ئانا مىھرى

215308

	ئانا مىھرى قەلبىمنىڭ چۇڭقۇر قاتلاملىرىدا شۇنداق بىر مۇھەببەت ئوتلۇق مۇھەببەت باركى ئۇ بولسىمۇ چىھرى ئاتەش،مىھرىگە مىڭ قۇياش ئىللىقلىقى مۇجەسسەملەنگەن ،قەلبى شۇنچىلىك ئاپئاق ،مىھرى يەنى باھار شاماللىرىدەك شۇنچىلىك ئىللىق بولغان ئانىلارغا بولغان مۇھەببەت. ھەر قىتىم مەن «ئانا»دىگەن بۇ ئۇلۇغ سۆزنى دىگىنىمدە ۋە ئاڭلىغىنىمدا پۈتۈن ھۇجۇدۇم لەرزىگە كىلىپ ئۇچۇپ بىرىپ ئانامنىڭ قوينىدا ئەللەيلەنگىم كىلىدۇ ،چۈنكى ئانىنىڭ بالىلارغا سىڭدۈرگەن ئەجىرى ئۇ بەدەلسىز ئەجىردۇر. ئانا،سەن مەيلى خاپا بول ،مەيلى خۇشال ،زىمىستان قىشتا بولسۇن ،تومۇز ئىسسىقتا بولسۇن قارلىق شىۋىرغانلاردا بولسۇن ۋەياكى يامغۇرلۇق كۈنلەردە بولسۇن سىنىڭ قەلبىڭ يەنىلا شۇنچىلىك ئىللىق . چۈنكى ئانىنىڭ قەلبى پەرزەنىتنىڭ دەرىسخانىسى ،كىشىلىك ھاياتتا ئەڭ چىدامچان ،قەيسەر ،ئەڭ پاك، ئەڭ گۈزەل ئىنسان ئانا. مەيلى كىم ئۈچۈن بولسۇن ،ئانا روھىنىڭ ماكانى،ھاياتلىقنىڭ بوستانى. ئانا،مۇشۇ تاپتا مەن سىنى تولىمۇ سىغىندىم ،سىنى كۆرگۈم كەلدى دىسىەم سەن ماڭا جاۋابەن بالام!_مىنىڭمۇ سىنى كۆرگۈم كەلدى دىمەستىن مىنىڭ سىنىڭ كەلگۈسىڭنى ھاۋادا ئەركىن پەرۋاز قىلىۋاتقان بۈركۈتتەك قانات قىقىشىڭنى ئىنتىزارلىق بىلەن كۈتىۋاتىمەن.سىنىڭ ئەڭ ئىگىز چوقىلاردىنمۇ ئىگىز ئۇچۇشىڭنى كۆرگۈم كەلدى دىيىشىڭ مۇمكىن. ئانا ئۇ، بالىلىرىنى خوددى بىر ئانا قوشقا ئوخشاش ھەرخىل مۇھىتقا ماسلىشالايدىغان ھەرخىل ھۇجئۇملاردىن مۇداپىئەلىنەلەيدىغان  ئۆز ئۇۋىسىدىن ئايرىلغاندا ياكى ئانىسىدىنئايرىلغاندىمۇ يەنى تىخىمۇ يىراقلارغا ئۇچۇپ كەڭرى ئاسماندا نەپەس ئىلىشنى تولىمۇ ئارزۇ قىلىدۇ. يەنى ئانىلار بالىلىرىنىڭ كەلگۈسىدە ئۆزىدىن ئايرىلغاندىمۇ مۇستەققىل تۇرمۇش كەچۈرەلەيدىغان ،ماڭغان يوللىرىدىن تىكەن ئەمەس بەلكى قىزىل گۈل ،ئىپارلارنىڭ ئۈنىشىنى تۇرمۇشىنىڭ بەخىتلىك بولۇشىنى تولىمۇ ئۈمۈد قىلىدۇ. دوستۇم ئانىلار ئۈچۈن توقۇلىۋاتقان مۇنۇ نەزمىلەر قەلىب كۆزىڭىزنى توسۋالمايۋاتقاندۇ.ئۇنداقتا سىز شۇنىڭغا دىققەت قىلىڭ! ئادەمنىڭ لەۋلىرىنىڭ ئارىسىدىن چىقىدىغان ئەڭ شىرىن سۆز«ئانا»ئەڭ چىرايلىق ناممۇ ئانا ،بۇ ئاددى ئەمما مىنىسى ئىنتايىن چۇڭقۇر سۆز. ئۇنىڭدا ئۈمىد،مۇھەببەت،تەسەللىي ۋە ئادەمنىڭ يۈرىكىدىكى ئەڭ يىقىملىق ،شىرىن ۋە گۈزەل ھىس-تۇيغۇلار تولۇپ تاشقان. ئادەم ھاياتىدا دەرت ئەلەمگە ئۇچىرغاندا ئۇ،تەسەللىي،غەم-قايغۇغا پاتقاندا ئۇ،ئۈمۈد،ئىرادە بوشىغاندا ئۇ،كۈچ،ئۇ ھىسداشلىق ،كۆيۈمچانلىق ،ھىسداشلىقنىڭ بۇلىقى كىمكى ئانىدىن ئايرىلسا ئۇ مۇڭلانغاندا بىشىنى قويىدىغان مەيدىدىن،ئۆزىگە بەخىت كەلتۈرىدىغان قولدىن،ئۆزىنى قوغدايدىغا كۆزدىن ئايرىلىدۇ........................... ئۇنداقتا  سىزنىڭ ھايات پىرامىدايىڭىزنىڭ تىك پەلەمپەيلىرىدا بىرقەدەم-بىر قەدەمدىن مىڭىشنى ئۆگەتكەن ئادەم كىم؟_ئەلۋەتتە ئانا. سىزگە ئەڭ بۇرۇن نىمە دەپ تىل چىققان دىسەم يەنى ئەلۋەتتە ئانادىيسىز. كەڭ زىمىن ،دەل-دەرەخلەرنىڭ بىلەن گۈل –گىياھلارنىڭ ئانىسى ئۇلارنى تۇغىدۇ ،تەربىيلەيدۇ تاكى ئۇلار چوڭ بولۇپ ئەمچەكتىن ئايرۇلغىچە ئىسسىق چۇچىقىدىن ئايرىمايدۇ،دەل-دەرەخلەر ،گۈل-گىياھلار بولسا شىرىن -شەربەت مىۋىلەر بىلەن ھاياتى كۈچكە ئىگە ئۇرۇقلارنىڭ ئانىسى بولغانغا ئوخشاش، ئانىلارمۇ شۇ يىراق –يىراقلارغا ئۇچۇرما بولغان پەرزەنىتلەرنىڭ مىھرىبان ئانىسى ،شۇ ئانىلارمۇ ئۆزبالىلىرىنى تۇغىدۇ،تەربىيلەيدۇ،ئاخىرى ئۆزبالىلىرىنىڭ كەلگۈسى ئۈچۈن يىراق-يىراقلارغا ئۇچۇرما قىلىپ ئەۋەتىدۇ. ئەمما سىز شۇنىڭغا دىققەت قىلىڭ.ئانائۇ ئۇچۇرما بولغان بالىلىرىنىڭ يىراقلاردىن ئۆزىگە ئىسىل،ئالاھىدە سوۋغىلارنى ،نازى –نىممەتلەتنى ئىلىپ كىلىشنى ئەمەس،بەلكى كەلگۈسىدىكى گۈزەل ئىستىقباللىڭىزنى كۆرۈشنى شۇنىڭدەك ئۆزقولى بىلەن ئەتكەن تامىقىغا ھەم تاستىخان بولۇپ ئىغىز تىگىشىڭىزنى شۇنچىلىك ئۈمۈد قىلىدۇ.سىز تەسۋىرلىگۈسىز . راس.مەن بۇ ئاددى تىلىم ۋە قە لىمىم بىلەن ئانىنى قانداقمۇ تەرەپلەپ بولاي ،ئەمما دۇنيادا ھەر پەرزەنىتنىڭ بىرلا ئانىسى بولىدۇ ،ئۇ بىردىن –بىر شۇنداقلا مەڭگۈلۈك ئەڭ گۈزەل مىھرىبان ئانا.مىھرىبان ئانىدىن ئايرىلىش خۇددى گۈلنى لوڭقىغا سىلىپ قويغانغا ئوخشاش .ئۇنىڭ يەنىلا رەڭگى ۋە پۇرىقى بولغان بىلەن لىكىن يىلتىزىدىن ئايرىلغان.ئەمما شۇنەرسە ئىسىڭىزدە بولسۇنكى ئانىنىڭ نامى ئىنسان يۈرىكىنىڭ ئەڭ چۇڭقۇر قاتلاملىرىدا ساقلىنىدۇ.بىز قايغۇغا پاتقاندا ،خۇشاللىقتىن شادلانغان ۋاقىتلىرىمىزدا بولسۇن بۇ نام بىز نىڭ ئىغىزىمىزدىن گويا ئۇچۇق ھاۋادا ياكى سىم –سىم يامغۇردا ئەتىرگۈلنىڭ بەرگىلىرىدىن خۇشپۇي پۇراق چىچىلغاندەك چىچىلىدۇ. مەن ئويلايمەن ،دۇنيادا باشقا ھەرقانداق نەرسە ساختا .پەقەت ئانا مىھرىلا ھەقىقى ھەم مەڭگۈلۈك ئۆچمەيدىغان نەرسە. ئەزەلدىن ئانىنى ئەزىزلىگەنلەر ،ھۈرمەتلىگەنلەر ئۇ ئۆمۈر بويى غالىب ،مۇۋەپپەقىيەتنىڭ ئەڭ ئىگىز چوقىلىرىدا ،ئەكەسچە ئانىنى خارلىغانلار مەڭگۈ مەغلۇب ،مۇۋەپپەقىيەت چوقىلىرىنىڭ ئارىسىدىكى شىغىل –تاشلىرى ئارىسىدا ،چۈنكى ئانىنىڭ قەلبى ئەڭ پاك،مىھرى شۇنچىلىك ئىللىق ،باغرى شۇنچىلىك كەڭرى،شۇڭا ئۇ ئانا .مىنىڭ ھەم سىزنىڭ سەبى قەلبىمىزنى مەڭگۈ نۇرچىچىپ يۇرۇتۇپ تۇرىدىغان ئەڭ بىباھا ئەڭگۈشتەردۇر. شۇنداقلا ئۇمىنىڭ قەلبىمدە ئانىلار ئىچىدىكى ئەڭ ئۇلۇغ،ئەڭ بۈيۈك ،ئەڭ مىھرىبان ئانا ............................ ئانا مىھرى ئۇ بىر تۈگىمەس بۇلاق ............................. مەخمۇتجان مەمەت رۇخسەتسىز كۆچۈرمەڭ!! چ چ :1521356225

arka-kiz

	ئاللاھ بارلىق مىھرىبان ئانىلىرىمىزنى ئامان قىلغاي!

armanim521

	ئەي دۇنيادا ئانا دىن باشقا ئۇلۇغ ئىنسان يوق تە       مەجنۇنتال قەددىنى ئىگىپ مۇلايىم،                                                                              سۇ بەرگەن ئۈستەڭگە قىلىدۇ تازىم،                                                                                                                          سۈت بىرىپ ئۆستۈرگەن ئانا ئالدىدا.                                                                              بۇرچىمىز قانچىلىك ئويلايلى دائىم.

daptiman

	باركاللا