شىنجاڭدا تېمپىراتۇرا يەنە تۆۋەنلەيدۇ

قۇملۇق

	جۇڭگو ئۇيغۇرچە رادىيو تورى 23-فېۋرال بېيجىڭ خەۋىرى: مۇخبىرنىڭ 21-فېۋرال ئاپتونوم رايونلۇق مېتېئورولوگىيە ئىدارىسىدىن ئۇقۇشىچە، شىمالدىن كەلگەن سوغۇق ھاۋا ئېقىمى ۋە غەربىي جەنۇبتىن كەلگەن ئىللىق نەم ھاۋا ئېقىمىنىڭ تەسىرىدە، 22 - فېۋرالدىن 24-فېۋرالغىچە شىمالىي شىنجاڭنىڭ كۆپ قىسىم رايونلىرى، جەنۇبىي شىنجاڭنىڭ غەربىدىكى قىسمەن جايلاردا قار ياغىدىكەن، ئىلى ۋادىسى، تەڭرىتاغنىڭ غەربىي قىسمىدىكى تاغلىق رايونلار، جەنۇبىي شىنجاڭنىڭ　غەربىدىكى قىسمەن رايونلاردا قېلىن قار ياغىدىكەن، شىمالىي شىنجاڭدا تېمپېراتۇرا　5 ～ 8 سېلسىيە گىرادۇسقىچە تۆۋەنلەيدىكەن. ئۇقۇشىمچە، 22 - فېۋرالدىن 24-فېۋرالغىچە، شىمالىي شىنجاڭنىڭ كۆپ قىسىم رايونلىرى، تەڭرىتاغنىڭ تاغلىق رايونلىرى، جەنۇبىي شىنجاڭنىڭ غەربىي قىسمى، ئاقسۇ ۋىلايىتىنىڭ قىسمەن جايلىرىدا ئازراق قار ياغىدىكەن. ئىلى ۋادىسى، تەڭرىتاغ تاغلىق رايونلىرىنىڭ قىسمەن جايلىرى، تارباغاتاي، شىمالىي شىنجاڭنىڭ تەڭرىتاغ ئەتراپلىرى، قەشقەر ۋىلايىتى، قىزىلسۇ قىرغىز ئاپتونوم ئوبلاستى، ئاقسۇ ۋىلايىتىدىكى تاغلىق رايونلاردا ئوتتۇراھال قار ياغىدىكەن. يۇقىرىدا ئېيتىلغان جايلاردا بەش بال ئەتراپىدا قىيپاش ئۆتكۈنچى شىمال شامىلى چىقىدىكەن، شامال ئېغىزلىرىدا سەككىز بال بوران چىقىدىكەن. شىمالىي شىنجاڭدىكى كۆپ قىسىم رايونلاردا تېمپېراتۇرا 5 ～ 8 سېلسىيە گىرادۇسقىچە تۆۋەنلەيدىكەن، جەنۇبىي شىنجاڭدىمۇ تېمپېراتۇرا سەل - پەل تۆۋەنلەيدىكەن. 25-فېۋرالدىن 26-فېۋرالغىچە، شىمالىي شىنجاڭنىڭ كۆپ قىسىم رايونلىرى، تەڭرىتاغنىڭ تاغلىق رايونلىرى، جەنۇبىي شىنجاڭنىڭ غەربىدىكى تاغلىق رايونلار، ئاقسۇ ۋىلايىتىدىكى تاغلىق رايونلاردا ئازراق قار ياغىدىكەن. ئىلى　ۋادىسى، تارباغاتاي، ئالتاي ۋىلايىتىنىڭ قىسمەن رايونلىرىدا ئوتتۇراھال قار ياغىدىكەن. شامال ئېغىزلىرىدا　يەتتە-سەككىز بال غەربىي شىمال بورىنى چىقىدىكەن، تېمپېراتۇرا سەل-پەل تۆۋەنلەيدىكەن.

peyaz

	شامال ئىغىزىدا 7-8 بال شامال چىقسا چوقۇم قارامايدىمۇ چىقىدىكەندە !! قىرىنداشلارنىڭ قىلىن كىيىنىپ سوغۇپ ئوتۇپ زۇكام ، يۆتەل بولماسلىقىنى ، شوپۇر دوسلارنىڭ بىخەتەر يول يۇرىشىنى ئۇمىد قىلىمەن .!!!

xatlan

	قەشقەردە بايا قار يىغىپ توختاپ قالدى .

nazigul8

	قىشنى ئۇزۇتۇپ، باھارنى كۈتۈۋالايلى دەۋاتساق، ئەمدى بۇ ھاۋا نىمە بوپ كېتىپ بارىدىغاندۇ، بۇ قىشنىڭ چىقىپ كەتكىسى كەلمەيۋاتقان ئوخشايدۇ قارىغاندا، ھەم چىقىپ كەتكىچە تازا بىر يېغىۋالاي دەۋاتقان ئوخشايدۇ بۇ قىش.:qiray13

Ahmadi

	شۇم    خەۋەركەنغۇ   بۇ  .  .. . . . .

yawaat0998

	nazigul8 يوللىغان ۋاقتى  2012-2-24 07:13 PM قىشنى ئۇزۇتۇپ، باھارنى كۈتۈۋالايلى دەۋاتساق، ئەمدى بۇ ... بىزلەر 3- ئاينىڭ 21- كۈنى قىشنى ئۇزىتىمىز. بىزنىڭ باھار بايرىمىمىزدىن كىيىنلا ئاندىن ھىساپ. ،  «ئىتنىڭ قورسىقىدا بالىسى مۇزلايدۇ » دىگەن سوغۇقتا غەلىتە شىەكىللەر بىلەن «باھار» نى كۈتىۋالغانلارنىڭ قىشنى ئۇزاتقىنى ھىساپ ئەمەس.

يولۋاس

	خوتەندە 3 - ئاينىڭ بىشىدىلا، يەر ئاغدۇرۇپ سەي تىرىغىلى بولاتتى.  ئەمدى سەل كىچىكىدىغان بولاپ قالدى-دە.

dawan~

	ماۋۇ ئۈرۈمچدە يەنە ھازىر قار يېغۋاتدۇ

subihan

	غۇلجىدا بەكلا سوغ....

qoqas

	بۇگۇن خۇتەندە قاتتىق قار ياغدى