قالدى ئارمان كونا جايدىن كېلەلمەي

nazigul8

	يۈردۈم ئىزلەپ كونا جايدىن كېلەلمەي،                          قالدى ئارمان، قالدى كۈتۈش، كۈتەلمەي.                                       بېرىپ مېھىر قاپتۇ كۈلكەم سەندىلا،                          قالدى ئارمان سەنسىز قېنىپ كۈلەلمەي.                                     بارمۇ يادىڭدا مەن،  سېغىندىم سېنى،                          قالدى ئارمان يانىڭ غەمسىز يۈرەلمەي.                                  ئىزلەپ يۈردۈم بويۇن قىسىپ يىتىمدەك،                          قالدى ئارمان سېنى بىر رەت كۆرەلمەي.                                    سېغىنىشتا يىغلايدۇ يۈرەك  ئۆرتىنىپ،                           قالدى ئارمان جانىم سېنى سۆيەلمەي.                                   چۈشلىرىمدىن ئىزلەپ سېنى ھەر تۈنى،                          قالدى ئارمان ۋىسال-بەخىت يېتەلمەي.                                قەلبىڭ بولدى كىمگە تەۋە، يوشۇردۇڭ،                        قالدى ئارمان، دەردىم، سىرىڭ بىلەلمەي.                                يول قويمىدى قىزلىق غورۇر، بەك تەسكەن،                         قالدى ئارمان يۈرەك سۆزۈم دىيەلمەي.                                   يايرىم كەتتىڭ، يازىم بولدى زىمىستان،                        قالدى ئارمان جانسىز روھىم ئۆلەلمەي.                                       ئۇنتالمىدىم، ئۇنتۇش ئىكەن ئەسلەشلا،                            قالدى ئارمان كونا جايدىن كېلەلمەي.                                                               كەتتىم ئۆزۈم ، قالدى كۆزۈم كەينىمدە،                           قالدى ئارمان مىڭ تارتىشىپ كېتەلمەي.                                                                                                       مەنبە: نازىگۈل                            2012-يىل 3-ئاينىڭ 18-كۈنى

nazigul8

	دەرت بىرگە يېيىلدىم شۇ تۈن قوينىغا،      تۇراركەن يۇلتۇزلار بىر ئاسمان بولۇپ.      يىغلىتىپ يۈرەكنى، بولدۇقمۇ ئاخىر،      سۆيگۈنى دارلارغا تەڭ ئاسقان بولۇپ.     ئۆتەرندى يۈرۈكۈم، سېنى سېغىنىپ،     تۆكۈلدى مىسراغا دەردىم بوغۇلۇپ.     بوپ قالدىم كەلگەندەك دەرتلەر تارتىشقا،     كەلگەندەك دۇنياغا سەنچۈن تۇغۇلۇپ.     چۆمۈمەن شاتلىققا، كىرسەڭ چۈشۈمگە،       قالىمەن ئازابتا ، كەتسەم ئويغۇنۇپ.      چىن سۆيگۈ بولدىمۇ بىراقلا بەربات،      كۆيدۈممەن ئوتۇڭدا قىلدەك تولغۇنۇپ.      ئۆتمەكتە كۈنلۈرۈم ھىجران -ئازابتا ،      ياشلىنار كۆزلۈرۈم كۆڭلۈم بۇزۇلۇپ.       ئاھ ئۇرار دەرتلىرىم، ھارغىن پىنھاندا،       قالغاچ كۈتۈشلۈرۈم يولدا سوزۇلۇپ.      قالدىم سېنى كۈتكەن زىمىستان قىشتا،      نە  ئېتەي، تۇرسا دەرتلىرىم قوزغۇلۇپ.        ئەگىپلا  بېشىمدا  ھىجران  بۇلۇتلار،        كېتەرمەنمۇ ئاققان يۇلتۇز قوشۇلۇپ.

musilina

	تىلى يېنىك،مۇڭ ھېسياتلار بىلەن يۇغۇرۇلغان شېئىرىڭىزنى ياقتۇردۇم...قەلىمىڭىز ھارمىغاي...

nazigul8

	musilina يوللىغان ۋاقتى  2012-3-19 09:55 PM تىلى يېنىك،مۇڭ ھېسياتلار بىلەن يۇغۇرۇلغان شېئىرىڭىزن ... ياقتۇرغىنىڭىزغا رەخمەت! مەنمۇ سىزنىڭ شېئىرلىرىڭىزنى ياقتۇرۇپ ئوقۇيمەن.

bayhenim

	بەك ياخشى شىئېركەن جاپا چىكىپسىز تېخىمۇ كوپ يوللاپتۇرشىڭىزنى ئۈمۈت قىلىمەن

amalsiz★man

	بەك ياخشى يېزىپسىز ، ھارمىغايسىز !

karehu

	ئويلىرىمدا كىرىڭ قوللىرىم› قالدى مانا سىنى باغاش ئىتەلمەي.

gulbelik

	يۈرەكىلىرىم ئەجەپ تىز سۇقۇدۇ يا -بۇ شئرنى ئۇقۇپ ....ھەي، ئۆتكەن كۈنلەر.................!!

karehu

	ئويلىرىمدا كىرىڭ يۇغان قوللىرىم، قالدى ئارمان سىنى باغاش ئىتەلمەي. .‹‹كەچۈرگەيسىلەرباشتا خاتا يوللاپ قويۇپتىمەن››         ‹قارىغۇ›

bayhenim

	ئاۋۇ مۇزىيكا ئەجەپ مۇڭلۇخكەن ئاڭلاپ بىرقىسما بوپ قالدىم كوڭلۈم يېرىم بولدى