جانابى ئاللاھ نىڭ ھۈكۈمىدە قانداق ئادەملەر زالىملاردۇر .

arzuumut

	ئەسسىلامۇ ئەلەيكۇم : ناھايىتى شەپقەتلىك ۋە مېھرىبان ئاللاھ نىڭ نامى بىلەن باشلايمەن . جانابى  ئاللاھ  ھەق دىن باراسىدا  مۇسۇلمانلار بىلەن سۇقۇشقان ،ئۇلارنى يۇرتلىردىن ھەيدەپ چىقارغان ، ھەمدە شۇنداق قىلغانلارغا ياردەملەشكەنلەرنىڭ زالىملاردىن بۇلىدىغانلىقىغا  بىشارەت بىرىپ مۇنداق دىگەن:يەنى[ئاللاھ  دىن ئۈچۈن سىلەر بىلەن ئۇرۇشقان، سىلەرنى يۇرتۇڭلاردىن ھەيدەپ چىقارغان ۋە سىلەرنى ھەيدەپ چىقىرىشقا ياردەملەشكەنلەرنى دوست تۇتىشىڭلاردىن سىلەرنى توسىدۇ، كىمكى ئۇلارنى دوست تۇتىدىكەن، ئۇلار زالىملاردۇر]60-9-ئايەت. يەنى [ئى مۆمىنلەر! بىر قەۋم يەنە بىر قەۋمنى (يەنى بىر جامائە يەنە بىر جامائەنى، بىر ئادەم يەنە بىر ئادەمنى) مەسخىرە قىلمىسۇن، مەسخىرە قىلىنغان قەۋم (ئاللاھ  نىڭ نەزىرىدە) مەسخىرە قىلغۇچى قەۋمدىن ياخشىراق بولۇشى مۇمكىن، سىلەرنىڭ ئاراڭلاردىكى ئاياللارمۇ ئۆزئارا مەسخىرە قىلىشمىسۇن، مەسخىرە قىلىنغۇچى ئاياللار(ئاللاھ  نىڭ دەرگاھىدا) مەسخىرە قىلغۇچى ئاياللاردىن ياخشىراق بولۇشى مۈمكىن، بىر- بىرىڭلارنى ئەيىبلىمەڭلار، بىر- بىرىڭلارنى يامان لەقەم بىلەن چاقىرماڭلار، ئىماندىن كېيىن پىسقى بىلەن ئاتاش (يەنى مۆمىننى پاسىق) دەپ ئاتاش نېمىدېگەن يامان! (مۇنداق نەھيى قىلىنغان ئىشلاردىن) تەۋبە قىلمىغانلار زالىملاردۇر]49-11-ئايەت. دىمەك ئىنسانلار ئاللاھ نىڭ يۇقارقىدەك ھەق ھۈكۈملىرى  بۇيىچە نەھيى قىلىنغان ئىشلاردىن تۇسۇلۇپ تەۋبە قىلمىغانلار زالىملاردىن بۇلۇپ ، گەرچە  ئۇلارغا ئاللاھ نىڭ رۇشەن ئايەتلىرى دەلىللىنىپ بىرىلسىمۇ ،ئۇلار ئۇنىڭغا ئىشەنمىگەن (يەنى ھەققە ئىمان كەلدۈرۈشتىن گەدەنكەشلىك قىلىپ، ھەقتىن  يۈز ئۆرىپ ). جانابى ئاللاھ قۇرئان كەرىمدە بايان قىلمىغان ، ئەمما  ئىنسانلار تەرىپىدىن رىۋايەت قىلنىپ  كىلىۋاتقان ، دىمەك ئىسلام قانۇنىدا يوق نەرسىلەرگە ئېسلىۋېلىپ. ئاللاھ  نامىدىن يالغاننى تۇقۇغۇچىلارنىڭ زالىملاردىن بۇلىدىغانلىقىنى بايان قىلىپ جانابى ئاللاھ قۇرئان كەرىمدە يەنى  مۇنداق دىگەن : يەنى[شۇنىڭدىن كېيىن (يەنى روشەن دەلىل مەيدانغا كەلگەندىن كىيىن)، كىمكى ئاللاھ نامىدىن يالغاننى توقۇيدىكەن، ئۇلار زالىملادۇر]3-94-ئايەت. دىمەك ئاللاھ بەندىلىرگە رەھىمدىللىقى ھەم ئادىللىقى شۇنداقلا ھىكمەت بىلەن ئىش قىلىدىغان پەزىل ئىگىسى بۇلۇش سۈپۈتى بىلەن  ئىنسانلارنى ھەق ھۇقۇقلارغا ئىگە قىلىش بىلەن بىرگە ، ئاللاھ نامىدىن يالغاننى تۇقۇپ ، ھەر قانداق  ئىشقا ئاللاھ نازىل قىلغان ئايەتلەر بۇيىچە ھۈكۈم قىلمىغانلارنىڭ زالىملاردىن ئىكەنلىكىگە بىشارەت بىرىپ قۇرئان كەرىمدە  مۇنداق دىگەن: يەنى[ئۇلار (يەنى ئىسرائىل ئەۋلادى) غا تەۋراتتا شۇنداق بەلگىلىدۇقكى، جانغا جان (يەنى ناھەق ئادەم ئۆلتۈرگەن ئۆلتۈرۈلىدۇ)، كۆزگە كۆز(يەنى كىشىنىڭ كۆزىنى ناھەق قۇيىۋەتكەن ئادەمنىڭ كۆزى قۇيۇۋېتىلىدۇ)، بۇرۇنغا بۇرۇن (يەنى كىشىنىڭ بۇرنىنى ناھەق كەسكەننىڭ بۇرنى كېسىلىدۇ)، قۇلاققا قۇلاق (يەنى كىشىنىڭ قۇلىقىنى ناھەق كەسكەننىڭ قۇلىقى كېسىلىدۇ)، چىشقا چىش (يەنى كىشىنىڭ چىشىنى ناھەق تۆككەننىڭ چىشى تۆكۈلىدۇ) ۋە (كىشىنى) قانداق يارىدار قىلغان بولسا شۇنداق يارىدار قىلىنىش بىلەن قىساس ئېلىنىدۇ، كىمكى (جىنايەتچىنى) ئەپۇ قىلسا (يەنى ئۇنىڭدىن قىساس ئالمىسا) بۇ ئۇنىڭ (گۇناھى)غا كەففارەت بولىدۇ،ئاللاھ نازىل قىلغان ئايەتلەر بويىچە ھۆكۈم قىلمايدىغان كىشىلەر زالىملاردۇر ]5-45-ئايەت. يۇقارقى  ئاللاھ نىڭ ھەق سۆزلىردىن شۇ ھەقىيقەتلەرنى  (يەنى بىراۋ سىزگە چېقىلسا چېقىلىش ، چېقىلمىسا چېقىلماسلىق سىزگە قانچىلىك چېقىلسا سىزمۇ شۇنچىلىك چېقىلىش ، ئاشۇر ۋەتمەسلىك . گەرچە  سىز چىقىلغانلاردىن ئىنتىقام ئېلىشقا  ھۇقۇقلۇق تۇرۇپمۇ ئۇلاردىن ئىنتىقام ئالماستىن . بەلكى ئۇلارنى ئەپۇ قىلىۋەتسىڭىز سىزنىڭ گۇناھىڭىزغا كەففارەت بۇلىدىغانلىقىدىن ئىبارەت ھەقىيقەتلەرنى ) بىلىۋالدۇقكى ، بىز شۇ ھەقىيقەتلەر بۇيىچە ئىش ئېلىپ بارمايدىكەنمىز ، شەكشۆبھىسىزكى بىز زالىملاردىن  بۇلۇپ قالىمىز . يەنى ئاللاھ  مۆمىن بەندىلىرگە تەۋسىيە قىلىپ مۇنداق دىگەن : يەنى[ئى مۆمىنلەر! ئەگەر ئاتىلىرىڭلار، قېرىندىشىڭلار ئىمانىدىن كۇفرىنى ئارتۇق كۆرسە (كۇفرىدا مەھكەم تۇرسا)، ئۇلارنى دوست تۇتماڭلار. ئىچىڭلاردىكى كىملەركى، ئۇلارنى دوست تۇتىدىكەن، ئۇلار زالىملاردۇر(يەنى ئۇلارغا ئوخشاش مۇشرىكتۇر، چۇنكى مۇشرىكلىككە رازى بولغان ئادەممۇ مۇشرىك ھېسابلىنىدۇ]9-23-ئايەت. ئى ئىنسانلار !  بىز مۆمىنلەردىن بۇلىمىز دەيدىكەنمىز ئاللاھ نىڭ يۇقارقىدەك ھەق  تەۋسىيەلىرنى قۇبۇل قىلىپ ، ھەقتىن يۈز ئۆرىپ  كۇفۇردا مەھكام تۇرغانلار  ، ئۇلار گەرچە  بىزنىڭ ئاتا - ئانىلىرىمىز ۋە ياكى بىر تۇققان قېرىنداشلىرىمىز بولغان تەغدىردىمۇ ئۇلارنى دوس تۇتماسلىقىمىز كىرەك ! ئىسىمىزدە بولسۇنكى ، ئۇلارنى دوس تۇتۇپ نەتىيجىدە بىزمۇ مۇشۇرىكلىككە ھامىي بۇلۇپ . ئۇلارنىڭ  قاتارىدا زالىملاردىن  بۇلۇپ قالمايلى ! دىمەك بىز  ئاللاھ ۋە رەسۇلۇللاھنىڭ ھىكۈمىدىن باش تارتىپ زالىملاردىن بۇلۇپ قالماسلىقىمىز ئۈچۈن ، ئاللاھ غا ۋە پەيغەمبىرىمىزنىڭ ئىتائىتىگە مۇخالىپەتچىلىك قىلىشتىن ھەزەر ئەيلەيلى ! بۇ ھەقتە ئاللاھ مۇنداق دىگەن : يەنى[ئۇلارنىڭ دىللىرىدا (مۇناپىقلىق) ئىللىتى بارمۇ؟ يا (مۇھەممەد ئەلەيھىسالامنىڭ پەيغەمبەرلىكىدىن) گۇمانلىنامدۇ؟ يا ئاللاھ نىڭ ۋە ئۇنىڭ پەيغەمبىرىنىڭ ئۇلارغا ئادىل بولماسلىقىدىن قورقامدۇ؟ ياق، ئۇلار (رەسۇلۇللانىڭ ھۆكمىدىن باش تارتقانلىقلىرى ئۈچۈن) زالىمدۇر]24-50-ئايەت. دىمەك قۇرئان كەرىمدە ئاللاھ نىڭ يۇقارقىدەك ھەق سۆزلىرى بايان قىلىنغان تۇرسا ؛ بىراق ئىنسانلارنىڭ تۇلىسى ئۇنى پىكىر قىلماستىن ، ئۇنىڭ ھەقىيقىتىگە تېخى يىتەلمەي تۇرۇپ ئۇنى ئىنكار قىلىشىۋاتىدۇ . دىمەك ئۇلار ئېغىزلىردا قۇرئانغا ئىمان كەلدۈرۈمىز،  پەيغەمبەرلەرگە ئەگىشىمىز دەيدۇيۇ ئەمەلىدە ئۇنداق قىلالمايدۇ . يەنى[ئۇنداق ئەمەس، ئۇلار قۇرئاننىڭ مەنىسىنى تولۇق چۈشەنمەي ۋە ھەقىقىتىگە تېخى ئەقلى يەتمەي تۇرۇپ ئۇنى ئىنكار قىلىشتى. ئۇلاردىن بۇرۇن ئۆتكەن ئۈممەتلەرمۇ (ئۆزلىرىنىڭ پەيغەمبەرلىرىنى) مۇشۇلارغا ئوخشاش يالغانغا چىقارغان ئىدى. زالىملارنىڭ ئاقىۋىتىنىڭ قانداق بولغانلىقىغا قاراپ باققىن]10-39-ئايەت. دىمەك بىزدىن  بۇرۇنقىلارمۇ شۇنداق  ئاللاھ نىڭ ئەلچىلىرىگە ئىشەنمەي  ئۇلارنى يالغانغا  چىقارغان ئىدى . ئەمدىلىكتە ھازىرقىلارنىڭ  بۇلاردىن نىمە پەرقى قالدى . ئىسىڭلاردا بولسۇنكى  ئاللاھ  زالىم ئەمەس . زالىم قەۋمىنى دوسمۇ تۇتمايدۇ . دىمەك ئاللاھ  ئۆزىنىڭ قانۇن پىرىنسىپلىردىن ھالقىپ كىتىپ ، ئۆزىگە ئۆزى زۇلۇم قىلىپ زالىملاردىن بولغۇچىلارنىمۇ ئوبدانلا بىلگۈچىدۇر . غالىپتۇر ، (يەنى ئۆزىگە ئاسىيلىق قىلغۇچىلاردىن ھىساپ ئالماي قالمايدۇ ). ھېكمەت بىلەن ئىش قىلغۇچىدۇر (يەنى گۇناھكارلارنىڭ گۇناھى قانچىلىق بولسا شۇنچىلىق جازا بەرگۈچىدۇر) . دىمەك جانابى ئاللاھ ئادالەتپەرۋەرلىك سۈپۈتى بىلەن بىراۋنىڭ قىلغان گۇناھى ئۈچۈن بىراۋنى جازالىمايدۇ . دىمەك بىراۋنىڭ گۇناھىغا بىراۋنى جاۋاپكارمۇ قىلمايدۇ .  يەنى رىئاللىقتىن  ئالىدىغان بولساقمۇ قۇيمۇ ئۆزىنىڭ پېيىغا ئۆزى ئېسلىدۇ . دىمەك ئوتنى كىم تۇتسا شۇنىڭ قۇلى كۆيىدۇ . يەنى  ئاللاھ دىللاردىكى سىرلارنى ھەم ئۇلارنىڭ بۇزغۇنچىلىقلىرنى  ئوبدانلا بىلگۈچىدۇركى ، ئىنسانلار  قانچىلىك گۇناھ قىلسا ئاشۇرۋەتمەستىن ۋە ياكى كەمىيتىۋەتمەستىن ، دىمەك قانچىلىك بولسا شۇنچىلىك جازاغا تارتىدۇ . يەنى[ئۇلارنىڭ ئىچىدە قۇرئانغا ئىشىنىدىغانلا بار، ئىشەنمەيدىغانلارمۇ بار، پەرۋەردىگارىڭ بۇزغۇنچىلارنى ئوبدان بىلىدۇ]40-ئايەت. يەنى[ئەگەر ئۇلار سېنى يالغانچى قىلىشتا چىڭ تۇرسا: «مېنىڭ ئەمەلىم ئۆزەم ئۈچۈندۇر، سىلەرنىڭ ئەمەلىڭلارمۇ ئۆزەڭلار ئۈچۈندۇر، مېنىڭ ئەمىلىمدىن سىلەر ئادا- جۇدا سىلەر، سىلەرنىڭ قىلمىشىڭلاردىن مەنمۇ ئادا جۇدامەن (يەنى بىراۋ يەنە بىر بىراۋنىڭ قىلغان گۇناھىغا جاۋابكار ئەمەس)» دېگىن]41-ئايەت. دىمەك ھەي ئىنسانلار ! ئاللاھ نىڭ ئەلچىلىرى (يەنى ھەققە دەۋەت قىلغۇچىلار ) سىلەرنى ھەققە دەۋەت قىلىۋاتسا ئەمدى ئۇنداق ئاللاھ نامىدىن يالغاننى سۆزلەپ ، پەيغەمبىرىمىزنىمۇ يالغانغا چىقىرىشتا چىڭ تۇرمايلى ! ئەگەردە يەنى چىڭ تۇرۋالساق بىز زالىملاردىن بۇلۇپ قالىمىز . دىمەك ھەممىمىزنىڭ دىنى ئۆزۈمۈز ئۈچۈندۇر . ئاپتۇر : قۇرئان كەرىمگە ئاساسلىنىپ ئۆز ئىلھامىمدىن يېزىلدى .

cilassik

	ياخشى بوپتۇ .ئاللا ھەممىمىزگە ھىدايەت ئاتا قىلسۇن.

galwang

	بەك ياخشى تىما بوپتۇ ئاللا رەھمەت قىلسۇن

cholpan

	ئاللاھ رەھمەت قىلسۇن،ئامىن

OMAKPARIXTA

	تىما ئىگىسىگە تەشەكۈر ! بارلىق مۇسۇلمان قىرىنداشلىرىمنىڭ كۆڭلىگە ئۇلۇغ ئاللا ھ دىن ئىنساپ تىلەيمەن!

arkin.jan

	بەك ياخشى تىمايوللاپ سىز اللاھ رەخمەت قىلسۇن.

abdulahad

	ئاللاھ رەھمەت قىلسۇن

esil521

	زالىملارنىڭ ساناپ تۇگەتكۇسىز ئىكەنلىكىنى تونۇپ يەتتىم .

nur8455

	ئەھمىيەتلىك تىما يوللاپسىز رەھمەت سىزگە قېرىندىشىم .ئاللا سىزگە ھىدايەت ئاتا قىلسۇن.

faruk063

	زۇلۇمنىڭ ئەڭ چوڭى، زالىمنىڭ ئەڭ كاتتىسى ئاللاھقا شىرىك كەلتۈرۈش. چۈنكى، ئاللاھ تەئالا قۇرئاندا شۇنداق دەيدۇ:  شىرىك كەلتۈرۈش ھەقىقەتەن ئەڭ چوڭ زۇلۇمدۇر. سۈرە لوقمان 13 - ئايەت