نورۇزنامە

azgun110

	نۇرۇز تاڭ ساباسى سىيپاپ، پەپىلەپ، ئېلىپ كەلدى باھار ھىدىنى. ياساندۇرۇپ گۈلدەك ئۇزغىنا، باشلاپ كەلدى نورۇز قىزىنى. مانا بۈگۈن مەكتەپتە نورۇز، ياڭرىماقتا نورۇز ناۋاسى. نورۇز ئېشى ئىچىمىز تېخى، ئۇ چاڭقىغان قەلىب داۋاسى. مانا بۈگۈن يېزامدا نورۇز، دېھقان دادام ئاتلاندى قوشقا. ئېتىزلاردا «ھۇش- تاپ» ئاۋازى، ئالدىرايدۇ ئاناممۇ ئىشقا. قىزىپ كەتتى كەنىت دوقمۇشى، چېلىشماقتا پالۋان ئاكاممۇ. ئوغلاق تارتىپ كەلمەكتە ئەنە، شاپ بۇرۇتلۇق تەمبەل تاغاممۇ. شەھەردىمۇ قىزىيدۇ نورۇز، شوخ ئوماقلار ئەنە باغچىدا. ياشانغانلار ئاتلاندى توپ- توپ، شەھەر سىرتى كۇكۇلمەيدانغا. مانا قاراڭ قەلبىمدە نورۇز، قوزغىماقتا يېڭى ھاياجان. گۈلگە پۈركەش ئەھدىمدۇر مېنىڭ، ۋەتەن ماڭا ئانا جانىجان. مەنبە: ئۆز قەلىمىم

wisalay

	مەرھابا نەۋرۇز.بۈگۈن نەۋرۇز ئۆتكۈزمىگەن بولساممۇ،كۆپ دوسلىرىم نەۋرۇزنامە ئەۋەتىپتۇ( ئۇچۇر ئارقىلىق).ھەم ئازغۇننىڭ يازغان بۇ نەۋرۇزنامىسىنى ئوقۇپ شۇ يىزا قىشلاقلارغا بارغاندەك بوپ قالدىم.راستىنى دىسەم ئۆمرۈمدە بىرەر قىتىممۇ مۇشۇنداق پائالىيەتلەرگە قاتنىشىپ باقماپتىمەن.لىكىن ئارزۇلىرىم ئىچىدە بۇمۇ بار.

mashrab

	باھارىمنىڭ تۇنجى كۈنى، ئەتىيازىم نەۋرۇزۇم ئەھلى ئەجەم ئايىمىسەن، ئەتىۋارىم نەۋرۇزۇم ئاتا-بوۋام ئايەم قىلغان كۆكات كۆكلەپ كۈلگەندە جىلمىيىپ سەندە زەرەپشان،كۈلدى تارىم نەۋرۇزۇم ئات مىنىپ،تونلار كىيىپ،چاپقان كۈنى بەيگە تامان ئوغلاقنى ژۇل!كۆڭلۈمنى ئال!دەيدۇ يارىم نەۋرۇزۇم كۆك دىدىم، نەۋرۇز دىدىم،مەشرەپ دىدىم گاھى يەنە كۆيدۈرۈپ ياغلىقاپاق،خەتمەزارىم نەۋرۇزۇم ئايىمى يوقلار سىنى بىدئەت دىدى،مەكرۇ دىدى تەڭرى بەرگەن ئايىمىمسەن،لالىزارىم نەۋرۇزۇم مەشرەبا سالما قۇلاق،خام-خاتلىلارنىڭ "ھۈ"سىگە ئاڭامەكرۇھ بولسىمۇ،ماڭا ھالالىم نەۋرۇزۇم 2012-يىلى نەۋرۇز ھارپىسى

larzan

	نۇرۇزدا بەزمە -مەشرەپ،مۇشائىرە -قوشاقلار قايناپ كىتەتتى،ماۋۇ بىزنىڭ شائىرلار قاياقلارغا ھېيتلاپ كەتتكىنە؟ مۇشائىرە قىزىپ كەتتى دىسەم تېخى مۇنبەردە.

OMAKPARIXTA

	تىما ئىگىسىگە كۆپ تەشەككۈر ! مىنىڭمۇ مۇشۇنداق بىر نەۋررۇز نى كۆرۈپ باققۇم بار ئەپسۇس تىخى بىرە قىتىممۇ كۆرۈپ باقمىدىم ! بۇ شىئىرنىڭ تىلى يىنىك بەك چۈشىنىشلىك چىقىپتۇ !