ئانامنى سېغىندىم!

bardamkiz

	ئانامنى سېغىندىم     ئانا! مەن بۇ سۆزنى تىلغا ئالمىغىلى ئالاھەزەل سەككىز يىل بوپتۇ. مەن تىلغا ئېلىشنى خالىمىغىنىمدىن ئەمەس،بەلكى بۇ گەپكە قۇلاق سالىدىغان ئادەم يوق. ئانا سېنى بەكمۇ سېغىندىم! گەر يېنىمدا بولساڭ ئىدىڭ، مۇمكىن بولسا يۇرىگىمنى يېرىپ كۆرسىتىپ قويار ئىدىم. ئانا! ئىشەنسەڭ، بۇ سۆزلەرنى كۆز ياشلىرىمدىن سىياھ پۈتۈپ يېزىۋاتىمەن. ھەممە ئۇيقۇغا كەتكەن،كېچە شۇنچىلىك سۈرلۈك.     ئانا، قۇربان ھېيتتا ئۆيدىكىلەرنىڭ زورى بىلەن ئۆيگە قايتتىم. بۇ مېنىڭ ئۈرۈمچىگە ئوقۇشقا كېلىپ ئالتە يىلدىن بېرى تۇنجى قېتىم ئۆيدە ھېيت ئۆتكۈزىشىم ئىدى. ھېسىياتىم شۇنچىلىك مۇرەككەپ،بىر تۇرۇپ كۆڭلۈم ئىنتايىن خۇشال،ئۆيدە ھېيت ئۆتكۈزەلەيدىغان بولدۇم دەپ، يەنە بىرتۇرۇپ سەن يادىمغا كەلسەڭ قايتقۇممۇ كەلمەيدۇ. چۈنكى بىزنىڭ ئۆيدە سەن بىلەن ۋىدالاشقان ئاشۇ دەھشەتلىك مەنزىرىنى ئەسكە ئالغۇم يوق. ئاھ،خۇدا!!! بەندەڭنى شۇنداق ئازاپقىمۇ مۇپتىلا قىلارسەنمۇ؟     مەن باردىم. ئاشۇ قەيەرگىلا قارىسا سېنىڭ سىمايىڭنى كۆرگىلى بولىدىغان، سەن ھايات ۋاقتىڭدا بىز تۆت پەرزەنت ئۈچۈن ئەڭ ئىللىق بولغان ئائىلىمىزگە باردىم. ئەتە ھېيت دىگەن كۈن ئىدى،ئاكاممۇ ۋاقىت چىقىرىپ مېنى ئالغىلى پويىز ئىستانسىسىغا كەپتۇ،شۇنداق خوش بولدۇم. ئۆيگىمۇ يېتىپ كەلدىم. مېنىڭ ئېسىمدە قېلىشىچە، سەن ئۇ كۈنى بولىدىغان بولسا، ھەممە ئىشلىرىڭنى تۈگەتكەن،ئۆيلەرنى تازىلاپ،كىر-قاتلارنى يۇيۇپ،ساڭزا-قۇيماقلارنى سېلىپ بولغان بولاتتىڭ. لېكىن ئانا،مېنىڭ كۆرگىنىم شۇ بولدىكى خۇددى بۇ ئۆي جاھاندىن بىخەۋەر،ھېيتتىن مۇستەسنا بىر ئائىلىدەك،ھېچقانداق ئۆزگىرىش يوق،ھەممە نەرسە شۇ پېتى. كۆز جىيەكلىرىمنى ئاچچىق كۆز ياشلىرى قاپلىدى. لېكىن پەقەت دادام ئۈچۈن يېشىمنى زورىغا يوشۇردۇم.     پۈتۈن ئەس-يادىم سەندە. ئۆينىڭ بۇلۇڭ-پۇچقاقلىرىدىن سېنىڭ سىمايىڭنى ئىزلەيمەن. سېنىڭ ھىدىڭنى، سېنىڭ ئىزىڭنى،سېنىڭ ئىللىق كۈلۈمسىرىشىڭنى ئىزلەيمەن. مەن ئۇلار بىلەن پەتە قىلىشىپ،چاي ئىچكەندىن كىيىن،ئۆي تازىلاشقا چۈشۈپ كەتتىم. دادامنىڭ ئايالى:" ۋاي، مەن قىلاتتىم، ھېرىپ كەتتىڭىز" دەيدۇ. مەن:"ۋاي ئۇنداق ئادەم نەچچە ۋاقىتتىن بېرى تازىلىماي نىمە قىلغان؟"دىيىشنىڭ ئورنىغا:"ھېچقىسى يوق،سىلىمۇ دادامغا تاماق ئېتىپ بېرىمەن،كىر-قات يۇيىمەن دەپ ھېرىپ كەتتىلا، مەن تېخى ياش، بۇ ھېچقانچىلىك ئىش ئەمەس" دەپ ئىشىمنى داۋاملاشتۇردۇم. شۇنچىلىك قاتتىق يىغلىغۇم بار، لېكىن دادامنى ئايايمەن........     ئۇ كۈنى شۇنداق كەچ ياتتىم،كۆزۈمدە ئۇيقۇ يوق. سەن بىلەن ئۆتكۈزگەن شۇ كۈنلەر كىنو لېنتىسىدەك بىر-بىرلەپ كۆز ئالدىمدىن ئۆتمەكتە......     ئانا،  كىچىك ۋاقتىمدا  سەن قىشلايدىغان ئۆينىڭ ئاستىغا مىسىل(پاخال) سېلىپ، ئۈستىگە كىگىز سالاتتىڭ. ئۆي شۇنچىلىك راھەت،شۇنچىلىك ئىسسىق ئىدى،ئاخشىمى ياتساقمۇ يۇمشاق،بەك راھەت ئۇخلايتتۇق. ئانا، سەن بەكلا سەھەر تۇراتتىڭ. مەشكە ئوت قالاپ بولۇپ،ئاللاغا سەجىدە قىلاتتىڭ. بىر كۈنى كۆزۈمنى ئاچسام،سەن بېشىمدىلا جاينامازدا ئاللادىن تىلەپ ئولتۇرۇپسەن. ئۆي شۇنچىلىك راھەت، شۇنچىلىك ئىللىق.......  ئاھ، خۇدا!!!!! دۇنيادا مەن ئۈچۈن بۇنىڭدىنمۇ ئارتۇق بەخت تۇيغۇسى بارمىدۇ؟؟؟       ئانا، بەزىدە تۇرۇپ-تۇرۇپ ئاكام بىلەن ئاچامغا ھەسەت قىلىپ قالىمەن. چۈنكى ئۇلار ماڭا قارىغاندا سەن بىلەن ئۆتكۈزگەن ۋاقىتلىرى كۆپ. بىر كۈنى ئاكامغا :"ئاكا، سەن بەك بەختلىك جۇمۇ،تۆت پەرزەنت ئىچىدە سېنىڭ ئانام بىلەن ئۆتكۈزگەن ۋاقتىڭ ھەممىمىزدىن كۆپ" دىسەم، ئاكام ماڭا :"شۇڭا ئانامنى ھەممىڭلاردىن بەك مەن سېغىنىمەن" دەيدۇ، ئاڭلاپ تاس قالدىم يىغلىۋەتكىلى.      ئانا، سەن كېتىپ،ئۆيىمىزدە نۇرغۇن ئۆزگىرىشلەر بولدى. بېغىمىزدىكى ئامۇت، ئۆرۈك دەرەخلىرى قۇرۇپ، قاخشال بولۇپ كەتتى.خۇددى ئۇلارمۇ ساڭا ھازا تۇتقاندەك،بەلكىم دەرەخلەرنىڭمۇ سەنسىز بۇ ئۆينىڭ ۋەيرانچىلىقىنى كۆرگۈسى كەلمىگەندۇ.      ئانا، سەن كەتتىڭ! لېكىن يالغۇز ئەمەس. بىزنىڭ خۇشاللىقىمىزنى، ئائىلىنىڭ ئىللىقلىقىنى،ئائىلىمىزنىڭ بەركىتىنى بىللە ئېلىپ كەتتىڭ! ئانا، ئېسىڭدىمۇ؟ كىچىك ۋاقتىمدا مەكتەپتىن قايتىپ ئۆيگە ھەر كۈنى "ئانا!" دەپ كىرسەم،سەن ماڭا :" بالام، سەن ھەر كۈنى ئۆيگە ئاپتاپتەك كۈلۈپ كىرىپ ،كىشىگە دۇنيانىڭ غەم-قايغۇلىرىنى ئۇنتۇلدۇرىسەن "دەيتتىڭ. راس دەيسەن،چۈنكى ئۇ چاغلاردا مەن ئۆزۈمنى ئەڭ بەختلىك ھېس قىلاتتىم. ئۆلۈم، كېسەل دىگەنلەر كاللامغىمۇ كىرمەيتتى. خۇددى بىز بىر ئائىلىلىك كىشىلىرى شۇنداق ياشاپلا ئۆتۈپ كېتىدىغاندەك. لېكىن ياخشى كۈنلەرنىڭ يامىنى كېلىپ، سەن ئورۇن تۇتۇپ يېتىپ قالدىڭ. ئانا ،مەن بۇ رېئاللىقنى قانداقمۇ قوبۇل قىلالاي!!!!؟؟؟؟ چۈنكى باشقىلارمۇ ئاغرىپ ساقىيىدىغان تۇرسا! سېنىڭ بۇ ناتىۋان قىزىڭ ئۇ سېنىڭ ھاياتىڭنىڭ ئاخرقى كۈنلىرى ئىكەنلىكىنى قانداقمۇ ئېتىراپ قىلسۇن!!!؟؟؟     ئاكام بىلەن دادام سېنى ئۈرۈمچىدىكى ئەڭ ياخشى دوختۇرخانىدا داۋالاتتى، ئازراق ئۈنۈم بولدى. لېكىن بەكلا كېچىكىپتىمىز. بىر كۈنى ئۆيگە چىقتىم، قارىسام تەرەتكىمۇ تۇرالمىغۇدەك دەرىجىدە ئورۇن تۇتۇپ يېتىپ قاپسەن. مەن شۇ ھالەتتە ياتساڭمۇ سېنىڭ ساقىيىدىغانلىقىڭغا ئىشىنەتتىم. ئانا، ئېسىڭدىمۇ؟ قىشلىق تەتىل قويۇپ بەرگەن كۈنى مەن ساڭا ناھىيە بازىرىدىن بەش يۈەنگە قارا ياغلىق چىققانتىم،سەن خۇددى مەن ساڭا ھەرەمدىن زەمزەم ئەكىلىپ بەرگەندەك خۇش بولۇپ كەتكەنتىڭ. مەن سېنىڭ ئۇنچىلىك خۇش بولۇپ كېتىدىغىنىڭنى ئويلاپمۇ باقماپتىكەنمەن. مانا شۇ دەقىقىدە مەن ئۆز-ئۆزۈمگە جىق پۇل تېپىپ، ساڭا سەن ئەڭ ياقتۇرىدىغان نەرسىلەرنى ئېلىپ بېرىشكە ۋەدە بەرگەن....     تەتىلدە مېھمانلار ئۈزۈلمەي كەلگىلى تۇردى. ھەممىسى سېنى چىرايى ياخشى بولۇپ قاپتۇ دەيتتى. مەن باشقىچە جانلىنىپ سېنىڭ ساقىيىپ كېتىدىغىنىڭغا ئىشىنەتتىم.  ئانا، سەن بىلمەيسەن،بىر كۈنى تاغام كىرىپ :"بالام، بۇ كۈن ھەممە ئادەمنىڭ بېشىدا بار،بەردەم بولغىن، سەن ئوقۇۋاتقان ئادەم، ئۆزۈڭنى تاشلىۋەتمىگىن" دەيدۇ.مەن تاغامغا :"بۇ نىمە دېگىنىڭ، ئانام دىگەن ساپساق تۇرسا،باشقا خەقمۇ ھاياتىدا نەچچە قېتىم دوختۇرخانىغا كىرىپ ،ساقىيىپ ياشايدىكەنغۇ ؟ ئانام تېخى مۇشۇ بىرلا قېتىم ئاغرىپ قالدى، ئانام چوقۇم ساقىيىدۇ "دېگەن ئىدىم.  لېكىن تاغام توغرا دەپتۇ. سەن راستىنلا مەن ساڭا ئەكېلىپ بەرگەن ياغلىقنى بىر ئاي چىگىشكىمۇ ئۈلگۈرمەيلا  بىزدىن مەڭگۈلۈك خوشلاشتىڭ!!!!!!!      ئانا! بىزنىڭ ئائىلىنى قارا باسقان ئاشۇ كۈننى تىل بىلەن تەسۋېرلەپ بېرەلمەيمەن .........ئانا! شۇ كۈنلەردە مەن خۇدادىن ئۇ مېنىڭ چۈشۈم بولۇپ قېلىشىنى چىن دىلىمدىن تىلىگەن. لېكىن مەن ئويغىنالمىدىم،تاكى ھازىرغىچە بۇ چۈشتىن ئويغىنالمايۋاتىمەن. بەزىلەر ۋاقىت ھەممىنى ئوڭشايدۇ دەيدىكەن،بىلمىدىم مېنىڭ بۇ قەلب يارام قاچان ساقىيىدىكىن؟؟؟؟     ئانا، سېنى شۇنداق سېغىندىم!!! قەبرەڭنى قۇچاقلاپ قاتتىق-قاتتىق يىغلىغۇم، تۇپراق بېشىڭدا ئۇزۇندىن-ئۇزۇن قۇرئان ئوقۇغۇم بار، لېكىن نە چارە، پەقەت سەن ئۈچۈن قىلالايدىغىنىم نامىزىمدا سېنىڭ ئۇ دۇنيالىقىڭنى تىلەش!!!

篮球美女

	بىرىپ بىزگە يۇمشاق نان، ئۆزۈڭ يىگەن قاتتىقنى، ئىچۈرگەن ھەم ھەسەل چاي، ئىچسەڭمۇ سەن ئاچچىقنى، بىلىندۈرمەي تارىتقان دەرت، ئاتا قىلغان شاتلىقنى، ئىزلىدىمغۇ يېشىمدا، سەن قەيەردە جان ئانا.

yawayi-0998

	篮球美女 يوللىغان ۋاقتى  2012-3-3 01:37 AM بىرىپ بىزگە يۇمشاق نان، ئۆزۈڭ يىگەن قاتتىقنى، ئىچۈرگە ... ما خىنىم  ئەمدە  مىسرانىمنى ئىگەللەپ  مونوپول  قىلماقچىدەك  نەگە  قايلىسا  ئۈچراپلا  تۇرىسىز... كۆنەپ قالساق  باكا ھىلى... يوقاپ كەتمەڭ ھە ... بولمىسا  سوتقا  ئەرىز قىلىمە نمەن .... ياخشى تىما... ئانىدىن ئۇلۇغ  ئىنساق يوق دۇنيادا...

تەمكىن

	راست،مەنمۇ ئانامنى بەك سېغىندىم،تېما ئىگىسىگە رەھمەت!

篮球美女

	مۇنداق ئانا كۈيلەنگەن تېمىلارغا كىرىدىغان ئادەم ئاز ، ئىنكاس قالدۇردىغان ئادەممۇ ئاز ئىكەن . تۆنۈگۈن مېنىڭ تېمام شۇنداق تىز سۈرەتلىك پويىزدەك ئىنكاسلار چۈشۈپ كەتكەن ئىدى . ئەجەب مۇنداق ياخشى تېمىغا نەزەر سىلىپ ، بىرەر ئىككى ئىغىز گەپ قىلىدىغان ئادەم چىىقماپتۇ يا ؟ ھېچ بولمدى دىگەندىمۇ ياخشى يېزىپسىز دەپ بولسىمۇ ؟ تېما ئىگىسسگە : ئىجادىيتىڭىزنى  ياقتۇردۇم .

ئەنسار

	مەن مۇ سىزبىلەن بىردەك ئويدىمەن ،مەنمۇ بەك سېغىندىم.

hiyal0097

	تېما ئىگىسىگە رەخمەت ، تېخى تونوگۈنلا كۈرۈشكەن ئانامنى يەنە سېغىندىم ، مۇشۇنداق ئەھمىيەتلىك تېمىلارنى كۆپىرەك يوللاپ تۇرارسىز

ah~tilek

	بۇ تېمىڭىزنى ئوقۇۋېتىپ رەھمەتلىك ئانام يادىمغا يېتىپ كۆزلىرىمگە ياش كەلدى. رەھمەتلىك ئانىلىرىمىزنىڭ ياتقان يېرى جەننەتتە بولسۇن . سىزنىڭ تۇرمۇشىڭىزغا بەخىت تىلەيمەن .

米日班

	مەن ئانامنى كۇندە كۆرۇپ تۇرساممۇ يەنە سېغىنىمەن:qiray10:qiray10:qiray10

keramxah

	http://bbs.alqi.biz/read.php?tid=7395