مارت ئېيىدا ئىلھام كىلەرمىش ...

Gvljahan

	مارت ئېيىدا ئىلھام كىلەرمىش مارت ئايلىرىدائىلھام كىلەرمىش  ،نىمىشقا ؟  كونا يىلنىڭ بۇرۇقتۇم ھاۋاسىنى فىۋرالنىڭ  ئىلىمان شامىلى ئۇچۇرۇپ كىتىپ  ، نېرىپ-ئەسەبلەر سەگىپ قالغاچقا ، شۇڭا ئەتىياز ئايلىرى بالدۇر ئۇخلاپ سەھەر تۇرسا بەدەن يىنىك بولىدىكەن ..... سۆڭگىچىنى موزاينىڭكىدەك چىقىرىپ قۇيۇپ ، ئاپاراتقا ئاچ قالغان قاۋاندەك چەكچىيىپ تۇرۇپ سۆرەتكە چۈشەلەيدىغان "چولپان"نىڭ 24- قەۋەتتىن ئۆزىنى ئېتىپ  ئۆلىۋېلىشىنى "جاسارەتلىككەن  " دەپ چۇقۇنۇپ تۇرۇپ تەزىيە بىلدۈرىدىغان مەنتىقىنى چۈشەنمەك بەسى مۈشكۈل ....... ئەخلاقسىراپ كەتكەن ئاشۇ بىر بۆلۈك ئادەملەرگە قاراپ كۈلگۈم كەپكەتتى  ، ئۆزىنى تىپ يارىتىشنىڭ ئۇستىسى دەپ قارايدىغانلار مەن-مەنلىك ۋە ئەخمەقلىقنىڭ چەك چىگىرىسىدىن "غەلبىلىك " بۈسۈپ ئۈتۈپ  ، تازا شەرتى توشىدىغان كاندىدات ئەخمەقلەرنى ئەگەشتۈرۈپ ، ئۆزلىرىنى تاشلاپ كەتكەن  ئەخلاقنى تىلىكامىرا ۋە ئىنتىرنىت ئارقىلىق چىللاپ يۈرگەنلىرى بىر مەنىۋى پاجىئە بولماي نىمە؟ "يانچۇقۇڭ قۇرۇق بولسا ھىچ گەپ يوق، ئەمما كاللاڭ قۇرۇق بولسا ھەرنىمىنى يىيىشكە مەجبۇر بولىسەن  " دىيىلگەننى ئاڭلىغان ۋاقتىمدا  ھەرھالدا كاللامنى توشقۇزۇشنىڭ مۇھىملىقىنى چۇڭقۇر ھىس قىلغانىدىم . ھالا بۇ كۈنلەردە ھەم يانچۇقى ھەم كاللىسى قۇرۇقلارنى كۆرگىنىمدە ئاۋال قايسىسىنى تولدۇرۇشنىڭ مۇھىملىقىنى ئۇلارغا بىلدۈرۈپ بولالماي چاچلىرىم چارلاشقىلى تۇردى ...........   باشقىلارنىڭ كەشىنى تارتىۋېلىپ كىيىمەن دەيدىغان بايقۇشلار ھامان بىر كۈنى ئىككى پۇتىنىڭ بىر ئۈتۈككە تىقىلىپ قالدىغىنىنى  بىلمەمدىغاندۇ ؟ ئۇ پۇتىنى ئۇنىڭ بۇنىڭ ئايىقىغا دوملاپ يۈرگەندە باشقىلارمۇ ئۇنىڭ پۇتىنىڭ "رەزمىرىنى "ئۆلچەپ بولىدۇ ئەمەسمۇ ؟......   كېچىنى قاراڭغۇ ۋە سۈرلۈك دىمە ، دىلى يورۇقلار ئۈچۈن كېچىدىن ئۆتە كەڭرىچىلىك  ، ئاسايىشلىق  ، تىنچلىق يوق ، كېچىنى شۇنىڭ ئۈچۈن ياخشى كۈرىمەنكى ، كۈندۈزنىڭ قۇلاقنى يارغۇدەك ۋاڭ -چۇڭلىرى ، كۆزلەرنى ئېلىشتۈرغىدەك  ئالامانلىرى ، كۆڭۈلنى غىق قىلغۇدەك بىسەرەمجانلىقلىرى ، دىماقلارنى پۈرۈشتۈرگىدەك بىخۇش ھىدلىرى ئەشۇ كېچە تەرىپىدىن سۈپۈرۈلۈپ ، ئەتىسى تاڭنىڭ ئاق يىپى قارا يىپىدىن ئايرىلغان چاغدا يېڭى كۈندۈزنىڭ قىممىتىنى نۇر بىلەن تەڭ جۇلالاندۇرۇپ بىرىدىغىنى ئەنەشۇ كېچە ................... رەزىل ئادەملەرمۇ ئۆز نۆۋىتىدە ئۆلۈمدىن قورقىدۇ ، نىمىشقا قورقىدۇ ؟  "ئالىدىغان نەپلىرىم - پايدىلىرىم باشقىلارنىڭ چۆنتىكىگە چۈشۈپ كىتىدىغان بولدى ،  ھوزۇرىنى سۈرىۋاتقان ھوقۇقۇم باشقىلارنىڭ قولىغا قالىدىغان بولدى ، يۇۋاشلارنى - سەۋرچانلارنى توختىماي تازقارانىڭ تۇمشۇقىدەك چۇقۇلاپ تۇرىدىغان زۇۋانىمغا توپا تىقىلىدىغان بولدى ،ئايىماي پۇل خەجلەپ قاتۇرغان ھەيۋەتلىك قەبرەمگە قارايدىغانغا ئادەم يوق چاغدا بېشىمغا كىلىپ لالمائىتلار سىيىپ قويىدىغان بولدى ، ئەڭ يامىنى مەندىن ھىساپ ئالىدىغان پەرۋەردىگارنى تىرىكلىگىمدە پىسەنت قىلمىغىنىم ئۈچۈن ئۆلگىنىمدە شەرمەندە بولىدىغان بولدۇم ......" دەپ قورقىدۇ . مۇنداق بىر" فىزىئولوگىيىلىك" تۈزۈلۈش بار : قەلبى ئاشقازىنى بىلەن بىر تۇتاش كەلگەنلەر ھارامنى يىۋالغان چاغدا كۆڭلى ئېلىشمايدۇ  ، شۇنداقلا ھالال يىگەن چاغدا ھۇزۇرمۇ ھىس قىلمايدۇ ، بۇنداق تۈزۈلۈشكە ئىگە ئادەملەر يۇقۇرى قاتلامدا بولسا پۈتۈن جامائەسىنىڭ گۈشىنى يەۋالسىمۇ سېسىق كىكىرىپ قالمايدۇ  ، تۆۋەن قاتلامدا ئاران كۈن ئېلىۋاتقان بولسا خوشنىسىنىڭ بىرەر  توخۇسىنى خامبۇسۇرۇق قىلىپ  يەۋالسا نەچچە كۈنگىچە قورسىقى توق يۈرىدۇ ... ".....مۇنداق -مۇنداق ئايدا تۇغۇلغانلار ئۆزىگە ئىشەنمەيدۇ " دەپتۇ بىر پالنامىدە ، ۋوي ؟ ئۇنى نىمىشقا ماڭا ئىشەنمەيدىكى دىسەم ، ئەسلى ئۇ ئاۋال ئۆزىگە ئىشەنمەيدىكەن ئەمەسمۇ ؟ ئۆزىگە ئىشىنەلمىگەن ئادەم باشقىلارغا قانداق ئىشىنەلىسۇن ؟ ئۆزىدە ئىشىنىشكە تىگىشلىك مەۋقەنى ھازىرلىيالمىغان ئادەم باشقىلارنىڭ ئىشىنىشكە ئەرزىيدىغان تەرىپىنى قانداقمۇ بايقىيالايدۇ ؟  ئەپسۇسلۇق ئىشتە بۇ ............    يەنە يازاي دىگەنتىم ، ئۇخلاۋاتقان ئىككى ياشلىق قىزىم ئويغۇنۇپ ، كومپىيۇتىرىمنىڭ ئالدىغا كىلىۋېلىپ ، قوللىرىمغا ئېسىلىۋالدى ، ئۇنىڭ سىلەر "چۈشەنمەيدىغان تىل"دىكى پىكىرلەرنى قالدۇرۇپ قۇيىشىدىن ئەنسىرەپ مۇنبەردىن چۈشۈشكە مەجبۇر بولدۇم ، كالتە - كۆسەي پىكىرلىرىمنى ھەزىم قىلىپ كىتەرسىلەر ........تەسىرلەنگەن بولساڭلار ئاخىرىنى داۋام ئىتەرسىلەر ...... مەنبە :گۈلجاھانخاننىڭ ئەبجەش پىكىرلىرى ... 2012-يىل 5- مارت

كارۋان

	قۇلاققا ھەجەپمۇ ياقتى ماۋۇ پاراڭلار..

fatima

	تىيمىنىڭ مەزمۇنى تاققا-تۇققىدەك بىر خىل قىزقارلىق مەنىلىك ئىكەن.مارت ئېيى كۈنى كەلدى دېگەن گەپ،ھاۋا كۈنسايىن ئىسسىپ ،ھەممە مەۋجۇدات باھار شادلىقىغا چۈمدىغان گەپ.

yawayi-0998

	كۇن چىققاندا  ئاپتاپقا  قاقلىنىپ ئوتراپ  ئاڭلايدىغان  گەپلەكەن بۇ ... :qiray18

gulbarxekar

	ئويلاۋاتقان ئەمما قەلەم  تەۋرىتەلمەيۋاتقان  گەپلەر  .......................