سۆيگۈ ئىزىدىن
پەقەت چىن ھىس،پاك قەلىب ،ھەقىقى ۋىجدان تىنىقلىرىدىن تۇغۇلۇپ گۈل ياشنىغان سۆيگۈ ئىرەنلىرىدىن ئېقىپ، گۈلدەك ياشلىق تىلەكلىرىدىن ئۇرغۇپ چىققان نىدالارلا كىشلەر قەلبىنى كەۋسەردەك شىرىن ،بۇلبۇل ئاۋازىدەك مۇڭلۇق،كەنىئاندەك گۈزەللىك ئىرەنلىرىگەباشلاپ كىرەلىشى مۇمكىن .ئەي قىز!سۆيگىنى دىدىم ،ئۆزۈڭنى ئەمەس.قەلبىڭنى دىدىم،شەھلا كۆزىڭنى ئەمەس.ئەخلاقىڭنى دىدىم،گۈل كەبى بويۇڭنى ئەمەس.
تۇنجى ھىس
سىنىڭ بىلەن ئاشۇ رەت كۆرۈشكەن چاغدا،
جىم تۇرمىدى ياش يۈرەك كۆتۈردى غەۋغا.
مەجنۇن تالمۇ چاچلىرىڭ كۆزلىرىڭ يۇلتۇز،
ھەر بېقىشتا تاشتىمۇ سۆيگۈ ئويغاتقان.
گىلاس تۇرماس شاخىدا لىۋىڭدىن خىجىل،
چىمەن دوپپاڭ ھۆسنىڭگە ھۆسىنلەر قاتقان.
ھەربىر سۆزۈڭ مۇڭ شىئىر ئىللىق بىر ئېقىن،
ئاي چىققان شۇ .ئاخشامدا دېرىزەم قاققان.
ياش يۈرەكتىن مۇڭلۇق ھىس ئۆكسىمەس چۈنكى،
كىر پىكلىرىڭ شۇ ئاخشام يۈرەكنى ئاتقان.
ئورغاق كەبى قاشىڭدىن ئۆزۈم ئايلىناي،
شائىرىڭ مەن بويۇڭنى شئىرغا قاتقان.
شئىرىمدىن سەن ئۈچۈن ئۇرغۇيدۇ چىن ھىس،
ئاشىقىڭ مەن چۈشتىمۇ دەتلەرگە پاتقان.
گاھ كۈتەرمەن ئاي بىلەن شۇ گۈزەل تاڭنى ،
شائىر ئويغاق كائىنات ئۇيقىدا ياتقان.
شائىر ئېيتۇر<گۈزەل تاڭ كىلۇرسەن قاچان؟>
تاڭ ئېيتىدۇر<كۈت يەنە بارىمەن ھامان!>
قەلىب ئىزھارى
سالام ئېلىپ ئۆز يۇرىتتىن گۈل ياشنىغان قىر لاردىن،
يۈرۈگۈمنى ئالدىغاچ شىرىن خىيال ھىسلاردىن،
كۆرمەي تۇرۇپ مەس بولۇپ كىيىك سۈپەت كۆزلەردىن،
كەلگەن ئىدىم يىراقتىن خىيالىڭنى بىلمەككە.
ئۈمۈد-ئىخلاس بارىمىش ھەربىر نازۇ نىممەتتە،
يىتىشكەن بارمىدۇ سەندەك جاھان ئىچرە خىسلەتتە،
ئاق يەر دەرمىش شەبنەمگە تىز چۈشسەڭچۇ باغرىمغا،
ئۆزۈڭ تۇرساڭ يىگانە تاقەت بارمۇ كۈتمەككە.
تىلىگەندىم شۇكۈنى بىمەھەل چۈشمەس غازاڭ.
كۈز دىدۇركى<ئەي يىگىت!كىلىپ قالدىم ماڭا قاراڭ!>.
ئوت چاقنىدى كۆزۈمدىن تىلىم كالۋا باش گاراڭ،
ئۆزۈڭ تۇرساڭ دۇنيادا ئامال بارمۇ ئۆلمەككە.
شۇندىن بىرى ھەر ئاخشام ئۇيقۇ دەيدۇ<كىيىن باراي!
مەن بارغۇچە سالدۇرغىن نەقىشلەنگەن خان ساري!>
<كەتكىن>دىدىم ئۇيقىغا<ئايغا ھەمرا مەن قالاي>
قەسەم قىلدىم يۈز ئۆرۈپ سەن كەتكىچە كۈتمەككە.
پىغان
قىش كەتمىسە باھاردىن كۆرۈنمەس ئىزنا،
گۈل ياشنىغان ئىرەنگە بولدى جۇت باشلىق.
قان ئاققان بۇ تومۇردا ئاقارئەمدى ياش ،
ھەسرەتلىنىپ قان قۇسۇپ يىغلايدۇ ياشلىق.
دەريا كۈتسەم سۆيگۈڭدىن كەلمەس جىرادەك.
تەن ئارلىقى يېقىندۇر قەلىب ئىرادەك.
<سۆيمەس!>دىدى كۆرگەنلەر جاھان ئىقراردەك،
كەلمەي قويدى شۇ تاڭمۇ مەندىن بىزاردەك.
ئەجداتلاردىن مىراستۇر سۆيگۈ ۋە ۋاپا،
ئاشىق يەتمەس مۇراتقا كۆرمەي مىڭ جاپا،
سەن دىگەن ھەر ئۈنچىدىن تاپقادىم ئىلھام،
ئارمان بىلەن كەتسەممۇ بولماسمەن خاپا.
سەنسىز
باھار كەتتى بۇ كۈنلەر ئاغۇدىن تەمسىز .
جۇت ئالماشتى ھەربىر تاڭ ئۆتمىدى غەمسىز.
تەقى تۇرقۇم ۋەيرانە كالاچتەك چەمسىز.
ئوخشاپ قالدى ھەربىر كۈن داغ چايغا قەنسىز.
كۆرگۈنۈم شۇ بولدىغۇ جانانىم سەن سىز.
بۇلبۇل قونغان شۇتالدا ناخشا ياڭرىماس ،
ئېيىتقان يۈرەك سۆزۈمنى كىشى ئاڭلىماس،
ياتقان يېرىم قاراڭغۇ كۈنمۇ پارلىماس،
كۆرگە كىشى سەسكىنىپ ھەرگىز قارىماس،
ئوخشاپ قالدى ساياققا كۈنلىرىم سەنسىز.
گاھ تۇرمۇشنىڭ يولىدا قالارمەن مەڭدەپ،
كۆرگەن كىشى قول شىلتىپ كۈلىشەر سەنلەپ،
دەرىت كىلەركەن بېشىڭغا كۆپلەپ ھەسسىلەپ،
گەر ئاتمىساڭ ئوقۇڭنى نىشانغا چەنلەپ،
سەن بولمىغاچ ئاتالدىم دىتى يوق پەمسىز .
گۈزەل ،دەيدۇ جاھاننى كۆرەلمەس كۆزۈم،
ئىللىق ،دەيدۇ ھاياتنى بىلمەيمەن ئۆزۈم،
<تىرىش!>دەيدۇكۆرگەنلەر><ئاڭلىغىن سۆزۈم!>
مەن دىدىمكى<ئاڭلىغىن ،يەتمەيدۇ كۆزۈم>
بولۇپ قالدىم ئاقساق ئات كۈنلىرىم يەمسىز.
ئاھۇ!دىدىم جاھانغا جاھان سەزمىدى،
يارۇ !دىدىم جانانغا جاۋاپ كەلمىدى،
يا ئۆلدىممۇ ؟تىرىكمۇ؟ھېچكىم بىلمىدى،
مەن تارىتمىغان كۈلپەتتىن مۇشۇ كەممىدى،
كىتەرمەنمۇ دۇنيادىن باھارسىىز يازسىىز.
ئاخىرقى سۇئال
ھىس ،ئىنسان قەلبىنىڭ تىرەن جايلىرىدىن تۇغۇلغان سەزگۈنىڭ يۈكسەكلىككە كۆتۈر لىشىدىن ئىبارەت.سۆيگۈ ئۇنىڭ چىن مەنىسى ۋاپا بولسا ئۇنىڭ زىننىتىدۇر شۇڭا دەيمەن،سۆيگۈ بىرخىل ھىس،سۆيگۈ بىرخىل تەشنالىق،سۆيگۈ بىرخىل ئىنتىلىش،سۆيگۈ بىرخىل ۋاپا ،سۆيگۈ بىرخىل چىنلىق، سۆيگۈ بىرخىل ۋەدە،سۆيگۈ بىرخىل كۈتۈش ،سۆيگۈ بىر خىل ئاتا قىلىش ،سۆيگۈ بىر خىل مىلودىيە ،سۆيگۈ بىرخىل مۇشەققەت،سۆيگۈ بىرخىل شىرىن ئۇيقۇ ،سۆيگۈ بىرخىل شىرىن ھايات كارتىنىسى ،سۆيگۈ بىرخىل بۇرۇچ دىمەكتۇر.شۇڭا سۆيگۈ ئاسمىنىدا پەرۋاز قىلىۋاتقانلار بىر- بىرىگە قەلىب ئىشكىنى ئېچىۋەتكەنلەر.قەلىب ئىشىكىنىڭ چىكىلىشى بىر مىلودىيە بولسا،ئېچىلىشى يېڭى بىر مىلودىيە ھەم مەڭگۈلۈك مىلودىيەدۇر،
بۇلبۇل سايرار نە ئۈچۈن گۈل ئىشقىدا مەسىت بولۇپ؟
قەلىبىنى ئۇتالماي شۇ گۈل ئشقىدا خەسىت بولۇپ.
كىشلەر ئېيتۇر شۇبۇلبۇل تۇغۇلغاندۇر قايسى كۈن؟
ئەجداتلارمۇ كۆرگەنىكەن كۆرمەكتىمەن ھەم بۈگۈن.
شائىر ئېيتۇر <ھەي، گۈلۈم قىلغايسەنمۇ مىنى ھۆر؟
يا كىتەمسەن دۇنيادىن كۆڭۈل بەرمەي بىر ئۆمۈر؟>.
ئاللا ساڭا مەڭگۈلۈك خۇشاللىق ئاتا قىلسۇن!
مەنبە ؛ئۆزۈم تۇنجى قېتىم ئانا تۇپراقتا ئىلان قىغان تورداشلارنىڭ باھا بىرىپ بېقىشنى سورايمەن
بۇ يازمىنى ئاخىرىدا Azizim تەھرىرلىگەن. ۋاقتى 2012-2-25 10:02 PM
يوللىغان ۋاقتى 2012-2-25 08:53:07 PM
顶起来，支持楼主 顶~~~~~~~~~~~~~~~