ئاۋازلىق_ ئېھ ،جاپاكەش ئانام(ئوتقاش)

@OTKAX@

	ئاپتۇر: ئابلىكىم غوپۇر ئوتقاش ئاتامنى كۈلدۈرەي دەيمەن، ئانامنى كۈلدۈرەي دەيمەن. مېنى باققان جاپاسىغا ، بېشىمدا كۆتۈرەي دەيمەن . ____ خەلىق ناخشىسى ئېھ، جاپاكەش ئانا، ئارزۇلۇق ئوغلىڭىزنىڭ يىراق قىرلاردىن سىزگە يوللىغان ئاددي سالمىنى قۇبۇل قىلارسىزمۇ؟ بىلمەن شۇتاپتا توپا -چاڭلارغا مىلىنىپ يۈرۈپ ئېتىز-قىرلارئارسىدا جاپالىق ئىشلەۋاتقانسىز،يۇمران مايسىلارنى خۇددي بىزنى پەپىلەپ ئۆستۈرگەندەك پەپىلەپ ئۆستۈرۋاتقانسىز. قىشنىڭ قەھىرتان سوغوقلىرىغا ،يازنىڭ پىژىرغىم ئىسسىقلىرىغا بەرداشلىق بېرىپ چۆل- جەزىرلەرنى يېشىللقىقا ،سايلارنى باغۇ-بوستانلىققا ئايلاندۇرۋاتقاندۇرسىز، بوزتوپلۇقلارنى گۈل -چىمەنگە ئوراپ قاقاسلىقلارغا ئوسما قۇيۋاتقانسىز. ئانا ،سىز ياش ئىدىڭىز ،گۈل غۇنچە ئىدىڭىز .ئەللىك يىللىق جەۋرى-جاپا قەددي-قامىتڭىزنى ئېگىپ قاپقارا چاچلىرىڭىزنى ئاق ئارلىدى.قاشتېشىدەك سۈزۈك يۈزىڭىزدە يول-يول سىزىقچىلار ئورۇن ئالدى.بۈركۈت كۆزىدەك ئۆتكۈر، نۇرانە كۆزلىرىڭىز غۇۋالاشتى.جاپالىق يىللارنىڭ ئۆچمەس ئىزنالىرى جىسمىڭىزدىن ئورۇن ئېلىپ قەلىب تۆرىڭىزدە تالاي ئەسلىملەرنى قالدۇردى.قىسقىسى سىز ھاياتلىق يۇلىدا ئەللىك يىل توختىماي تىركەشتىڭز،پەرزەنىتلىرىڭىزنى بېقىپ قاتارغا قوشقۇچە تالاي ئىسسىق -سوغوقلارنى ،جاپالىق كۈنلەرنى بېشىڭىزدىن ئۆتكۈزدىڭىز. لېكىن سىز بۇيولداقىلچە ۋايسىمىدىڭىز. ياشلىق باھارىڭىزنى قۇربان قىلىش بەدىلىگە تۆت پەرزەنتىڭىزنى بېقىپ قاتارغا قوشۇپ ئادەم قىلدىڭىز.پەرزەنىت ئوتىدا كۆيۈپ،سۈيىدە ئېقىپ ياشلىق چاغلىرىڭىزدىن مەڭگۈلۈك خوشلاشتىڭىز. ئانا ، بەزىدە سىزنى پارلاپ تۇرغان نۇرلۇق قوياشقا ئوخشىتىپ قالىمەن.چۈنكى سىز قوياشقا ئوخشاش يېلىنجاپ تۇرغان مېھىر- مۇھەببىتىڭىز بىلەن بىزگە ئالەمچە ئىللىقلىق ئاتا قىلىپ ئۈشىگەن قەلبىمىزنى ئىللىتتىڭىز، قاراڭغۇ دىلمىزغا نۇرانىلىك ئاتا قىلدىڭىز. ئانا بەزىدە سىزنى مېۋىلىك باغقا ئوخشىتىپ قالمەن،چۈنكى سىز ھالال قان-تەرىڭىز بىلەن ئىشلەپ تاپقان ئېسىل نازۇ- نىممەتلەرنى ئۆزىڭىز يىمەي بىزگە يىگۈزۈپ بېشىمىزدا زوقلۇنۇپ قاراپ تۇردىڭىز.تومۇز-ئىسسىقلاردا بىزگە سايە بولدىڭىز، بىزنى بوران -چاپقۇندىن قار- يامغۇردىن ساقلىدىڭىز. ئانا يەنە بەزىدە سىزنى دولقۇنلاپ تۇرغان دېڭىز-ئوكيانغا ئوخشىتىپمۇ قالمەن،چۈنكى سىزئەللىك يىل سۇ بولۇپ ئاقتىڭىز ،قىرغاقلارغا ئورۇلدىڭىز يەنە توختىماي ئاقتىڭىز. گۈدەكلىك قىلىپ سىزنى رەنجىتسەك ، دىلڭىزغا ئازار بەرسەك قىلچىلىكمۇ كايىمىدىڭىز،مەيلى نىمىلا قىلمايلى كۆكسى -قارنىڭىزنى كەڭ تۇتۇپ سەۋەنلىكىمىزنى كۈلۈپ تورۇپ ئۆتكۈزۋەتتىڭىز. ھېلىمۇ ئېسىمدە بىر قېتىم خاتالىق ئۆتكۈزۈپ قويۇپ كارۋات ئاستىغا مۆكۈنۋېلىپ ئۇخلاپ قاپتىمەن،سىز بىر كېچە ئۇخلىماي مېنى ئىزلەپ بارمىغان يىرىڭىزمۇ قالماپتۇ. تاكى تاڭ يۇرىغىچە يۇم-يۇم يىغلاپ ھەممە يەرنى ئىزدەپسىز. ئەتىسى كۆزلىرىڭىز قىزارغان ھالەتتە قايتىپ كەلگىنىڭىزدە مېنى كۆرۈپ باغرىڭىزغا مەھكەم بېسىپ ،پىشانىللىرىمگە سۆيۈپ ئۆكسۈپ يىغلاپ كەتكەن ئىدىڭىز. يەنە بىر قېتىم قاتتىق قىززىپ قېلىپ ھوشسىز ياتقىنىمدا چېلەكلەپ قۇيغاندەك توختىماي يېغۋاتقان قارايامغۇرغا قارىماي يىقلىپ- قوپۇپ مۆدۈرۈپ يۈرۈپ مېنى يۈدۈپ دوختۇرخانىغا ئاپارغان ئىدىڭىز. ئانا قىقىسى سىز بارلىقىڭىزنى يۈرەك -پارىللىرىڭىزگە ئاتىۋەتكەن ئىدىڭىز،بالا ئۈچۈن ئوت دېڭىزىغا كىرگۈدەك قەيسەر يۈرەك سىزدە بار ئىدى.چۆچەكلەردە ئېيتىلغاندەك پەرىشتە بار بولسا سىز ئونۇڭدىنمۇ ئولۇغ پەرىشتە ، سىز دۇنيادىكى ئەڭ ئولۇغ ئىنسان ،ئەڭ گۈزەل پەرىشتە ئانا! سىز يالغۇز مېنىڭلا ئانام بولۇپ قالماستىن پۈتكۈل مىللەتنىڭ ئانىسى ،پۈتكۈل مىللەتنىڭ ئولۇغ ۋەتىنى ئانا ! ئانىلارسىز بەخىت-سائادەت نەدە تۇرۇپتۇ، ئانىلارسىز تاجۇ-تەخىت نەدە تۇرۇپتۇ .سىز مېنىڭ ئىپتىخارىم، مىللىتمىزنىڭ ئىپتىخارى ئانا.سىز ئۆزىڭىزنىڭ كۆيۈمچانلىغى ،مېھىربانلىقى ، ئاق كۆڭۈللىكى بىلەن مەڭگۈ قەدىرلىكتۇرسىز... سىزنىڭ ئولۇغلىقىڭىزنى، ئالەمچە گۈزەللىكىڭىزنى تىللاردا داستان قىلىپ پۈتۈپ چىقساممۇ،دۇنيادىكى ئەڭ گۈزەل تىللار بىلەن ناخشامغا قېتىپ پۈتۈن كائىناتقا جاكارلىساممۇ، بىر تېمىم سۈتىڭىز ھەققىگە سىزنى يۈدۈپ بەيتۇللاغا ئاپارساممۇ ئازلىق قىلىدۇ ئانا! شۇتاپ تىلىم كۆيۋاتىدۇ، سىزنى مەدىيلەشكە تىلىم ئاجىزلىق قىلۋاتىدۇ.ئالدىڭزدا سىزگە ھېچنىمە قىلىپ بېرەلمىگنلىكىمدىن دىلىم ئۆرتىنۋاتدۇ . چارچىغان چېغىڭىزدا پۇت -قولىڭىزنى تۇتۇپ قۇيالمىدىم ، ئۇسساپ چاڭقىغان ۋاختىڭىزدا ئالدىڭىزغا بىر پىيالە ئۇسسۇلۇق كەلتۈرەلمىدىم.پەقەت سىزدىن تولىمۇ يىراق شەھەردە،پاكىزە- ئازادە سىنىپتا خاتىرجەم ئولتۇرۇپ دەرىس ئوقۇۋاتقان چىغىمدا سىزنى چەكسىز سېغىنىش ئىلكىدە ئەسلەشتىن باشقا ھېچنىمە قىلىپ بىرەلمىدىم ئانا!ئوغلىڭىز تۇرۇپ جاپايىڭىزنى تەڭ تارتىشىپ بېرەلمگەنلىكىمدىن،مادارسىز پۇتىڭىزغا پۇت، قولىڭىزغا قول بۇلالمىغانلىقىمدىن خېجىل بولۇپ كۆزلىرىمگە ئىسسىق ياشلار كېلۋاتىدۇ ئانا!جېنىم ئانا خاتىرجەم بولۇڭ! ئوغلىڭىز جەزمەن كۈتكەن يىرىڭىزدىن چىقىشقا ،ئۈمىدىڭىزنى ئاقلاشقا تىرشىدۇ. سىزنىڭ دۇئالىرىڭىز بىلەن ئوغلىڭىزنىڭ كەلگۈسىدە ياراملىق بىر ئادەم بۇلۇپ چىقدىغانلىقىغا ئىشىنىڭ ئانا!جېنىم ئانا ،ئاخىرىدا ياتقۇچى ئىگەمنىڭ ئالتۇن تېنىڭىزنى سالامەت قىلشىنى تىلەيمەن! ____ خەيىر ئانا ،ياخشى مىنۇتلاردا قۇچاقلىشىپ كۆرۈشكەيمىز . سىزنى سېغىنىپ: قەدىرلىك ئوغلىڭىزدىن. مەنبە:ئىجادي ئەسەر [media=wmv,400,300,1]

karluk

	مانا بۇ يىڭلق!!!

AynaK

	ھاردۇغۇم چىققاندەك بولدى داۋاملىق ئالغا.

mozic78

	ئەتتىگەندە ساپ ئىنكاس ................ [s:34]

musilina

	يۈرۈكۈمگە بېرىپلا تەگدى .شۇنداق تەسىرلىك چىقىپتۇ، ئەجرىڭىزگە رەھمەت.......قەلەم تۇتقان قوللىرىڭىز ھارمىغاي......ئېسىل ئەسەرلىرىڭىزنى داۋاملىق كۆرۈپ تۇرسام دېگەن ئۈمىدتىمەن.... ئانا ئەجرى كۆپتۇر سېنىڭدە، قەدىرلەپ ئۆتكىن ئەزىز ئاناڭنى. ياخشى نام بىلەن ئاقلىساڭ ئۈمىدىنى، يەردە قويمايسەن باققان ئەجرىنى.

Roman

	بەك ياخشى تىمىكەن بۇنداق  ئەھمىيەتلىك تىمىلىرىڭىزنىڭ ئۈزۈلۈپ قالماسلىقىنى ئۈمۈد قىلىمەن

suzuk-ay

	ئەتىگەندە ئادەمگە خوش ياقىدىغان تېمىدىن بىرنى يوللىغىنىڭىزغا كۆپ رەھمەت...ياخشى چىققان  ئاۋازلىق ئەسەر ئىكەن. ھۇزۇرلانغىنىدىن خۇشھالمەن. ئانا ئائىلىنىڭ يۈرىكى، ئۇ بولغاچقىلا ئائىلە كۈندىن -كۈنگە گۈللەپ ياشنىغۇچى. ئانا بىر دەستە گۈل ،ئۇ بولغاچقىلا ئائىلىدىكى خۇشپۇراقلىق ئۇزۇنغىچە كەتمەيدۇ. ... ئانىڭىز سىزدىن پەخىرلەنسە بولغۇدەك... مۇشۇنداق ئېسىل يازمىنى يازغان قوللىرىڭىزغا دەت كەلمىسۇن، ئامان بۇلۇڭ قەدىرلىك ،ئاكا.

☆爱ASANMU☆

	ۋاھ مانا ئەسەر دىگەن. داۋاملىق ئالغا.سىزگە ئۇتۇق تىلەيمەن. [s:47]  [s:47]

huxal心

	ئانا تىمىسى ئۆلمەيدۇ ،ھەرقىتىم ئانا تىمىسى بىلەن باشلانغان تىمىلارنى زوق بىلەن ئۇقۇيمەن ،چۇنكى مەنمۇ شۇ ئانا مىھرىگە قانماي تەشنا يۇرىكى قاغجىراپ قالغان ئىنسانلارنىڭ بىرى ،مەنمۇ ھەم مۇشۇ ئەسەردە دىيىلگەندەك شۇ ئانامنىڭ قۇلىغا قۇل پۇتىغا پۇت بۇلاي دىگەندە ئانام يوق ، كۇمۇلگەن يىرىگە بىرىپ تولىسام ھە دىمەيدۇ ، با ۋاقىتتا قەدرىنى بىلمەيمىز يوق ۋاقىتتا يۇرەكلىرىمىز ئۆرتەيدۇ ،بىز پەرزەتلەر ھەقىقەتەن نادانكەنمىز ..

arkakzat

	ھەقىقەتەن تەسىرلىك ئاۋازلىق ئەسەركەن....رەھمەت ھارمىغايسىز.    ئاتا؛ئانىمىز بىزلەرنى بېقىپ قاتارغا قوشقىچە تالاي جاپالارنى تارتتى      بىز ھەقىقەتەن ئاتا؛ئانىمىزغا كۆپ قەرىزدار...........