[ياردەم] ئادەمگىياھ بىلەن ئەرمۇدۇن دەرىخىنى بىلىدىغانلار بارمۇ؟

نۇراخۇن

	ئەسسالامۇ ئەلەيكۇم ئەزىز تورداشلار! مەن ئۆسمۈرلەرنىڭ بولۇپمۇ شەھەر ئۆسمۈرلىرىنىڭ بىر قىسىم ئوت-چۆپ ۋە دەل-دەرەخلەرگە بولغان تونۇشى ۋە چۈشەنچىسىنى ئاشۇرۇشقا پايدىسى بوپقالار دېگەن مەقسەتتە ئوت-چۆپ ۋە دەل-دەرەخلەرنى كەڭ دائىرىدە تونۇشتۇرىدىغان قوش تىللىق رەسىملىك كىتاب يېزىپ نەشىرىياتقا تەڭلەپ باقاي دېگەنىدىم. لېكىن نۆۋەت «ئادەمگىياھ» قا كەلگەندە، ئۇنىڭ ئادەمگىياھ ئۆسۈملۈكى بىلەنلا چەكلىنەمدۇ ياكى «ئادەمگىياھ» دەيدىغان مېۋىلىك دەرەخ تۈرىمۇ بارمۇ ئۇقالماي قالدىم. بۇرۇن بىر مۇنبەردە تورداشلار ماڭا «ئادەمگىياھ» دېگەن ئۆسۈملۈك بىلەنلا چەكلىنىدۇ، دېگەنىدى، مەنمۇ شۇنداق قاراپ كەلگەنىدىم. لېكىن يېقىندا ئۇيغۇر تىلىنىڭ ئىزاھلىق لۇغىتىگە قايتا بىر قاراپ باقسام، «ئادەمگىياھ مېۋىسى ياپىلاق ۋە چەمبەر شەكىلدە بولىدۇ» دەپ يېزىلىپتۇ.  شۇڭا ئەزىز تورداشلارنىڭ بۇ توغرىلىق پىكىر-تەكلىپ ۋە مەلۇمات بېرىشىنى سورايمەن. تۆۋەندە بىر قانچە تال رەسىم يوللىدىم. تورداشلارنىڭ قاراپ بېقىپ «ئادەمگىياھ» 人参 نىڭ شۇ ياكى ئەمەسلىكىنى ئايرىپ بېرىشىنى، ئەگەر ئەمەس بولسا ئەينەن رەسىمىنى يوللاپ بېرىشىنى ئۈمىد قىلىمەن. 2. «ئەرمۇدۇن» دەرىخى: ئەرمۇدۇن دەرىخىنى ئۇيغۇر تىلىنىڭ ئىزاھلىق لۇغىتىدە «ئەرمۇدۇن ئائىلىسىدىكى يوپۇرماق تاشلايدىغان دەرەخ بولۇپ، بىر قانچە مېتىر ئېگىزلىكتە ئۆسىدۇ. ئۇنىڭ  قوۋزىقى ۋە يوپۇرمىقى تېبابەتچىلىكتە دورا قىلىنىدۇ» خەنزۇچىسى 白蜡树 ئىنگىلىزچىسى Ash- Fraxinus ئىكەن. لېكىن تۆۋەندىكى ئىككىنچى نومۇرلۇق رەسمدىكىسى دەل شۇمۇ ئەمەسمۇ ئۇقالماي قالدىم. تورداشلارنىڭ پىكىر-تەكلىپ بېرىشىنى ئۈمىد قىلىمەن. (1) ئادەمگىياھ (2) ئەرمۇدۇن دەرىخى

Naprat2009

	ئادەمگىياھ پەقەت ئۆسۈملۈك، ئادەمگە ئوخشىمايدۇ بولمىسا، ئادەمگە ئوخشايدىغان، دەرەختە مېۋە بېرىدىغان ئادەمگىياھ پەقەت خەنسۇلارنىڭ رىۋايىتىدە بار. ئەمەلىيەتتە يوق.

Naprat2009

	موشۇ شۇ، مەن جىق كۆرگەن بۇنى.

Naprat2009

	مەنمۇ  ياردەم سورايمەن: رايونىمىزدا سېتىلىۋاتقان نونى شەربىتىنى سېتىۋېلىپ ئىچىپ باققانلار بارمۇ؟  ھەقىقەتەن ئۈنۈمى بارمىكەن؟ ساتقۇچىلاردىن سورىسىڭىز ئەلۋەتتە ئۆلمەسلىكنىڭ دورىسى قىلىۋېتىشى تۇرغان گەپ. ئىشلىتىپ كۆرۈپ باققانلار دەپ باقساڭلار، بەك مۇھىم ئىدى.

نۇراخۇن

	ئەرمۇدۇن دەرىخىنىڭ «ئۇيغۇر تىلىنىڭ ئىزاھلىق لۇغىتى» دىكى تولۇق ئىزاھاتى تۆۋەندىكىچە: ئەرمۇدۇن ئائىلىسىدىكى يوپۇرماق تاشلايدىغان دەرەخ بولۇپ، بىر قانچە مېتىر ئېگىزلىكتە ئۆسىدۇ. ئۇنىڭ قوۋزىقى ۋە ئۇرۇقى تېبابەتچىلىكتە دورا قىلىنىدۇ. تەبىئىتى ئىسسىققا مايىل، تەمى قېرىق، زەھەرسىز، ھۆل ئىسسىقنى قايتۇرىدۇ. يارىلارنى قورۇيدۇ، ئاغرىقنى باسىدۇ. سوزۇلما خاراكتېرلىك تولغاق، نېرۋا ئاجىزلىق، ئاشقازان كېسەللىكلىرىگە شىپا بولىدۇ.

mostafa

	نۇراخۇن يوللىغان ۋاقتى  2012-2-25 12:44 PM ئەرمۇدۇن دەرىخىنىڭ «ئۇيغۇر تىلىنىڭ ئىزاھلىق لۇغىتى» د ... ئەرمۇدۇن دىگەن بىزنىڭ تۇرپان شىۋىسى بۇيىنچە ئىتقاندا چۈلۈك دەرەخ شۇمۇ قانداق؟

مارشال

	بۇ بىزنىڭ كورلا جامە مەسچىت ئالدىدىكى دەرەخ،ئەرمۇدۇن دەرىخى دېگىنىڭىز مۇشۇ شۇدۇ!

peyaz

	مەن بۇنىڭغا پىكىر تەكلىپ بىرەلمىگىدەكمەن !!!

xamxar111

	ئەرمۇدۇن دەرىخى 2 - رەسىمدىكى  ئەمەسكەن بىزنىڭ يۇرتتا ئەرمۇدۇن دەرىخى ئۇنىڭغا ئوخشىمايدۇ ، ياپرىقى ئۇزۇن ، ئىنچىكە كىلىدۇ ، شاپتۇلنىڭ ياپرىقىشا ئوخشاپ كىتىدۇ بىراق ئۇنىڭدىن 3 ھەسسە ئۇزۇن ، مەھەللىدە بار ئىدى  بىراق ھازىر ياپرىقى يوقدە :qiray5   بولمىسا سۈرەتكا تارتىپ  ، مۇنبەرگە باشلاپ كىلەركەنمە................:qiray14

dengizburkuti

	مەندە ئاپرات بولغان بولسا ئەرمۇدۇن دەرىخنىڭ نەق ئۈزىنى كۆرسىتىپ قوياركەنمەن.