ھىجراننامە(9)

IZZAT

	ھىجراننامە (9) ئايشەم ئىسمايىل تەبەسسۇم جېنىم كەلسە... سالام كەلدى بۈگۈن يىراق-يىراقلاردىن، سېغىنغاندىن شەپە بەردى شاماللىرى . كۆز يېشىمنى چىللاپ تال-تال بوستانىمغا، يۈرۈكۈمگە قامال سالدى خىياللىرى . بارىمەن دەپ شىرىن سالام يوللىغانكەن ، سالامىدىن دىلىم باغدەك ھۆسۈن ئاچتى . نىمە قىلىپ بىرەي ئەزىز جېنىم كەلسە ؟ كۈن ساناشتا كۆزلىرىمدىن ئۇيقۇ قاچتى... تاڭدا گۈلدەك ئېىچىلغايمەن جېنىم كەلسە ، بۇلبۇل بولۇپ باغلىرىمدا ناۋا قىلسۇن . چىدالمىدىم ئەمدى مۈشكۈل ھىجرانىغا ، رەھىم ئەيلەپ بۇ دەردىمگە داۋا قىلسۇن... بولغىن يېنىمدا شامال بولغىن سۆيگىن چېچىمنى، گۈلخان بولغىن، يانغىن جېنىمدا . ئايرىلغۇم يوق سىنىڭدىن پەقەت ، ئۆمۈر بويى بولغىن يېنىمدا . دەريا بولغىن، يايغىن باغرىڭنى ، ئۈزگۈم كىلۇر دولقۇنلىرىڭدا . گۈلۈڭ بولاي، يىلتىزىم بولغىن ، ئۆمۈر بويى بولغىن يېنىمدا . كۈۋەجەيدۇ ئاتەش بىر پىراق ، سۆيگۈ ئاقار ئىسسىق قېنىمدا . بارالمايمەن سېغىنسام بىراق ، كەلگىن جېنىم، بولغىن يېنىمدا . ئۇچراتسام سىنى ... يۇلتۇز چاقنىغان ئايدىڭ كىچىدە ، ياكى ئەڭ شىرىن چۈشۈم ئىچىدە ، مەن پەرۋىشلىگەن گۈلنىڭ تۈۋىدە ، ئۇچراتسام سىنى، ئۇچراتسام سىنى ... تۆتقۇلاق تىرىپ دەريا بويىدىن ، مەستخۇش بولغاندا كاككۇك كۈيىدىن ، ناخشا ياڭرىتىپ كەلسەڭ نېرىدىن ، ئۇچراتسام سىنى، ئۇچراتسام سىنى ... ئېتىزدىن ئوسما يۇلۇپ كەلگىچە ، ئوسمىنى قاشقا قۇيۇپ كەلگىچە ، ھۆسنۈمدىن كۆڭلۈڭ يورۇپ كەلگىچە ، ئۇچراتسام سىنى، ئۇچراتسام سىنى ... باغلارغا باشلاپ گۈل ئۈزۈپ بەرسەڭ ، دىلىڭدىن مارجان، دۇر سۈزۈپ بەرسەڭ ، قىسسام چىكەمگە گۈل بولۇپ بەرسەڭ، ئۇچراتسام سىنى، ئۇچراتسام سىنى ... باغرىمدا يانغان ئاتەش گۈلخاندىن ، ئۇچراتتىم سىنى، تويدۇم بۇ جاندىن ، نىسىپ ئەتسە گەر ۋىسال ئىمكاندىن ، ئۇچراتسام سىنى، ئۇچراتسام سىنى ... يىغلا يۈرىكىم بۇقۇلداپ تۆككەن ناۋالىرىڭدا ، يىغلايسەن ھارماي، يىغلا يۈرىكىم ! ھىجرانلىق دەستۇر-داۋالىرىڭدا ، يىغلايسەن ھارماي، يىغلا يۈرىكىم ! جانانغا مۇشتاق تەشنالىقىڭدا ، يىغلايسەن ھارماي، يىغلا يۈرىكىم ! دەردكە بۇ قەدەر ئاشنالىقىڭدا ، يىغلايسەن سارماي، يىغلا يۈرىكىم ! شېئرغا پۈتكەن سەۋدالىرىڭدا ، يىغلايسەن ھارماي، يىغلا يۈرىكىم ! جاھانغا سىغماس غەۋغالىرىڭدا ، يىغلايسەن ھارماي، يىغلا يۈرىكىم ! 2012-يىلى 1-ئاينىڭ 13-كۈنى (خوتەن) مەنبە: يانغىن ئەدەبىيات مۇنبىرى

eerpan

	سالام كەلدى بۈگۈن يىراق-يىراقلاردىن، سېغىنغاندىن شەپە بەردى شاماللىرى . كۆز يېشىمنى چىللاپ تال-تال بوستانىمغا، يۈرۈكۈمگە قامال سالدى خىياللىرى . بۇ قۇرلار بەك  ياقتىغۇ  ماڭا . رەھمەت سىزگە

gulzari

	باغرىمدا يانغان ئاتەش گۈلخاندىن ، ئۇچراتتىم سىنى، تويدۇم بۇ جاندىن ، نىسىپ ئەتسە گەر ۋىسال ئىمكاندىن ، ئۇچراتسام سىنى، ئۇچراتسام سىنى    ماڭا بۇ قۇرلار ئىنتايىن ماس كىلىدىكەن جۇمۇ !    رەھمەت سىزگە داۋاملىق تىرىشىڭ .

mehriban

	ناھايىتى مەزمۇنلۇق شېئرلاركەن رەخمەت سىزگە !!

IZZAT

	بۇ شىئېرلارنى مەن يازمىغان. بۇ شېئىرلارنىڭ ئاپتۇرى ئايشەم ئىسمايىل تەبەسسۇم.

mirzabag

	ياخشى تىمىلارنى يۇللاپ تۇرۇڭ!

شاتئاي

	مۇشۇ تەبەسسۇمغا ئاجايىپ ئىلھام كىلىدۇ دەيمەن. ئىلھام كۆلچىكى بارمىكىن، توختىماي سۈزۋالدىغان. بەك ئامراق مەن بۇ ئوماقنىڭ ئەسەرلىرىگە :qiray18:qiray18 ئىززىتكىمۇ رەھمەت:qiray132

kawsar.

	ھەقىقەتەن ................................................:qiray121

0000bahar

	بۇقۇلداپ تۆككەن ناۋالىرىڭدا ، يىغلايسەن ھارماي، يىغلا يۈرىكىم ! ھىجرانلىق دەستۇر-داۋالىرىڭدا ، يىغلايسەن ھارماي، يىغلا يۈرىكىم ! يۈرەكنى راسلا ئىزىدىكەن بۇ مىسرالار!

Kulkam803

	تەبەسسۇمدىن تامغان ئېسىل شەربەتلەر