىرەمگە يېزىلغان شۇ قۇرلارنى ئوقۇۋاتقان ۋاقتىمدا گەرچە بۇ ئىشلارغا ئاللىقاچان 10يىلغا يېقىن ۋاقىت بولغان بولسىمۇ لېكىن نېمە ئۈچۈندۇر قەلبىمنى يەنىلا ھەرخىل مۇرەككەپ ھېسلار چىرمىۋالغان ئىدى . گەرچە ئارىلىقتىن خېلىلا كۆپ ۋاقىت ئۆتۈپ ئاللىقاچان ئۆزۈمگە تەئەللۇق بەختلىك ئائىلەم بولغان بولسىمۇ لېكىن يەنىلا شۇ قىزنى يادىمدىن چىقىرىۋېتەلمەي كەلگەن ئىدىم . لېكىن بۈگۈن قەتئى نىيەتكە كەلدىم ، ئۆتمۈشكە ئاشىق بولۇش نادانلارنىڭ ئىشى ، بولدى ، مەن ئۇنى يادىمدىن چىقىرىپ تاشلاي .   شۇخىياللاربىلەن خاتىرەمنى ئاستاغىنا يالقۇنلاپ كۆيىۋاتقان مەشكە تاشلىۋەتتىم ، ئورنۇمدىن تۇرۇپ ئەمدىلا 3ياشقا كىرگەن قىزىمنىڭ ھۇجرىسىغا قاراپ ماڭدىم ، قىزىم ئەمدىلا يەسلىگە كىرگەن بولۇپ تېخى يېڭىدىن خەت يېزىشنى ۋە ئوقۇشنى ئۆگىنىۋاتاتتى ، باياتتىن ئۇ مەن ھېلىقى قىزغا مۇناسىۋەتلىك نەرسىلەرنى رەتلەۋاتقان ۋاقىتتا يېنىمغا كىرىپ قىز ماڭا سوۋغا قىلغان شۇنچە ۋاقىتتىن بۇيان مەن بىر قېتىم ئىشلىتىپمۇ باقمىغان قەلەمنى ئېلىپ چىقىپ كەتكەن ئىدى .ئەمدى ئۇ قەلەمنى ئېلىپ ئۇنىمۇ كۆزدىن يوقىتاي . قىزىمنىڭ ھۇجرىسىغا كىردىم، قىزىم ھۇجرىسىدا مەندىن ئېلىپ چىقىپ كەتكەن قەلەمنى بىر يەردە قويۇپ قويۇپ بىر كىچىك پارچە قەغەزنى قېتىرقىنىپ كۆرىۋاتقان ئىدى . –نېمە كۆرىۋاتىسىز قىزىم ؟ –دىدىم مەن –ماۋۇ قەلەمنى ئاچسام ئىچىدىن مۇشۇ قەغەز چىققان ، شۇنى كۆرىۋاتىمەن ،–دېدى قىزىم قىزىقىش ئىلكىدە قىزىمنىڭ قولىدىكى قەغەزگە نەزىرىمنى ئۇرغۇتتۇم . خەتنى كۆردۈم يۇ ،قەلبىمنى چەكسىز پۇشايمان ،ئازاب ۋە ئۆكۈنۈش ھېسلىرى چىرماپ ئالدى ................. قىزىم چۈچۈك تىللىرى بىلەن قەغەزدىكى خەتنى ئوقۇۋاتاتتى ‹‹مە..ن...سىز......نى .....مەڭگۈ....كۈتىمەن..........›› تۈگىدى . مەنبە : ئۆزۈم

larzan

	بەزى بىر سۆيگۇللەرنى قەلبىمىزنىڭ چۇڭقۇر قېتىدا ساقلاپ قېلىشقا مەجبۇر بولىمىز،ھەممىلا سۆيگۇنىڭ مۇھاببەت ئاسمىنىدا چاقنىشى ناتايىن،مانا بۇ سۆيگۇلا مەڭگۇلۇك شىرىن بۇلالايدۇ. ئۇنى كۆرگەندە ئالاقىزادە بۇلۇش،تەييارلاپ قۆيغان گەپ-سۆزلەرنىڭ ئىز-دېرەكسىز غايىپ بۇلىشى،كۆزلەرنىڭ ئۇچۇرشىپ قېلىشىدىن ئېھتىيات قىلىش.نەلەردىندۇ ئۇنىڭ سىماسىنى ئىزدەش،ئۇچۇراشقاندا يۇرەكلەرنىڭ ھاياجاندا سۇقۇشلىرى .................. ئاھ،پىنھان سۆيگۇ.شىرىن ئەسلىملەر.

AYKUTKIZ

	ياخشى چىقىپتۇ ، ئىنسان سۆيگۈ  ئىشىدا دادىل بۇلىشى كېرەك .

oygak11111

	ياخشى چىقىپتۇ . قۇلىڭىزغا دەرت بەرمىسۇن .

ئىمكان

	ياخشى چىققان ھىكايە ئىكەن. بۈگۈن مەنمۇ شۇنداق ئۇچۇردىن بىرنى تاپشۇرۋالدىم ئەپسۇس. ئەمدى مۇمكىن بولمايدىغان ئشلار ئىدى. نىمە سەۋەپتىن ئۇ ئۇچۇرنى ماڭا ئەۋەتكىنىنىمۇ بىلمىدىم. ئۇچۇر مەزمۇنى مۇنداق «تىشلىقمۇ؟ 3-ئاينىڭ 25-كۈنىگە مۇبارەك بولسۇن» گەرچە ئۇچۇر مەزمۇنى قىسقا بولسىمۇ ئۇنىڭ ئىچىگە نۇرغۇنلىغان چۈشىنىكسىز ھېكايىلەر قوشۇلغان ئىدى.... نىمە قىلىشىمنى بىلەلمەي ئۇچۇرنى تازلىۋەتتىم.

zulayha

	ھىكايىنى شۇنچە قىززىقىپ ئوقۇۋاتاتتىم ھەتتا 3 ياشلىق تاتلىق قىزنىڭ خەت ئوقۇشنىمۇ ئۈگۈنىۋالغانلىقىغا مەسلىگىم كېلىپ ئوقۇۋاتاتتىم . قەلبىم بۇ قىزنىڭ يىتىملىك كوچىسىغا كىرمەسلىكىنى تىلەۋاتاتتى. تۇيۇقسىز بېشىمغا بىر توقماق تەككەندەكلا شۈركەندىم - تېما تۈگۈگەن ئىدى،مانا شۇنچىلىك . سىز ئۇ خەتنى كۆرمەپتىكەنسىز -ھە؟ ئۇ قىز ھازىر توي قىلىپ بولدىمۇ؟ ئايالىڭىز ھەم قىزىڭىزنى تۇللۇق ھەم يىتىملىك كوچىسىغا تاشلىماڭ . بۇ ھىسلارنى قەلبىڭىزنىڭ ھىسلىرىڭىزنى ئالدىيالمىغىدەك ھەم سىزنى ئازدۇرالمايدىغان قاتلىرىغا كۆمۈۋېتىڭ . اللە نىكاھىڭىزغا بەرگەننى قەدىرلەڭ . اللە ھەممىنى تەڭشەپ ھەم بىلىپ بېرىدۇ . چەكسىز بەخىتلەرنى تىلەيمەن سىلەرگە.

rana2

	دۇنيادا مەن ئۈچۈن ھەممىدىن  قىممەت، ئىككىمىز رىشتىنى چەككەن مۇھاببەت، بۇ دۇنيا شۇڭلاشقا شۇنچىلىك گۈزەل، ھىسلىرىم ئۇيغاقتۇر سەن ئۈچۈن پەقەت. ۋىسال دەپ دۇنيانى تامام ئۇنتۇشقا، قۇربىتىم يەتمىدى كەچۈرگىن مىنى، ھاياتتا چەكلەندىم چۈنكى سەۋەبى__ مەن __ئايال ھەم ئانا،ئويغۇرنىڭ قىزى. بۇ سۆيگۈ شۇنچىلىك مۇققەدەس ھەم پاك، مەن ئۇنى قەبرەمگە بىللە ئەپكېتەي، ياشايلى مۇشۇنداق ئىككى قۇتۇپتا، ئۇنتىغىن يار مىنى ۋاپاسىز دىمەي.

xunqatabi

	zulayha يوللىغان ۋاقتى  2012-3-25 01:58 PM ھىكايىنى شۇنچە قىززىقىپ ئوقۇۋاتاتتىم ھەتتا 3 ياشلىق تا ... بۇ پەقەتلا بىر ھېكايە .....ئۇ مۇشۇ يەردە  ئاخىرلاشتى ...... بەزى ئىشلارنى پۇشايمان بىلەن كىشى قايتۇرۇپ ئالالمايدۇ .......

zulayha

	xunqatabi يوللىغان ۋاقتى  2012-3-25 03:17 PM بۇ پەقەتلا بىر ھېكايە .....ئۇ مۇشۇ يەردە  ئاخىرلاشتى ...... ... ئەلۋەتتە . لېكىن خام ماتىريالىدىن قارىغاندىمۇ ھەقىقەتەن پۇشايمان بىلەن ھىچ ئىشنى ئەسلىگە ئەكىلىپ قايتىدىن ئۆتمۈشكە قايتىپ ياشىغىلى بولمايدۇ . پەقەت ، ئاچچىق بىر ئەلەم بىر ئۆمۈر يۈرەكنى غاجاپ ئۆتىدۇ - خالاس.

xunqatabi

	zulayha يوللىغان ۋاقتى  2012-3-25 04:23 PM ئەلۋەتتە . لېكىن خام ماتىريالىدىن قارىغاندىمۇ ھەقىقە ... ناھايتى توغرا ئېيتىسىز ....شۇنىڭ ئۈچۈن ھەر بىر كىشى ئۆز ھاياتىدىكى مۇمكىنچىلىكلەردىن ۋاز كەچمەسلىكى كىرەك ......