بېيجىڭدىكى نورۇز تەنتەنىسىگە ئىشتراك قىلىڭ!

chopan

	پايتەختتە 2012-يىللىق نەۋرۇز تەنتەنىسى (دەسلەپكى خەۋەر)       پايتەخىتتە نەۋرۇز 26 يىلدىن بۇيان مەركىزىي مىللەتلەر ئۇنىۋېرستېتى ئوقۇغۇچى ـ ئوقۇتقۇچىلىرىنى ئاساس قىلىپ پايتەخىتتە خىزمەت قىلىۋاتقان دوستلار بىلەن بىرلىكتە تۈركىي مىللەتلەرنىڭ ئەنئەنىۋىي بايرىمى بولغان نەۋرۇزنى قۇتلۇقلاش ئۈچۈن ئۆتكۈزۈلىدىغان چوڭ كۆلەملىك پائالىيىتىنى كۆرسىتىدىغان بولۇپ، ھەر يىلى مەركىزىي مىللەتلەر ئۇنىۋېرستېتىدا ئۆتكۈزىلىدۇ. ئۇيغۇرلاردىن باشقا يەنە، قازاق، قىرغىز، ئۆزبەك قاتارلىق تۈركىي تىللىق دوستلارمۇ تەبرىكلەش پائالىيىتىگە ئىشتىراك قىلىدۇ.     بۇ يىلقى 26-قېتىملىق نەۋرۇز بايرىمىنى تەبرىكلەش پائالىيىتى مەكتەپلەردە دەرس ئوقۇلىدىغان مەزگىلگە توغرا كېلىپ قالغانلىقى ئۈچۈن تۆت كۈن كەينىگە سۈرىلىپ، 2012-يىلى 3-ئاينىڭ 25-كۈنى (يەكشەنبە) مەركىزىي مىللەتلەر ئۇنىۋېرستېتىدا داغدۇغىلىق ئېلىپ بېرىلىدۇ.      مەركىزىي مىللەتلەر ئۇنىۋېرستېتىدا ئۆتكۈزىلىدىغان «نەۋرۇز بايرىمى»نى تەبرىكلەش پائالىيىتىنىڭ تەييارلىق خىزمەتلىرى نۇمۇر تاللاش قاتارلىق باسقۇچلارنى بېسىپ ئۆتۈپ رەپىتىسىيە باسقۇچىغا كىردى. بۇ قېتىمقى پائالىيەت ئىككى بۆلەك بويىچە ئېلىپ بېرىلىدۇ. بىرىنچى بۆلەكتىكى پائالىيەت شۇ كۈنى بېيجىڭ ۋاقتى 13:00 دە مۇراسىم زالى سىرتىدا،  مەركىزىي مىللەتلەر ئۇنىۋېرستېتى ئۇيغۇر تىل ـ ئەدەبىيات فاكۇلتېتى ۋە تەييارلىق مائارىپ ئىنىستىتوتىدىن تەشكىللەنگەن يىگىتلەرنىڭ مەردانە ساماسى بىلەن باشلىنىدۇ، سامادىن كېيىن نەۋرۇزغا ئاتاپ مول ـ مەزمۇنلۇق نەۋرۇز مەدھىيەلىرى ئوقۇلىدۇ، مەشرەپ ۋە تۈرلۈك تەنتەربىيە پائالىيەتلىرى ئېلىپ بېرىلىدۇ. ئىككىنچى بۆلەكتىكى چوڭ كۆلەملىك سەنئەت پائالىيىتى 15:00 دە مۇراسىم زالى ئىچىدە باشلىنىپ، مەركىزىي مىللەتلەر ئۇنىۋېرستېتى ئوقۇغۇچىلىرىنى ئاساس قىلغان ھالدا ھەر قايسى ئىچكىرى ئۆلكىلەردىن كەلگەن دوستلارنىڭ سەرخىل نۇمۇرلىرى نەۋرۇز ئەھلىگە سۇنىلىدۇ. خاسىيەتلىك توي بۈگۈن بېيجىڭدا نەۋرۇز شاتلىقى، نۇر چېچىپ ئەۋلادتقا ئىز قالغاي مىراسى ئەجدادلىقى، كەلدى نەۋرۇز، كۈلدى دېھقان بارچە دىللار يايرىدى، باغ ئارا بوستان ئارا بۇلبۇل خەندان سايرىدى.                         ئېھتىرام بىلەن شەۋقىي تورى مۇخبىرلىرى:                                                                   كەرىمە قۇربان (دوست)                                                                   راھىلەم تۇرسۇن (ئەلىف) خەۋرى مەنبە: http://www.shewqiy.com/thread-1104-1-1.html

gulbar5

	بېيجىڭدىكى  نەۋرۇزلۇق  سەنئەت  كىچىلكىنىڭ  مۇۋاپىقيەتلىك  ئوتشىگە  تىلەكداشمەن،

سەۋېر

	نەخ دەم ئېلىش كۈنى . لىكىنزە بارسام زالغا كىرگىلى قويامۇ؟ ئالدىنقى يىلدىكىدەك بېلەت بىلەن كېرىدىغان ئىش بولسا ، بارمايلا قوياي ....

tabhakiyik

	يىقىن بولغان بولسىغو باراتتۇق لىكىنزە.................................

subhinur

	مىنىڭمۇ شۇنداق بارغۇم كەلدى،لىكىنزە.....

iltebir

	ئەجەپ ياخشى خەۋەركەن بۇ . ئاستانىدا بولغاچقا، بۇ پائالىيەتكە قاتنىشالىغىدەكمەن. باشقا دوستلارغىمۇ خەۋەر قىلىپ قۇيايچۇ!بىرلىكتە جۆر بۇلايلى.

52arslan

	سەۋېر يوللىغان ۋاقتى  2012-3-23 08:36 PM نەخ دەم ئېلىش كۈنى . لىكىنزە بارسام زالغا كىرگىلى قويام ... يەنە بىلەت بىلەن كىرىدىغان گەپ ، بېرىڭ سەۋرى ، ئەركىن كىلىدۇ ، مىنىمۇ كۆرۈپ قالارسىز باھانىدە (چاق چاق )

52arslan

	ماۋۇسى ئۆتكەن يىلقى مۇشۇ نەۋرۇزلۇق  پائالىيەتتىن بىر بۆلەك ، كەمىنە ئارسلاننى تاپالايدىغانلار بارمۇ

XERHAN

	ئۆتكەن يىلىدىكىسىمۇ شۇنداق ياخشى بوپتىكەن . بۇ يىلقىنىسىڭىمۇ ياخشى بولىشىغا تىلەكداشمەن .. بېيجىڭدىكى قېرىنداشلىرىمغا سالامەتلىك ، ئىشلىرىغا ئاسايىشلىق تىلەيمەن .

XERHAN

	52arslan يوللىغان ۋاقتى  2012-3-23 10:20 PM ماۋۇسى ئۆتكەن يىلقى مۇشۇ نەۋرۇزلۇق  پائالىيەتتىن بىر ب ... تىيەنجىن سانائەت پەنلىرى ئىنىستىتوتىدا ئوقىيامسىز ؟..... بوستان چاچنى ئوقىغىنى سىزغۇ دەيمەن .