ئۇيغۇر يىگىت تۆت يىلدا پۈتتۈرگەن ئېسىل توننى چېڭ لۇڭغا سوۋغا قىلدى

لوپنۇرى

	ئۇيغۇر يىگىت تۆت يىلدا پۈتتۈرگەن ئېسىل توننى چېڭ لۇڭغا سوۋغا قىلدى ئىلاۋە: مەن بۇ يىگىت بىلەن ئۈچ-تۆت يىلنىڭ ئالدىدا ھازىر ئىشلەۋاتقان مەكتەپتە تونۇشقان. ئۇ بىزنىڭ مەكتەپنىڭ ئاشخانىسىنى كۆتۈرە ئېلىپ بىر نەچچە يىل ئاچقان ئىدى. ئۇ مىجەزى ئۇچۇق، چىقىشقاق، ئەلتەك يىگىت بولغاچقا، شۇ ۋاقىتلاردا ئۇنىڭ بىلەن خېلىلا چىقىشىپ، ئەسرالىشىپ ئۆتكەن ئىدىم. ئۇ بىزنىڭ مەكتەپنىڭ ئاشخانىسنى ئاچقان ۋاقىتلاردا مەكتەپتىكى قىيىنچىلىقى بار ئوقۇغۇچىلارغا دائىم ياردەم بېرىدىغانلىقىنى باشقىلاردىن ئاڭلاپ، ئۇنىڭغا تېخىمۇ ھۆرمەت نەزىرى بىلەن قارايدىغان بولغان ئىدىم. كېيىن مەلۇم سەۋەبلەر تۈپەيلى ئۇ بىزنىڭ مەكتەپتىن كېتىپ قالدى. مانا كۆرۈشمىگىلى ئىككى يىلدىن ئېشىپتىكەن. بۈگۈن مەكتەپتە دېجۇرنىلىق نۆۋىتى كەپتىكەن، تاماق يەپ چىقاي دەپ مەكتەپ ئاشخانىسىغا كىرگەن ئىدىم. ئۇنىڭ بىلەن يەنە كۆرۈشۈپ قالدىم. ئىككىمىز قىزغىن سالاملىشىپ ھال-ئەھۋال سورىشىپ كەتتۇق. ئۇ ئۆزىنىڭ ھازىر تىجارەت قىلغاچ، ساخاۋەت ئىشلىرى بىلەن مەشغۇل بولىۋاتقانلىقىنى، ئالىم خالىققا ئوخشاش جۇڭگۇنى تەسىرلەندۈرگەن شەخىس بولۇش ئۈچۈن داۋاملىق تىرىشىۋاتقانلىقىنى، ئۆزى لاھىيەلەپ تىكتۈرگەن ئۇيغۇرچە توننى خەلقئارالىق كىنو چولپىنى، خەيىر-ساخاۋەتچى چېڭ لۇڭغا تەقدىم قىلغانلىقىنى ئېيتتى. ھەمدە سومكىسىدىن مۇناسىۋەتلىك سۈرەتلەرنى ۋە ئۇ ھەققىدە خەۋەر بېسىلغان گېزىتلەرنى ئېلىپ كۆرسەتتى. مەن ئۇ كۆرسەتكەن نەرسىلەرنى كۆرۈپ، ئۇنىڭ تىرىشچانلىقىغا ۋە ئۇلۇغ ئىشلارنى باشلىغانلىقىغا قايىل بولماي تۇرالمىدىم. بىز يېرىم سائەت ئەتىراپىدا پاراڭلاشقاندىن كېيىن خوشلاشتۇق. دېجورنىخانىغا ناھايىتى تېزلىكتە قايتىپ كىردىمدە، كومپىيوتىرنى ئېچىپ بەيدۇ تورىدىن ئۇ ھەقتىكى ئۇچۇرلارنى ئېزدەشكە باشلىدىم. ھەمدە بىر قىسىم ئۇچۇرلارغا ئېرىشتىم. تۆۋەندە ئۇرۈمچىدە چىقىدىغان سەھەر گېزىتىنىڭ ئۇ ھەقتە ئېلان قىلىنغان "ئۇيغۇر يىگىت تۆت يىلدا پۈتتۈرگەن ئېسىل توننى چېڭ لۇڭغا سوۋغا قىلدى"دېگەن ماقالىسىنى ھوزۇرۇڭلارغا سۇنماقچىمەن:    " چېڭلۇڭ ئاكا مېنىڭ ئۈلگەم، مەنمۇ ئۇنىڭغا ئوخشاش خەيىر-ساخاۋەت ئىشلىرىنى ئاخىرغىچە داۋاملاشتۇرىمەن....." بۇ بۇ يىل 35 ياشقا كىرگەن ئابدۇۋېلى ئۇبۇلنىڭ ئېيتقان يۈرەك سۆزى. ئۇ 11يىلدىن بېرى نۇرغۇنلىغان قىيىنچىلىقى بار ئاممىغا ئۈن-تىنسىز ياردەم قىلىپ كەلگەن. بۇ ئارىلىقتا ئۇ چېڭلۇڭنىڭ شىنجاڭغا كېلىپ خەير-ساخاۋەت ئىشلىرى بىلەن شۇغۇللانغانلىقىنى ئاڭلىغان ھەمدە بۇ ئىش ئۇنىڭ  داۋاملىق خەير-ساخاۋەت ئىشلىرى بىلەن شۇغۇللىنىش ئىرادىسىنى تېخىمۇ كۈچەيتكەن. چېڭلۇڭغا مىننەتدارلىق بىلدۈرۈش ئۈچۈن، تۆت يىلدىن ئارتۇقراق ۋاقىت سەرپ قىلىپ، چېڭلۇڭ بىر ئائىلە كىشىلىرىگە ئۈچ دانە تون تەييارلىغان. ھەمدە ئۆزى چېڭلۇڭنىڭ شاڭگاڭدىكى كىنو-فىلىم ئىشلەش مەركىزىگە ئاپرىپ بەرگەن. چېڭلۇڭغا سوۋغا قىلىنغان تون تونغا ئىشلىتىلگەن ئالتۇن ۋە قاشتېشىدىن ئىشلەنگەن تۈگمىلەر "تون" ئۇيغۇرلاردا ئۇيغۇرلاردا ھۆرمەتكە سازاۋەر كىشىلەرگە كىيدۈرۈلددىغان ئالاھىدە كىيىم، ئۇيغۇرلارنىڭ ھۆرمەتكە سازاۋەر كىشىلەرگە بېرىدىغان ئەڭ ئالىي سوۋغىتى" دېدى ئابدۇۋېلى. ئابدۇۋېلى بايىغۇلىن ئوبلاستى قاراشەھەر ناھىيەسىنىڭ دەنزىل يېزىسىدىن. ئۇ بۇ يىل 2-ئاينىڭ 26-كۈنى چېڭلۇڭنىڭ كىنو-فىلىم ئىشلەش شېركىتى ئەۋەتكەن رەھمەت خېتىنى ئېلىپ گېزىتمىزگە كەلدى. رەھمەت خېتىگە" سىز ئەكەلگەن كىيىمنى تاپشۇرۋالدىم، سىزگە كۆپ رەھمەت، بىز كىيىمنى چوقۇم چڭلۇڭ ئاكىغا يەتكۈزىمىز" دېگەن خەتلەر يېزىلغان ئىدى. چېڭلۇڭنىڭ شېركىتى ئابدۇۋېلىغا ئەۋەتكەن رەھمەت خېتى چېڭلۇڭنىڭ شىياڭگاڭدىكى كىنو فىلىم ئىشلەش شېركىتى نېمە ئۈچۈن چڭلۇڭ بىر ئائىلە كىشىلىرىگە كىيىم سوۋغا قىلىدىغانلىقى سورالغاندا، ئابدۇۋېلى  ئۆزىنىڭ كىچىگىدىنلا چڭلۇڭ كىنولىرىنىڭ مەستانىسى ئىكەنلىكىنى، 2004-يىلى ئۇ تېلېۋىزۇردىن چېڭلۇڭنىڭ شىنجاڭ ئاقسۇ، قەشقەر، خوتەن قاتارلىق جايلارغا كېلىپ بىر قاتار خەير-ساخاۋەت ئىشلىرىنى قىلغانلىقىنى كۆرگەن ھەم ئۇنىڭدىن قاتتىق تەسىرلەنگەنلىكىنى ئېيتتى. شۇنىڭ بىلەن ئۇنىڭدا شىنجاڭدىكى ھەر مىللەت ئاممىسىغا ۋاكالىتەن چڭلۇڭغا ئەھمىيەتلىك بىر سوۋغا ھەدىيە قىلىش ئويى پەيدا بولغان. شۇنىڭ بىلەن ئۇ خوتەنگە بېرىپ قاشتېشى، ئالتايغا بېرىپ ئالتۇن سېتىۋالغان. ھەمدە ئالىي دەرىجىك ئەتلەس ۋە ئۇيغۇرلارنىڭ قولدا ئىلشلىگەن ئالىي دەرىجىلىك كەشتە ماتىرىياللىرىنى سېتىۋېلىپ، تۆت يىلغا يېقىن ۋاقىت ئىچىدە كىيىمنى پۈتتۈرۈپ چىققان. بۇلتۇر 10-ئاينىڭ بېشىدا چېڭلۇڭ بىر ئائىلە كىشىلىرىگە سوۋغا قىلىندىغان قىممىتى 240 مىڭ يۇەنلىك ئۈچ دانە تون بىلەن بىر دانە دوپپىنى ئۆز قولى بىلەن پۈتتۈرگەن. بۇلتۇر 10-ئاينىڭ ئوتتۇرلىرىدا ئابدۇۋېلى شاڭگاڭغا بارغان،  ھەمدە نۇرغۇن ياخشى نىيەتلىك كىشىلەرنىڭ ياردىمىدە 11-ئاينىڭ 2-كۈنى چىڭشۈيۋەن يولى بوتاۋجىن 70- نۇمۇرلۇق قورودىن چېڭلۇڭنىڭ كىنو-فىلىم ئىشلەش شېركىتىنى تاپقان. ئەمما، چېڭلۇڭ بۇ ۋاقىتتا سىرتقا كىنو ئىشلىگىلى چىقىپ كەتكەچكە، ئۇ توننى ئۇنىڭ ۋاستىچىسىگە تاپشۇرۇپ بەرگەن. ئۇ قىلغان خەيرلىك ئىشلارنى تىلغا ئالساق، ئەمەلىيەتتە ئۇ 2001-يىلىدىن باشلاپلا  بۇ ئىشلىرىنى باشلىغان. "بۇ بىر نەچچە يىلدا قانچىلىك ئادەمگە ياردەم قىلغانلىقىمنى ئۆزۈممۇ ئېنىق بىلمەيمەن، ئېسىمگە ئالالايدىغىنىم يۈز نەچچە ئادەم، ياردەم سوممىسى 70-80 مىڭ يۇەنگە بارىدۇ" دېدى ئۇ.   بۇنىڭىدىن كېيىنكى پىلانلىرىنى سورىغىنىمىزدا ئۇ " تىرىشىپ كۆپرەك پۇل تېپىپ، داۋاملىق خەير-ساخاۋەت ئىشلىرى بىلەن شۇغۇللىنىمەن" دېدى. ئابدۇۋېلى تەڭرىتاغ تورىنىڭ زىيارىتىنى قۇبۇل قىلماقتا قوشۇمچە: ئابدۇۋېلىنىڭ قىسقىچە تەرجىمھالى:1977-يىلى بايىنغۇلىن ئوبلاستى قاراشەھەر ناھىيىسى دەنزىل بازىرىدا تۇغۇلغان.تولۇق ئوتتۇرا مەكتەپنى پۈتتۈرگەندىن كېيىن، ئاشخانا ۋە رېستۇرانلاردا ئىشلىگەن. كېيىن ئازراق پۇل يىغىپ ئۆزى ئاشخانا ئاچقان. ئۇ ئۆز يۇرتىدا "ساخاۋەتچى ئۇستام" دەپ نام ئالغان. ئۇ يەنە ئۈرۈمچى شەھەرلىك ساخاۋەتچى ئاتىلار كوللىكتىپىنىڭ ئەزاسى. ئۇنىڭغا مۇناسىۋەتلىك خەنزۇچە تور مەنبەلىرى: http://news.stnn.cc/c6/2012/0227/3790376915.html http://www.tianshannet.com.cn/news/content/2012-02/28/content_6611158.htm http://www.hljtv.com/2012/0228/124556.shtml يازمىنىڭ توردىكى مەنبەسى:http://www.lopnuri.com/?p=2077

fatima

	ئەجەپمۇ تىرىشچان ياشكەن.4-يىللىق  ئەجرىدە بەرپا بولغان توننى چىللىڭغا سوۋغا قىپتۇ.بۇروھى ئادەمنى ھەقىقەتەن سۈيۈندۈرىدۇ. ئابدىۋېلىدەك ساخاۋەتچى قېرىنداشلىرىمىز ئارىمىزدىن تېخىمۇ كۆپلەپ چىقسۇن.

tumurkala

	سەنئەت دىگەن ئاجايىپ نىمىدە،دۇنياغا داڭلىق رەسىم مۇنالىزانىمۇ داۋىنچى ئو نەچچە يىل ۋاقىت سەرپ قىلىپ سىزغانىكەن،بۇنداق ئىشلاردا سەۋر-تاقەت ۋە كەسىپكە بولغان قىزغىنلىق بولمىغاندا كىشى كۆزلىگەن مەقسىتىگە يىتەلمەيدۇ!

ئۆل

	شۇ پۇللارىنى خەيىر -ساخاۋەت ئىشىلىرغا داۋاملىق ئىشلەتكەن بولسچۇ ...

0999nazuk

	ھەقىقەتەن ئىسىل روھ. ئۈگىنىشكە تىگىشلىك ئىشلار.....ئاللا ئۇنىڭ ئەجرىنى بەرسۇن، تۇت يىلدا پۈتكەن توننى بەكمۇ كۆرگۈم كىلىۋاتىدۇ ئەمەلىيەتتە.........

doppamkok

	240 مىڭ  يۇەن ،  بۇ  پۇلغا  خېلى  ئىشلارنى  قىلغىلى  بۇلاتتىدە

atux-0908

	ئاشۇ توننى كىيىپ بىر كىنو ئىشلىسە  ھاردۇقى  چىقاتتى  دە ، بۇ  ئاكىمىزنىڭ.  ۋاي  كىم  لاھىيلىگەن كىيىم بۇ دەپ  مۇخبىرلار ئۇرىۋالسا. شىنجاڭلىق  بىر قېرىندىشىم  سوۋغا قىلغان دىسە....مىللەتلەر ئىتىپاقلىقىنى  سۈيۈشتىكى ئىلغار شەخىس دەپ  باھالانسا......  ۋاي -  ۋۇي  نىمە  دىگەن  ياخشى  ئىشلار بۇ  ھە........

nawa

	مۇمكىن بولسا مۇشۇ بالىنى بولسىمۇ تىللاپ راسۋا قىلمايلى جۇما تورداشلار-ھە؟ ئالدىن دەۋالاي. مەنمۇ ئۆز قاراشلىرىمىنى بايان قىلىپ باقاي: 1. بۇ بالا چېڭ ئەپەندىنىڭ كىنولىرىغا مەستانىكەن، ھەمدە ئۇنىڭ خەير - ساخاۋەت ئىشلىرىغا قارىتا كۆز قارىشى بىردەككەن، شۇڭا بۇنى توغرا چۈشىنىشكە بولىدۇ. 2. ئىككى يۈز قىرىق مىڭ يۈەن( 240مىڭ يۈەن) ، ئوتتۇز بەش ياشلارچامىسىدىكى بىر ئەركەك ئۈچۈن ئىلىپ ئېيتقاندا، خىلى باش قاتۇرۇش ۋە جاپا مۇشەققەتتە قولغا كىلىدىغان ئىقتىساد. بۇ يىگىتكە شۇنى تەۋسىيە قىلىمەنكى : دۇنيا ۋە ئاخىرەتتىكى مۇكاپاتقا ئېرىشىشنى ئويلىسىڭىز ، مۇسۇلمان ئۇيغۇرلارغا قىلىۋاتقان خەير - ساخاۋەت ئىشلىرىڭىزنىڭ سالمىقىنى تېخىمۇ زورايتىپ، بېشىغا كۈن چۈشكەن قېرىنداشلىرىمىزنىڭ ئېغىرچىلىقنى يەڭگىللەتسىڭىز، ئىنشائاللاھ ، ئاخىرەتتە ئاللاتەئالا سىزنىڭ ھەم ئىشلىرىڭىزنى ئاسانلاشتۇرغۇسى. ئاللاھتەئەلا قۇرئان كەرىم ( سۈرە بەقەرە 265.ئايەت ) دە مۇنداق دەيدۇ :

蓝狼331

	بۇ مۇ بىر ناھايىتى ياخشى بىر باشلىنىش بوپتۇ ، چېڭلوڭ بۇ توننى قولغا ئالغاندىن كېيىن تەسىرلىنىپ بەلكىم تېخمۇ بەكرەك ياخشى ئىشلارنى قىلغۇسى كېلىدۇ ھەقاچان  ،    ئىشقىلىپ دۇنيا مېھىر- مۇھەببەت بىلەن گۈزەل .  ياخشى ئىش ياخشى پەزىلەت ھەر ۋاقىت بىزنى باغلاپ تۇرغۇسى .

XERHAN

	ۋاي ۋۇي ، مىىنڭ تۆت يىلدا پۈتكەن ئۇ توننى كىيگىم كەلمىدى . ئەمما ئاۋۇ تۈگمىلىرىنى چاپىنىمغا قادىۋالغان بولسام دىدىم دە