مەن ئۇيغۇر، ئوغرى ئەمەس !!

azrat705

	مەن ئۇيغۇر، مەن شىنجاڭلق مەن ئوغرى ئەمەس !!                     ( ئىچكىردە ئوقۇۋاتقان سىتودىنتلانىڭ قىسقىغىنە كەچۈرمۈشى) مەن ئالىي مەكتەپتە ئوقۇيمەن. كىندىك قېنىم تۈكۈلگەن، تۇغۇلغان چاغدىكى تۇنجى يىغا ئاۋازىم ۋە تاتلىق كۈلكە ئاۋازىمنى ئاتەشتەك ئىللىق قوينىغا ئالغان ئاشۇ مىھرى ئىسسىق يۇرتۇمدىن ئايرىلىپ خەقىنڭ يۇرتىدا سەرگەردان بولۇپ ، ماڭا يات ،سوغوق كۆزى بىلەن قارايدىغان جايدا ئوقۇيمەن.      بۇ يەردە يۇرتۇم شىنجاڭدىكىگە ئوخشاش قۇلاققا ئاڭلنىپ تۇردىغان مۇقام- نەغمىلەر، دىماققا .ئۇرۇلۇپ تۇرىدىغان پولو كاۋاپ ھىدلىرى، كۆزگە كۆرۈنۈپ تۇرىدىغان بادام دوپپا - ئەتلەس كۆينەكلىكلەر، كۈيۈمچان ئاتا- ئانام، مېنى ھەرۋاقىت ئىللىق قوينىغا ئالىدىغان يۇرتۇمنىڭ كۆك ئاسمان، يېشىل يايلاق ۋە بىپايان قۇملۇقلاردىن  ئەسەرمۇ يوق.  ماڭا پۈتۈنلەي ناتۇنۇش بولغان بۇ جايدا ماڭا  بىر ياتاقتا ياتىدىغان بىر نەچچە ئۇيغۇر ساۋاقدېشىم ، بىر نەچچە پەرچە دەرىسلىك كىتابىم ، ئۇلۇغ غايەم ۋە يۇرتۇمغا بولغان سېغىنشىم ھەمرا.          مەن دائىم '' نېمىشقىمۇ بۇنداق جايغا ئوقۇيمەن دەپ كەلگەندىمەن، شىنجاڭدىمۇ ئالىي مەكتەپ دېگەن نۇرغۇن تۇرسا  خەقنىڭ يۇرتىدا نېمە بار ماڭا ؟؟ شىنجاڭدا بولغان بولسام ھازىرقىدەك خورلۇققا قالماستىم '' دەپ ئويلاپ قالىمەن. سىز بەلكىم بۇ بالا نېمە خورلۇقتا قالغاندۇ دەپ ئويلاپ قالغانسىز ، بۇ مۇنداق ئىش.      كۆپچىلىك بەلكىم بەزى نىيىتى قارا ئىپلاسلارنىڭ شىنجاڭدىكى ئاق-قارىنى پەرىق ئىتىلمەيدىغان سەبىي بالىلارنى ئالداپ ئىچكىرگە ئېلىپ كىلىپ ئوغرلىققا سالغانلىقىغا ئائىت خەۋەرلەرنى ئاڭلغان بولشى مۇمكىن. دەل ئاشۇ كشىلەرنىڭ گۇناھى ماڭا ئوخشاش ئىچكىردە ئوقۇيدىغان سىتودىنتلارغا ئارتىلىپ قېلىۋاتىدۇ.      ئىچكىردىكى نۇرغۇن ئادەملەر '' شىنجاڭلىق''،'' ئۇيغۇر '' دىگەن سۆزلەرنى ئاڭلسىلا  كاللسىغا تۇنجى بولۇپ ''ئوغرى'' دېگەن ئۇقۇم كېلىدىكەن. مەن بۇ خىل ئەھۋالغا ئاز ئۇچرىمىدىم، بۇنداق ئەھۋالغا پەقەت مەنلا ئەمەس بەلكى ماڭا ئوخشاش ئوقۇۋاتقان نۇرغۇن ئۇيغۇرلامۇ دۇچ كېلىپ تۇرىدۇ.        بىر كۈنى مەن مەكتەپنىڭ يېندىكى سودا ساريىغا  نەرسە-كېرەك سېتۋالغىلى چىقتىم. مېنىڭ تەقى-تۇرقۇم بۇ يەردىكىلەرنىڭكىگە ئوخشىمايدىغان بولغاچقمىكىن دۇكاندار مېنى چەتئەللىك دەپ ئويلاپ قالغان بولسا كېرەك  مەندىن  '' سىز قايەردىن كەلدىڭىز، خەنزۇچە سۆزلىيەلەمسىز ؟؟'' دەپ سورىدى. مەن دۇكاندارغا  '' مەن چەتئەللىك ئەمەس، مەن جۇڭگۇلۇق، شىنجاڭدىن كەلدىم '' دەپ جاۋاپ بەردىم، بۇنى ئاڭلىغان دۇكاندار دەرھاللا '' ئۇيغۇرمۇ ؟ '' دەپ سورىدى، مەن  '' شۇنداق ، مەن ئۇيغۇر، سىز قانداق بىلىۋىلدىڭىز ؟؟ '' دېدىم. لېكىن ئويلمىغان يەردىن دۇكاندارنىڭ بايىقى ئوتتەك قىزغىن مۇئاملىسى ئاللىقاياقلارغا غايىپ بولغان ئىدى، ئۇنىڭ بايىقى خوشخۇي چىرايىنىڭ ئورنىنى مانا ئەمدى بىراۋدىن قورقۇۋاتقاندەك ئەنسىز ھەم غەلىتە چىراي ئىپادىسى ئېگەللىگەن ئېدى.      مەن نېمە ئىش بولغانلقىنى ئاڭقىراپ بولغۇچە دۇكاندار ماڭا قاراپ '' ھازىر دۇكاننى تاقايمەن، مال ساتمايمەن'' دېدى. مەن بۇ ئىشتىن ئازراق غەلتەلىك ھىس قىلىپ باشقا دۇكانغا كىردىم. بۇ دۇكاننىڭ خوجايىنى مەندىن '' سىز قەيەردىن كەلدىڭىز، قارىسام ئەرەبىستاندىن كەلگەندەك قىلىسىز ، شۇنداقمۇ ؟ '' دەپ سورىدى. مەن ئۇنىڭغا '' مەن چەتئەللىك ئەمەس، مەن ئۇيغۇر، شىنجاڭدىن كەلدىم '' دېدىم. لېكىن بايقىغا ئوخشاشلا سوغوق مۇئاملىگە ئۇچرىدىم.       شىنجاڭدىكى بەزى نىيىتى قارا كىشىلەر نۇرغۇنلىغان ئۇيغۇر باللرىنى ئىچكىرگە ئالداپ ئېلىپ چىقىپ ئوغرلىققا سېلىپ شىنجاڭلىقلارنىڭ يۈزىنى تۈكۈپ بولغان، شۇڭا بىزدەك بىگۇناھ ئوقۇغۇچىلار ئاشۇ نائەھلىلەرنىڭ جىنايىتنىڭ جازاسىنى تارتىۋاتمىز، باشقىلارنىڭ كەمستىشى ۋە ھاقارەتلشىگە ئۇچراۋاتىمىز.       مەن يېقىندا دوستلرىمنىڭ QQ  بوشلقىدىن مۇنداق بىر خەۋەرنى كۆرۈپ قالدىم.        مەلۇم بىر ئالىي مەكتەپتىكى بىر خەنزۇ قىزنىڭ  iphone 4 سى يۈتۈپ كېتىپتۇ، شۇنىڭ بىلەن بۇ قىز بۇ ئىشنى ئوغۇل دوستىغا ئېيتىپتۇ، ئۇ قىزنىڭ ئوغۇل دوستى شۇ مەكتەپتىكى ئۇيغۇر ئوقۇغۇچىلارنىڭ ياتقىغا كىرىپ ئۇلارنىڭ ياتقىنى ئاختۇرۇپتۇ، لېكىن ھېچنەرسە تاپالماپتۇ. بۇ ئىش بۇ مەكتەپتكى شىنجاڭلىق ئوقۇغۇچىلارنىڭ قاتتىق غەزپىنى كەلتۈرۈپتۇ. ئاخىرى مەكتەپ رەھبەرلرىنىڭ ئارلىشىشى بىلەن ھېلقى ئوغۇل بالا شىنجاڭلىق ئوقۇغۇچىلاردىن كەچۈرۈم سوراپتۇ.      ............      بۇنداق چاغلاردا مېنىڭ سەبىي بالىلارنى ئوغرلىققا سالغان ئاشۇ كىشىلەرگە بولغان نەپرەتلكىم كېلىدۇ. ئۇلار ئازغىنە پۇلنى دەپ بىز شىنجاڭلىقلارنىڭ يۇزىنى تۆكۈپ بولدى، بىزدەك بىگۇناھ ئوقۇغۇچىلارنى باشقىلارنىڭ كەمستىشىگە قويدى.      يۇرتمىزدىن، ئاتا-ئانىمىزدىن ، يېقىن دوستلرىمزدىن ئايرىلىپ يىراق-يىراقلارغا ئوقۇشقا كەلگەن بىز ئەسلىدە باشقىلارنىڭ كۆينىشى، غەمخورلۇق قىلىشىغا مۇھتاج ئېدۇق، لېكىن بىز بۇ يەردە ئۇلارنىڭ ھېچقايسسىغا ئېرىشەلمىدۇق.        مەيلى قانداق بولمىسۇن مەن شىنجاڭلىق!! مەن ئۇيغۇر!! مەن ئوغرى ئەمەس !! بىز ئوقۇغۇچى، بىز شىنجاڭلىق، بىز ئۇيغۇر، بىز ئوغرى ئەمەس !! 　            مەنبە: باشتىن كەچۈرگەنلىرىم ۋە ئاڭلىغانلرىم        ئاپتورى: لىياۋنىڭ پىداگوكا ئۇنۋرسىتىتدىن ھەزرتېلى.        2012-يىل 2-ئاينىڭ 29- كۈنى.

qqnurzat

	ھەقىقەتەن غورۇر ۋىجدانىڭىز باكەن. بەزەنبىر ئىپلاسلا يۈزمىزنى تۆكۈپ بولدى .

atux-0908

	بىرنىڭ سېسىقى مىڭغا  دەپ  ھەممىمىزنى  سېسىتىپ  بولدى  بۇ  مەلئۇن  ئوغرىلار.  بۇ يامان  نىمىنداق  تىز  يۇقىدىغاندۇ دەيمەن  بىزگە.

Kulkam803

	sazguri يوللىغان ۋاقتى  2012-2-29 06:19 PM شۇڭا ئالىم كاۋاپدەك ئادەملەر تېخىمۇ كۆپىرەك چىقسا  بول ... ئالىم كاۋاپ ئەمەس،ئالىمجان كاۋاپچى دەڭ !...ھى...ھى...

Kulkam803

	راست دەيسىز ! يېمىگەن لەغمەنگە پۇل تۆلەپ بىز ئوقۇغۇچىلار.....

ئامىلە

	ھەي، ئىچكىرىدە ياخشى ياشاپ، ياخشى يۈرىۋاتقان ئۇيغۇرلىرىمىز بەك ئاز بولسا كېرەك. پۇلنى سۈپۈرۈپ كېلىدىغاندەك قىلماي، مۇشۇ يەردە توي قىلىپ ئۆي تۇتۇپ خاتىرجەم يۈرسىكەن دەيمەن.

لالە2010

	شۇنداق ئەمەسمۇ،بۇنداق ئىشلار بىزگىمۇ كۆپ ئۇچرىغان،،ئادەمنىڭ ئوغىسىنى قاينىتىپ.........

altun

	ھۈكۈمەت ھەممە ئىشنى قىلالايدۇ ، كۈچى يەتمەيدىغان يەر يوق نىمە ئۈچۈن ئۇلارغى ئۈزۈل ك-كىسىل زەربە بەرمەيدۇ . مەن بۇ ئىشلاردىن بەكمۇ ھەيران ياكى بىرە قىيىنچىلىق بارمۇ ئۇ قانۇنسىز سودىگەرلەرنى يۇقىتىشقا.

basut

	غورۇرلۇق يىگىتكەنسىز،تېخىمۇ جىگەرلىك بولۇڭ!گەرچە بىر قىسىم چۈپرەندىلەر ئابرويىمىزنى تۆكۈپ بولغان بولسىمۇ،لېكىن يەنە نۇرغۇنلىغان قىز-يىگىتلىرىمىز تىرىشىپ ئوقۇپ،ئىشلەپ مىللىتىمىزنىڭ يۈزىنى يورۇق قىلماقتا،سىزنىڭمۇ شۇنداق قىلالايدىغانلىقىڭىزغا ئىشىنىمەن.

sardar105

	راس دەيسېز