[ياردەم] «جوبو» نى ئۇيغۇرچە ئورتاق تىلدا نېمە دەيمىز؟

نۇراخۇن

	ئەسسالامۇ ئەلەيكۇم ئەزىز تورداشلار! مەن ئۆزۈم تەرجىمانلىق ساھەسىگە ئەمدىلا قەدەم قويغان يېڭى تەرجىمان. گەرچە مەن مۇقىم مائاشلىق خىزمەتچى بولمىساممۇ لېكىن ئۇيغۇر تىلىمىزنىڭ ساپلىقىنى ساقلاپ قېلىشقا كۈچ چىقىرىۋاتقان ئىدىم. ھەممىزگە ئايان بىزنىڭ ئۇيغۇر تىلىمىز ھەرگىز نامرات تىل ئەمەس. بىزنىڭ ئەجدادلىرىمىز «تۈركىي تىللار دىۋانى»، «قۇتادغۇبىلىك» قاتارلىق ساپ ئانا تىلىمىزدا يېزىلغان بىباھا مىراسلارنى قالدۇرۇپ كەتكەن. شۇڭا بىز ئەۋلادلارنىڭ ئاشۇ ئاتا-بوۋىلىرىمىز ساپ پېتى قالدۇرۇپ كەتكەن ئانا تىلىمىزنى ساپ پېتى ساقلاش ھەم ساپ پېتى تەرەققى قىلدۇرۇش مەجبۇرىيتى بار ئەلۋەتتە. ئەمدى  مەقسەتكە كەلسەم، مەن  تۆۋەندىكى رەسىمدىكى نەرسىنى چوڭلارنىڭ ئاغزىدىن ئاڭلىغىنىم بويىچە «جوبو» دەپ ئاتاپ كەلگەنىدىم. لېكىن ئۇيغۇر تىلىنىڭ ئىزاھلىق لۇغىتىگە «جوبو» دەپ كىرگۈزسەم چىقمىدى. كېيىن «جوبو» 胶布 دېگەن سۆزنىڭ خەنزۇچە سۆز ئىكەنلىكىنى ئۇقۇپ، ئۇيغۇر سوفت لۇغىتى2008 كە 胶布 دەپ كىرگۈزسەم «پلاستىر» دەپ تەرجىمىسى بار ئىكەن. ئەمما ئاستىدىلا يەنە «پلاستىر» plaster دېگەن سۆزنىڭ باشقا تىللاردىن كىرگەن سۆز ئىكەنلىكى يېزىلىپتۇ. دېمەك «پلاستىر» دېگەن سۆز يەنىلا ساپ ئۇيغۇر تىلى ئەمەس ئىكەن. شۇڭا ئەزىز تورداشلار بىرلىكتە ئىزدىنىپ، «چاپلاشتۇرۇش»، «چاپلىشىش»، «يەملەش» قاتارلىق  خۇسۇسىىيەتلەرگە بۇ نەرسىگە ساپ ئۇيغۇرچە بىر نام قويۇپ باققان بولساق. مەسىلەن: چاپلاق، يەملەك .....دېگەندەك.

ئۈمىد

	بۇ ئەدەبىي تىلدا پىلاستىر دەپ ئېلىنغان. شۇڭا شۇڭا تەرجىمە ئىشلىرىدا شۇ بويىچە بولىشى كېرەك. ئەگەر تورداشلار بىرەر ياخشى ئاتالغۇ ياسىيالىسا تىل -يېزىق كومتىدىكىلەرگە تەكلىپ بەرسەك بولىدۇ. ئۇلار توغرا تېپىپ ئەدەبىي تىلغا كىرگۈزگەندىن كېيىن ئاندىن ئىشلەتسەك بولىدۇ. ئۇنىڭغىچە پىلاستىر دەپ ئاپ تۇرۇڭ قېرىندىشىم.

IZZAT

	پىلاستىر دەيمىز شۇ.

ERCHIN

	دوستلاردىن ياردەم  تەلەپ قىلىمەن! مېنىڭ تور كۆرگۈچۈمدە، توربەتلەرنى ئاچساملا،  تور باش بەت كۆرۈنمە يۈزى ۋە ماقالە- ئەسەرلەرنىڭ خەتلىرى بەك چوڭ چىقىۋېلالدى، ئىككى چەتتىكى خەتلىرىنمۇ كۆرگىلى بولمايۋاتىدۇ، قانداق تەڭشەيدىغانلىقىنى كۆرسۈتۈپ قويۇشۇڭلارنى ئۈمىد قىلىمەن! (ھۆرمەت بىلەن: دوستۇڭلار ئەرچىن)

zurki

	胶布 دېگەننى ئۇدۇل تەرجىمە قىلساق يىلىملىق لاتا بولغىدەك:qiray13  مەنچە چاپلىغۇچ دەمدۇق-يە~

musilina

	‹‹چاپلاق ››دەپ ئىشلىتىمىز بىزنىڭ يۇرتتا....

Dakyanos

	مۇسلىنە مۇماينىڭ پىكرىنى تۇغرا كۆردۇم، ئەسىلدە مەنمۇ پىلاستىر دەپلا بىلەتتىم لىكىن ئېغىز تىلىدا جۇبۇ دەپ ئادەتلەنگەن، چاپلاق دىسە ئۇيغۇرچە بولغۇدەك.

atux-0908

	چاپلاق .... مانا  بۇ گەپ  بەك  كەپتىغۇ.

abdurahmanHOTAN

	رېزىنكەچاپلىغۇچ ئەڭ ئۆلچەملىك ئاتىلىشىدۇر