ئازغان بالا، ئاچكۆز دادا

zulfay

	يەككە تىجارەتچى ئەمەت ئۆزىنىڭ كۈمۈش رەڭلىك پىكاپىنى ھەيدەپ، ماشنىسىنى يول ياقىسىغا توختىتىپ، ماشنىسىنىڭ ئىچىدە پۇل قاچىلانغان يالتىراق خالتىنىڭ بارلىقىنى ئۇنتۇپ، ئىشىكنى ئەتمەيلا دوستىنىڭ دۇكىنىغا كىرىپ كەتتى... ئۆيلىرىگە قايتىش ئۈچۈن ئەمدىلا مەكتەپ دەرۋازىسىدىن چىققان ئابدۇۋەلى (9 ياش) بىلەن تۇرسۇن (8 ياش) يولدا بىر-بىرى بىلەن قوغلىشىپ يۈرۈپ، يول بويىدا توختىتىپ قويۇلغان كىچىك ماشىنىنىڭ يېنىغا كېلىشتى ۋە بۇ ماشنىغا قىزىقىپ، ماشىنىنىڭ ئۇ يەر، بۇ يەرلىرىنى سىيلاشقا باشلىدى. ئابدۇۋەلى ماشىنىنىڭ ئىچىدە ئادەم يوقلىقىنى كۆرۈپ، ماشنىنىڭ ئىشىكىنى ئاچماقچى بولىۋىدى، ئىشىك ئېچىلدى. ئۇلارنىڭ ماشىنىنىڭ شوپۇر ئولتۇردىغان ئورۇندۇقىنىڭ يېنىدا تۇرغان يالتىراق خالتىنىڭ ئىچىدىكى پۇلغا كۆزى چۈشتى، ئۇلار بىر-بىرىگە قارىشىپ تۇرۇپ قالدى. بۇ چاغدا تۇرسۇن: ھەي، ئاۋۇ پۇلنى ئېلىۋېلىپ خەجلىمەمدۇق،-دېدى كۆزلىرىنى ئوينىتىپ، ئابدۇۋەلى بىر ئاز تۇرۇپ قېلىپ: -مەيلى، بۇ ئەتراپتا ماشىنىنىڭ ئىگىسىمۇ يوق ئىكەن بىزنىڭ ئالغىنىمىزنىمۇ بەرىبىر باشقىلار كۆرمەيدۇ، ئېلىۋالايلى-دېدى-دە، پۇلنى خالتا بىلەن قوشۇپلا ئېلىپ، سومكىسىغا سالدى. ئۇلار مەكتپەنىڭ ئارقىسىدىكى خالىي جايغا كېلىپ، پۇلنى قايتا-قايتا سانىدى. بۇ پۇل 7275 يۈەن چىقتى. بۇنچە كۆپ پۇلنى كۆرۈپ ئۇلار بەك قورقۇپ كەتتى ۋە بىر-بىرىگە: -بۇ پۇل بەك كۆپ ئىكەن. بۇنى ئېلىپ يۈرسەك ئۆيدىكىلەر سېزىپ قالىدۇ، ئەمدى قانداق قىلارمىز دېيىشتى. بىر ئازدىن كېيىن ئۇلار بۇ پۇلنى شۇ جايدىكى قوناق شېخنىڭ ئارىسىغا يوشۇرۇپ قويۇپ، ئاز-ئازدىن ئېلىپ خەجلەشنى مەسلىھەتلەشتى ھەمدە ئىككىسى 75 يۈەننى ئېلىۋېلىپ قالغان پۇلنى يۇشۇرۇپ قويۇشتى. مۇشۇنداق قىلىپ بۇ ئىككىسى بىر ھەپتە ئىچىدە بۇ پۇلدىن 475 يۈەننى بازاردا خەجلەپ بولدى. بىر كۈنى تۇرسۇننىڭ دادىسى سادىر يېزا بازىرىغا ساقال ئالدۇرغىلى كەلدى. ساتراچخانىدا پاراڭ جەريانىدا بىر تونۇشى ئۇنىڭغا: سىلىنىڭ بالا يېقىندىن بېرى بازاردا خېلى كۆپ پۇلنى كۆتۈرۈپ يۈرۈپ بۇزىۋەتتى، سىلىنىڭ خەۋىرىڭلار بارمۇ؟ بالىنى سەل باشقۇرۇپ قويۇڭلار، يامان ئۆگىنىپ قالسا كېيىن باشقۇرالمايسىلەر-دېدى. سادىر ئۆيگە قايتقاندىن كېيىن ئوغلى تۇرسۇندىن يېزا بازىرىدا خەجلىگەن پۇلنىڭ نەدىن كەلگەنلىكىنى سۈرۈشتۈردى. تۇرسۇن دەسلەپتە جىم تۇرىۋالدى. كېيىن دادىسىنىڭ ئەلپازىىنىڭ يامانلىقىدىن قورقۇپ، يىغلامسىراپ تۇرۇپ: ئۇ پۇلنى مەن ئابدۇۋەلى بىلەن يولدىكى ماشنىنىڭ ئىچىدىن ئېلىۋالغان ئىدۇق-دېدى ھەم پۇلنى يوشۇرۇپ قويغانلىقىنى ئېيتتى. بۇنىڭ بىلەن سادىرنىڭ ئىچىگە جىن كىردى-دە، ئابدۇۋەلىنى چاقىرتقاندىن كېيىن ئۇلارغا: -پۇلنى يوشۇرۇپ قويغان جايغا مېنى باشلاپ بېرىڭلار، مەن ئۇ پۇلنى ساقچىغا تاپشۇرۇپ بېرىمەن،-دېدى ھەم ئۇلار بىلەن بىللە بېرىپ پۇلنى يوشۇرۇپ قويغان جايدىن 6800 يۈەن پۇلنى ئالغاندىن كېيىن ئابدۇۋەلىگە ئىككى يۈەن پۇل بېرىپ، بۇ ئىشنى ھىچكىمگە دېمەسلىكنى، ئەگەر ئاشكارلاپ قويسا، ئۇلارنىڭ پۇل ئوغرىلىغانلىقىنى ساقچىغا مەلۇم قىلدىغانلىقىنى تەكىتلەپ، ئوغلىنى ئېلىپ ئۆيگە قايتىپ كەتتى. سادىر ئۆزىنىڭ بۇ غايىپتىن كەلگەن ئولجىسىنىڭ پەيزىنى سۈرۋاتقاندا، ئابدۇۋەلىنىڭ ئائىلىسىدىكىلەر تەرىپىدىن بۇ ئىش ساقچىغا مەلۇم قىلىنىپ سادىر تېخى خەجلەشكە ئۈلگۈرمىگەن 5500 يۈەن زاڭ پۇل بىلەن قولغا چۈشتى. 2010-يىلى يوپۇرغا ناھىيىلىك خەلق سوت مەھكىمىسى بۇ دېلوغا سوت ئېچىپ قاراپ چىققاندىن كېيىن، ئازغان گۆدەك بالىسىنىڭ قولىدىن ئېلىۋالغان ھارام مالنى يۇتىۋېلىش غەرزىدە بولغان جاۋابكار سادىرنىڭ بۇ قىلمىشىدىن ھارام مالنى يوشۇرۇش جىنايىتى شەكىللىنىدۇ دەپ قاراپ، ئۇنىڭغا مۇددەتلىك بىر يىللىق قاماق جازاسى بېرىش، قوشۇمچە 2000 يۈەن جەرىمانە قويۇش ھۆكۈمنامىسىنى چىقاردى. (كىشى ئىسىملىرى ئۆزگەرتىلدى) مەنبەسى: تۇرسۇن ھېكىم شىنجاڭ ئاياللىرى ژۇرنىلى 2010-يىللىق 11-سانىدىن ئېلىندى.

yalguzbora

	پۇل گاچىغا تىل چىقىرىدۇ!

kahrizat

	بالىلىرىغا نەسىھەت قىلىش ئۇياقتا تۇرسۇن قىلغان ئىشىنى پۇلغا توي ئەبلەخ

kaynok

	ھەممىگە قادىر ئالللاھ. قان-يىرىڭ ئىچىشتىن ئۈزەڭ ساقلىغىن ئامىن

bodak010

	بۇ بىر مەسئۇليەتسىزلىك خالاس.

1kilixkan

	ھەي ئنسان پۇلغا نىمانچە ..........

蓝狼331

	ئاچكۆزلۈك كىشىنىڭ بېشىغا چىقىدۇ

choyun

	ئىنساپ؟؟؟...

mosajan0997

	مەن بۇرۇنمۇ ئوقۇپتىكەنمەن بۇ ماقالىنى... كىچىكىمدە ئاپام ماڭا:‹‹بىزگە ھارام ياراشمايدۇ،بالام،بىر كۈنى بىلىپ قالىسەن....››دەيتى... ئىشقىلىپ ھالالدىن تاپمىغان پۇلنىڭ كەينىدە ئېچىنىشلىق تەقدىردىن بىرنىڭ ساقلاپ تۇردىغانلىقىغا ئىشىنىمەن..

يولۋاس

	ئاللا ساقلىسۇن مۇشۇنداق ئازغۇنلۇقتىن