داۋاملاشتۇرۇپ يېزىپ باقامدۇق؟

musilina

	ئەسسالامۇ ئەلەيكۇم،مىسرانىم  مۇنبىرىدىكى ئەزىزلەر، ھەممىڭلار سالامەت تۇردۇڭلارمۇ؟مۇسىلىنەدىن ھەممىڭلارغا ئوتلۇق سالام،ھەممىڭلارنىڭ تېنى سالامەت بولسۇن، ئىشلىرىڭلار ئۇتۇقلۇق بولسۇن، چېھرىڭلاردىن كۈلكىلەر ئۆچمىسۇن،باسقان قەدىمىڭلاردىن گۈللەر ئۈنسۇن...! ئەمدى مەقسەتكە كەلسەك ، ئۇزۇن بوپتۇ مۇشائىرە قىلىشمىغىلى، مۇنبەرداشلار ئۆزئارا  شائىرانە ھېسياتلىرىنى ئۇرغۇتۇپ، كۆڭۈل  ئۈنچىلىرىمىزنى چېچىشىپ ، مۇنبەر كەيپىياتىنى تېخىمۇ جانلاندۇرغان ئاساستا مۇشائىرە قىلىشايلى  دېگەن مەقسەتتە بۇ مۇشائىرە سورۇنىنى ھازىرلىدىم،قېنى ، ھەممىمىز مەرھەمەت قىلايلى... سەن بىلەن گۈللىنەر ئائىلە ئايال.، سەن بىلەن كۆكلەر ھاياتلىق ئايال، ئەرلەر قەلبىڭدىن ئىزدەيدۇ بەخت، پەرزەنت ئۈچۈن مۇقەددەس ئايال. قەلپ تۆرۈمدە ئالغانتىڭ ئورۇن، سۆيگۈ گۈلۈمنى ئاتىغان  ساڭا. ئەقىدەمنى پايخان قىپ ئاخىر، ھەسرەتلەرنى قالدۇردۇڭ ماڭا. ۋاپاسىزلىقىڭ ھەر بىر ئىزلىرى، يۈرەكلەرنى ئۆرتەر بىرمۇ –بىر. ئۈنسىز تەلمۈرۈپ يىغلاپ ئۆكسۈشلەر، خىيالىڭغا كىرمەيدۇ ھېچبىر. مۇشائىرە قائىدىسى:يۇقارقى ئۈچ  كۇبلىت شېئىرنىڭ 1-كۇبلىتىنىڭ قالغان ئىككى كۇبلىتى بىلەن  مەزمۇن باغلىنىشى  يوق ئايرىم شېئىر،مۇشائىرە قائىدىسى كۇبلىتلارنىڭ ئاخىرقى مىسراسى باش مىسرا قىلىنىپ باشلىنىدۇ،قېنى مەرھەمەت،ئاخىرىنى داۋاملاشتۇرۇپ يېزىپ باقايلى..... ئاكتىپ ئاۋاز قوشقايسىلەر... مەنبە : قېرى كاللام

نــۆل

	مەن مۇشائىرىدە چوقۇم نۆل ئالىمەن . شۇڭا سىلەرنىڭكىنى كۆرەي ...:qiray161

qoqas

	خىيالىڭغا كىرمەيدۇ ھېچبىر يۇرگەچكە سەن گۈزەل يەرلەردە پاك سويگۇگە پەرۋاسىز يۇرۇش ماس كەلمەيدۇ دەڭسىگەنلەرگە

مارشال

	قەلپ تۆرۈمدە ئالغانتىڭ ئورۇن، يۇرتىمدىكى ئىشچان مۆتىۋەر زاتلار. ماڭغان ئىزىڭدىن  قالدى يالداما، تۆھپەڭدىن ئۈنگۈسى خۇشپۇراق گۈللەر.

pidayi0998

	پەرزەنت ئۈچۈن مۇقەددەس ئايال، پەرزەنت ئۈچۈن گويا بىر قۇياش. راۋا بولماس ھەتتاكى بىزگە، بىرەر مەررە ئالىيىپ قاراش. ھەسرەتلەرنى قالدۇردۇڭ ماڭا، شۈنچە ئەقىدە باغلىسام ساڭا. كەتتىڭغۇمىنى يالغۇز قالدۇرۇپ، بەرگەن جاۋابىڭ مۇشۇمۇ ماڭا؟ خىيالىڭغا كىرمەيدۇ ھىچبىر، سىنىڭ ماڭا قىلغان ئەتكىنىڭ. بەكمۇ ئېغىر كەلدىغۇ ماڭا، مىنى يالغۇز تاشلاپ كەتكىنىڭ.

MAIFIR

	ئاپلا مەنمۇ شىئىر يىزىشنى بۈلمەيدىكەنمە.

umut1

	:qiray13

nazigul8

	pidayi0998 يوللىغان ۋاقتى  2012-2-19 01:15 AM پەرزەنت ئۈچۈن مۇقەددەس ئايال، پەرزەنت ئۈچۈن گويا بىر ق ...        بىرەر مەررە ئالىيىپ قاراش،     ياتتۇر ماڭا، يول قويماس سەزگۈ.      ئالەم گۈزەل پەقەت سەن بىلەن،       بولغاچ سەندە ئالەمچە سۆيگۈ.        بەرگەن جاۋاب مۇشۇمۇ ماڭا؟       بولدى ۋەيران ئارزۇ- ئارمىنىم.       بولدى ئەلەم ئىشقى-ئوتۇڭدا،        كۆيۈپ تۇرۇپ تەنھا قالغىنىم.       مىنى يالغۇز تاشلاپ كەتكىنىڭ،        تىرىك ئالدى مېنىڭ جېنىمنى.        قېنى سېنىڭ مەنچە سۆيگۈنىڭ،        مەيلى دەيتتىم ئىچسەڭ قېنىمنى. شېئىردا بۇندا يازغىنىم بىلەن، ئەمىلىيەتتە، بىرەرسىنىڭ بۇندا قېنىمنى ئىچىشىگە ھەرگىز يول قويمايمەن جۇمۇ مەن، :qiray13

شېرىنىم

	ۋاي ئاللا نىمە ئىشلار بوپ كەتتتى؟ شۇنداق قاتناشقۇم بارىدى بولمىسا بۇ مۇشائىرىگە. ئەمما مەن چۈشىنەلمىدىممۇ ياكى باشقىلار خاتا يېزىپ قويدىمۇ پەقەت بىلەلمەيلە قالدىما؟ مۇمكىن بولسا قايتا بىر ئەسكەرتىش بېرىلگەن بولسا!

pidayi0998

	بولغاچ سەندە ئالەمچە سۆيگۈ، قەلبىڭ تولغان مىھرى-شەپقەتكە. پەرزەنت ئۈچۈن بارلىقىڭ پىدا، سەبرى قىلدىڭ مىڭ-مىڭلاپ دەرتكە. كۆيۈپ تۇرۇپ تەنھا قالغىنىم، ئەلەم بولدى بىلسەڭ ئەي نىگار. قارىماسمەن ئەمدى مەن ساڭا، ئۇچراتسام گەر سىنى مەن دىدار. مەيلى دەيتىم ئىچسەڭ قېنىمنى، مەيلى دەيتىم ئالساڭ جېنىمنى. ئەلەم بولدى تاشلاپ كەتكىنىڭ، ياراقىلدىڭ مىنىڭ دىلىمنى.