قايناق ھىسسىيات ، ئاچچىق رىئاللىق

nazila998

	قايناق ھىسسىيات ، ئاچچىق رىئاللىق     مۇھاببەت قاينىمىدىكى قز - يىگىتلەرنىڭ كۆزىگە سۆيگەن ئادىمىنىڭ ياخشى تەرپىلا كۆرنىدۇ ، ھەتتا قارشى تەرەپنىڭ يىتەرسىزلىگى ، ئەيىۋى ئارتۇقچىلىق بولۇپ كۆرنىدۇ ، بۇ ھەقتە ئۈرۈمچى يارىپ پىسخىك مەسلەھەت بىرىش ئامبۇلتۇريەسىنىڭ مەسئۇلى ئەخمەتجان قۇرباننىڭ مەسلاھاتىنى ئاڭلاپ باقايلى ،                                   چوڭلارنىڭ رازىلىقى       ئەمدىلا  21 ياشقا كىرگەن قىز كۆز ياشلىرىنى سۈرتكەچ دەردىنى ئېيتتى :     _ يىگىتىمنىڭ مۇقىم خىزمىتى ھەم كىرىمى بولمىغاچقا ، ئاتا _ ئانام ئۇنىڭ بىلەن توي قىلىشىمغا ئىزچىل قارشى تۇرۇپ كەلگەن ، ھىسسىياتنىڭ كەينىگە كىرىپ تويدىن بۇرۇن ھامىلدار بولۇپ قالدىم ، بۇنى ئاتا - ئانامغا دىيەلمەيمەن ، لىكىن يىگىتىم بىلەن ئىككىمىز  بالىنى باققۇمىز بار ، قانداق قىلىشىمىز كىرەك ؟       ئەخمەتجان مۇنداق دىدى :    _ بۇنى قاچانغىچە يوشۇرالايسىز ؟ يىگىتىڭىزنىڭ سىزنى باقالىغۇدەك ھالى يوق ئىكەن ، بالىنى باققۇمىز بار دىگىنىڭلار  مەسۇلىيەتسىزلىك بىلەن ئېيتىلغان باھانە ، بالا تۇغۇلغاندىن كىيىن راسخودلارنىڭ ھوددىسىدىن قانداق چىقماقچىسىلەر ؟ تەكشۈرۈش ماتىرياللىرىغا ئاساسلانغاندا ئاتا - ئانىنىڭ رازىلىقى بىلەن بولغان توينىڭ ئۈنۈملۈك ۋە ئاداققىچە بولۇش نىسبىتى ، ئاتا - ئانىنىڭ قارشىلىقىغا پەرۋا قىلماي  قىلغان تويغا قارغاندا يۇقۇرى بولدىكەن ،      كۆڭۈلسىزلىك بىلەن باشلانغان تۇرمۇش زىددىيەتلىك بولىدۇ ، چوڭلارنىڭ تۇرمۇش تەجىربىسى مول ، بەخىتلىك ئائىلە قۇرمەن دەيدىكەنسىز ،چوقۇم  ئاتا - ئانىڭىزنىڭ رازىلىقىنى ئىلىشىڭىز ، يىگىتىڭىز ئۇلارنىڭ ئىشەنچىسىگە ئېرشىشى كىرەك ، تۇرمۇشتا ھىسسىيات بولمىسا بولمايدۇ ، ئىختىسادى كاپالەت بولمىسا تىخىمۇ بولمايدۇ .                                      ئۆزىنى ئايىمىغانلىق ، ئەقىلسىزلىق .      ئوتتۇرا ياشلاردىكى ئايال خۈدۈكسىرەش ئىچىدە گىپىنى باشلىدى :      _  ئۆزۈمگىمۇ ئايان ، ئائىلىسى پەرزەنىتلىرى بار ئەر _ ئاياللارنىڭ خۇپيانە مۇھاببەتلىشىى توغرا ئەمەس ، مەن ئۇنى سۆيدۈم ، ئۇ نىمىنى سورىسا شۇنى بەردىم ، بىر مەزگىلدىن كىيىن ئۇ مەندىن قەرىز سورىدى ، ئۇنىڭغا ئىلگىر - كىيىن بولۇپ 80 مىڭ يۈئەندىن ئارتۇق پۇل بەردىم ، بىر مەزگىلدىن كىيىن ئۇنىڭغا قەرىزنى قايتۇرۇشنى ئېيتىۋىدىم ، ئۇ يوقاپ كەتتى ، سەتچىلىكنىڭ ئاشكارلىنىشىنى خالىمايمەن ، پۇلنى يۈتتۈرۈپ قويۇشنىمۇ خالىمايمەن ، قانداق قىلىشىم كىرەك ؟   ئەخمەتجان  مۇنداق دىدى :      _ ھازىرقى ھالەتتە سىز پەقەت << پۇلنى قايتۇرۋالالامدىم - يوق ؟ >> بىلەن << قلمىشلىرىم ئاشكارلىنىپ قالسا قانداق يىغىشتۇرامەن ؟>>  دىگەننى ئويلىشىڭىز كىرەك ، بۇ ئەرنىڭ قىلمىش - ئەتمىشلىرى سىزنى شۇنداقلا  ھىسسىياتىڭىزنى ئەخماق قىلىشتىن باشقا نەرسە ئەمەس ، ئۇ ئەر يامىنىغا كەلگەندە ، ھەممە ئىشنى ئاشكارلىۋىتەر ، ئايالىمۇ كەچۈرۋىتەر ، سىزچۇ ، بۇ زەربىگە بەرداشلىق بىرەلەمسىز ؟ ئەلمىساقتىن تارتىپ بۇ خىلدىكى ھىسسىيات ئويۇنى ئويناپ ئۆزىنى ھەم ئۆزگىنى ھالاك قىلغانلار ئاز ئەمەس ، بۇ ئويۇننىڭ ئاخىرىنى چىقارغۇدەك ھالىڭىز بارمۇ ؟                                           چۈشۈنۈش ھەممىدىن مۇھىم      60 ياشلاردىكى موماي غەمكىن ھالدا سۆز باشلىدى :       _ قىزىم بىلەن كۈيوغلۇم توي قىلغان ئون يىلدىن بۇيان خىزمەت ۋە تىجارەت سەۋەبىدىن ئىككى يەردە ئايرىلىپ تۇرۇشقا مەجبۇر بولغان ، بۇ جەرياندا ئۇلار ئىككى پەرزەنىتلىك بولغان ، ئۇزاق مەزگىل ئايرىلىپ تۇرغاچقا بىر - بىرىگە بولغان مىھرى - مۇھاببىتى سۇسلاشقان ، ماي بايرىمىدا قىزىم توردىشى بىلەن كۆرشۈپتۇ ، بۇنى بىلىپ قالغان ئېرى ئاجىرشىش تەلىۋىنى ئوتتۇرغا قويدى ، قىزىم پەقەت كۆرشۈپ پاراڭلاشقانلىقى  ، ھىچقانداق ئىش يۈز بەرمىگەنلىكىنى ئېيتىپ بىلىكىنى كىسىپ قەسەم قىلىپ بەرگەن بولسىمۇ ئېرى نىيىتىدىن يانمىدى ، بۇ ئائىلىنى ساقلاپ قىلىش ئامالى بارمۇ ؟      ئەخمەتجان سەل ئويلىنىۋالغاندىن كىيىن گىپىنى باشلىدى :      _ بۇ نامدا بار ئەمىلىيەتتە يوق ئائىلە ئىكەن ، ئۇزاق مەزگىللىك ئايرىلىپ تۇرۇش ، ئۇلارنىڭ ئوتتۇرسىدا كۆرۈنمەس ھاڭ پەيدا قىپتۇ ، كۆرۈنۈشتە بۇ قىتىملىق جىدەل ئايالنىڭ قىلمىشى توغۇرلۇق چىققان بىلەن ، ئەمىلىيەتتە ئاجىرشىشقا ، پۇرسەت باھانە ئىزدەپ يۈرگىنى ئەر ، سوت مەھكىمىسى بۇ خىلدىكى نىكاھتىن ئاجىرشىش دىلولىرىغا ئالدى بىلەن مۇرەسسە قىلىش ، ئالتە ئايغىچە قاراپ بىقىش ، كىسىمى چىقىرىش ئۇسۇلىنى قوللۇنىدۇ ، مانا مۇشۇ مەزگىلدە قىزىڭىز ئېرىگە قايتا چۈشەنچە بېرىپ ، ناماقۇل بولۇپ ، بالىلارنى ئارىغا قويۇپ ئۇنى قايتىپ كىلىشىگە ماقۇل قىلسۇن ، ئەڭ مۇھىمى ئۇنىڭ كۆڭلىنى ئائىلىگە رام قىلسۇن ، ۋاقىت بارلىق كۆڭۈل ئاغرىقلىرىنىڭ ئەڭ ئۈنۈملۈك دورىسى ، ۋاقىتنڭ ئۇزۇرشى بىلەن ئەر - ئايالنىڭ كۆڭلىنى ھەم ئائىلىگە بولغان ساداقىتىنى چۈشۈنىدۇ ، مەسئۇلىيەتچان ئەر ئائىلىنى ۋەيران قىلمايدۇ .                      مەنبە   :  شىنجاڭ قانۇنچىلىق گىزىتى

篮球美女

	مۇشۇ شىنجاڭ قانۇنچىلىق گېزىتى ، ئامانلىق دىگەندەك  گېزىت - ژورناللاردا كىىشلەر ئوقۇپ قويسا ، ئاڭلاپ قويسا بولغۇدەك تەربىيۋىي ئەھمىيتى بار مەزمۇنلار بەك جىق دەيمەن .

arif

	كىيىنكى پۇشمان ئۆزىگە دۈشمەن

joda☠

	篮球美女 يوللىغان ۋاقتى  2012-3-4 02:29 PM مۇشۇ شىنجاڭ قانۇنچىلىق گېزىتى ، ئامانلىق دىگەندەك  گېز ... شۇنداق ما   ئەمسە مەن كۈندە ئۇقۇپ تۇراي ...:qiray14

SUKUT520

	مۇشۇنداق ئىشلار جەمىيىتىمىزدە ئازتولا ئۇچراپ قالىدۇ.

umidwar99

	SUKUT520 يوللىغان ۋاقتى  2012-3-4 04:20 PM مۇشۇنداق ئىشلار جەمىيىتىمىزدە ئازتولا ئۇچراپ قالىدۇ. ئاز تولا ئەمەس، خېلىلا دەيسىز ماندا....

kunbike

	بەزى ئەخمەق ئاياللار بار ،ئىرىدىن ئاجىرىشىپ مەلۇم مەزگىلدىن كىيىن يارىشىۋالغاندا ئىرىنىڭ چىرايلىق گەپلرىگە ئىشىنىپ قايتا توي خىتى ئالمايلا نىكاھ ئوقۇتۇپ بىر ئۆيگە كىرىپ ئولتۇرىۋىرىدۇ،كىيىن يەنە كىلىشەلمەي ئايالنى ئۆيدىن قوغلاپ چىقىرىۋەتسە ئۇ چاغدا قانۇن ئورۇنلىرىغا كىلىدۇ لىكىن ئۇ ئايالنىڭ قولىدا توي خىتى بولمىغاچقا ئۆزىنىڭ ھوقۇق مەنپەتىنى قوغدىيالماي يەنە كوچىدا قالىدۇ ،ئەسلى بار نەرسىلىرىمۇ يوق بولۇپ كىتىدۇ .ئاخىردا ھىسسىياتنىڭ قۇربانى بولۇپ كىتىدۇ .

kurumsz

	ئاڭلاپ قويسا بولغۇدەك تەربىيۋىي ئەھمىيتى زور ئىكەن.

zokra

	قىزلار سەت بولسىمۇ  مەيلى ،لىكىن چوقۇم ئەقىللىق بولىشى كىرەك ،ئەقلىمىز دائىم ھىسسىياتىمىزدىن غالىپ كەلسۇن !!!!!!!