بالىلارنىڭ گۈدەك كۈلكىلىرى زادى نەگە كەتتى ؟

ghostuy

	بۇرۇن مەھەللىرىمىزدە كىچىك بالىلارنىڭ مۈكۈ-مۈكۈلەڭ ئۇيناۋاتقان ، شۇخ كۈلۈپ قوغلاشماق ئۇيناۋاتقان ھالەتلىرىنى جىق كۆرەتتۇق ھەم زوقىمىز كىلىپ ، "مەنمۇ مۇشۇ بالىلاردەك ئەركىن كۈلۈپ ياشىسام نىمىدىگەن ياخشى بولاتتى ھە " دەپ ئويلاپ كىتەتتۇق . ئۇلارنىڭ گۈدەك كۈلكىلىرى مەھەللىلەرنى ئاۋاتلاشتۇراتتى ھەم  مەھەللىرىمىزنىڭ ئىللىقلىقىنى ھېس قىلغۇزاتتى . بىراق ھازىرچۇ ، ئۇلارنىڭ گۈدەك كۈلكىلىرى ، ئۇلارنىڭ مەھەللىلەردە مۈكۈ-مۈكۈلەڭ ئۇينىغانلىرى ، ۋاقىراشلىرى ، چوقۇراشلىرىنى كۆرەلمەيمىز ھەم ئاڭلىيالمايمىز . سورىساق بالىلارنى "ئۈگىنىش قىلىۋاتىدۇ . " دىگەن جاۋاپقا ئېرىشىمىز . ھۆرمەتلىك تورداشلىرىمىزنىڭ ئارسىدىمۇبالا-چاقىسى بارلار باردۇ . سىز ئۇلارنىڭ كىچە - كىچىلەپ چىراق يورىقىدا ئۈگىنىش قىلىۋاتقانلىرىنى  ، ئەتىسى ئۇلارنىڭ مەكتەپكە ئۇيقۇچان بېرىشلىرىنى ، تېخى  مۇئەللىمنىڭ  سەن  نىمىشقا  توغرا  يازمىدىڭ دەپ تىل - دەشنام ئىشىتىشلىرىنى كۆرگەندە ئاتا-ئانا بولغۇچىلار ، ياكى ياشلىرىمىز ، سىزلەرنىڭ ئۇلارغا ئىچىڭىز ئاغرىمدۇ ؟ مەن توختىلۋاتقان بۇ تېمىنى بۇرۇن باشقلارمۇ توختىلىپ ئۆتكەندۇ . لىكىن مەن يەنە بىر قېتىم بۇ تېمىنى توختىلىش ئارقىلىق بالىلارغا كۆڭۈل بۈلۈشنى كۈچەيتىشنى ئۇلارغا بولغان بىسىمنى ئازايتىشنى كەڭ تورداشلارغا تەۋسىيە قىلماقچى .        ھەربىر ئاتا-ئانىنىڭ ئارزۇسى بالىلىرىمىزنىڭ كېلەچىكىنىڭ ياخشى بۇلۇشى ، ئۇلارنىڭ كەلگۈسىدە ياخشى كۈنلەرنى كەچۈرشىنى، جۈمىلىدىن جاپا تارتىپ قالماسلىقىنى ئۈمىد قىلىمىز ھەم ھازىردىن باشلاپ ياخشى ئۇقۇشىنى ، چوڭ بولغاندا ياخشى ئىدارىلەردە ئىشلىشىنى ، ئىقتىساسلىقلارنىڭ ئارسىغا كىرىشىنى ئارزۇ قىلىمىز . شۇنداق ھەممىمىز پۇشتىمىزدىن تۆرەلگەن باغرىمىزدىن يېرىپ چىققان بالىلىرىمىزغا كۈيۈنىمىز ئۇلارغا ھەتتا بارلىقمىزنىمۇ ئاتا قىلىۋىتىمىز . لىكىن كۆيۈندۇق دەپ بەزىدە چەكتىن ئاشۇرۋىتىمىز . ئۇلارنىڭ ئەركىنلىكىنى قىسىپ ، ئۇلارنى قانداقتۇر ئۇقۇشتىن سىرت كەچلىك كۇرىسلارغا قاتناشتۇرۇپ ، ئۇلانىڭ ئارام كۈنىنى ھارام قىلىمىز . ئۇلارنى ھەتتا كۆزەينەك تاقايدىغان ھالەتكە كەلتۈرۈپ قۇيىمىز . بىزنىڭ كۈيۈنۈشىمىز مۇشۇما ؟ ئۇلارغا دۇنيانىڭ نەقەدەر گۈزەللىكىنى ھېس قىلدۇرماي ئەكسىچە ئۇلارغا بۇ دۇنيانى يىرگىنىشلىك قىلىپ كۆرسەتمەكچىمۇ ؟ ھاياتنىڭ نەقەدەر مەنىسىز ئىكەنلىكىنى بىلدۈرمەكچىمۇ ؟ مەن بىر كۈنى ئەلى ئىسىملىك بىر باشلانغۇچ مەكتەپ ئۇقۇغۇچىسى بىلەن پاراڭلىشپ قالدىم . ئەمدىلا 3-سىنىپقا چىققان ئۇقۇغۇچىنىڭ ماڭا دىگەن گىپى مىنى بەكلا ئازاپلىدى . ئۇ مۇنداق دىدى : " ئاكا مىنىڭ پەقەت ئۇقۇغۇم يوق. بەزىلەر مەكتەپنى بىر گۈزەل باغچا دەپ قارايدىكەن لىكىن ماڭا قۇرقۇنۇشلۇق ، سۈرلۈك بىلىندۇ . ھەرقېتىم مۇئەللىمىدىن تەنقىد ئاڭلايمەن .  مۇئەللىم مىنى سىنىپنىڭ ئەڭ كەينىدە ئولتۇرغۇزۇپ قۇيىدۇ . مەن مۇئەللىمغا بەك ئۆچ . ھەرقىتىم دادامغا تېلفۇن بېرىپ ، مىنىڭ يامان گىپىمنى قىلىدۇ ، مەن دادامدىن تاياق يەيمەن . " ئۇ بۇگەپنى دەپ مۇشۇ يەرگە كەلگەندە يىغلاپ كەتتى ، ئۇ يەنە " بىراق ئاكا ، ئامال يوق ، ياخشى ئوقۇمىساق ، چوڭ بولغاندا ئاچ - يالاڭغاچ قالىدىكەنمىز . شۇڭا چىشىمنى چىشلەپ ئۇقۇۋاتىمەن " دىدى . مەن ئەلىنىڭ بۇ گىپىنى چۇڭقۇر ئويلارغا پىتىپ كەتتىم . بالىلاردا ھازىردىن بۇنداق زېرىكىشلىك ھىسىياتى پەيدا بولسا ، كىيىن قانداق بۇلار ؟ قېرىنداشلار ھەممىمىز ئويلاپ باقايلى . بۇنداق بالىلارنىڭ پىسخكىسى ۋاقىتنىڭ ئۆزگىرىشگە ئەگىشپ ، يامان تەرەپكە ماڭسا (جىمغۇرلۇق ، ئىچىدە ئىش ئويلايدىغان بۇلۇپ قالسا) كىيىن جەمىئيەتكە يامان تەسىر ئىلىپ كەلمەمدۇ . مەن تور بەتلەردە بەزى بالىلارنىڭ بىلوگلىرىدا "ياشاش نىمانداق مەنىسىز "  ياكى  "مەن ئۈلىۋالىمەن " دىگەندەك گەپلەرنى ئاندا - ساندا كۆرۈپ قالىمەن . بۇلار نىمىدىن دېرەك بىرىدۇ . دۆلىتىمىزنىڭ مائارىپى ، ئاتا - ئانىلارنىڭ تەربىيەسى شۇنچىۋالا ناچار بۇلۇپ كەتتىمۇ؟ جەمىئىيتىمىزدە پارىخورلۇق بەك ئېغىر ، بۇنى دىمىسەممۇ ھەممىمىز بىلىمىز . ئەمدى جۇھۇت نەپسى قارا قۇلىنى مائارىپىمىزغا دۆلىتىمىزنىڭ  كىلەچىكىنى  قۇرۇغۇچىلارنى  تەربىيلەيدىغان  (باغ-ۋاران) غا  يېيىلدىمۇ  ؟  بەزى رەھبەرلەر  يانچۇقىنى تولدۇرۇش ئۈچۈن ، بالىلىرىڭلارنى پالانچى ئونۋېرىستىتقا ئۆتكۈزۈپ قۇيىمىز ، مانچىلىك پۇل بىلەن پۈتىدۇ  ، دەپ مەيلى ياخشى ئۇقۇغانمۇ ياكى ناچار ئوقۇغانمۇ چاتىقى يوق ئۆتكۈزۈپ قۇيۇۋاتىدۇ . پۇلى  يوق  ،  تۇرمۇشىنى  ئارانلا   قامداۋاتقان  بىچارىلەرچۇ  ؟ ئۇلارنىڭ  بالىلىرى  چەتكە  قېقىلامدۇ ؟ بەزى ياخشى ئوقۇغان بالىلار بولسا  ،  ياخشى  نەتىجىلەرنى  ئالغان  بولسىمۇ  ،  كۆزلىگەن مەكتەپلەرگە  ئۈتەلمەيۋاتىدۇ . كىچكىدىن جاپالىق ئوقۇغان ، كىچە - كىچىلەرنى ئۇيقۇسىز ئۆتكۈزۋاتقان بىچارىلەر بۈگۈنكى دەۋىردە يەنە ئوخشاش ، بېشنى ساڭگىلىتىپ ئولتۇرىۋاتىدۇ . مەن مۇشۇ " ياخشى ئۇقۇمىساڭ كەلگۈسىدە جېنىڭنى باقالمايسەن . " دەيدىغان گەپكە رەددىيە بىرىمەن . چۈنكى ھەر قانداق ئىشتا ئادەم ئۆز ئەقلىگە تايانمىسا بولمايدۇ . مەيلى ئۇ قانداق ئوقۇغان بولسۇن ، ئۇ بىر ئىشنى خاتا قىلسا ، بەلكىم ئۈمۈرلۈك پۇشايماندا قالىدۇ . مەن بۇنى يېزىش ئارقىلىق بالىلارنى ياخشى ئۇقۇمىسۇن دىمەكچى ئەمەس بەلكى مۇشۇنداق ئارتۇقچە بىسىملارنىڭ بالىلار زىممىسىگە يۈكلىنىپ ئۇلارنى ھاردۇرمىسۇن . ئۇلارنى زېرىكتۈمىسۇن دىمەكچى . ھەممىمىز ئۇيلاپ باقايلى  .  سىز  كىچىك ۋاقتىڭىزدا ھازىرقى بالىڭىزدەك ئۆزىڭىزگە  بىسىم  چۈشۈرۈپ  ئۈگىنىش  قىلىپ  باققانمۇ؟ بەلكىم شۇنداق قىلغانسىز ؟ لىكىن ئۇيۇننى ئويناپ باقمىغان دىسىڭىز مەن ئۇنىڭغا ئىشەنمەيمەن . چۈنكى بەلكىم سىز ئۇقۇۋاتقان ۋاقتىڭىزدا شارائىتلار ناچار ، سىنىپلىرىڭلار كونا بۇلغان بولغىيتى . نامراتلىقنى باشتىن كەچۈرۈپ ئۇقۇغان بۇلۇشۇڭلارمۇ مۇمكىن ، لىكىن بەزى ۋاقىتتىمۇ ئەركىن ئازادە ئوينىغان ۋاقتىڭىزمۇ بولغان . شۇ ۋاقىتلاردا دەل دەرەخ جىق ، باغ-ۋاران ھەر قەدەمدە ئۇچراپ تۇراتتى . لىكىن ھازىرچۇ نەگە قارسا، بىنا . نەگە قارسا زاۋۇت ، ئاپتۇمۇبىللارنىڭ جىقلىقى كىشىنى سەسكەندۈرىدىغان دەرىجىدە ، بۇنىڭغا چوڭلار زېرىكىۋاتسا ، بالىلار  زېرىكمەمدۇ ؟  ئۇلارنىڭ ئوينايدىغان مەيدانى زادى نەدە ؟ ئۇلار نەدە ئوينايدۇ ؟ نەدە ئىچىلىپ - يىيىلىپ ، بالىلىقتىكى شېرىن ھېسلارغا چۈمەلەيدۇ ؟ ئۇ يەرگە قارسا ئەخلەت ، بۇ يەرگە قارسا ، پىكاپ توختىتلىپ قۇيۇلغان ، ئۇلار قەيەردە ئەركىن ئازادە ساپ ھاۋادا نەپەسلىنەلەيدۇ ؟ ئۆيدە بولسا بالىلار ئارام ئالدى دىگەندىمۇ تېلۋىزۇر كۆرىدۇ . تېلۋىزۇردىن چىققان رادىئاتسىيە گۈدەك بالىلارنى زەھەرلىمەمدۇ ؟ بىز چۇڭلار بىرەر رىستۇراننى تېپىۋالساق ئولتۇرۇش ياكى مەشرەپ ئۆتكۈزىمىز ، بىراق بالىلارچۇ ؟ ياخشى ئوقۇمىسا ئۇلارنى ئۇرۇپ تىللايمىز . مۇشۇ بىزنىڭ كۈيۈنىشىمىزمۇ ؟ ( بۇ قىسمەن ئائىلىلەرگە بېرىلگەن سوئال) . بىچارە بالىلارنىڭ ئەسنەيدىغانغىمۇ ۋاقىت يۇقمۇ ؟ شۇ بىگۇناھ بالىلارنى ئۇرغان قۇلىمىزنى ، مائارىپ سىپىگە يۇشۇرنىۋالغان بىر قىسىم ئادىمىي ھايۋانلارغا ئىشلەتسەك بولمامدۇ ؟ مائارىپنى ھەممىمىز تۈزىسەك بولمامدۇ؟ شۇلار بالىلارنىڭ تەغدىرىنى ئۆزگەرتىپ قۇيسا ، گۇناھنى بالىلارغا قۇيساق سىلەرچە بۇ ئادىلمۇ ؟ شۇ تەستەكنى مائارىپ ساھەسىدىكى ئالدامچىلارنىڭ يۈزىگە كۈچەپ سالساق ،مىنىڭچە بەك توغرا بۇلاتتى. ھەتتا ئۇقۇتقۇچى بۇلۇۋالغان بەزى ساۋاتسىزلارغىمۇ ئانچە-مۇنچە ھەيۋىمىزنى كۆرسىتپ قۇيساق بۇلاتتى . چۈنكى بالايى نەپسە مائارىپىمىزدىكى بىر قىسىم رەھبەرلەردە بولغانغا ئۇخشاش ، مەكتەپ رەھبەرلىكىتىمۇ بار . ئۇلارمۇ بەزى مۇئەللىملەرنى پۇشقاق ئىچىدە مەكتەپ ئوقۇ - ئۇقۇتۇش ساھەسىگە كېرگۈزۋەتتى . شۇڭا ئۇلار قارىماققا ئۇستاز...       ئۇقۇغۇچىلار  مۇئەللىملەرنىڭ  ئۆز  بالسى  ئەمەس  ،  شۇڭا  ئۇلارنى  ئادەم  كۆرمەيدىغان  يەردىمۇ ئازاپلاۋىرىدۇ . ئەگەر سىز شۇلارنىڭ ئۆز بالىڭىزنى خارلاۋاتقانلىقىنى كۆرگەن بولسىڭىز . سىزنىڭمۇ غەزىپىڭىز كىلىدۇ .  مەن مۇشۇ بانادا ، ئۆزەمنىڭ بالىلىق ئۇقۇغۇچىلىق ۋاقتىمنى قىسقىچە بايان قىلىپ ئۆتسەم :       مەن تۇغۇلۇپ بۇ دۇنياغا كۆز ئاچقىنىمدا دادام بىزدىن ھەم بۇ دۇنيادىن ئايرىلىپ باقىي ئالەمگە سەپەر قىلىپتىكەن  .  مىھرىبان ئاپام مەن ۋە ئاكامنى  ئۆزى يالغۇز بىقىپ چۇڭ قىلدى . مەن ئاپامنىڭ قانات ئاستىدا مەكتەپكە كېردىم ، مەكتەپتە ياخشى ئوقۇيتتۇم . مۇئەللىممۇ ماڭا ئامراق ئىدى . بۇلۇپمۇ رەيھانگۈل مۇئەللىم مىنىڭ خۇددي ئۆز ئاپامدەك مىنى شۇنچىلىكمۇ ياخشى كۆرەتتى . مىنى يۇقىرى سىنىپتىكىلەر بوزەك قىلسا ، كۆكرەك كېرىپ مىنى قۇتقۇزۋالاتتى . كىيىن ئۆي كۈچۈش بىلەن مەنمۇ مەكتەپ يۆتكەلدىم . لىكىن مەن كەلگەن بۇ مەكتەپ ماڭا دۇزاقلاردەك بىلىنەتتى . بىزنىڭ مۇئەللىمنى كۆرسىڭىز ، ھەرگىزمۇ مۇئەللىمكەن دىمەيسىز ، بەلكىم قايسى ئىسىلزادىنىڭ قىزىدۇ ؟ دەپ قالسىز . ئۇ مۇئەللىمنىڭ ئىسىمى قۇندۇزئاي مۇئەللىم بۇلۇپ ، مەن ئوقۇۋاتقان ۋاقىتتا ئەمدىلا 21ياش ئىكەنتۇق . ئۇ مۇئەللىم ئۇغۇل ئوقۇغۇچىلارغا بەكلا ئۆچ ئىدى . ھەر قىتىم ئۇغۇل ئوقۇغۇچىلارنى ئىشخانسىغا سولاپ ئۇرۇپ كىتەتتى . مەن سەل شوخ ، ئۇيۇنچى ئىدىم . كىيىم كىچەكلىرىم مەينەتلا تۇراتتى . ئاپام ھازىر يۇيۇپ بەرگەن كىيىمنى ھازىر مەينەت قىلىۋىتەتتىم . ئاپام ماڭا قاچانمۇ چوڭ بۇلارسەن دەپ قاقشاپ كىتەتتى . لىكىن قۇندۇزئاي مۇئەللىم مىنى قاسماق ، دۆت ، ھاڭۋاقتى دەپ تىللايتتى . مەن شۇنداق قىلىپ دەرىستىن چىكىنىپ كەتتىم . نىمە دىسەڭ دىمەمسەن دەپ قەستەن چىشغا تىگىپ ئىنتىزام بۇزاتتىم . بىر كۈنى ساۋاقدىشىم بىلەن چاقچاقلىشىپ پومداقلىشپ ئويناۋاتقاندا ، دۈمبەمگە بىرنى تەپكەن ئىدى .  مەن تاسلا قالغان گاچا بۇلۇپ قالغىلى ، بۇ ئىشىنى ئاپامغا دەپ بەردىم . ئاپامىنىڭ ئىچى سېيىرلىپ مەكتەپكە بېرىپ ، مۇئەللىم بىلەن ئۇنداق قىلماڭ ، بۇ دىگەن دادىسى يوق ، بىر قانىتىدىن ئايرىلغان بالا . دەپ شۇنداق ياخشى گەپ قىلدى . لىكىن ئالدىدا ئاچىسدەك بىر ئايالنىڭ ئۆزىگە گەپ قىلىۋاتقانلىقىنى كۆرگەن بولسىمۇ ، ھىچ ھىيىقماستىن ، ئۇنداقتا بالىڭىزنى بۇرۇنقى مەكتىپىگە يۆتكەپ كىتىڭ .  بالىڭىزنى ئوقۇتالمايمەن دەپ ، ئاپامنىڭ كۆڭلىنى رەنجىتتى .  ئەسىلىدە يۆتكىلىپ كىتىشنى ئويلىغان بىراق كېرا پۇلىغا بەك كىتىدىكەن يەنە كىلىپ ، مەن ئۇقۇۋاتقان شۇ يىللاردا ئادەم بىدىكلىرى بەك كۆپ بولغاچقا ، ئاپام  ئەنسىرەپ ، ھازىرقى مەكتەپتە داۋاملىق ئۇقۇتۇشنى ئويلىدى . مەن شۇنداق قىلىپ داۋاملىق ئۇقىۋەردىم . مەندىكى مەكتەپكە بولغا زېركىشلىك يەنە شۇ تاشقا باسقان مۆھۆردەك قەلبىمدە قىلىۋەردى .  بەزىدە مەكتەپتىنمۇ  قېچىپ باقتىم . بىراق ئۆيدىكلەرنىڭ جاپاسىنى ئويلاپ ، ئوقىۋەردىم .  دەرىسلىك كىتاپلاردىكى مەكتەپ گۈزەل ماكان دىگەندەك نەرسىلەرنى ئوقۇسام ناھايتتى كۈلگۈم كىلەتتى . شۇ ۋاقىتتا بۇ دۇنيانىڭ قانچىلىك ساختا ئىكەنلىكىنى تۇنۇپ يەتكەنىدىم . مانا ئەمدى چوڭ بۇلدۇم . 22ياشقا كېرگەن بولساممۇ ، بەزى ئىشلارنى چۈشۈنۈپمۇ يەتتىم . ھازىر ھەربىي سەپتىن چىكىنىپ ، نىكاھ ئىشلىرى خىزمەت ئورنىدا ئىشلەۋاتىمەن . ئۇلۇغ ئاللاھ بىز يتىملەرنىڭ بىشىنى سىيلايدىكەن . مانا ئاللاھنىڭ قۇدىرىتى بىلەن مۇشۇنداق ياخشى يەردە ئىشلەپ قالدىم . خىزمىتىم قانچە كۆپ بولسىمۇ ھارغىنلىق ھېس قىلمىدىم . بىر كۈنى خىزمەت پوكىيىدە خىزمەت قىلىۋاتسام ، تۇيۇقسىز بىر ئايال "ئۇكام بىز توي خېتىمىزنى يېڭىغا ئالماشتۇرماقچىتۇق ، نەدە ئالماشتۇرىمىز " دەپ سوراپ قالدى . بىشىمنى كۆتۈرۈپ ئۇ ئايالغا قاراپ ، چۈچۈپ كەتتىم . ئۇ ئايال دەل قۇندۇزئاي مۇئەللىم ئىدى . مەن ئۇ ئايالمۇ مىنى كۆرۈپ چۈچۈپلا كەتتى ھەم " ھوي رىشاتمۇ سەن ، قانداق ئەھۋالىڭ ئۇكام ؟ ياخشى تۇردۇڭمۇ " مەنمۇ چاندۇرماي چېھرىمگە كۈلكە يۈگۈرتۈپ " ياخشى تۇرۋاتىمەن ، مۇئەللىم سىزچۇ ؟ سىزمۇ ياخشى تۇرۋاتامسىز ؟ " دەپ ئەھۋال سورىدىم . ئىككىمىز بىردەم ئەھۋاللاشتۇق . قارىسام 6ياش ئەتراپىدا بىر قىز بالىنى يىتلىۋالغانىدى . " مۇئەللىم بۇ قىز سىزنىڭ قىزىڭىزمۇ ؟ " دەپ سورىدىم . مۇئەللىم " ھەئە مىنىڭ قىزىم ، نەچچە كۈن بولدى ، قىزىزىپ قالدى . دوختۇرخانىغا بارسام دورا بەردى . ھازىر ئىچىپ سەل ياخشى بوپ قالدى . مۇشۇ قىزدىن بەكلا ئەنسىرەيمەن ، بەكلا ئاغرىقچان بوپ قالدى . قانداق قىلسام بۇلار ؟ " دەپ كەتتى .  مەن بىلگەنلىرىمنى دەپ بەردىم . شۇنداق قىلىپ قۇندۇزئاي مۇئەللىمنىڭ ئىشىنى قىلىپ بېرىپ ، يولغا سالدىم .          شۇنداق . بالىلار ئاتا - ئانىنىڭ يۈرەك پارىسى . ئۇلارنى ئاسىراش ھەممىمىزنىڭ بۇرچى . بىراق ئورۇنسىز تەلەپلەرنى قۇيۇپ بالىلارغا بىسىم چۈشۈرمەيلى . مەكتەپ ۋە ئائىلە بالىلارنىڭ سۈيۈملۈك ماكانى بولسۇن ھەرگىزمۇ ، بالىلارنىڭ غەم - دەردى بۇلۇپ قالمىسۇن . ( بالىلاردا گۇناھ يۇق . سەبىيلەر بىگۇناھ ) . مەنبەسى : http://www.makanim.cn دا ئۆزەم يازدىم

yawayi-0998

	ھەقىقەتەن  ئويلىنىشقا تىگىشلىك تىما ... بۇرۇن مەھەللىنىڭ  نەرىگە  قايلىسا قوغلۇشۇپ  ئويناپ كۈلكىنى كۆرگىلى بولاتتى . جەمىيەت تەرەققىي قىلغانسىرى  ھازىر سىرتقا  تۇگۈل  مەكتەپتىن ئاتا-ئانىسى بولمىسا  كىلەلمايدىغان بوپ قالدى . كىچىك بالىنى شۇنداق قىپ ئەمدى ئەڭ كۆپ ماڭىدىغان مەكتەپ بىلەن ئۆي ئوتتىرىسىدىكى يولنى بىلەلمەيدىغان قىلساق . تىخى  ئادەم بىدىكلىرى جىقايدى . قالايمىقان يەگە كىتىدىكەن .. ئىزىقىپ كىتىدىكەن دىيىشلىرىچۇ . ئەگەر شۇ يولنى بىلسە  نەدىكى ئىزىقىش نەدىكى يوقاپ كىتىش . شۇ سەبى بالىلار ئادەم بىدىكلىرىنىڭ قاندق ئادەملىكىنى ھىچكىم دىمەيدۇ .  پەقەت ماڭا بىر يەگە بارمىز دىسە باما جۇما  دەپلا  شۇنداق  نەسىھەت قىلىمىزيۇ  لىكىن تەسىلى بەزى ئادەملەر ئاشۇنداق ئەسكى كىچىك بالىلارنى ئىلىپ چىقىپ كىتىپ  ھەرخىل خەتەرلىك ئىشلارغا سالىدۇ دەپ  راستىنى  دىسەك بالىلارنى قورقۇتقۇدەك سۆزلەرنى دىسەك ئاندىن شۇلار بىلەن ماڭمايدۇ . بۇنداق دىسەك بالىلارغا  سەلبى تەسىر بىرىشىمىز مۇمكىن دەيسىز . ئاشۇ سەلبى تەسىرنى دەپ  ئاتالمىش ئادەم بىدىكلىرىنىڭ ئەپ كىتىشىگە  يول قويامسىز . ھەر قانداق ئىشتىن توسىدىكەنمىز ئۇنى ئەينەن دىيىشىمىز  پايدا زىيىنىنى  دىيىشىمىز . بالىلار  قانائەتلىنەرلىك جاۋاپ بىرىشىمىز كىرەك ... كىشى بىر نەرسىنىڭ پايدىسى زىيىنىنى بىلمىسە ئۇنىڭغا  نىسبەتەن قىزقىش بولىدۇ . قىزىقىش بولغانكىن شۇ يولدا  مىڭىپ قىلىش بولىدۇ ... بۇ تەرەپلەرنى ئويلىمايمىز ... بالىلارنى زىيادە چىڭ تۇتىۋالمايلى . ھىچ بولمىغاندا  تەپەككۇرىنى تۇتىۋالمايلى .

kuyax123

	ئوغلۇم بىر تەتىلنى تاپشۇرۇق ئىشلەپلا ئۆتكۈزدى.مۇئەللىمى تېخى بەزى كۈنلىرى ئويناپ كەتمىسۇن دەپ تاپشۇرۇقنى كۈنلەرگە بۆلۈپ بېرىپتۇ. تەتىل توشاي دېگەندە ئاپىرىپ كۆزىنى تەكشۈرتۈپ،200 گىرادۇسلۇق كۆزئەينەكتىن بىرنى تاقاپ قويدۇق.ھەي!نېمىسىنى دەي!... ئۇنىڭغا قارىساملا بەك ئىچىم ئېچىشىدۇ. ‹‹قانغۇدەك ئويناش››بالىلار ئۈچۈن پەقەت بىر خىل شېرىن خىياللا بولۇپ قالىدىغان بولدى...

ark-ay

	شۇنى دەيمەن ،بىز يىنىكلىتەيلى دەپلا يۈكىنى يىنىكلىتىۋالغىلى بولمىسا ،بالامغۇ تېخى كىچىك ،مەكتەپكە كىرىدىغان ۋاقتى بولغۇچە سومكىنى يىنىكلىتىغان ئىشنى قىلسا بولاتتى ھۆكۈمەت ......بىزمۇ يەسلىدە بولىشىچە ئويناپ ، باشلانغۇچنىڭ 3-يىللىقىدا خەنزۇچە ئۆگىنىشكە باشلىغان ،ھەر ھالدا قوش تىللىقتا ئوقىغان باللاردىن قېلىشمايمىز،،ئادەمنىڭ ئۆزىگە باغلىقكەن ،بىچارە باللار.......

feroza

	مىنىڭ قىزىمغىمۇ ئىچىم ئاغرىيدۇ ، سومكىسىنى كۆتۈرەلمەي دەلدەڭشىپ كىتىۋاتقان ، 2- سىنىپتا ئوقۇيدۇ ، مۇشۇ قىشلىق تەتىلنىمۇ تاپشۇرۇق ئىشلەش بىلەن تۈگەتتى ، ئۈگۈنىشىغۇ بەك ياخشى 3 تە ياخشى ئوقۇۋاتىدۇ ، سومكىسىدىكى كىتاپ دەپتەر ئاز كەلگەندەك ، بالىلارنىڭ تاپشۇرۇقلىرىنى سىز تەكشۈرۈڭ دەپ ، كەم دىگەندە 10 تال تاپشۇرۇق دەپتەرنى سىلىپ قويغان. - ئاپا  ، باشلانغۇچنى پۈتتۈرۈپلام خىزمەتكە چىقسام دەيمەن ، ئوقۇش بەكلا جاپالىق دەيدۇ.

mosajan0997

	تولىمۇ ئەتراپلىق تەھلىل قىلىپسىز،مەنمۇ بىر يېزا باشلانغۇچ مەكتىپىنىڭ قوش تىل ئوقۇتقۇچىسى ،سىز دىگەن ئەھۋاللار ھەقىقەتەن مەۋجۈت،مەنمۇ چەتئەللەرنىڭ ئازھەم ساز بولغان ،ئۈنۈملۈك بولغان ئوقۇتۇش مائارىپىغا بەك قايىل،ئادەم بىر كۈندە چوڭ بولمايدۇ،شۇنداقلا بالىلار قاندۇقتۇر بىر قاتتىق دىسكا ئەمەس،بەلكى بىر يۇمشاق دىسكىدۇر... مەنمۇ يېڭى خىزمەتكە چىققاندا سىز دىگەندەك ئاشۇنداق زورلاپ بېسىم بىلەن ئوقۇتۇپتىكەنمەن ،چۈنكى ئۇ چاغدا بىزگىمۇ بېسىم زور ئىدى،ھازىر ھەر ھالدا خېلى يىنىكلىدى ،ئەمما بىر تەرەپتىن يىنىكلىسە بىر تەرەپتىن ئېغىرلاپ كىتىپ بارىدۇ... بالىلارنى بوش تۇتسا ،تۇمۇرچى بۇلۇپ ،گەپ ئاڭلىمايۋاتقان...لىكىن مىنىڭ تەجىربەممۇ شۇكى مىھىربانلىق ۋە كۈيۈنۈش قاتتىق تەربىيەلەرنىڭ ئۈنۈمىنى بېسىپ چۈشىدۇ... جازالاش ۋە تىللاشتىن ،ياخشى پائالىيەتلەرنى تەشكىللەپ شۇلارنىڭ شۇ قىلمىشى ئۈچۈن بىرەر قېتىم قاتناشتۇرماي قۇيۇپ تەربىيە قىلساقمۇ كۆزلىگەن ئۈنۈملەرگە يىتەلەيمىز... بالىلارنىڭ ئۆگىنىش بېسىمىنى ئاشۇرۋەتمەسلىكىمىز ۋە زورلاپ مەجبۇرى تاپشۇرۇق كۈچۈرىتكۈزمەسلىكىمىز،ئۇلارغا تاپشۇرۇقنى ئازھەم ساز بىرىپ ،ئۇلارنى كۈڭۈللۈك كەيپىياتتا،ساغلام مۇھىتتا ،ياخشى ئەخلاق-ساپادا تەربىيلەپ چىقىشىمىز  لازىم دەپ قارايمەن.

kaynok

	موشۇ ۋاقىتنىڭ ئۆزدىمو بالام باش كۆتەرمەي تاپشۇروق ئىشلەۋاتىدۇ.ھەي...

halattergul

	تۇنجۇقۇپ قالدى.......