گوۋۇيۈەن«نوپۇس باشقۇرۇش تۈزۈمى ئىسلاھاتىنى پائال ئىلگىرى سۈرۈش»

Tughrul

	«نوپۇس باشقۇرۇش تۈزۈمى ئىسلاھاتىنى پائال ئىلگىرى سۈرۈش» توغرىسىدا ئۇقتۇرۇش ئېلان قىلىندى گوۋۇيۈەن ئىشخانىسى تۈنۈگۈن «نوپۇس باشقۇرۇش تۈزۈمى ئىسلاھاتىنى پائال ئىلگىرى سۈرۈش» توغرىسىدا ئۇقتۇرۇشىنى ئېلان قىلدى. ئۇقتۇرۇشتا مۇنۇلار تەلەپ قىلىندى:بۇندىن كېيىن ئىشقا ئورۇنلىشىش، مەجبۇرىي مائارىپ، تېخنىكىدا تەربىيەلەشكە ئالاقىدار سىياسەتلەرنى نوپۇس بىلەن بىرلەشتۈرۈۋالماسلىق كېرەك. شەھەر يېزا بىرلەشتۈرۈلگەن نوپۇس تىزىملاش تۈزۈمىدا داۋاملىق ئىزدىنىش كېرەك. ئاھالىلەرنىڭ ۋاقىتلىق تۇرۇش كىنىشكىسى تۈزۈمىنى تەدرىجىي ئەمەلىيلەشتۈرۈش كېرەك. ۋاقىتلىق تۇرۇۋاتقان ئاھالىلەرنىڭ ئۆگىنىش، خىزمەت، تۇرمۇشىغا قولايسىز سىياسەتلەرنى بىر قېتىم مەركەزلىك ئېنىقلاپ، ئۆزگەرتىشكە تېگىشلىكلىرىنى ئۆزگەرتىپ، بىكار قىلىشقا تېگىشلىكلىرىنى قەتئىي بىكار قىلىش كېرەك. ئۇقتۇرۇشتا ھازىرقى نوپۇس تۈزۈمى ئەھۋالىنى تۆۋەندىكىدەك يىغىنچاقلاپ، بىر قىسىم سىياسەتلەر بەلگىلەندى:«يېقىنقى يىللاردىن بۇيان، نوپۇس باشقۇرۇش تۈزۈمىنىڭ ئىسلاھ قىلىشىغا ئەگىشىپ، جايلاردا سەل قاراشقا بولمايدىغان بىر قىسىم مەسىلىلەر بايقالدى، بىر قىسىم جايلار ئۆزىنىڭ ئىقتىسادىي ئىجتىمائىي تەرەققىيات ئەھۋالىغا پەرۋا قىلماي، بىر تەرەپلىمىلىك بىلەن شەھەر بازارلاشتۇرۇش سۈرئىتىنى قوغلاشتى. بەزى جايلار شەھەر تۈرى ۋە شەھەرلەرنىڭ ئۇنىۋېرسال بەرداشلىق بېرىش ئىقتىدارىنى ئويلاشمايلا، شەھەرگە ماكانلىشىش شەرتىنى بوشىتىۋەتتى. بەزى جايلار دۆلەت سىياسىتىنى خالىغانچە ئۆزگەرتىپ، ئاممىنىڭ جانىجان مەنپەئەتىنى زىيانغا ئۇچراتتى». ئۇقتۇرۇشتا نوپۇس يۆتكەش سىياسىتى تۈرگە ئايرىپ بەلگىلەندى. ناھىيە دەرىجىلىك شەھەر ۋە رايون، ناھىيەلىك خەلق ھۆكۈمىتى تۇرۇشلۇق بازار ۋە باشقا شىتاتلىق بازاردىكى قانۇنلۇق، مۇقىم خىزمىتى بارلار ۋە قانۇنلۇق مۇقىم ئىجارە ئۆينىمۇ ئۆز ئىچىگە ئالغان تۇرالغۇسى بارلار ۋە ئۇلارنىڭ بىرگە تۇرىدىغان جۆرىلىرى، توي قىلمىغان پەرزەنتلىرى، ئاتا-ئانىلىرى شۇ يەردە دائىملىق نوپۇس بېجىرىشنى ئىلتىماس قىلسا بولىدۇ. رايون تەسىس قىلغان شەھەرلەردە قانۇنلۇق مۇقىم خىزمەت قىلغان ۋاقتى ئۈچ يىلغا توشقان ھەمدە قانۇنلۇق مۇقىم ئىجارە ئۆينىمۇ ئۆزئىچىگە ئالغان تۇرالغۇسى بارلار، دۆلەت بەلگىلىگەن ئىجتىمائىي سۇغۇرتىغا قاتناشقىنىغا مەلۇم بىر مەزگىل بولغانلار ۋە بىرگە تۇرىدىغان جۆرىسى، توي قىلمىغان پەرزەنتلىرى، ئاتا ئانىلىرى شۇ يەردە دائىملىق نوپۇس بېجىرىشنى ئىلتىماس قىلسا بولىدۇ. مەركەزگە بىۋاستە قاراشلىق شەھەر، مۇئاۋىن ئۆلكە دەرىجىلىك شەھەر ۋە باشقا چوڭ شەھەرلەرنىڭ نوپۇس كۆلىمىنى داۋاملىق مۇۋاپىق كونترول قىلىپ، شەھەرلەرگە نوپۇس ئورۇنلاشتۇرۇش سىياسىتىنى يەنىمۇ مۇكەممەللەشتۈرۈش كېرەك. نوپۇسىنى يېزىدىن شەھەر بازارغا يۆتكىگەنلەرنىڭ شۇ يەرلىك ئاھالىلەر بىلەن ئوخشاش دەرىجىدە ھوقۇقتىن بەھرىمان بولۇشقا كاپالەتلىك قىلىش، ۋاقتىنچە نوپۇس ئورۇنلاشتۇرۇش شارائىتىنى ھازىرلىمىغان دېھقان ئىشلەمچىلەرگە قارىتا ئالاقىدار تۈزۈملەرنى مۇكەممەللەشتۈرۈش،ئۇلارنىڭ ئەمگەك ھەققىنى، پەرزەنتلىرىنىڭ ئوقۇشقا كىرىش، تېخنىكا جەھەتتىن تەربىيەلىنىش، ئاممىۋى ساقلىق، تۇرالغۇ ئۆي سېتىۋىلىش ياكى ئىجارىگە ئېلىش،ئىجتىمائىي سۇغۇرتا، خىزمەت بىخەتەرلىكى قاتارلىق جەھەتلەردە كۆرۈلگەن مەسىلىلىرىنى زور كۈچ بىلەن ھەل قىلىپ بېرىش كېرەك. مەنبەسى:جۇڭگوئۇيغۇرچە رادىيو تورى

peyaz

	‹‹نوپۇسىنى يېزىدىن شەھەر بازارغا يۆتكىگەنلەرنىڭ شۇ يەرلىك ئاھالىلەر بىلەن ئوخشاش دەرىجىدە ھوقۇقتىن بەھرىمان بولۇشقا كاپالەتلىك قىلىش،  ››  بۇ خەۋەر ياخشى ئىكەن تىزراق ئەمىلەشسە بولاتتى !!

elijan

	بىلىدىغانلاردىن سۇراپ باقسام، بىر ئادەمنىڭ ئىككى كىملىكى بار بولسا،(تۇغۇلغان كۈن، ئاددېرس ئوخشىمايدۇ،ئىسىم ـ فامىلىسى ئوخشاش .  بىرى يېزا نۇپۇس، بىرى شەھەر نۇپۇس . ) ھۆكۈمەت تەرەپ ئۇقۇپ قالسا قانداق جازا بىرىدۇ ؟ :qiray9

totem

	مىنىڭ بىر ئاغىنەمنىڭمۇ ئىككى كىملىكى بار.جۇڭگودا نوپوس تۈزۈلمىسى جەھەتتىن يۇچۇق چوڭ.

0999kalkan

	بۇ سىياسەت ياخشىكەن بىزنىڭ شەھەردە ئادەم تىز كوپىيىدىغان بولدى

kumkazi

	elijan يوللىغان ۋاقتى  2012-3-1 01:19 AM بىلىدىغانلاردىن سۇراپ باقسام، بىر ئادەمنىڭ ئىككى كىمل ... تۇغۇلغان ۋاقتى ئوخشىمىسا ،ئەمسە كىملىك نۇمۇرىمۇ ئوخشىمامدا ؟ كىملىك نۇمۇرى ئوخشىمىسا بۇ ئىككى ئادەم ھېساپلىنىدۇ ،،، ھۆكۈمەت تەرەپ ئۇقۇپ قالامىكىن دەپ ئەنسىرىمەڭ ،، ئۆزىڭىز  دەپ قويمىسىڭىزلا ھېچكىم ئۇقمايدۇ ... ھې ھې ھې ،،

يولۋاس

	elijan يوللىغان ۋاقتى  2012-3-1 01:19 AM بىلىدىغانلاردىن سۇراپ باقسام، بىر ئادەمنىڭ ئىككى كىمل ... مىنىڭ يىقىن ئاغىنەمنىڭ بىر ئائىلىلىك كىشىلەرنىڭ يىزا نوپوس، شەھەر نوپوس دەپتىرى بار، دۇكىنىمغا كۆپەيىتكىلى ئەكىرگەندە كۆرگەن. داۋالانسا يىزا نوپوسنى ئىشلىتىدۇ. ئەمما بىر ئائىلە كىشىلىرى ھەممىسى ئەسلى كادىرلار.

oghuzkhan

	كىملىككە مىللەت نامى يېزىلمايدىغاننىڭ پارىڭى بارغۇ

muttelib

	oghuzkhan يوللىغان ۋاقتى  2012-3-1 03:46 PM كىملىككە مىللەت نامى يېزىلمايدىغاننىڭ پارىڭى بارغۇ قۇرۇق گەپ ئۇ.

muttelib

	oghuzkhan يوللىغان ۋاقتى  2012-3-1 03:46 PM كىملىككە مىللەت نامى يېزىلمايدىغاننىڭ پارىڭى بارغۇ قۇرۇق گەپ ئۇ.