تازا ئۇرىدىغان گۇي ئىكەن__ تۇرغۇننىڭ تويى

shoruq

	تازا ئۇرىدىغان گۇي ئىكەن...                                                                      _ تۇرغۇننىڭ تويى    تۇرغۇن توي قىلماقچى بولۇپتۇ ئاڭلاپ، ئاغىنىلەر ئەمدى ئويۇننىڭ قىزىقىنى كۆرىدىغان بولدۇق، دەپ تازا كۈلۈشتۇق. ئۇنىڭ توي قىلماقچى بولغان قىز تۇرغۇنغا ئوخشاشلا گەپ يىمەس ئالىمكامنىڭ گۈلسۈم ئىدى. ئېسىمىزدە قېلىشىچە، تۇرغۇن ئۇ قىز بىلەن ئوتتۇرا مەكتەپتە بىللە ئوقۇغان ساۋاقداشلاردىن ئىدى. شۇ چاغلاردا ئۇ ئىككىسى بىر-بىرىگە گەپ بەرمەي، قايسىبىر كىتابتىن يەنە باشقا كىتابنىڭ ياخشى يېزىلغانلىقى، ئالمىنىڭ تارتىش كۈچى، نۇزۇگۇمنىڭ مىللى قەھرىمان ياكى ئەمەسلىكى، دۇنيادا ئۇيغۇرلاردىن بۆلەك پاكىز مىللەتنىڭ يوقلىقى ...دېگەندەك تايىنى يوق گەپلەرنى تالىشىپ، ئۇرۇشۇپ كېتىدىغانلاردىن ئىدى. -تۇرغۇن بەك چوڭ سۆزلەيتى، تاپقان قىزى ئۆزىگە ئوخشاش پايتىمىسىنى تەتۇر ئورايدىغان بىكارچى ئىكەنغۇ -ئەمدى ئۇ ئىككىسى توي كىچىسىدىلا گەپ تالىشىپ، ئۇرۇشۇپ كېتىپ باشقا ئىشلارنى ئۇنتۇپ قالىدىغان بولدى،دە. - ئالىمكاممۇ بوش جاھىللاردىن ئەمەس، قاراپ تۇر، بۇ تويدا جىدەل چىقماي قالمايدۇ.   توي باشلىنىشقا ئىككى كۈن قالدى، دەپ ئاڭلىغان بولساقمۇ، تۇرغۇندىن ھېچبىر شەپە يوق ئىدى. ئادەتتە باشقا تويلارداياش بالىلار ھەپتە بۇرۇن يىگىتنىڭ ئۆيىگە يىغىلىپ، سورۇن تۈزۈپ ھاراق-شاراپ ئىچكەچ، بىر قىسىملىرىمىز قىمار ئوينىساق، بىر قىسىملىرىمىز قاپاقنى تىكلەپ قويۇپ، نېشە چېكىپ پەيزى قىلاتتۇق. ساھىبخان مەرد كىشى بولسا، كۈندە بىرەر قوينىڭ بېشى كېسىلەتتى. چۈپەي بولغاندىمۇ بىرەر يىشىك پىۋا، بىر قانچە بوتولكا ھارىقى كەم بولمايتى. كېيىنكى كۈنلەردە بەزىلەر ھاراق قۇيمايدىغان پەتىۋانى چىقىرىۋالغان بولسىمۇ، داستىخىنى قورۇق ئەمەس ئىدى.    بىزمۇ ساراڭ، بولمىسا تۇرغۇندەك تېگى پەس، كىشىگە مەنپەئەتى تەگمەيدىغان پىخسىقتىن داستىخان تەمە قىلامدۇق. بۇ ئىش ئاغىنىلەرنىڭ ئاچچىقىنى كەلتۈردى. -ئالىمكاممۇ چاغلىقكەن، قىز مېلى ئۈچۈن باشقىلار ئالغان پۇلنىڭ يېرىمىنى ھەشقاللا دەپ ئاپتۇمىش. -ئەسلى ئۇلارنىڭ تىلى تۇتۇق. قىزىدا ئىشەنچ يوق. - ئۇنىڭ تۇرغۇن بىلەن يېرىم كىچىلەردە سۆرىشىپ يۈرگەنلىكىنى كۆرگەنلەر باركەن. -ئاڭلىساق تۇرغۇن ئىككى ماشىنا بىلەنلا قىز يۆتكەيمىشقۇ. -شۇنداق قىلماي، قانداق قىلاتتى، ئۇنىڭ ماشىنا ئېلىپ بارغۇدەك ئاغىنىلىرى بولمىسا. -ھەي، بالىلار مەن بەك قىززىق گەپنى ئاڭلىدىم. تۇرغۇن توي چېيىنى بەرگەن كۈنى ئاران بىر قازان پولۇ ئېتىپ بولدى قىلارمىش، باشقا ئارتۇق-يېرىم توي تەرتىپلىرىنى قىلمايمىش. توي چىقىمىدىن تىجەپ قالغان 10مىڭ يۈەن پۇلنى ھېلىقى توي قىلالماي 30ياشتىن ئۆتۈپ كەتكەن، ئايسىخان مۇماينىڭ  توكور نەۋرىسى مامۇتقا بەرگۈدەكمىش. -تۇرغۇننىڭ بۇ ئەخمىقانە ئىشىنى مەنمۇ ئاڭلىدىم. مامۇتمۇ شۇ كۈنى توي قىلىدىكەن. -ھەي، ئاغىنىلەر تۇرغۇننى تازا ئۇرمايلىما، بىزنىڭ يەيدىغان گۆشىمىز، ئىچىدىغان ھارىقىمىز، چېكىدىغان تاماكىمىزنىڭ پۇلىنى باشقىلارغا ياخشىچاق بولىمەن، دەپ ئىسراپ قىلسا بولامدۇ. - ئۆمىرىدە بىر كېلىدىغان توينىمۇ پىخسىقلىق قىلىپ، شۇنداق غورىگىل ئۆتكۈزگەن بارمۇ؟ - تازا ئۇرىدىغان گۇي ئىكەن ئۇ، مامۇت دېگەن يېتىم ئوغلاق يا ئۇنىڭ تۇققىنى بولمىسا، يا  سىڭلىسىنىڭ بىر نېمىسى بولمىسا ،ئۆزىمۇ بىر يالاڭتۆش تۇرۇپ ئادەمنىڭ ئاچچىقىنى كەلتۈرىدىغان مۇشۇنداق قاملاشمىغان ئىش قىلامدۇ. - ئۇنىڭ قىلغان ئىشىنى مەھەللىمىزنىڭ بەزى بايلىرىمۇ  بىز بار يەردە ئۇ قەلەندەر نېمە ئاتىكاچىلىق قىلىدۇ، دەپ خوپ كۆرمەپتۇ.    تويغا بىر كۈن قالغاندا ئاغىنىلەرنىڭ ھەممىسى تۇرغۇننىڭ توي باغىقىنى تاپشۇرىۋالدۇق.ئاغىنىلەر بىر لىگەن پولۇ يىگىلى بارىدىغان ساراڭمۇ بىز، دەپ گەپنى بىر قىلىۋىلىپ ئۇنىڭ تويىغا بارمىدۇق. بىزدەك مەھەللىنىڭ ئاساسلىق باللىرى بارمىغاندىكىن ئۇنىڭ تويىنى يۆتكەيدىغانغا ئادەم چىقمايدۇ-دە.   ئەھۋال بىز ئويلىغاندەك بولمىدى. ئاڭلاشلارغا قارىغاندا، مامۇت ئىككىسىنىڭ تويى بىرلا ئۆتكۈزۈلۈپ، يۈزلىگەن ئادەم توي يۆتكەشكە قاتنىشىپتۇمىش، ھەتتا يېزىلىق ھۆكۈمەتتىن ئادەم كېلىپ، ئۇلارنىڭ تويىغا سوۋغات بېرىپتۇمىش.قىز يۆتكىگەندە كوچىلاردا راۋاپ، تەمبۇرلار چېلىنىپ، كىشىلەر ئۇسۇل ئويناپ توي تازا قىزىپتۇمىش. ھەتتا بۇ توينىڭ داغدۇغىسىنى ئاڭلىغان ئاغىنىلەرنىڭ بىر قىسىمى چىدىيالماي تويغا قاتناشقان ئىشلارمۇ بوپتۇمىش.   مەنبە: ئۆزەم. تولۇقلىما مەزمۇن (2012-3-22 09:39 PM): (5-بۆلۈم) تولۇقلىما مەزمۇن (2012-3-30 09:30 AM): بايانات:ئەسەرلىرىمنى يۆتكەپ ئىشلىتىشكە بولمايدۇ.(روزىمۇھەممەت ئىرپان )

gurbet_kizi

	kozi uquk koral maslar hayyy

yawayi-0998

	ئوۋ  ۋەھشىغۇ ... ئاغىنىلىرى  تازا  بىر  گۇيلىمۇ يا  بۇ  تۇرغۇننىڭ ...  تۇرغۇننى تەتۇ  كىيىننى ئويلىمايدىغان نىمىلە  خاتا كۆرگەن بىلەن  كۆپنى بىلىدىغان  ئاخىرنى ئويلايدىغانلا  ئامراقتە ... تويدا بىرەر ئىش چىقتىمۇ بىر  يىزىڭە بى

xatlih

	ماۋۇ تۇرغۇنىڭ لاتا ئاغىينىلىرىنى مۇنبەردىكى دۇسلار بىرلىشپ تازا ئۇرمايلىمۇ ؟ دۇسلار؟،،،،،،،،،،،،،،،

tumurkala

	ئەپسۇس ئاغىنلىرى ئويلىغاندەك بولماپتۇ دىسە!

tumurkala

	يانا بامۇ يا داۋامى؟بولسا ئىتتىكرەك يوللاپ قويارسىز جىما!

alemdarapandem

	دوسلار(  كىرەم ئاتۇش بىلەن سۆھبەت ) دىگەن تىمىنى تاپالمىدېم ياردەم قىلساڭلار؟

kurax114

	xatlih يوللىغان ۋاقتى  2012-3-17 01:37 PM ماۋۇ تۇرغۇنىڭ لاتا ئاغىينىلىرىنى مۇنبەردىكى دۇسلار بى ... ئادرىسىنى بىردىسۇن چۇ  شۇ  تۇرغۇننىڭ ئاغىنلىرىنىڭ مەنلا  ۋۇشۇت دىسەم ھايىت بۇلۇدىغان باللىدىن 4 نى تېپىپ تازا بىر ساۋاي بۇ لارنى  ..

MUHAPIZATQI

kapsiz

	قۇمدەك ئۇششاق پاراڭ قىلىدىغان گۇيلىكەن بۇ،مۆرىتى كەلسە تازا ئۇرۇدىغان گۇيلىكەندۇق...