سەككىز جۈملىلىك ھىكمەتلەر

takderdax

	1.رەسۇلۇللا مۇنداق دەيدۇ: سەككىز نەرسە باشقا سەككىز نەرسىگە قارىتا قانائەتلەنمەيدۇ. كۆز كۆرۈش بىلەن قانائەتلەنمەيدۇ تۇپراق يامغۇر سۈيى بىلەن قانمايدۇ. ئاياللار ئەرلەرگە قانائەت قىلمايدۇ. ئالىم بىلىمگە قانمايدۇ. كۆپ سۇئال سۇرىغۇچى جاۋابقا قانائەت قىلمايدۇ. ئاچ كۆز پۇل يىىغىشقا قانمايدۇ. دېڭىز سۇغا قانمايدۇ. يالقۇنلۇق ئوت ئوتۇن بىلەن قانائەتلەنمەيدۇ. 2.ئەبۇبەكرى سىدىق رەزىيەللاھۇ ئەنھۇ مۇنداق دەيدۇ: سەككىز نەرسە باشقا سەككىز نەرسىنىڭ زىننىتى. پاك-دىيانەتلىك بۇلۇش _نامراتلىقنىڭ زىننىتى. تەشەككۇر ئېيتىش _نېئمەتنىڭ زىننىتى. سەۋرچانلىق _مۇشەققەتنىڭ زىننىتى. سىپايە بولۇش _ئىلىمنىڭ زىننىتى. كەمتەرلىك _ئوقۇغۇچىنىڭ زىننىتى. يىغا _قورقۇشنىڭ زىننىتى. تاپا-تەنىگە پىسەنت قىلماسلىق_ياخشى ئىشنىڭ زىننىتى. قورقۇش(تەقۋالىق) _نامازنىڭ زىننىتى. 3.ئۆمەر ئىبنى خەتتاب مۇنداق دەيدۇ: قۇرۇق گەپنى تەرك قىلغۇچى ئەقىلنى تاپىدۇ. ماراپ يۈرۈشنى تاشلىغۇچى مۇلايىملىقنى تاپىدۇ. ئاچ كۆزلۈكنى تاشلىغۇچى ئىبادەتنىڭ لەززىتىنى تاپىدۇ. قاقاقلاپ كۈلۈشنى تاشلىغۇچى سالماق قىياپەتكە ئىگە بۇلىدۇ. چاقچاقنى تاشلىغان كىشى ئابرويغا ئىرىشىدۇ. دۇنياغا بولغان ھەۋەسنى تاشلىغۇچى ئاخىرەتكە بولغان ئىشتىياقنى تاپىدۇ. باشقىلارنىڭ ئەيپىنى ئېچىشنى تەرك ئەتكۈچى ئۆز كەمچىلكىنى ئۆزگەرتكەن بۇلىدۇ. ئاللاھنىڭ قانداقلىقىنى مۇلاھىزە قىلىشنى تەرك ئەتكۈچى مۇناپىقلىقتىن قۇتۇلغان بۇلىدۇ. 4. ئوسمان ئىبنى ئەففان ئېيتىدۇ: كېچە بىدار تۇرۇپ ئىش بىجىرىدىغان ئادەم تۆۋەندىكى خىسلەتنى تاپىدۇ: پىكىر _ھىسياتى ئاللاھتىن قورقۇشتىن خالىي بۇلالمايدۇ،ئاللاھقا بولغان ئىنتىزارلىق بىلەن بولىدۇ. تىلى ئاللاھقا شۈكۈر ئېيتىشتىن خالىي بولمايدۇ،ئاللاھقا مەدھىيە ئوقۇش بىلەن بولىدۇ. كۆزى ھايا بىلەن بولىدۇ،يىغىنى ھەمراھ قىلىدۇ. ئىرادىسى پانىي دۇنيانى تەرك ئېتىشتە بولىدۇ. ئاللاھنىڭ رازىلىقىنى كۆزلەشتە بولىدۇ. 5.ئەلى ئىبنى ئەبۇ تالىب ئېيتىدۇ: نامازدا ئېھتىرام بولمىسا،ئۇنىڭدا ياخشىلىق يوق. روزىدار يالغان گەپنى توختاتمىسا ،روزىنىڭ پايدىسى بولمايدۇ. ئىلىملىك تەقۋا بولمىسا،ئىلىمنىڭ پايدىسى بولمايدۇ. قىرائەتنى تەھلىل قىلمىسا،ئوقۇشنىڭ پايدىسى يوق. پۇل تۇرۇپ سېخىي بولمىسا،پۇلنىڭ پايدىسى بولمايدۇ. پۇت-قولنىڭ ھەققىنى قوغدىمىسا،پۇت-قولنىڭ ھەققىنىڭ پايدىسى بولمايدۇ. بەخىت ئۇزاق داۋاملاشمىسا،بەخىتنىڭ پايدىسى بولمايدۇ. دۇئا ئىخلاسى بىلەن بولمىسا،دۇئانىڭ پايدىسى بولمايدۇ. مەنبە:ھىدايەتنامە دىگەن كىتابتىن ئېلىندى.

mawlanof

	تېما ئېگىسىگە رەھمەت . بەكلا قىممەتلىك .ئىبارىلەركەن.

yawayi-0998

	رۇخسەتسىز  چ چ بوشلۇقىمغا  رەسىم شەكلىدە خاتىرە قىلىۋالدىم رازى بولارسىز...  ھەقىقەتەن ياخشى  ھىكمەتلەركەن ...

arka-kiz

	ئېسىل ھىكمەتلەركەن، ئاللاھ رەھمەت قىلسۇن قىرىندىشىم! يازغان قوللىرىڭىزغا دەرت كەلمىسۇن.

سابا

	ئون جۈملىلىك ھېكمەتلەر پەيغەمبىرىمىز مۇنداق دىگەن : سىلەر چىش چوتكىلاشتا چىڭ تۇرۇڭلار . چۈنكى  چىش چوتكىلاشتا ئون تۈرلۈڭ خاسىيەت بار . 1) ئېغىزنى پاك قىلىدۇ . 2) ئاللانى رازى قىلىدۇ . 3) شەيتاننى غەزەپلەندۈرىدۇ . 4) مېھرىبان ئاللاھننىڭ مۇھاپىزەتچى پەرىشتىلىرىنىڭ ياخشى كۆرۈشىگە ئېرىشىدۇ . 5) چىشنى چىڭىتىدۇ . 6) ئېغىز بوشلۇقىدىكى خەپرۈكنى تازىلايدۇ . 7) ئېغىزنى خۇشبۇي قىلىدۇ . 8) ئېغىز بوشلۇقىنىڭ نەملىكىنى يۇقىرى كۆتۈرىدۇ . 9) كۆرۈش قۇۋۋىتىنى ئاشۇرىدۇ . 10) ئېغىز پۇراشنى يۇقىتىدۇ . پەيغەمبىرمىز يەنە مۇنداق دىگەن : چىش چوتكىلىماي ئۇقىغان نامازدىن چوتكىلاپ ئۇقىغان ناماز 70 ھەسسە ئەۋزەل بۇلىدۇ . 2. ئەبۇبەكرى سىددىق ئېيتىدۇ : ھەرقانداق ئادەم پەقەت ئاللاھنىڭ ئون تۈرلۈك خىسلىتىگە ئېرىشەلىسە ، ئۇ تۈرلۈك تالاپەت ۋە كىسەللەردىن قۇتۇلۇپلا قالماستىن ، يەنە مۇتتەقىيلەرنىڭ قاتارىغا قۇيۇلىدۇ . ھەم ئاللاھتىن قورقۇپ سۈننەتكە ئەگەشكەنلەرىنڭ دەرىجىسىنى تاپقان بۇلىدۇ . 1) راسىتچىل ھەم قانائەتمەن يۈرەك . 2) سەۋرىچان ھەم خۇدانىڭ رەھمىتىگە شۈكرى قىلىش . 3) نامراتلىق پەيىتتىمۇ ، ئىبادەتتە چىڭ تۇرۇش . 4) قورسىقى ئاچ ھالدا ئۇزاق ئويلنىش . 5) غەم ئەندىشىدە ئاللاھتىن قورقۇپ ، ئۇنىڭ ئەمرىگە بويسۇنۇش . 6) داۋاملىق تىرىشچانلىق بىلەن كەمتەر بۇلۇش . 7) مۇلايىم بۇلۇش ھەم دوسىت بۇرادەرلىرى بىلەن بىللە بۇلۇش . 8) ياخشى كۆرۈش ۋە ھايالىق بۇلۇش . 9) پايدىلىق بىلىم بۇلۇش ھەم ئىنتايىن سىپايە بۇلۇش . 10) مۇستەھكەم ئىمان بۇلۇش ھەم پەۋقۇلئاددە ئەقىل بۇلۇش . 3. ئۆمەر ئىبنى خەتتاب مۇنداق دەيدۇ : ئون نەرسە كەم بولسا باشقا ئون نەرسە بىلەن تەڭشىگىلى بولماس . 1) تەقۋالىق بولمىسا ئەقىل ياخشى بولماس . 2) بىلىم بولمىسا ، پەزىلەتلىك بولغىلى بولماس . 3) قورقۇنچ بولمىسا غەلبە بولماس . 4) ئادىللىق بولمىسا ، ياخشى ھۆكۈمران بولغىلى بولماس . 5) ئەدەپ بولمىسا ئېسىلك نەسەپ ياخشى بولماس . 6) بىخەتەرلىك بولمىسا خۇشاللىق بولماس . 7) سېخىيلىق بولمىسا بايلىق ياخشى بولماس . 8) نامراتلىقنى قانائەتسىزلىك بىلەن تەڭشىگىلى بولماس . 9) كەمتەرلىك بولماي يۇقىرى مەرتىۋە ياخشى بولماس . 4. ئوسمان ئىبنى ئەففان مۇنداق دەيدۇ : تازا نەس باسىدىغان نەرسە ئون تۈرلۈك بۇلىدۇ : 1) ئالىمدىن مەسلىھەت سورىغۇچى بولمىسا . 2) بىلىمنىڭ ئەمەلىيلەشتۈرگۈچىسى بولمىسا . 3) توغرا پىكىرنى قوبۇل قىلغۇچى بولمىسا 4) ئەسۋاپ-جابدۇقنى ئىشلەتكۈچى بولمىسا . 5) مەسچىت بۇلۇپ ناماز ئوقۇلمىسا . 6) قۇرئان بولۇپ ئوقۇغۇچى بولمىسا . 7) پۇل بولۇپ ياخشىلىققا ئىشلىتىلمىسە . 8) ياخشى ئات بولۇپ مىنگۈچى بولمىسا. 9) مەنپەئەتلىك بىلىم دۇنياپەرەسنىڭ قورسىقىغا قاچىلىنىپ قالسا . 10 ) ئۇزۇن ئۆمۈر بولۇپ سەپەرنىڭ تەييارلىقى بولمىسا . 5. ئەلى ئىبنى ئەبۇتالىب ئېيتىدۇ : 1) ئەڭ ياخشى مىراس بىلىم . 2) ئەڭ يۈكسەك كەسىپ مائارىپ . 3) ئەڭ ياخشى ئوزۇق تەقۋالىق . 4) ئەڭ ياخشى مال ئىبادەت . 5) ئەڭ ياخشى ھۆكۈمران ياخشى ئەمەل . 6) ئەڭ ياخشى ھەمراھ ئېسىل پەزىلەت . 7) ئەڭ ياخشى ۋەزىر ئالىيجاناپ ئادەم . 8) ئەڭ ياخشى بايلىق قانائەت . 9) ئەڭ ياخشى ياردەمچى تەڭشەش . 10) ئەڭ ياخشى ئەدەپ-ئەخلاق ئۆگەتكۈچى ئۆلۈم . 6. پەيغەمبىرىمىز مۇنداق دىگەن : ئىسلام قەۋمى ئېچىدىن ئاللاھقا ئىشەنمەيدىغان ئون تۈرلۈك ئادەم چىقىدۇ .گەرچە ئۇلار ئۆزىنى مۇسۇلمان دەۋالسىمۇ : 1) قاتىل . 2) سېھرىگەر . 3) دەييۈز يەنى ئۆزىنىڭ ئايالىنىڭ ناباپ ئىشلىرىنى كۆرمىگەن ياكى ئاڭلىمىغان بولغۇچى . 4) زاكات بېرىشكە قارشى تۇرغۇچى . 5) ھاراقكەش . 6) ھەج قىلىشقا لايىق بولسىمۇ بارمىغۇچى . 7) پىتنە-پاسات تېرىغۇچى . 8) دۇشمەنگەقورال سېتىپ بەرگۈچى . 9) ئايالى بىلەن لىۋاتەت قىلغۇچى . 10) بىۋاستە تۇغقانلىرى بىلەن توي قىلغۇچى . يۇقىرىقى ئىشلارنى ھالال سانىغۇچىلار دىندىن تانغان بۇلىدۇ . 7. پەيغەمبىرىمىز مۇنداق دىگەن : ئاللاھنىڭ بەندىسى بولىدىغان كىشى مەيلى ئاسماندا ياكى زېمىندا بولمىسۇن ، سېخىي بولماي تۇرۇپ مۇئمىن بۇلالمايدۇ . مۇسۇلمان بولماي تۇرۇپ سېخىي بولغىلى بولمايدۇ . باشقىلار ئۇنىڭ قولىدىن ۋە تىلىدىن ئازار يىگەن تۇرۇپ ، ئۇ مۇسۇلمان بۇلالمايدۇ . ئالىم بولماي تۇرۇپ مۇسۇلمان بولغىلى بولمايدۇ . ئەمەل قىلماي تۇرۇپ ئالىم بولغىلى بولمايدۇ . تەقۋا بولماي تۇرۇپ ئىلىمگە ئەمەل قىلغىلى بولمايدۇ . ئاللاھتىن بەك قورقماي تۇرۇپ تەقۋا بولغىلى بولمايدۇ . كەمتەر بولماي تۇرۇپ تەقۋا بولغىلى بولمايدۇ . ئۆزىنى تۇنۇماي تۇرۇپ كەمتەر بولغىلى بولمايدۇ . ئەقىلسىز كىشى ئۆزىنى تونۇيالمايدۇ . مەنبە-« ئەخلاقنامە »

takderdax

	hekmat-uyghur يوللىغان ۋاقتى  2012-3-5 05:07 PM بەزىلەر  ئۆزىچە  سەككىز  شەرەپ  سەككىز  نۇمۇسنى  ئوتتۇ ... تولۇق ئەمەل قىلامىساقمۇ تىرشىۋاتىمىز،بۇ مەن كۆتۈرۈپ چىققان نەرسىلەر ئەمەس،گەپ-سۆزگە ئازراق دىققەت قىلىپ قۇيالا ھە؟

MAJNUNA

	كۆپ نەرسىلەرنى بىلىۋالدىم ، رەھمەت سىزگە.

APEPA

	ئاللاھ راخمەت قىلسۇن