ئوقۇغۇچىلار شىركەتلەردە ئىشلەشنى راستلا خالىمامدۇ؟

blueleaf

	قايسى بىر مۇنبەردە ئالىي مەكتەپنى پۈتتۈرگەنلەرنىڭ  شىركەتلەردە ئىشلەشنى خالىمايدىغانلىقىنى،ئۇلارنىڭ شىركەتتىكىگە قارىغاندا تېخىمۇ مۇقىم ،تېخىمۇ ياخشى خىزمەت تېپىش ئۈچۈن كۆپىنچىسىنىڭ دۆلەت ئورگانلىرىنى تاللايدىغانلىقىنى يېزىپتۇ .ئەتراپىمىزغا قارىساقمۇ ئوقۇش پۈتتۈرگەن ياكى پۈتتۈرۈش ئالدىدا تۇرىۋاتقان ئوقۇغۇچىلارنىڭ ئاساسەن دۆلەت ئورگانلىرىغا خىزمەتكە چىقىدىغان ھەرخىل ئىمتىھانلارغا (دۆلەت مەمۇرلۇق ،ئالاھىدە ئىش ئورنى ،بانكا ،كەنت ئەمەلدارى دېگەندەك) تەييارلىق قىلىۋاتقانلىقىنى كۆرىمىز.بەزىلەر بىرلا ۋاقىتتا بىر نەچچىسىگە تەييارلىق قىلىپ ئۇنىڭدىن ئۆتەلمەي قالسام بۇنىڭدىن ئۆتۈپ قالارمەن دەيدۇ ،لېكىن شىركەت كارخانىلارنى پەقەتلا ئويلاشمايدۇ،ئويلاشقان تەقدىردىمۇ تەلىيى كەلمەي يۇقارقى ئىمتىھانلارنىڭ ھەممىسىدىن ئۆتەلمەي كېلەر يىللىق ئىمتىھاننى ساقلاش توغرا كەلگەندە ،بىر يىل بىكار يۈرۈشنىڭ ئورنى بولمىغاچ ئامالسىز شىركەتلەرگە كىرىپ ئىشلەشكە مەجبۇر بولىدۇ .بۇنداقلار ئەسلىدىلا شىركەتتە ئىشلەش ئويى بولمىغاچ خىزمەتنى جان كۆيدۈرۈپ ئىشلىمەيدۇ ،پەقەت كۈن ئۆتكۈزۈشنىڭ كويىدىلا بولىدۇ،ھەتتا ئۆزى خالىغان ۋاقىتتا خىزمەتنى تاشلاپلا چىقىپ كېتىدۇ ،ۋە شىركەت كارخانىلارنىڭ نارازىلىقىنى قوزغاپ ئۇلارنىڭ ئىشەنچىسىدىن ئايرىلىپ قالىدۇ .مەنچە بۇنداقلار دۆلەت ئورگىنىغا بارسىمۇ ياخشى ئىشلەپ كېتىشى ناتايىن .   مېنىڭ يەنە بىر كاللامدىن ئۆتمەيدىغان يېرى ھازىر ئالاھىدە ئىش ئورنى دەپ ھەرخىل ھەرياڭزا كەسىپلەردە ئوقۇغانلار كېلىپ ئىمتىھان بېرىپ ئۆتسىلا ئوقۇتقۇچى بولىدىكەن .بەلكىم ئوقۇتقۇچىغا بولغان ئېھتىياج يۇقىرىدۇ ياكى مەن بۇلارنى بەك چۈشىنىپ كەتمىگەن بولسام كېرەك ،ئويلايمەن ،ئوقۇتقۇچىلىق دېگەن ئۇنداق ئاسانلا ھۆددىسىدىن چىقىپ كېتەلەيدىغان خىزمەت بولمىسا ،ئاشۇ مەخسۇس تەربىيىلەنمىگەن ئوقۇتقۇچىلارنىڭ ساپاسى قانچىلىكتۇ ؟خىزمەتكە چىقىشنىڭ ئالدىدىكى بىر ئايلىق تەربىيىلەش ئارقىلىق ئۇلار ئوقۇتقۇچىدا بولۇشقا تېگىشلىك ساپانى ھازىرلىيالامدىغاندۇ؟ بۇلار ئەلۋەتتە مېنىڭ شەخسىي كۆز قارىشىم .خاتا ئويلاپ قالغان بولسام تورداشلار چۈشەنچە بېرەرسىلەر .   ئەمدى نۇقتىلىق گەپكە كەلسەم ،ئەمەلىيەتتە بىر قىسىم ئوقۇغۇچىلار شىركەت كارخانىلاردا ئىشلەشنى چىن دىلىدىن خالايدۇ .ئۇلار ئارقا ئارقىدىن قۇرۇلۇۋاتقان مىللىي كارخانىلىرىمىزدا خىزمەت قىلىپ، ئۆگەنگەنلىرىنى ئەمەلىيەتتە  ئىشلىتىپ مىللىي كارخانىلىرىمىزنى قوللاشنى ۋە روناق تاپقۇزۇشنى، بۇ ئارقىلىق بىزدىمۇ كۈچلۈك شىركەت  -كارخانىلار نىڭ بارلىققا كېلىپ ۋە تەرەققىي قىلىپ مىللىتىمىزنىڭ تېخىمۇ يۈكسىلىشىنى ئۈمىد قىلىدۇ .   تۆۋەندە بىزنىڭ بۇ ھەقتىكى ئوي پىكىرىمىزنى ئاڭلاپ باققايسىلەر. بۇ مەن بىر قانچە ساۋاقدىشىم بىلەن  پىكىر ئالماشتۇرۇش ئارقىلىق يېزىپ چىقىلغان قىسقىچە خۇلاسە .   1.بىز كارخانا شىركەتلەردە ئىشلىسەك ھوقۇق مەنپەئەتىمىزنىڭ كاپالەتكە ئىگە بولىشىنى ئۈمىد قىلىمىز .بىز خىزمەت جەريانىدا ئەمگەكچىلەر قانۇنى ، ئىقتىسادىي قانۇن ،شىركەت قانۇنى قاتارلىق قانۇن -نىزاملاردا بەلگىلەنگەن خىزمەتچىلەر ھوقۇقىنىڭ ھەقىقي كەپالەتلەندۈرۈلىشىنى ئۈمىد قىلىمىز . بۇ ئارقىلىق شىركەتلەر ئۆزىنىڭ ئاممىۋى ئاساسىنى پۇختىلاش بىلەن بىرگە خىزمەتچىلەرنىڭ ئىشەنچىسىگە ئېرىشەلەيدۇ.ئالدىنقى تەتىلدە خېلى نامى بار بىر شىركەتتە پىراكتىكا قىلدىم ،ئۇلارنىڭ پىراكتىكانتلارغا بولغان مۇئامىلىسى بەكلا ناچاركەن ،بىزگە كۈنلۈك ياللانغان ئىشچىلارغا مۇئامىلە  قىلغاندەك مۇئامىلە قىلدى،تېخى يۈگۈر يېتىم ئىشلارغا بۇيرىغۇسى باردەك....ئەگەر ئىچكىرىدىكى چوڭراق شىركەتلەردە پراكتىكا قىلسا ،رەسمىي خىزمەتچىلەردىنمۇ ياخشىراق مۇئامىلە قىلىدۇ ،تېخى ئىش ھەققىمۇ يۇقىرى ،لېكىن ئۇلارنىڭ  پىراكتىكانتلارنى قوبۇل قىلىش ئۆلچىمىمۇ خېلى يۇقىرى ،بىرقانچە قېتىم يۈز تۇرانە ئىمتىھان ئېلىپ تاللايدۇ.بۇمۇ مىللىي كارخانىلىرىمىز ئۆگىنىشكە تېگىشلىك بىر نۇقتا. 2.ئۆز قابىلىيىتىمىزنى جارى قىلدۇرىدىغان پۇرسەتكە ئېرىشىشنى ئۈمىد قىلىمىز ،يەنى بىز خىزمەتنى ياخشى ئىشلەپ كارخانىنىڭ ئىشەنچىسى ۋە قوللىشىنى قولغا كەلتۈرۈشكە تىرىشىمىز ،ھەم كارخانا شىركەتلەرنىڭ بىزگە قابىلىيىتمىزنى جارى قىلدۇرىدىغان پۇرسەت يارىتىپ بېرىشىنى ئۈمىد قىلىمىز ،ئەلۋەتتە پۇرسەتنى ئۆزۈڭلار يارىتىشىڭلار كېرەك، دەيسىلەر ،لېكىن بىزمۇ  قوللاشقا موھتاج. مەن ئىقتىساد ۋە باشقۇرۇشقا مۇناسىۋەتلىك كەسىپتە  ئوقۇۋاتىمەن ،ئادەتتە ئوقۇتقۇچىلار موۋەپپەقىيەت قازانغان شىركەت كارخانىلارنى مىسال ئېلىپ ئۇلارنىڭ قانداق قىلىپ مۇۋەپپەقىيەت قازىنالىغانلىقىنى جىق سۆزلەيدۇ ،مەن شۇلارنى ئاڭلاۋاتقىنىمدا دائىم ئۇلارنىڭ ئىلغا ئۇسۇللىرىنى بىزنىڭ مىللىي كارخانىلىرىمىزغا تەدبىقلاپ كۆرىمەن ،ئەلۋەتتە بىزنىڭ مىللىي كارخانىلىرىمىز ئۆگىنىشكە تېگىشلىك تەرەپلەر ناھايىتى كۆپ .شۇڭا بىز ئۆگەنگەننى ئەمەلىيەتتە قوللىنىشقا ماھىر بولىشىمىز كېرەك . 3.ئەگەر بىز شىركەت كارخانىلاردا ئىشلەپ قالساق رىغبەتلەندۈرۈلۈشكە ۋە ئىلھاملاندۇرۇلۇشقا موھتاج .ئىلھاملاندۇرۇش ئەڭ ئۈنۈملۈك كارخانا باشقۇرۇش يوللىرىنىڭ بىرى .بىز خىزمەت نەتىجىلىرىمىزنىڭ مۇئەييەنلەشتۈرۈلۈشىنى ،ئەگەر خىزمەتنى ھەقىقەتەن ياخشى ئىشلەپ قالساق ماددىي ۋە مەنىۋىي جەھەتتىن رىغبەتلەندۈرۈلىشىمىزنى ئۈمىد قىلىمىز .شۇنداق بولغاندىلا بىزنىڭ خىزمەت قىزغىنلىقىمىز تېخىمۇ ئاشىدۇ ،ئۆزىمىزنى بېغىشلاش روھىمىز كۈچىيىدۇ .تېخىمۇ ياخشى نەتىجىلەرنى قولغا كەلتۈرۈش ئۈچۈن تىرىشىمىز. 4.شىركەت كارخانىلار يۇقىرى ساپالىق خىزمەتچىلەرگە ئېھتىياجلىق بولغاندەك بىزمۇ كارخانىچىلارنىڭ ھەرتەرەپلىمە بىلىم ۋە ساپانى ھازىرلىغان ،توختىماي ئىزدىنىدىغان ،ئۆزىنى مۇكەممەللەشتۈرۈشكە تىرىشىدىغان بولۇشىنى ئۈمىد قىلىمىز .بۇ ناھايىتى مۇھىم .چۈنكى  بىز ئىشىنىمىزكى ،مۇشۇنداق ساپانى ھازىرلىغان كارخانىچى مەن يۇقىرىدا دەپ ئۆتكەنلەرنى چوقۇم قىلالايدۇ .   بۇلار قانداقتۇر بىز ئوقۇغۇچىلارنىڭ كارخانىچىلارغا قويغان تەلىپى ياكى شەرتى ئەمەس ،بۇ پەقەت بىر تەكلىپ خالاس .ھەممىسى شىركەت -كارخانىنىڭ يۈكسىلىشىگە پايدىلىق پىكىر تەكلىپلەر .بىز ئىچكىرىدە ئوقۇۋاتقان ئوقۇغۇچىلار بولغاچقا مىللىي كارخانىلىرىمىزنى تېخى بەك چۈشىنىپ كېتەلمىدۇق ،باشقا ئوقۇغۇچىلار ياكى مۇناسىۋەتلىك شەخسلەرنىڭ كەم قالغان جايلىرى بولسا تولۇقلىشىنى ،تورداشلارنىڭ ئۆز كۆز قارىشىنى ئوتتۇرىغا قويۇشىنى ئۈمىد قىلىمىز .

hakkikat

	ئالىي مەكتەپنى پۈتتۈرۈپ، بولسا دۆلەت مەمۇرلۇق خىزمەتلىرى بىلەن شۇغۇللانسا بۇلىدۇ، بىراق مېنىڭ كۆز قارىشىمدا شىركەتتە ئىشلەشمۇ ياخشى بىر ئىش، چۈنكى شىركەتتە تەجىرىبە توپلىيالايدۇ. كىيىن ئۆزىنىڭ ئىگىلىك تىكلىشىگە ياخشى شارائىت يارتىپ بىرىدۇ دەپ ئويلايمەن.

سەۋېر

	بىزلەرگىمۇ بېر يول ئېچىپ بەردىڭىزدە،رەھمەت. مىنىڭ بېلىشىمچە،سىزدېگەندەك « شىركەتتىكىگە قارىغاندا تېخىمۇ مۇقىم ،تېخىمۇ ياخشى »خىزمەت تېپىشنى ئويلايدىغان ، ئىمتىھاندېن ئۆتەلمەي يەنە بېر يىل ساقلاش جەريانىدا شىركەتلەردە ئشلەيدىغان ھەم ئشلەۋاتقان باللىلارنىڭ بېر قىسىم ئش ھەركەتلىرى  كۆپلەگەن ئوقۇغۇچىلارغا بېر بولۇپ قالدى . شىركەتنىڭ مەسئۇلللىرمۇ بەزىدە ھەممىسىنى شۇنداق دەپ ئويلايدۇ....دېمىسىمۇ شۇ تۆمۈر قاچىغا ئېرىشسىلا ،نەچچەن ۋاقىتتىن ئاش بەرگەنلەرگە خوشمۇ دېمەي ،پىشىنى قىقىپلا كېتىپ قالىدۇ....

takderdax

	مەن دەل ئوقۇش پۈتتۈرگەندىن  كىيىن ئۆيدىكىلەر قوللاپلا قالسا مىللىي كارخانىلاردا ئىشلەشنى ئويلىشۋاتقانلارنىڭ بىرىسى،ماڭا نىسبەتەن شىركەتلەردە ئىشلەشمۇ نۇرغۇن ئىشلاردا بىزگە پايدىلىق.

Eltekin

	بۇ يازمىنى ئوقۇپ، نەچچە ۋاقىتتىن بېرى بىز ھەۋەس قىلىۋاتقان: بېل گايتىس ... رادىل ئابلا... قاتارلىق نۇرغۇن باي، ئۇتۇق قازانغۇچىلارنىڭ بىرەر ھۆكۈمەت ئورگىنىنىڭ مەمۇرىي خىزمەتچىسى ئەمەسلىكىنى ئويلاپ قالدىم... ...

مارشال

	تېمىڭىزنى تەپسىلىي كۆرۈپ چىقتىم،تولىمۇ يۈرەكلىك ھالدا ھەرخىل مەسىللەر ئۈستىدە مۇھاكىمە يۈرگۈزۈپسىز،تېمىڭىزدىكى كۆز-قاراشلىرىڭىز كۆزىتىش ئېلىپ بېرىش،ئەتراپلىق ئىزدىنىش ئارقىلىق ۋۇجۇدقا كېلىپتۇ. ئەلۋەتتە،ھەممە ئادەمنىڭ تۇرمۇشقا تۇتقان پوزىتسىيىسى ئوخشاش بولمىغاندەك،ھەممە كىشىنىڭ بەزى زىل نۇقتىلارغا تۇتقان كۆز-قاراشلىرىدا روشەن پەرق بار. يېقىندا،بىزنىڭ شەھىرىمىزدە مەخسۇس كۇرس ئوقۇغىچىلىرىنى ئىچكىرگە مەخسۇس تەربىيلەپ كېلىش،قايتىپ كەلگەندىن كېيىن،خۇسۇسىي مۈلۈكتىكى شىركەتلەردە توختام تۈزۈپ ئىشلەش توغۇرلۇق بىر ياخشى خەۋەر كەلدى،گەرچە خۇسۇسىي مۈلۈكتىكى شىركەتلەر بولسىمۇ،لېكىن،ئۇ شىركەتتە ئىشلىگەندىن كېيىن،دۆلەتنىڭ شىتاتلىق خىزمەتچىلىرىگە ئوخشاش تەمىناتلاردىن بەھرىمان قىلىش،داۋالىنىش سوغۇرتىسى قاتارلىق ئىشلارنى قىلىپ بېرىش توغۇرلۇق ياخشى خەۋەر ئىكەنتۇق.لېكىن،كۆپلىگەن جەمىيەتتىن ئىش كۈتۈپ تۇرۇۋاتقان،ئالىي مەكتەپنى پۈتتۈرگەن سىتۇدىنتلىرىمىز  بۇ ئىشتىن يالتايدى،تېمىڭىزدا ئوتتۇرغا قۇيۇلغاندەك،ئۆيدە بېكىنىپ ئولتۇرۋىلىش،ھۆكۈمەتنىڭ بىر تۇتاش پىلانلىغان ئېنتىھانلىرىنى ساقلاپ تۇرۇش،بازار رىقابىتىگە كىرمەي،بېكىنمە ھالەتتە تۇرىۋىلىش ھازىرقى زاماندىكى ياشلىرىمىزدا ئېغىر ساقلىنۋاتقان،بازار ئىگىلىكىدىكى سودا رىقابىتىگە دەڭسىيەلمەسلىك،ئالىي مەكتەپتە ئۆگەنگەن بىلىملىرىنى ئەمەلىي تۇرمۇشقا ئىشلىتالماسلىق مەسىللىرى ھەقىقەتەن ئېغىر. بۇ مۈگدەش،بۇ غەپلەت ئۇيقۇسى بىزنى ھەقىقەتەن چۆچىتىپ قويىدۇ،ياشلىرىمىزنىڭ مۇتلەق كۆپىدىكى چۈشكۈنلۈك،مۈگدەك باسقان،جەمىيەتتە دادىل قەدەم تاشلايدىغان تەرەقىيات يوللىرىنى بايقىيالماسلىق،ئۆزىنىڭ كەلگۈسى ئىشلىرى توغۇرسىدىكى تەخىرسىز خىياللارنى ئەتراپلىق ئويلىماسلىق ئىشلىرى ھەقىقەتەن كۆپ. ئۇيغۇر كارخانىلىرى يوقلۇقتىن بارلىققا،كىچىكلىكتىن چوڭلۇققا قاراپ تەرەقىي قىلىۋاتىدۇ،لېكىن،رايۇنىمىزدىكى كۆپ شىركەتلەردە دورامچىلىق ئېڭى بەك ئېغىر،تەشكلىللەش،يېڭىلىق يارىتىش،بازاردىكى ئېھتىياجلىق نەرسىلەر ئۈستىدە باش قاتۇرماسلىق،دىيارىمىزدا چىقىدىغان مەسلۇھاتلارنى چەتئەللەرگە يۈزلەندۈرۈش ئىشلىرى تېخى ھەقىقىي راۋاجلىنىپ بولالمىدى،پەقەت ئاز بىر قىسىم شىركەتلەرنى ھېسابقا ئالمىغاندا،بۇ كەمچىللىك،پاسسىپ ھالەتتىكى سودا رىقابىتى،سىتۇدىنتلاردىكى روھىي چۈشكۈنلىكى توغۇرلۇق بۇ مەسىللەر نۇرغۇن ئىشلارغا چېتىلغان،ئىجتىماھىي مۇھىتنىڭ بەزى سەلبىي تەسىرلىرى،نۇپۇسنىڭ شىددەت بىلەن كۆپىيىپ كېتىش قاتارلىق نۇرغۇن ئىشلارغا چېتىلغان. تېمىڭىزدا ئوتتۇرغا قۇيۇلغان ياللانما ئىشچىلارغا ئوخشاش كۆرۈپ ئىشلىتىش  بۇرۇندىن تارتىپ شەكىللەنگەن بازار رىقابىتىنىڭ ئەندىزىسى دەپ ئويلايمەن.بۇنداق قىلىشتىكى سەۋەب،خۇسۇسىي مۈلۈكتىكى شىركەتلەرنىڭ ئۆزىنىڭ كۈندىلىك ئىش تەقسىماتىغا يەتكۈزىشتىكى ئاقىلانە تاللىشى دەپ چۈشىنىش مۇمكىن.بۇ بۇرۇندىن تارتىپ شەكىللەنگەن ئادەم ئىشلىتىش ئۇسۇلى،بۇنداق ئىش ئۇزاق مەزگىل شۇنداق بۇلۇشى مۇمكىن.(لېكىن،ھەممە شىركەتلەر ئۇنداق ئەمەس)

blueleaf

	takderdax يوللىغان ۋاقتى  2012-3-24 02:55 PM مەن دەل ئوقۇش پۈتتۈرگەندىن  كىيىن ئۆيدىكىلەر قوللاپلا  ... توغرا دەيسىز ،مەنمۇ ھەرخىل ئىشلارنى كۆزدە تۇتۇپ يازغانتىم بۇ ماقالىنى.

aptap104

	ئوقۇشتىكى مەقسەت ، ھۆكىمەت ئىدارىسىدا ئىشلەش . كارخانا باشقۇرۇش كەسپىدە ئوقۇغانلارنىڭ قولىدا پۇل يوق ئىش قىلالمايۋاتسا .. ھەي

ARZUY

	مەنمۇ  شىركەتتە  ئىشلەۋاتىمەن  بىر  ئوبدان  كىتىۋاتىمەنغۇ  مانا ، كەلمىگەن  تەلەيدە  كىمنىڭ  ھەققى باتتى،

blueleaf

	مارشال يوللىغان ۋاقتى  2012-3-24 02:57 PM تېمىڭىزنى تەپسىلىي كۆرۈپ چىقتىم،تولىمۇ يۈرەكلىك ھالد ... تېما ئۈستىدە ئەتراپلىق مۇلاھىزە يۈرگۈزگىنىڭىزگە رەھمەت.مىللىي كارخانىلىرىمىز ئۇيغۇر جەمىيىتىمىزنىڭ ئىقتىسادىنى يۈكسەلدۈرۈشنىڭ ئاچقۇچى ، ئۇلار قوللاشقا موھتاج . شىركەت خىزمەتچىلىرى ،ئىش كۈتۈپ تۇرغان ئىختىساسلىق ياشلار ،ئىستىمالچىلار جۈمىلدىن جەمئىيىتىمىز ئۇلارنى قوللىشى كېرەك .مىللىي كارخانىلىرىمىز گەرچە ھازىر ئاجىز بولغىنى بىلەن ھەممەيلەن تىرىشىپ ئۇلارنى قوللىساق ،كارخانىلىرىمىزنىڭ كەلگۈسى چوقۇم پارلاق بولغۇسى .