ئۈچ پادىشاھنى دىمۇكراتىك باھالاش

nawkeran

	ئۈچ پادىشاھنى دىمۇكراتىك باھالاش فىليەتون ئابدۇلھەمىد ياسىن مەلۇم بىر ئۇنۋېرسىتىت ئون نەپەر پىروفىسسورغا قەدىمكى دەۋردە ئۆتكەن لىيۇبېي، ساۋساۋ، سۈن چۈەندىن ئىبارەت ئۈچ پادىشاھنى دىمۇكراتىك باھالاپ چىقىشنى ئورۇنلاشتۇرۇپتۇ. بۇ ئون نەپەر پىروفىسسور تارىخنامە، تەزكىرىنامە ۋە «ئۈچ پادىشاھلىق ھەققىدە قىسسىسە»نى تەپسىلى ئوقۇپ سېلىشتۇرۇپ تەتقىق قىپتۇ ھەم بۇلاردىن ئالاھىدە بىرەر يۈزمىڭ خەتلىك تەسىرات ماقالىسى يېزىپ چىقىپتۇ. ئۇلار ئۆزلىرىنىڭ مۇشۇ تەتقىقاتلىرىغا ئاساسەن بۇ ئۈچ پادىشاھقا تۆۋەندىكىدەك باھا بىرىپتۇ؛ 1-      سىياسى- ئىدىيە، غايە- ئىتىقاد جەھەتتە؛ لىيۇبىي- ئۆزى گەرچە خان ئەۋلادى بولسىمۇ لېكىن نىيىتى دۇرۇس ، كۆرۈنۈشتە، « خانغا سادىق » دىگەن تونغا ئورنىۋالغان ، ئەمەلىيەتتە ئايرىم دۆلەت قۇرۇپ ئۆزى خان بولۇش نىيىتىدە بولغان ، دۆلەتنى پارچىلاش سۈيقەستى بار. ئۇنداق بولمىغاندا نىمە ئۈچۈن سۇلالە نامىنى «شۈ»گە ئۆزگەرتىدۇ؟ ئۇنىڭ سىياسى غەرىزى دۇرۇس بولمىغاننىڭ ئۈستىگە يەنە خۇراپاتلىق ئىدىيىسى كۈچلۈك . مەسىلەن ، ئۇ شاپتۇللۇقتا قەسەم ئىچىپ ، بۇتخانىدا كۆجە يېقىپ، گۈەنيۈ، جاڭ فېيلار بىلەن ئاكا – ئۇكا بولۇشقان . ئۇ ھازىر بولغان بولسا بەلكىم «خانغا سادىق» ، «ۋاپادار» دېگەندەك تونلارنى ئەمەس ، دىنى تونغا ئورىنىۋېلىپ ، مۇرت توپلايدىغان بۆلگۈنچى بولارىكەن. ساۋساۋ – مۇناپىقلىق تونىنى  ئىككىلەنمەي كىيگەن ، دۆلەتكە ئاسىيلىق قىلغان بۆلگۈنچى ئۇنسۇر . سىياسىي غەرىزى ئىنتايىن قەبىھ ، ئۆز مەنپەئەتى ئۈچۈن يېقىن ئادەملىرىگىمۇ سۈيقەست قىلىدىغان ياۋۇز ئادەم . ئەگەر ھازىرقى دەۋىردە بولىدىغان بولسا ئۇنى تىرورچىلار تىزىملىگىنىڭ ئەڭ بېشىغا يېزىشقا بولاتتى . سۈن چۈۋەن – كۈرۈنۈشتە ئەخلاقلىق ھەم دۇرۇس ئادەمدەك تەسىرات بەرسىمۇ، ئەمەلىيەتتە ئۆتۈپ كەتكەن شەخسىيەتچى. مەكەز بىلەن بىردەكلىكىنى ساقلىماي ئۆزى ئايرىم دۆلەت قۇرغان بۆلگۈنچى . شۇڭا ئۇ سىياسىي جەھەتتە ئىشەنجىسىز ، ئىدىيىسى دۇرۇس ئەمەس . ھازىر بولغان بولسا ئۇمۇ بىر پىنتىخور توپىلاڭچى بولغان بولارىكەن. 2-      خىزمەت ئۇسۇلى- خىزمەت ئىستىلى جەھەتتە: لىيۇبىي- ئۆزى دائىم ۋاپادارلىقنى تەكىتلەيدىغان ئادەم بولسىمۇ لېكىن ئەمەلىيەتتە ئۆز كۆمىچىگە چوغ تارتىدىغان شەخسىيەتچى ئادەم . يەنى ئۇ ئۆزىنىڭ ناباپ بىر ئوغلىنى خان قىلىپ تىكلىگەن. شۇنىڭ بىلەن ئۆزى ئويلىغان چوڭ ئىشلار ۋۇجۇتقا چىقمايلا قالماستىن يەختى – بەختى ۋەيران بولغان، بۇنىڭدىن ئۇنىڭ ئۈزىنىلا ئويلايدىغان، دۆلەتنىڭ مەنپەئەتىنى قىلچە ئويلىمايدىغان كۈزى كىچىك ئادەم ئىكەنلىگىنى كۈرۋالغىلى بۇلىدۇ. ھازىرقى دەۋىردە ئۇ ھۇقۇق تۇتسىمۇ پەقەت ئۈزىنىڭ ئەۋلادلىرىنى ، تۇققانلىرىنىلا مەنسەپكە تەيىنلەيدىغان نەپسىگەر ئەمەلدار بولغان بولاتتىكەن. ساۋ ساۋ- ئىشنى ناھايىتى كەسكىن ۋە پۇختا قىلىدىغاندەك كۆرۈنسىمۇ ئەمەلىيەتتە ناھايىتى گۇمانخور . ئۇنىڭ بۇ گۇمانخورلۇق كىسىلى قۇشۇننى زور زىيانغا ئۇچراتقاننى ئاز دەپ ، ئۆزىنىڭ قابىل ياردەمچىلىرىنىڭمۇ بېشىغا چىققان. يەنە كىلىپ ئۇ ناھايىتى شەھۋەتپەرەس ئادەم. بىر تەرەپتىن قارىغاندا ئۇ پەقەت گۈزەللەرنى قولغا كەلتۈرۈش ئۈچۈنلا ھەربى يۈرۈش قىلغان. ئەگەر ھازىرقى دەۋىردە ئۇ ھوقۇق تۇتقان بولسا، ئۆزىنىڭ ئىقتىدارسىزلىقىنى، گۇمانخورلۇق بىلەن يۇشۇرىدىغان، ئاۋام پۇخرا بىلەن كارى بولماي گۈزەللەر ئۈچۈن جان تىكىدىغان، « دىبا»، «جۇبا»لاردىن چىقماي، خېنىملارنىڭ بەللىرىنى مۇجۇقلاشقىلا يارايدىغان ناباپ ئەمەلدار بولغان بولاتتىكەن. سۈن چۈەن- قولىدا شۇنچىۋالا ياراملىق سەركەردە – سانغۇرلىرى، نەچچە تۈمەن ئەزىمەت- باتۇرلىرى تۇرۇقلۇق ئۇلارغا ياخشى يىتەكچىلىك قىلماي تىزلا قۇشۇننىڭ مەغلۇپ ، ئەلنىڭ مۇنقەرىز بولىشىغا سەۋەپچى بولغان . ھازىر ئەگەر ئۇ ھۇقۇق تۇتقان بولسا خەلق ئاچلىقتىن ئۆلگەن بۇلاتتىمىكىن. 3-      خىزمەت ئۈنۈمى ۋە نەتىجە جەھەتتە؛ بۇ ئۈچەيلەننىڭ خىزمەت ئۈنۈمى ۋە نەتىجىسىنى يەكۈنلىگەندە، « ئۈنۈم »، « نەتىجە » دىگەنلەردىن ئېغىز ئېچىش مۇمكىن ئەمەس. ئۇلار پەقەت نەچچە مىلىيۇن ئادەمنىڭ كاللىسى بەدىلىگە ئۆزىنىڭ ھەيكىلىنى تىكلىگەن قانخورلار. ئەگەر ھازىرقى دەۋىردە ئۇلار بولىدىغان بولسا بىرى ھوقوقىدىن پايدىلىنىپ سىياسىي سۈيقەست قىلىدىغان تىرورچى . بىرى « قېرىنداش بولدۇق » دەپ ئادەم توپلاپ ئىسيان كۆتىرىدىغان بۆلگۈنچى . يەنە بىرى ئۆزىنىڭ ھۇقۇقى ھەم مەركەزنىڭ يىراقلىقىدىن پايدىلىنىپ توپىلاڭ كۈتۈرىدىغان بۇزۇق ئۇنسۇر بولغان بولاتتىكەن. مەنبە: «يېڭى قاشتېشى» ژورنىلى

aptap104

	مەندىمۇ شۇنداق خۇي بارمىكىن دەيمەن . نىمىشقا دەمسىز ؟ مەنمۇ جۇڭگۇچە سوتسىيالىزىمدا ياشاتىمەن ئەمەسمۇ ؟ نەگە بارسا مۇشۇ 3 پادىشاھىق قىسسەسى سۆزلىنىدۇ ؟ ھەرگىزمۇ قارخانىلار ھەققىدە گەپ يوققۇ دەيمەن .

قان.

	ئاھ خۇدايىم ، بىرەسىنىما ياخشى دىمەپسىزغۇ !!مەنچە بولغاندا لىيۇ بېي _ ئادالەتپەرۋەر ،ساۋساۋ -گۇمانخۇر ! سۈن چۈۋەننى تازا بىلمەيمەن ، بەلكىم سىز دىگەندەك بولىشى مۇمكىن !

foormat

	تېمىڭىزغا رەھمەت ،ئېسىل تېمىلىرىڭىز ئۈزۈلمىسۇن

foormat

	تېمىڭىزغا رەھمەت ،ئېسىل تېمىلىرىڭىز ئۈزۈلمىسۇن

rumaisa

	:qiray13:qiray13:qiray13

KUTALQESI

	فىلىيەتون يامان ئەمەس چىقىپتۇ، رەھمەت . بۇندىن كېيىن تېخىمۇ تىرىشىڭ

tewelgha

	ئۈچ پادىشاھلىق ھەققىدە قىسسە رومانى ھەقىقەتەن ياخشى يېزىلغان ، تەرجىمىسىمۇ ناھايىتى جايىدا چىققان ئەسەر .مەيلى نېمىلا دېمەيلى ،خەنزۇلارنىڭ پىروزا ئەدەبىياتى خېلى بۇرۇنلا تەرەقىي قىلغان ئىكەن .

gurbet_kizi

	hehe kizzik taswir liwe tip tu