تورداشلارغا نورۇزلۇق - ئەلداۋا ساغلاملىق ئېكرانى

Eldawa

	ئەسسالامۇ ئەلەيكۇم، تورداشلار! ئالدى بىلەن بارلىق تورداشلارنىڭ نورۇز بايرىمىنى بارچە گۈزەل تىلەكلەر بىلەن قىزغىن قۇتلۇقلايمىز، ھەممەيلەننىڭ نورۇز بايرىمىغا مۇبارەك بولسۇن! «ئەلداۋا ساغلاملىق ئېكرانى» پروگراممىسىنى نورۇز پەيتىدە تورداشلار ھوزۇرىغا سۇنىدىغانلىقىمىز ھەققىدە تور، رادىئو-تېلېۋىزىيە قاتارلىق تاراتقۇلاردا كۆپ قېتىم ۋەدە بەرگەن ئىدۇق. بۈگۈن مانا شۇ قۇتلۇق مىنۇتلاردا «ئەلداۋا ساغلاملىق ئېكرانى» پروگراممىسىنىڭ تۇنجى سانىنى تورداشلارنىڭ ھوزۇرىغا نورۇزلۇق سۈپىتىدە سۇندۇق. (بالىلار كېسەللىكلىرى مۇتەخەسسىسى رەنا مۇھەممەد دوكتور ۋە رىياسەتچى مەۋلان ئەبەيدۇللاھ) شارائىتنىڭ چەكلىك، تەجرىبىمىزنىڭ كەمچىل بولۇشى تۈپەيلى تورداشلار بىزدىن كۈتكەن ئۈنۈم ۋە سۈپەتكە يېتەلمىگەن بولۇشىمىز مۇمكىن. ئەمما، بىز بۇندىن كېيىن تەجرىبىلەرنى ئەستايىدىل يەكۈنلەپ، شارائىتىمىزنى پەيدىنپەي ياخشىلاپ، «ئەلداۋا ساغلاملىق ئېكرانى» نى ساغلاملىق سۆيەر تورداشلارنىڭ ھەقىقى سىرداش دوستى بولۇشقا يارايدىغان، مۇنەۋۋەر تور ئىكرانى پروگراممىسى قىلىپ ئىشلەپ چىقىشقا تىرىشىمىز! سىزنىڭ قوللىشىڭىز، رېغبىتىڭىز، تەكلىپ-تەنقىدلىرىڭىز بىز ئۈچۈن تولىمۇ قىممەتلىك، ئەلۋەتتە. ماقالە مەنبەسى: http://www.eldawa.com ماقالە ئادرېسى: http://news.eldawa.com/quick/2012/0321/2057.html

kizzik99

	رەنا ھەدىمىز ئۇيغۇر تىلىغا سەل ھۇدۇقۇپ قالامدۇ نېمە؟ مېنىڭ سوئالىمنى شاللىۋېتىپسىلەرغۇ؟