نورۇز ئېشى ئىتىشنى بىلەمسىز؟

muzatdolkuni

	نورۇز ئېشى ئېتىشنى بىلەمسىز؟ ھۆرمەتلىك تورداشلار، ھەر يىلى 3-ئاينىڭ 21- كۈنى كىلىدىغان «نەۋرۇز» بايرىمى يىتىپ كىلىش ئالدىدا تۇرۋاتىدۇ. شۇ مۇناسىۋەت بىلەن بىز مۇشۇ كۈننى ئەھمىيەتلىك ئۆتكۈزۈش ئۈچۈن،بىر يۈرۈش ئەنئەنىۋى پائالىيەتلەرگەتەشكىللەش بىلەن بىرگە، يېزىمىزدىكى دېھقان-چارۋىچى يولداشلارغا نورۇز ئېشى (چوڭ قازاندا) ئىتىپ بەرمەكچى بۇلۇپ بۈگۈن تەييارلىقنى باشلىۋەتتۇق. شۇ مۇناسىۋەت بىلەن مەن ئىلگىرى خىزمەت قىلغان يېزىدا بىر قېتىم ئىتىپ باققان «نەۋرۇز» ئېشى ئىتىش ئۇسۇلنى تورداشلارنىڭ ھۇزۇرغا سۇندۇم.ئەگەر باشقا تورداشلارنىڭ بۇنىڭدىنمۇ ياخشى ئۇسۇلى بولسا بىرگە ئورتاقلاشساقدەيمەن. كەم جايى بولسا تۇلۇقلىشىمغا ياردەم بېرىشىڭلارنى سەمىمىيلىك بىلەن ئۈمۈدقىلىمەن. ماتىرياللار: 1) دانلىق زىرائەتلەردىن:--- بۇغداي، قۇناق، سېرىق پۇرچاق(خۇاڭدۇ) ئاق پۇرچاق، نۇقۇت، كۆك پۇرچاق، گۈرۇچ.... قاتارلىقلارنىڭ ھەر بىردىن 5 كىلوگىرام 2) گۆش 15-20 كىلوگىرام، چامغۇر، سەۋزە 5 كىلوگىرامدىن، پالەك 3 كىلوگىرام، سامساق 1 كىلوگىرام ، تۇز 2 كىلوگىرام ئېتىش تەرتىپى: (1) ئالدى بىلەن گۈرۈچتىن باشقا دانلىق زىرائەتلەر ئىككى كۈن بۇرۇن سوغۇق سۇغا چىلىنپ 2-3 قېتىم سۈيى ئالماشتۇرۇلدۇ. (2) بۇغداي ۋە قۇناق ئايرىم- ئايرىم ھالدا پۇشۇرۇپ تەييارلىندۇ. (3) گۆش چاقماق قەنت چوڭلىقىدا، چامغۇر ۋە سەۋزە ماش پۇرچاق چوڭلىقىدا تۆت چاسا ،پالەك ئىككى سانتىمىتىر ئوزۇنلۇقتا توغرىلدۇ. سامساق نىپىز يالپاقلىندۇ. (4) چوڭ قازانغا لىق سۇ قۇيۇپ ئالدى بىلەن گۆش سېلىنىپ قاينىغاندىن كىيىن كۆپىكى ئېلىنىپ، نۇقۇت، ۋە ئۈچ خىل پۇرچاق سېلىنىپ پۇشۇرۇلدۇ. (5) بۇغداي ۋە گۈرۈچ بىرلا ۋاقىتتا سېلىنىپ بەش مىنۇت قاينىتىلغاندىن كىيىن قۇناق سېلىندۇ. (6) بارلىق دانلىق زىرائەتلەر پىشپ بولغاندىن كىيىن سامساق سېلىنىپلا تۇز تەمى تەڭشىلىدۇ ھەم پالەك سېلىنىپ قاچىلارغا ئۇسۇلسا بولدۇ.

muttelib

	سىزنىڭ بىرىنجى جۈملە سۆزىڭىزدىنلا  نورۇزغا بولغان چۈشەنچىڭىزنىڭ قانچىلىك ئىكەنلىكىنى كۆرۈۋالغىلى بولىدىكەن. تەھرىرلىگۈچىلەرمۇ كۆڭۈق قويۇپ تەھرىرلىمەپتۇ.

muzatdolkuni

	قانداق دەيسىز؟ مەن تازا چۇشىنەلمىدىمغۇ؟ ئۇنداق بولسا سىزنىڭ چۈشەنچىڭىزنى ئاڭلاپ باقاي؟

muzatdolkuni

	ئالدى بىلەن تېمىڭىزغا رەھمەت . ئاندىن ماۋزۇدا نورۇز دەپ ئېلىپسىز ، مەزمۇنىدا نەۋرۇز دەپ تۇرىدۇ . مېنىڭ بىلىشىمچە نەۋرۇز دىگىنى پارىسچە سۆز ئەمما خەلقىمىز نورۇز دەپ ئۆزلەشتۈرۈپ ئىشلىتىۋاتقىلى ئۇزۇن يىللا بولدى ، شۇڭلاشقا يەنىلا نورۇز دەپ ئالغىنىمىز ياخشىمىكىن بولدۇ، مەن دىققەت قىلاي!

muzatdolkuni

	سىزنىڭ بىرىنجى جۈملە سۆزىڭىزدىنلا  نورۇزغا بولغان چۈشەنچىڭىزنىڭ قانچىلىك ئىكەنلىكىنى كۆرۈۋالغىلى بولىدىكەن. تەھرىرلىگۈچىلەرمۇ كۆڭۈق قويۇپ تەھرىرلىمەپتۇ. قانداق دەيسىز؟ مەن تازا چۇشىنەلمىدىمغۇ؟ ئۇنداق بولسا سىزنىڭ چۈشەنچىڭىزنى ئاڭلاپ باقايلى؟ سىزنىڭ قانچىلىك چۈشەنچىڭىز باركىن بۇ ھەقتە؟

nazpari

	مەن سېرىق پۇرچاققا بەك ئامراق. ھازىرلا تىتىپ باققۇم كىلىۋاتىدۇ.......

hokumran

	muzatdolkuni يوللىغان ۋاقتى  2012-3-19 01:22 PM سىزنىڭ بىرىنجى جۈملە سۆزىڭىزدىنلا  نورۇزغا بولغان چۈش ... تورداش تېما يوللاشتىن ئىلگىرى، يوللىغان تېمىڭىزدىكى سۆز - ئىبارىلەرنىڭ توغرا خاتالىقىنى تەكشۈرۈپ ئاندىن يوللاڭ! ئۈستىدىكى تورداش يازغان: سىزنىڭ بىرىنجى جۈملە سۆزىڭىزدىنلا  نورۇزغا بولغان چۈشەنچىڭىزنىڭ قانچىلىك ئىكەنلىكىنى كۆرۈۋالغىلى بولىدىكەن. تەھرىرلىگۈچىلەرمۇ كۆڭۈق قويۇپ تەھرىرلىمەپتۇ. بۇ ئىنكاسنىڭ يېزىلىشىدىمۇ سەۋەپ بار . سىز ئەسلى تېمىنىڭ بىرىنچى ئابزاس بېشىدىلا ( ھۆرمەتلىك تورداشلار، ھەر يىلى 3-ئاينىڭ 21- كۈنى كىلىدىغان مۇسۇلمانلارنىڭ «نەۋرۇز» بايرىمى يىتىپ كىلىش ئالدىدا تورۇۋاتىدۇ.) دەپ يېزىپتىكەنسىز. نورۇز بايرىمىنىڭ مۇسۇلمانلارنىڭ بايرىمى ئىكەنلىكى ھەققىدە تېخى مۇكەممەل بولغان تارىخى ماتېرىياللار بىزگە يېتىپ كەلمىدى. 1- قەۋەتكە ئىنكاس يازغان تورداشمۇ دەل مۇشۇ نوقتىنى كۆزدە تۇتۇپ شۇ ئىنكاسىنى يازغان بولۇشى مۇمكىن. شۇڭا ئۇ جۈملىدىكى (مۇسۇلمانلارنىڭ) دېگەن سۆزنى تەھرىرلەپ چىقىرىۋەتتىم. يازمىلارنى يېزىشتىن ئىلگىرى ئەستايىدىل ئويلىنىپ قەلەم تەۋرىتىشىڭىزنى ئۈمىد قىلىمەن.

nurmamat0997

	ئىنتايىن بەرىكەتلىك قۇۋەتلىك ئېسىل ئاش دە بۇ ،،،