مىزاج ۋە خارەكتىر

zulayha

	مىزاج ۋە خارەكتىر 1. سەپرا مىجەزلىكلەرنىڭ خاراكتېرى: جۇشقۇن كەيپىياتلىق كېلىدۇ، كەيپىياتىنىڭ پەيدا بولۇشى تېز ھەم كۈچلۈك بولىدۇ، ئوچۇق - يورۇق، تۈز كۆڭۈل، قىزغىن، شىجائەتلىك،كەسكىن كېلىدۇ. كەيپىياتنىڭ تاشقى ئىپادىسى روشەن، ئىنكاسى تېز، لېكىن جانسىز كېلىدۇ، بۇ خىل تىپتىكىلەر يەنە كەسىپكە بېرىلىپ قىزغىن ئىشلەيدۇ، كۈچ - قۇۋۋىتى ئۇرغۇپ تۇرىدۇ، قىيىنچىلىقىنى يېڭىپ، ئۆگىنىش ۋە خىزمەتنى ئاداققىچە داۋاملاشتۇرىدۇ، سۆز - ھەرىكىتى چۇس، ئاسانلىقچە ئۆزىنى تۇتۇۋالالمايدۇ، ئالدىرڭغۇ، چىقىلغاق كېلىدۇ. ئىچكى ھالىتى سىرتقا ئاسان بىلىنىپ قالىدۇ، ئاسان ئاچچىقى كېلىدۇ.    2. قان مىجەزلىكلەرنىڭ خاراكتېرى: ھەرىكەت قىلىپ تۇرۇشنى ياخشى كۆرىدۇ، روھلۇق، كەيپىياتنىڭ پەيدا بولۇشى تېز ھەم ئۆزگىرىشچان، تىل بىلەن ئىپادىلەش قابىلىيىتىگە باي، تەپەككۇرى، سۆز - ھەرىكىتى ئۆتكۈر، ئۈمىدۋار، يېقىملىق، قىزغىن كېلىدۇ، تۇرمۇش شارائىتىنىڭ ئۆزگىرىشىگە ئاسان ماسلىشالايدۇ، چىقىشقاق كېلىدۇ. ئىجتىمائىي ئالاقىگە ماھىر كېلىدۇ، تاشقى ئىپادىسى روشەن كېلىدۇ، لېكىن ھېسسىياتى ئاسان ئۆزگىرىپ تۇرىدۇ، دىققىتى ئاسان يۆتكىلىدۇ، زېرەك، چېچەن كېلىدۇ. يېڭى شەيئىلەرنى ئاسان ئۆزلەشتۈرىۋالىدۇ، غىدىقلاش توختىغاندىن كېيىن، ئاسانلا زېرىكىپ پاسسىپ كەيپىياتنى ئىپادىلەيدۇ. چۇس، يەڭگىل كېلىدۇ. ھېسسىياتى ئاسان قوزغىلىدۇ، ئاسانلا ھاياجانلىنىدۇ.      3. بەلغەم مىجەزلىكلەرنىڭ خاراكتېرى: ئېغىربېسىق، كەيپىياتىنىڭ پەيدا بولىشى ئاستا ھەم ئاجىز، كەيپىياتى ئاسان قوزغالمايدۇ، تەپەككۇرى، سۆز - ھەرىكىتى سۇس، ئىچكى مايىل كېلىدۇ، ئىچكى ھالىتى سىرتقا ئاسانلىقچە مەلۇم بولمايدۇ، خاتىرجەم تەمكىن كېلىدۇ، ھەر قانداق شارائىتتا ئۆزىنىڭ پسىخىك تەڭپۇڭلۇقىنى ساقلاپ قالالايدۇ، ھاياجىنىنى بېسىۋالالايدۇ، باشقىلارغا بولغان ھېسسىياتى ناھايىتى سەمىمىي بولىدۇ، چىرايىنى ئاسانلىقچە ئۆزگەرتمەيدۇ، لېكىن يېڭى شەيئىلەرگە نىسبەتەن ئانچە سېزىمچان ئەمەس، ئىنكاسى بىر قەدەر ئاستا بولۇپ، دىققىتى تۇراقلىق، ئاسانلىقچە يۆتكەلمەيدۇ، تەرسا، سوغۇق كېلىدۇ.       4.سەۋدا مىجەزلىكلەرنىڭ خاراكتېرى: تەن قۇۋۋىتى ئاجىز، ئاسان ھېرىپ قالىدۇ، كەيپىياتىنىڭ پەيدا بولىشى ئاستا ھەم كۈچلۈك، قوزغۇلۇشچانلىقى يۇقىرى بولۇپ، سەزگۈر، ھەم ئۆز - ئۆزىنى چۈشىنىشكە باي كېلىدۇ، چىدامچانلىقى تۆۋەن بولغانلىقتىن، كۈچلۈك غىدىقلاشقا بەرداشلىق بېرەلمەيدۇ، ئۆزىنى يوقىتىپ قويىدۇ، ھېسسىياتى نازۈك بولۇپ ئىنچىكە كېلىدۇ، باشقىلاردىن ئاسانلا گۇمانلىنىدۇ، ئىنكاسى سۇس بولۇپ، مەسىلىلەرنى  ئاڭقىرىشى ئاستا بولىدۇ، ئۆزىگە بولغان ئىشەنچىسى ئاجىز بولۇپ، ئۆزىنى تۆۋەن چاغلايدۇ، ئىچكى مايىل بولۇپ، مىجەزى  يوشۇرۇن كېلىدۇ، باشقىلار بىلەن ئارىلىشىپ ئۆتۈشنى خالىمايدۇ، لېكىن ئىش قىلىشتا ئېھتىياتچان، ئەستايىدىل بولۇپ، چوڭقۇر ۋە ئەتراپلىق ئويلىنىدۇ، بۇ خىل  كىشىلەر تەنقىدىنى كۆتۈرەلمەيدۇ، لېكىن سۆز - ھەرىكىتى جانسىز، قورقۇنچاق، تارتىنچاق كېلىدۇ. مەنبە: http://saba.cn/uy/article/tibby/2011-12-19/217.html

lazzat

	ۋاي توۋا.....مەن بىرىنچى تىپتىكى مىجەزكەنمەن

TaRKiN

	مەن قايسىسىغا كىرىدىغان بولغىيتىم....تىۋىپلىغا كۆرۈنۈپ باقسام دەپ بىرەمۇيا........

man.1

	ۋاي    مەن   بىرىنچى    تىپتىكى   مىىجەزگە   ماس   كىلىدىكەنما  دىسە  توۋا   بۇنداقمۇ   توغرا   چىقامدۇ    دەيمەن.

zapar

	پېقىر كۆپ قانلىقلارغا تەۋە،

tanha858

tanha858

hilalay

	مەن قايسىسىغا كىرىدىغىنىمنى بىلەلمىدىم ....................چۈنكى دىيىلگەن ئىپادىلەرنىڭ بەزىلىرى چۈشمەيدىكەن .

gulbar5

	مەن  2-سىگە  ئازراق  چۇشدىغاندەك  قىلمەن،

dawan~

	مەن ئىككىنچسگە ئازىراق كىرىپ قالدىكەنمەن جۇما