ئەۋلىيا (1)

BAHADIRHAN

	بۇ كۆرۈمسىز بوۋاينىڭ بۇ مەھەللىدە قاچانلاردىن باشلاپ پەيدابولۇپ قالغانلىقىنى دەپ بىرەلەيدىغان ئادەم يوق، ئۇنىڭ ئۈستىگە ئۇ دائىملا بۇ مەھەللىدە ئەمەس، ئۇنىڭ بۇ مەھەللىدە تۇرىدىغان ئۆيى، نە ئۇرۇق - تۇققىنى ۋە نە بىرەر سىردىشى يوق، ئۇ بوۋاي ھەممىلا يەردە پەيدا بولىۋەرمەيدۇ. مويىسىپىتلارنىڭ ئىلمىي سۆھبەتلىرىدە ئۇ يوق، مەسچىت ئالدىدا دۇنيانىڭ سىياسى مەسىلىلىرى ئۈستىدە مۇنازىرە بولغان سورۇنلاردا ئۇ يوق، مەھەللىدە بىكارچىلار كورت ئويناپ ئولتۇرۇپ غەيۋەت قىلىشقان سورۇنلاردا ئۇ يوق، ئۇ پەقەت قىزىققان ياشلارنىڭ تۇرمۇش، جەمئىيەت، مىللەت ھەققىدىكى پاراڭلىرى بولغان سورۇنلاردا گەپ تۈگەي دىگەندە، تۈگۈچلەر تۈگۈلۈپ يىشىلمەي سورۇن تارايدىغان چاغلاردا ئاسماندىن چۈشكەندەكلا پەيدا بولۇپ قالىدۇ. بۈگۈنمۇ قاۋۇل چېچىلىپ قالدى: خۇدايىم با!!! نىم بوپ كىتىۋاتىدۇ دەيمەن ما جاھان، تېخى تۈنۈگۈن چاچلىرىنى، كىندىكىنى ئوچۇق قويۇپ يۈرىيدۇ ما قىزلار دەپ جىلى بولۇپ قايناپ قىلىۋىدۇق، ئەمدى بۈگۈن ما قىزلار يەنە يىڭى ياڭزا چىقىرىپ باش كۆزلىرىنى چۇڭقۇر چۈمكەپ، بەدىنىگە لىققىدە كىلىدىغان تار نىيۇزەيكۇنى كىيىپ، ساغرىسىنى قازاق قوينىڭ قۇيرىقىدەك چىقىرىپ يۈرىيدىغان بولۇۋاپتۇ، ئاخشام بىر قىز تىلفۇن قىپتۇ ماڭا، تۈنۈگۈن كىيىم سىتىۋالغىلى بىرىپ شۇ قىزدىن بىر قۇر ئىشتان - چاپان سىتىۋالغانىدىم، چوڭ - كىچىك كىلىپ قالسا ئەكىلىپ ئالماشتۇرىمەن دىسەم، ئۇنداق بولسا تىلفۇن نۇمۇرۇمنى قالدۇرۇپ قوياي، تىلفۇنىڭىزنى بىرىڭ دەپ تىلفۇنۇمنى ئالغاندەك قىلغان، قارىسام شۇنداق يىقىشلىق بىر قىز، تۇرقىدىن كىيىنىشلىرىدىن ئىمانى بار قىز كۆرۈنگەن، تىلفۇندا نىمە دەيدۇ دىمەمسىلەر: ئىچىم پۇشۇپ قالدى، دىباغا ئاپىرىپ ئوينىتىپ كەلگەن بولسىڭىز دەيدۇ. كۆرۈشۈپ ئىككى ئىغىز نەسىھەت قىلىپ قويايچۇ بۇ قىزغا دەپ بىرىپ كۆرۈشۈپتىمەن. نەدە ئۇ كۈندۈزى مەن كۆرگەن قىز، چاچ دىگەن بوراندەك ئۇچۇپ تۇرىدۇ، گىرىم دىگەننىغۇ قىپتۇ ئەمدى، رەڭگارەڭ، ئاۋۇ سەمەت بەڭگىنىڭ قاۋاقخانىسىدىكى بىر نىمىلىرىمۇ قىلماس ئۇنچە گىرىمنى. ئاۋۇ تۇرقىنى كۆرۈپلا نەسىھەت قىلىدىغان نىيىتىمدىنمۇ يىنىپ قايتىپ كەلدىم، كىچىچە ئۇيقۇم كەلمىدى، خۇدايا توۋا............. ئۇنىڭ گىپىنى ئەخمەت ئۈزۈۋەتتى: - ھەي قاۋۇل، خىجىل بولساڭ بوپتۇ، داداڭغا مەن دەي، ئاشۇ كۈندۈزى بىر خىل، كىچىسى بىر خىل يۈرىيدىغان جاناننى ساڭا ئىپ بىرەيلى، ئۆزەڭ بىر راۋۇرۇس ياساپ ئىمانغا كەلتۈرۈۋالمامسەن - ھە - ۋاي ئۆتەپ بارە پىس - پاس، سىنىڭ ئاغزىڭدىن ئاشۇنداق لاۋزا گەپتىن باشقىسى چىقمايدۇ زادى، دىمىسە دىگۈلۈككەن، مەن ئەقلىمنى بىلگەن ۋاقىتلاردا ئاياللار كۆكسى كۆتۈرۈلۈپ قىلىشىدىن نۇمۇس قىلىپ لاتا بىلەن چىگىپ قارىسىمۇ بىلىنمىگۈدەك قىلىپ يۈرەتتىكەن، ئۆيلىرىدە يۈرسىمۇ چاچلىرىنىمۇ ئوچۇق قويماي شۇنداق شەرمى - ھايا بىلەن يۈرەتتىكەن، قاچان پەيدا بولدى مۇشۇ تىلۋىزۇر دىگەن دىلبۇزۇر، شۇندىن بىرى بىز خەقنىڭ ھەممە نىمىمىز بۇزۇلدى. ھىچ نەرسە ئەسلىدىكى شۇ نەرسە ئەمەس، يەۋاتقان بۇغدايلىرىمىز، مىۋە - چىۋىلىرىمىز، ھەتتا ئىچىۋاتقان سۇلىرىمىزمۇ ئىلگىرىكى تاتلىق سۇلىرىمىز ئەمەس، يۈرىكىم ئىچىشىدۇ، قاچانغىچە مۇشۇنداق يۈرىيمىز دەيمەن بىز ئۇيغۇر خەق، بىر زامان ھىندى كىنولىرىغا ئاشىق بولۇپ، ھەممە ئادەم مۇھەببەتلەشتى، ئامرىكا كىنولىرىنى تولا كۆرۈپ ھەممىسى يالىڭاچ بولدى، كورىيە كىنولىرى يىگىتلەرنى زەيپانىگە ئوخشىتىپ قويدى، ئەمدى تۈرك كىنولىرىنى كۆرۈۋاتىمىز. شۇ كىنولاردىمۇ قوبۇل قىلغۇدەك ياخشى تەرەپلەر بار بولغىيدى، نىمىشقا شۇ كىنولاردا ئىپادىلەنگەن مەدەنىيەتنىڭ ياخشى تەرەپلىرىنى قوبۇل قىلماي، ئاشۇ ئەخلەت مەدەنىيەتلەرنىلا قوبۇل قىلىۋالىمىز دەيمەن. قانداق قىلساق تۈزۈلەر بۇ ئىشلار............ - تولا قاينىغان چۆگۈن ئۆزىنىڭ بوينىغا تاشىدۇ دەيدۇ، دىققەت قىل ئاداش، سىنىڭمۇ سىڭىللىرىڭ بار، توۋا دە ...... -ئەخمەت، تولا چىشىمغا تەگمە، مىنىڭ قايسى سىڭلىمنىڭ باشتاق يۈرگىنىنى، قايسىسىنىڭ قۇيرۇقىنى چىقىرىپ يۈرگىنىنى يولۇقتۇرۇپ قالدىڭ، ئەگەر شۇنداق يۈرۈشكە پىتىنسا قارنىنى چۈگۈۋىتىمەن ئۇلارنىڭ، لىكىن ساڭىمۇ ئاچچىقىم بار، كۆڭلۈڭگە كەلسىمۇ دەۋىرەي، ئاۋۇ ئاچاڭغا، كىچىك سىڭلىڭغا نەسىھەت قىلىپ قوي، سەن ئۆيۈڭدىكى بىر تاللا ئەركەك سەن، ئۇلارغا سەن ئىگە بولمىساڭ، ئۇلارنى سەن باشقۇرمىساڭ بولمايدۇ. ئەخمەت بىلەن قاۋۇلنىڭ مۇشۇ مىللەت، ئەخلاق، ئادىمىيلىك توغرىسىدا گەپ چىقسىلا تەگىشىپ قالىدىغان ئادىتى بار، بىراق بىرى بولمىسا يەنە بىرىنىڭ دىمى ئىچىگە چۈشۈپ كىتىدۇ. خۇددى ھىلىقى بىر كىنودىكى خې شىن بىلەن جى شاۋلەندەك. ئەخمەت قاۋۇلغا بىر نىمە دەي دەپ ئاغزىنى ئۆمەللىشىگە نىرىدىن كەنت مۇدىرى راخماننىڭ ۋاقىرىغان ئاۋازى ئاڭلاندى. - ھەي، قاۋۇل، يېرىڭگە سۇنى بۈگۈن ئالامسەن ياكى كىلەر ھەپتىمۇ؟ -كەلگەن سۇنى بۈگۈن ئالمايتتىممۇ ئەمىسە -ماڭمامسەن ئەمىسە، سۇ كەلگىلى نەۋاخ، ساقلاپ تۇرمايدۇ سۇ دىگەن. قاۋۇل توپا يۇققان پەشلىرىنى قېقىشتۇرۇپ كەينىگە ئۆرۈلۈشىگىلا ھىلىقى بوۋاينى كۆردى. بۇ بوۋاينىڭ قاچانلاردا كەلگىنىنى، قايسى تەرەپتىن كەلگىنىنى بۇ يەردىكى ھىچكىم كۆرمىگەنىدى. - مەن سەن بىلەن بىللە باراي ئوغلۇم!  دىدى بوۋاي قاۋۇلغا ۋە ئۇندىمەيلا ماڭغان قاۋۇلغا ئەگەشتى. ئېچىقتىن كىرىۋاتقان سۇغا قاراپ چۇڭقۇر خىيالغا غەرق بولغان قاۋۇلنىڭ خىيالىنى بوۋاينىڭ بوغۇق ئاۋازى ئۈزۈۋەتتى: قارا ئوغلۇم، قاغجىراپ كەتكەن يەرگە كىرىۋاتقان سۇغا قارا، مۇشۇ سۇ نۇرغۇن ئەخلەت ۋە يەنە باشقا نەرسىلەرنىمۇ ئىتىزىڭغا بىللە ئىلىپ كىرىدۇ، ئەڭ مۇھىمى يېرىڭ مۇشۇ سۇغا تەشنا، شىددەت بىلەن ئىقىپ كىرىۋاتقان بۇ سۇدىكى ئەخلەتلەرنى تازىلاپ تاشلاشقا سەن بىلەن مەن ئامالسىز، بىراق يەر سۇغا قانغاندىن كىيىن تازىلاش تامامەن مۇمكىن، ئەخلەتلەر ئۈچۈن كۆڭلۈڭنى يىرىم قىلما!!! قاۋۇل سۇ بىلەن بىللە ئىتىزىغا ئىقىپ كىرىۋاتقان ئەخلەتلەرگە قاراپ بوۋاينىڭ سۆزىنىڭ تىگىدىكى ھىكمەتنى چۈشەنگەندەك بولدى. ئۇ بىشىنى كۆتۈرۈپ بارغانسىرى يىراقلىشىپ كىتىۋاتقان بوۋاينىڭ كەينىدىن قاراپ: -ئەۋلىيامۇ نىمە بۇ ئادەم دەپلا قالدى. ئىجادىيەت: 2012-3-4

abdulahad

	بۇبىر ئۆزگىچە ئىجادىيەت بوپتۇ:qiray12

tumurkala

	بولسا ئاخىرىنىمۇ يوللاپ قويارسىز!

QINSOYGU

	بۇ تىمىنى كۈرۈپ باشقىچە بۇلۇپ قالدىم،جەمئىيتىمىزدىكى بەزى بىر قىزلارغا ھەقىقەتەنمۇ ئېچىنىمەن،ھەي~~~~~~~~~~~،لېكىن ياخشىلار يەنىلا كۆپ،مىللىتىمىز قىزلىرىنىڭ يۈزىنى تۈكۈۋاتقان،ھەممىنى بىر تاياقتا ھەيدەۋاتقان يەنە شۇ بىر قىسىم پەس قانجۇقلارنىڭ ئىشى،دەي دىسەم گەپ بۇلىدۇ،دىمەي دىسەم دەرت بۇلىدۇ،ئۆلچەپ كۆرگىلى دەرتنى تېپىلارمۇ تارازا. مۇشۇنداق كالتە يوپكا كىيىپ ،كۆكسىنى ،كىندىكىنى ئۇچۇق قۇيۇپ يۈرگەن نىمىلەرنى كۆرسەم تۆمۈرنى قىزىتىپ ئەۋرىتى ئىتىۋەتكۈم كىلىدۇ،شۇ ۋاقىتتىلا ئۇلار ئادەم بۇلىدۇ،شۇ پاسكىنا قانجۇقلار كەيمىگەن ئېغى ئۇچۇق ئىشتانلا قالدى،

gurbet_kizi

	allah sak lisun allah ka xukri biz ni iman insap bilan yarat kini uqun

kurax114

	ياخشى تىما بۇلۇپتۇ بۇ .   مۇشۇنداق تىمىلار كۇپرەك  يوللۇنۇپ تۇرسىكەن دەيمەن

atux-0908

	QINSOYGU يوللىغان ۋاقتى  2012-3-4 03:54 PM بۇ تىمىنى كۈرۈپ باشقىچە بۇلۇپ قالدىم،جەمئىيتىمىزدىكى  ... ھا  ...ھا   ھى.....ھى....تازا  كۈلۈپتىمەن.

atux-0908

	ئالاھىدە  ئەھمىيەتلىك   ئىجادىيەت  بوپتۇ.  ئاخرىغا تەشنامىز.