ئۈچتە ھەمرا قىزنىڭ پۇشايمىنى (ھېكايە)

shoruq

	ئۈچتە ھەمرا قىزنىڭ پۇشايمىنى                                                                (ھېكايە)    مەن بىر شور پىشانە ئۇيغۇر قىزى.  ھەر قانداق يىگىتنىڭ يۈرىكىگە ئوت ياققۇدەك رەڭگى-رۇخسارىم، شەيتاننى قايىل قىلغۇدەك زۇۋانىم، ئۆلگۈچە خەجلىسەم تۈگمەيدىغان پۇللىرىم بار. بۇ پۇللارنى قانداق تاپقان دەمسىز؟  ئالى مېھمانساراينى ماكان قىلىپ، بايۋەچچە پۇلدارلارنى، قورسىقى يوغان مەنسەپدارلارنى مېھمان قىلىپ بولمامدۇ، ئۇنىڭدىن باشقا نېمە ئىش كېلەتتى، مېنىڭ قولۇمدىن.     پۇل ھەممىگە قادىر ئوخشايدۇ، بولمىسا ئانام كۆرمىگەن، دادام بىلمىگەن ناتۇنۇشلار بىلەن قانداقمۇ ئۈلپەت بولاتتىم. ئالى ياتىقىمدا تورلاشقان ئىلغار كومپىيۇتېرىم، 10 نەچچە مىڭ يۈەنگە يارىغۇدەك تىلىفۇنۇم، يۈزلىگەن پۇلدار، مەنسەپدارلارنىڭ ئىسىملىكى پۈتۈلگەن خاتىرە دەپتىرىم ماڭا ئىش تېپىپ بېرەلەيدۇ، پۇل كەم بولغانلىقتىن ئەمەس، ئادەتلىنىپ قالغانلىقتىن ئۆزەمگە خېرىدار چاقىرىمەن، كۆڭلۈم دېڭىزنى خالىسا،  چىقىملىرىمنى كۆتۈرۈپ ھەمرا بولۇپ بېرىشقا تەييار تۇرغانلار ساماندەك، چەت ئەلگە چىقماقچى بولسام، چەت ئەللاردىكى بانكىلاردا ساقلاپ قويۇپ خەجلىيەلمەيۋاتقان مەنسەپدارلارنىڭ دەرھال چەت ئەلدە بېجىرىدىغان ئىشى چىقىپ قالىدۇ-دە، ئالدىمغا كاتتا ماشىنىسىنى ئەۋەتىپ،پۇلنى سۇدەك خەجلەشنىڭ مۇقەددىمىسىنى باشلايدۇ. مەندە بار-يوق شۇ گۈزەل رۇخسارلا بار.     مېنى تونۇمايدىغانلار ئالى كېيىملىرىمگە ھەسەت قىلىشىپ، ئىچى ئۆرتىنىپ لىۋىنى چىشلەيدۇ.تونۇيدىغانلار بولسا، يۈزۈمدىن يۈزۈمگە رەسۋا، شاپاقچى دەپ تىللاپ ئاچچىقىنى چىقىرىشىدۇ، پەرۋايىم پەلەك. كۈنلىرىم شۇنداق پاراۋان. كۆڭلۈم بولسا ئوغرى كىرگەن ئۆيدەك قۇپقۇرۇق. تۆۋە، بىر كوچىدا قالغان ئۈچتە ھەمرا قىزنىڭمۇ كۆڭلى بارمۇ؟ دەپ ھەيران قالماڭلار.   ئەسلىدە مەنمۇ ياخشى بىر ئائىلىنىڭ قىزى ئىدىم. نى ئارمانلار بىلەن ئالى مەكتەپكىمۇ كەلگەن ئىدىم. چىرايىم ئۆزەمگە دۈشمەن بولدى،خالىمىساممۇ ئوغوللار تولا تەلەپ قويۇپ يۈرۈپ ھېچ ئارامىمنى قويمىدى. ئاخىرى مۇھەببەت مېنى تەسلىم قىلدى، شۇنداق كىلىشكەن يىگىت مېنىڭ ئوغول دوستۇم بولدى. تانساخانىغا بېرىشنى بىلمەيتىم، بارغۇم يوق دېسەم زورلىدى. تانسا بىلمەيتىم ئۈگەتتى.  ۋاقىتلار ئۆتۈپ تانسىغا ئۇستا بولۇپ كەتتىم. ئاغىنىلىرى تانسىغا تارتسا، ئۇنىمىدىم. يىگىتىم ھېچنەرسە بولمايدۇ، ئويناڭ دېدى. ئوينىدىم. ئاپپاق قوللىرىم، نازۇك بەللىرىم يىگىتىمگە ئاشمايدىغان بولۇپ كەتسىمۇ، يىگىتىم ئېغىر ئالمىدى. يەنە ۋاقىتلار ئۆتۈپ قاۋاقخانىلار ماڭا ماكان بولدى. قاۋاقخانىغا كەلمىسەم يىگىتىمنىڭ مەندىن كۆڭلى قالارمىش، مۇھەببەت ئۈچۈن ئەگەشتىم. ھاراق ئىچىشنى بىلمەيتىم. ئىچىشنىمۇ خالىمايتىم. يىگىتىم، مېنىڭ يۈزۈمنى قىلىپ لىۋىڭىزنى تەككۈزۈپ بېرىڭ، دىدى. شۇنداق قىلىپ ھاراققىمۇ كۈنۈپ قالدىم، ئارقىدىن ئۇنىڭ كۆڭلى ياتاقلاردا يېتىشنى خالاپ قالدى. ئۇنىمىسام يالۋۇرۇپ يۈرۈپ، مەندىن باشقا قىزنى ئالماسلىققا بارماقلىرىنى كىسىپ يۈرۈپ، قەسەم قىلىپ، ئۇ يەرگىمۇ ئېلىپ كىردى. ئارىدىن يەنە ۋاقىتلار ئۆتۈپ، كۆزۈمگە كۆرۈنگۈچى بولما، دېيىشكە چۈشتى. ھەسرەت-نادامەت تۈپەيلى مەسىت بولۇپ، تاڭ ئاتقاندا بىراۋلارنىڭ كارۋىتىدىن قوپىدىغان بولۇپ قالدىم...   مېنىڭ بۇ دۇنيادا ياشاپ قالغىنىمنىڭ ئۆزى بىر جىنايەت. ئۆزەمنى ئاقلاپ يۈرمەيمەن، بىرلا پۇشايمىنىم بار، ئەينى ۋاقىتتا ئاشۇ يىگىتنىڭ مۇھەببەت تەلىپىگە تەسلىم بولمىغان بولسام...   مەنبە: ئۆزەم. تولۇقلىما مەزمۇن (2012-3-30 09:30 AM): بايانات:ئەسەرلىرىمنى يۆتكەپ ئىشلىتىشكە بولمايدۇ.(روزىمۇھەممەت ئىرپان )

musilina

	پۇشايماننى ئالىدىغان قاچا بولغان بولسىدى،بارلىق پۇشايمان قىلغۇچىلارنىڭ پۇشايمانلىرى نەچچە مىليونلىغان قاچىلارغا لىق تولغان بولاتتى.... ماۋزۇسىنى‹‹ئازغان قىزنىڭ پۇشايمىنى››دەپ ئالغان بولسىڭىز بولاتتىكەن ...

dilsiri

	ئېچىنى ئاچچىق قىلدىغان ھىكايە

nima︿japa

	مۇشۇ كەمدە ئادەملەر كىچىكىنام ئىشلار ئۈچۈن ئىزىپ كىتىپ باردۇ شۇنداقلارنى توغرا يولغا باشلاي دىمەي بەزىلەر تىخىمۇ ئازدۇرۋاتقان

bardamkiz

	شۇڭا قىزلارنىڭ ئەقلى ھېسىياتىدىن ئۈستۈن تۇررۇشى كېرەك.

روھزاد

	مەنمۇ بىر قىسىم يازمىلىرىمدا قىزلارنى، بولۇپمۇ مۇشۇنداق قىزلارنى راسا قامچىلاپ باققانىدىم، «ئۇيغۇر قىزى قوي كەرەشمەڭنى» دېگەندەك يازمىلاردا لېكىن بۇ ھېكايىنى ئوقۇپ شۇنداق يوللارغا كىرىپ كېتىۋاتقان قىزلارنىڭ تىرنىقىنىڭ ئىزى بوينىدا تاتۇق بولۇپ قالغان يىگىتلەر كۆز ئالدىمغا كەلدى. ساپاسىزلىق، گۇمان، ماددىي تويۇنۇش، تاشلاش، تاشلىنىشلار ئاستا-ئاستا غاجىلاۋاتقان روھىيىتىمىز كىملەرنىڭدۇر قوللىرى بىلەن بىزنى ئاللىقانداق نامەلۇم پەسىلنىڭ قۇللىرىغا ئايلاندۇرماقتا. /thread-69306-1-1.html

Almihan84

	بۇ بەلكىم نۇرغۇن قىزلارنىڭ بىردىنبىر پۇشايمىنى بولسا كېرەك----«ئەينى ۋاقىتتا ئاشۇ يىگىتنىڭ مۇھەببەت تەلىپىگە تەسلىم بولمىغان بولسام...»

sargarda

	ئۈچتە  ھەمرا  بولغۇچى  __  تاماقتا  ،  ھاراقتا  ،  ياتاقتا  بىللە  بولغۇچى  دېگەن   گەپكەندە  ...  ؟ ماۋزۇنى  پاھىشە  دەپ  ئالغان  بولسىڭىز  ،  تېمىڭىز  تېخىمۇ  ئاۋاتلىشىپ  كېتەتتى   ئەمەسمۇ  ؟ ئادەملەر   ھەر  قانداق  ئىشقا  باھانە  تاپالايدۇ  ... ھېچكىم  ئۆزىنى  ئەسكى   دېمەيدۇ  .

lazzat

	مۇشۇنداق تېمىلارنى كۆرسەم نەچچە كۈنگىچە كۈڭەللىرىم شۇنچىلىك غەش ئىچىدە قالىدۇ مىنىڭ.ھەر كۈنى ئىشقا بېرىپ،كەلگنىمدە  ئۆتىدىغان يولۇم   5 يۇلتۇز دەرىجىلىك مېھمانساراينىڭ ئالدى بولغاچقا،شۇ يەردىن چىقىۋاتقان،كىرىپ كىتىۋاتقان بەزى قىزلارنى كۆرۈپ قالىمەن.ھەي،نىمە دىسەم بولا.....

laptop

	تېمىدىكى پاھىشە قانجۇقنى يۈزلىرىگە مىشقىرىپ تۈكۈرپ چوشقا باقىدىغان ئېغىلغا سولاپ پولات قۇلۇپنى سېلىپ ئون بىر چوشقا بىلەن بىللە ئاشخانىنىڭ رىستۇراننىڭ ئاشقان تاماقلىرىنى بېرىپ باقسىمۇ ئازلىق قىلغۇدەك