ھىجراننامە (10)

IZZAT

	ھېجران گۈلى ھېدىڭنى سېغىنسام گۈلدىن پۇرايمەن، جايىڭنى ئىزدىسەم كىمدىن سورايمەن ؟ خالىساڭ قەدىرلەپ قىسقىن چېكەڭگە ، يار، ساڭا بىر ئۆمۈر ھەمراھ بولاي مەن . كېلەرسەن مىڭ تونۇر ئوتلارنى باشلاپ ، كېتەرسەن ھىجراندا كۆزۈمنى ياشلاپ . كېلەردە ۋەسلىڭدىن ئۇزاتساڭ شەربەت ، كېتەردە قالارمەن ھەسرەت باغاشلاپ . بويۇڭغا تىلتۇمار بولغۇم كىلىدۇ، گاھىدا ئەركىلەپ قويغۇم كىلىدۇ . كۆپ زامان ئۆرتىنىپ كۆيگەنلىكىمنى، يار، ساڭا ئېيتمىدىم، ئىگەم بىلىدۇ. ئاھ دەيمەن، تاڭلارغا تۇتاشسۇن ئاھىم ، ئۇيقۇسىز تۈنلەرگە ئۇلاشسۇن ئاھىم . بۇ قەدەر كۆيمەكلىك شىرىن ئازاپتۇر ، مەيلىغۇ، رازىمەن، كۆيدۈر نىگارىم... شامالدىن ئەۋەتكەن خېتىم باردىمۇ ؟ ۋە ياكى تەڭ يولدا ھېرىپ قالدىمۇ ؟ جاۋاپقا بەرگۈدەك گۈلۈڭ يوقمىكىن ؟ مېھرىڭنى خۇدايىم ياتقا سالدىمۇ ؟...    كەلمىدى (توخسۇن ھۆسىيىن ئەلقۇت غەزىلىگە تەخمىس) كۈنۈ-تۈن كۈتتۈم نىگارىم كەلمىدى، خۇش كۈلۈپ لەيلى ناھارىم كەلمىدى، بۇ كۆڭۈل پەسلى باھارىم كەلمىدى، كەلمىدى ، جانۇ – جاھانىم كەلمىدى، ھۆسنى ئاي ، ماھىي تابانىم كەلمىدى. ئىشقىدىن ياغدى ئەزىز جانغا خەتەر، ياكى ئۇندىن خوپمىكىن دەيمەن زەھەر، يىغلىدىم نالە قىلىپ شامۇ-سەھەر، لەۋلىرىدىن سىرغىتىپ دۇررى- گۆھەر، ئاھ نېتەي ، شېرىن زابانىم كەلمىدى. تالۇ-تال سۇمبۇلى بىرلە باغلىغان، باغلىبان باغرىمنى ئۆرتەپ داغلىغان، كۆيدۈرۈپ قۇل قىلمىقىنى چاغلىغان، بىر بېقىپ ئوتلۇق كۆزىدە ناگىھان، بىر يولى جاننى ئاتارىم كەلمىدى. تەلمۈرۈپ، تاڭلارغا دەرد تۆكتۈم شۇڭا، ناتىۋان باغرىم يارا، ئەرزىم تولا، بولمىغايلەر مەن كەبى ھۇشتىن جۇدا، ئۇشبۇ دەم كىيگەنلىرىم جەندە – كۇلا، تىلغىدى دەشتلەرنى ئاھىم ، كەلمىدى. چاڭقىدىم ئىشقىڭنى دەپ سەرسان يۈرۈپ، ئەي نىگار ۋەسلىڭ ئۇزات، كەلگىن كۈلۈپ، جان بىرەي باغرىڭدا گەر كەتسەم ئۆلۈپ، رەھمە قىل ، قويغىن پەقەتلا بىر ئۈپۈپ، بارىدا بۇ تەندە جانىم ، كەلمىدى.    كىتەر بولساڭ... كىتەر بولساڭ يۈرىكىڭنى قويۇپ كەتكەن، سەن كەلگىچە ماڭا ھەمراھ بولۇپ تۇرسۇن. سىمايىڭنى ئۇيۇۋالاي نەقىش قىلىپ، دىلخانەمدە قىزىلگۈلدەك كۈلۈپ تۇرسۇن. كىتەر بولساڭ يۈرىكىمنى ئالغاچ كەتكىن، ساڭا ھەمراھ بولسۇن شامۇ-سەھەرلەردە . يىراق يەردە يالغۇزلۇق بەك يامان دەيدۇ، ئۆزۈڭ يالغۇز يۈرمىگىن يات شەھەرلەردە. كىتەر بولساڭ كىلەرىڭدىن ئۇچۇر بولسۇن، رايىم يوقتۇر خەت-خەۋەرسىز كۈتۈشلەرگە. يوقلۇقۇڭدا تەنھالىقىم ھېچگەپ ئىدى، كۆنەلمەيمەن ئەمدى يالغۇز ئۆتۈشلەرگە. كىتەر بولساڭ كەتكىن، لىكىن ئۇنتۇپ كەتمە، سەن ئۇنتۇساڭ بۇ ئالەمدە تۇرارىم يوق . كۆيگەن يامان، كۆيگەندىنمۇ كۆنگەن يامان، ۋىسالىڭدىن ئۆزگە يامان خۇمارىم يوق. كىتەر بولساڭ كەلگەنلەردىن سالام يوللا، ئەسلەيدىكەن دەپ شادىمان بولۇپ قالاي. كىلەلمىسەڭ خېتىڭ كەلسۈن، سۆيگۈڭ كەلسۇن، كىچىلىرى خىيالىڭدا قونۇپ قالاي... كىتەر بولساڭ ئاق يول بولسۇن! ئامان بولغىن! ھەر قەدىمىڭ گۈل ئۈندۈرسۇن ئىقبالىڭغا . جانانىم بار يىراقتا دەپ ئەسلەپ قويغىن ، كىچە-كۈندۈز ئىنتىزارمەن ۋىسالىڭغا... مەنبە: يانغىن ئەدەبىيات مۇنبىرى

abdulahad

	نىمە دىگەن لىرىك ھە!

abdulahad

	بۇ مۇزىكىنى چۈشۈرەي دىگەن ئادىرىسىنى يوللاپ قويغان بولسىڭىز

IZZAT

	abdulahad يوللىغان ۋاقتى  2012-2-20 02:46 PM بۇ مۇزىكىنى چۈشۈرەي دىگەن ئادىرىسىنى يوللاپ قويغان بو ... http://delete.muzika.cn/Aza/Nahxa/2008/12/10/Retim-Cn_10875.mp3

abdulahad

	IZZAT يوللىغان ۋاقتى  2012-2-20 02:49 PM http://delete.muzika.cn/Aza/Nahxa/2008/12/10/Retim-Cn_10875.mp3 بۇرۇنقىسىنىمۇ بەك ياقتۇرۇپ ئاڭلايتتىم، بۇ يېڭىسى تېخىمۇ لىرىككەن شىئىر بىلەن تولمۇ ماس كەپتۇ .چۈشۈرۈۋالدىم ،رەھمەت سىزگە!

delfen

	راسلا لىرىكەن !:qiray121:qiray121

UYGURUGLI

	نىمە دىگەن لىرىك .

ali010

	توۋا  ئايشەمگۇل ئسىملىكلەر مۇشۇنداق  ھىسياتقا.تەسەۋۋۇرغا باي كىلەمدىغاندۇ؟ بارچۇق قىزى ئايشەمگۇلنىڭ ئەسەرلىرنىمۇ بەك ياقتۇرۇپ ئوقۇيتتۇم رەخمەت سىزگە ھەقىقەتەن ياخشى يىزىپسىز ! قەلمىڭىزگە بەركەت.تىلەيمەن

aynak520

	نىمە دىگەن لىرىك .

aynak520

	نىمە دىگەن لىرىك .