رىۋايەت

hope202430

	پەقەت مەنلا بىلىدىغان بىرلىرىنىڭ رىۋايەت قىلىشىچە ناھايىتىمۇ ئۇزۇن يىللار بۇرۇن ئادەم ئاتلىق بىر كىشى بولغانىكەن،ئۇنىڭ بىر بەختلىك ھەم باياشات ئائىلىسى،ھالال جۈپتى،ئىلىم ۋە پەندە ئەتراپلىق تەربىيە ئىلىپ چوڭ بولغان 4 پەرزەنتى بار ئىكەن.بۇ ئائىلە گەرچە تۇرمۇشى باياشات،ھىچقانداق نەرسىدىن قىسىلماي ياشاۋاتقان بولسىمۇ،يەنىلا كۈنىگە مۇۋاپىق مىقتاردا ئىشلەپ تۇرىدىكەن،شۇ باياشاتچىلىقنى،خاتىرجەملىكنى ئاتا قىلغان ئىگىسىگە ھەمدۇ سانالار ئىيتىپ تۇرۇشنى ئادەت قىلغانىكەن.پەرزەنتلىرى ئۆز تۇرمۇشىدا يەنە نىمىلەر كەملىكىنىمۇ بىلمەيدىكەن،شۇڭا كۈنلەرنىڭ بىرىدە چوڭ ئوغۇل ئاتىدىن سوراپتۇ:        -ئاتا،بىزنىڭ تۇرمۇشىمىزدا ھەممە ھاجىتىمىز تەل،ئىنى سىڭىللىرىم ئىلىملىك،باياشاتچىلىك ياشاۋاتىمىزيۇ يەنە كۈندە بىرىمىز يەرگە ئىشلەپ بىرىمىز تىككۈچىلىك قىلىدىكەنمىز،بۇنىڭسىزمۇ ئۆمرىمىزنىڭ ئاخىرىغىچە خاتىرجەم ياشاپ كىتەلەيتۇققۇ؟بولسا ئەمدى ئانام ئىككىڭلارمۇ راھەتكە چىقساڭلار، بىز پەرزەنتلەرمۇ جاھاننىڭ بىز كۆرۈپ بەقمىغان راھىتىنى كۆرۈپ باقساق.        -ئوغلۇم،بىزنىڭ كۈنبويى ئىشلىشىمىز ھەرگىزمۇ بايلىقىمىز ئارتىپ قالسۇن ئۈچۈن ئەمەس بەلكى بىز ئىنسان بولۇپ يارالغانكەنمىز، ئۆزىمىزنى ھەر ۋاقىت چىنىقتۇرۇپ تۇرىشىمىز،ھەر ۋاقىت ئەمگەك قىلىپ تۇرىشىمىز ئۈچۈن.بىكار يەپ يىتىشنى نومۇس بىل بالام.       ئوغۇل كۈندە ئاتىسىدىن مۇشۇ تەرىقىدە تەلىم ئىلىپ،كىچىكلەرگە يەتكۈزۈپ بىللە يىتەكلەپ ماڭىدىكەن،كىچىك ئىككى قىزمۇ ئانىدىن قىزلارغا خاس ھايا،ئەدەپ قائىدىلەرنى كۈندە ئاز ئازدىن ئۆگىنىپ ماڭىدىكەن.       شۇنداق كۈنلەرنىڭ بىرىدە مەھەللىدە تولىمۇ يوچۇن بىرى پەيدا بولۇپ قاپتۇ،ئۇنى ھىچكىم تونۇمايدىكەن ھەم ئۇ بۇ مەھەللىدىكى كىشىلەردىن ئالاھىدە پەرقلىنىپ تۇرىدىكەن.ئۇ يوچۇن كىشى مەھەللىدە پەيدا بولغاندىن بىرى ئۆزى بىرگە ئىلىپ كەلگەن ھەرخىل قىزىقارلىق نەرسىلەر، شىرىن شەربەت،نازۇ نىمەتلەرنى مەھەللىدىكىلەرنىڭ ھالاللاپ يىغقان نەرسىلىرىگە تىگىشىش ئارقىلىق بىر خىل سودا شەكلىنى پەيدا قىپتۇ،ئۇنىڭ بۇ نەرسىلەرنى قەيەردىن قانداق ئىلىپ كەلگىنىنى سورىغۇدەكمۇ بىرى چىقماپتۇيۇ لىكىن ھەممە ئۇ نەرسىلەرنىڭ يەنە بار يوقلىقىنى،بولمىسا قانداق تاپقىلى بولىدىغىنىنى سورىشىپتۇ.مەھەللىدە كۆپ قىسىم ياشلار بۇ يوچۇن كىشى بىلەن ئوبدانلا چىقىشىپ قاپتۇ.        كۈنلەرنىڭ بىرىدە،چوڭ ئوغۇل ئىنىسىنى ئەگەشتۈرۈپ،ئۆزى ئاتىسىغا ئەگىشىپ بامدات نامىزىغا ماڭغانىكەن،ھىلىقى يوچۇن ئادەم ئوغۇلنىڭ ئالدىنى توسۇپتۇ:    --ئەي يىگىت،مەن ئەكەلگەن نەرسىلىرىمنى ھەممىگە تارقىتىپ يىنىمدا كۆپمۇ قالمىدى،ھەممە ئۇ نەرسىلىرىمدىن يەنە بولسىكەن دىيىشىدۇ،قارىسام ساڭا ھىچنىمە بىرەلمەپتىمەن،يىنىمدا ساڭىلا ئاتاپ ئىلىپ قويغان بىر شىشە بار،ئۇنىڭ ئىچىدە بىر كارامەت.خالىساڭ ساڭا بىرەي لىكىن بىرىگە تىنما،مەندە ئۇنىڭدىن پەقەت بىرىلا بار.       ئوغۇل ئۇ كىشىنىڭ قوينىدىن سۇغۇرۇپ چىققان شىشىسىگە قاراپ ھەيرانۇ ھەس بولۇپتۇ،ئۇ شىشە ھەم ئىچىدىكى رەڭلىك سۇيۇقلۇق بىرلىشىپ كۆزنى چاقناتقۇدەك نۇر تارقىتىدىكەن،ئوغۇل ئۇنىڭغا ئىرىشىشنى ئويلاپتۇ:       -مەندە سەندە يوق نەرسىلەر بار، نىمە دىسەڭ شۇنى بىرىمەن،ماڭا بۇ شىشىنى بەر ھەم خاسىيىتىنى بايان قىل.      -قارىسام بۇ گۆھىرىمنى ئەقىل كۆزۈڭ پەرق قىلالىدى،سەندىن ھىچنىمە تەلەپ قىلمايمەن بىراق مەن بىلەن دوست بولىسەن.      ئوغۇل ئۇ يوچۇن كىشى بىلەن قول بىرىشىپ ئەل ئاغىنىلەردىن بولۇشۇپتۇ:      -ئىتىڭ نىمە يوچۇن ئادەم؟      -ئىتىم شەيتان.بۇ شىشىنىڭ خاسىيىتىنى ئىچىدىكى سۇيۇقلۇقتىن كۈنىگە ئۈچ قەدەھ ئىچىپ بەرسەڭ ھىس قىلىسەن.    -خوپ بولىدۇ،يەنە مۇشۇنداق ئىسىل نەرسىلىرىڭ بولسا بىزدىن ئايىمىغىن.        ئوغۇل شەيتان بىلەن خوشلىشىپ ئەتراپىغا قارىغانىكەن ئاللىبۇرۇن كۈن چىقىپ ناماز ۋاختى ئۆتۈپ كىتىپتۇ،ئوغۇل تۇنجى قىتىم قىلغان سەۋەنلىكىدىن ئىچى ئاچچىق بوپتۇيۇ لىكىن شەيتان بىلەن قىلىۋالغان سودىسى ھەم دوستلۇق مۇناسىۋىتى ئۈچۈن خۇشال بوپتۇ.        كۈنلەر شۇ تەرىقىدە ئۆتۈپ شەيتان بۇ مەھەللىدىكى كۆپىنچە ياشلارنىڭ دائىملىق مىھمىنىغا ئايلىنىپتۇ.ئۇ مەرت ئىكەن،ھەر قىتىم كەلگىنىدە ھىلىقى شىشىسىنى بىللە ئىلىپ كىلىشنى ئۇنۇتماپتۇ ھەم مەھەللىدىكىلەرگە سوۋغا قىلىپ تۇرۇپتۇ.ئۇلار تەسىرلىنىپ ھەم شەيتانغا ھىچنىمە بىرەلمىگىنىدىن خىجىل بولۇشۇپتۇ.چۈنكى بۇ مەھەللە خەلقى ئەزەلدىن مەرت،سىخى،كىشىدىن،بولۇپمۇ مىھماندىن ھىچنىمىسىنى ئايىمايدىغان خەلق ئىكەن.شۇنىڭ بىلەن ئۇلار مەسلىھەتلىشىپ شەيتان ھەر كەلگىنىدە شىشە ئىچىدىكى كارامەتتىن شەيتان بىلەن بىللە ئورتاقلىشىپتۇ،ئۆزلىرىدە بارنىڭ ھەممىنى تۆكۈشۈپتۇ.كىيىن شەيتان بارا بارا ئۆز جەمەتىنى بىللە باشلاپ كىلىدىغان،يەڭنى تۈرۈپ ئەمگەككە ماڭغان كىشىلەرنى يىغىپ يەنە سورۇن قۇرىدىغان بولۇشۇپتۇ.چوڭلار بۇ ئىشقا نارازى ئىكەن.شۇڭا چوڭلار مەسلىھەتلىشىپ بىر مويسىپتنى سۆزگە چىقىرىپتۇ:      -بالىلىرىم،بىز مىھماندوست خەق ھەم بۇنىڭغا كۆز يۇممايمەن،لىكىن ھەممە ئىش لايىقىدا بولغىنى ئەۋزەل...      -ئۇنىڭ بىزگە ھەقسىز سوۋغا قىلغان نەرسىلىرى ئۈچۈن بولسىمۇ ئۇنىڭ يامان گىپىنى قىلما چال!ئۇنى مەھەللىدىن ھەيدىمە!-شىشە ئىچىدىكى كارامەتكە ئۆگىنىپ قالغان بىرى ئۇ مويسىپىتغا شۇنداق دەپتۇ،ھەممە ئەزەلدىن كۆرۈلۈپ باقمىغان بۇ ھادىسىگە ھەيران بولۇشۇپتۇ،ئانىلار بالىلىرىنىڭ قۇلاقلىرىنى ئىتىشىپتۇ،لىكىن گەپلەر بالىلارنىڭ قۇلاقلىرىغا بارماقنىڭ يوچۇقلىرىدىن كىرىۋىرىپتۇ.      -راس،راس،شەيتان يامان قىلمىدى،بىزنى بىز بىلمەيدىغان نەرسىلەردىن خەۋەر قىلدى،يىڭىلىق ئۆگەتتى،يوق نەرسىلىرىمىزنى،كارامەتلەرنى بەردى،ئەمدى سەن چالنىڭ گىپى بىلەنلا ئۇنى ھەيدەمدۇق؟        شۇ ۋاقىتتا يىقىن ئەتراپتىن يىقىملىق ئەرزان ئاۋازى ئاڭلىنىپ مويسىپىتلار ھەم بىر قانچە يىگىتلەر پىشىن نامىزىغا ئالدىرىشىپتۇ.شەيتان بۇ كۆڭۈلسىز سۆھبەتتىن مەيۈسلىنىپ كىتىش ئۈچۈن ماڭغانىكەن،بىرى ئۇنى توسۇپتۇ:       -سەن ئەيبكار ئەمەسسەن،بەلكى بىزنىڭ دوستىمىزسەن،كەتمىگىن ھەم بىزنىىڭ مەھەللىدە قىلىپ قالغىن،بىزنىڭ مەھەللىنىڭ بايلىقى كۆپ،مىھمانلىرىمىزنى بەخۈدۈك كۈتەلەيمىز،-ئۇ ھەم بىر قانچە يىگىتنى باشلاپ شەيتاننى ئىلىپ مەسچىت تەرەپكە ئەمەس، دائىملىق سورۇن تۈزۈشىدىغان جايىغا قاراپ مىڭىپتۇ.بۇ يىگىت دەل رىۋايىتىمىز باش پىرسۇناژى چوڭ ئوغۇل ئىكەن.       شۇنىڭدىن تارتىپ شەيتان دەسلەپتە بىر ئىككىدىن،كىيىن بارا بارا ھەممە جەمەتىنى باشلاپ كىلىپ مەھەللىدە ئولتۇراقلىشىپ قاپتۇ،مەھەللىدىكى قىز يىگىتلەردىمۇ ئۆزگىرىش كۆپىيىپتۇ،مويسىپىتلار نەسىھەتنى ئايىماي قىلىشىپتۇيۇ ئەمەل قىلغۇدەك بىرىنى تاپالماپتۇ.ۋاقىت ئۇزارغانسىرى شەيتاننىڭ ئىلگىرى كۆرسىتىپ باقمىغان گۆھەرلىرى چىقىپتۇ،ئۇنى مەھەللىدىكىلەرگە باشتا سوۋغا قىلغان بولسا كىيىن ئۇ نەرسىلەرنى ئىشلەش ئۇسۇلى قاتارلىقلارنى ئۆگىتىپتۇ ھەم مەھەللە خەلقىمۇ شۇ نەرسىلەرنى شەيتاندىن سوراپ ئولتۇرمايلا كىرەك بولسا ئۆزلىرى ياساپ ئىستىمال قىلىشىپتۇ ھەم شۇ نەرسىلەر بىلەنمۇ ئىقتىساد يارىتىپتۇ،شۇنىڭ بىلەن كىشىلەر ئارىسىدا پەقەت ئىقتىساد،مال بايلىق ئۈچۈنلا ئەمگەك قىلىش ئەۋج ئىلىپ كىتىپتۇ.چوڭ ئوغۇل ئاتا نەسىھىتىنى ئۇنتۇپ شەيتاندىن تەلىم ئىلىشقا كىرىشىپتۇ،كىيىن ئۇ بارا بارا ئابروي قازىنىپ يۈز تىپىپتۇ،ھەم مويسىپىتلارنىڭ سۆزلىرى كىشىلەرگە كونىلىق بىلىنىپ،چوڭ ئوغۇلنى مەھەللىگە ئاتامان قىلىشىپتۇ.ئۇنىڭ كەينىدىكى ئوغۇلمۇ ئاكىسىنىڭ تىزلا ئابروي قازانغىنىغا ھەۋەسكار ئىكەن،ھەم ئاكا ئىزىنى بىسىشقا بەل باغلاپتۇ.كىچىك ئىككى سىڭىلمۇ شەيتاننىڭ سىڭىللىرى بىلەن دوس ئىكەن،شۇڭا ئۇلار بارا بارا شەيتان قىزلىرىنىڭ رەڭگارەڭلىكىگە،گۈزەللىكىگە ھەۋەس قىلىشىپ ئۈستى بىشىنى ئوراپ تۇرغان رەڭسىز ھىجابىنى يىرتىپ تاشلاپ رەڭلىك لاتىلارنى ئارتىشىپ،يۈزلىرىنىمۇ رەڭلىك بوياقلاردا بويىشىپ،كىشىلەرنىڭ گۈزەل ئاتاشلىرىغا مەست بولۇشۇپتۇ،ھەم بارا بارا ئاكىلىرىنىڭ ئىستىمال بۇيۇمىغا ئايلانغان نامەلۇم بۇيۇملارنى تىتىشىپتۇ،ئاكىلارنىڭ بۇنىڭغا ئىچى ئاچچىق بولۇشۇپتۇيۇ،شەيتان قىزلىرىنىڭ قىزىقتۇرۇشى بىلەن سىڭىللىرىمۇ غەلىتە بىلىنمەيدىغان بولۇشۇپتۇ.       شۇنداق قىلىپ بۇ مەھەللە قايناپ كىتىپتۇ،كۈندە ئاڭلىنىپ تۇرىدىغان ئەرزان ئاۋازى ئورنىغا ھەرخىل سازلار،كىشىنى مەست قىلىدىغان ئاھاڭلار ئاڭلىنىشقا باشلاپتۇ.كۈنلەرنىڭ بىرىدە بۇ ئالماڭلارغا چىدىمىغان ئاتا ھەم ئانا 4 پەرزەنتىنى تاشلاپ ئۇ دۇنياغا كىتىشىپتۇ....       كۈنلەر شۇ تەرىقىدە ئۆتۈپ بۇ مەھەللىدىكى مەئىشەتلەر ئازىيىشقا،كىشىلەر سودىدا زىيان تارتىشىپ،بارا بارا نامراتلىشىشقا يۈزلىنىپتۇ ھەم نامراتلىق دەستىدىن بىر بىرىنىڭ نەرسىسىنى سورىماي ئالىدىغان،ھەتتا ئۇرۇپ ئالىدىغان ھالەت شەكىللىنىپتۇ،ئەۋج ئالسا ئاپتۇكىن ھەرگىز ئاجىزلاشماپتۇ.ناھايىتى ئۇزۇن يىللار ئۆتۈپ،بۇ مەھەلىنى تولىمۇ قورقۇنچلۇق كىسەللەر قورشىۋاپتۇ،كىشىلەر سەۋەپسىزلا ئۆلۈپ تۈگىشىپتۇ،بەزىلەر ئۆلۈم بىلەن ھاياتلىق ئارىسىدا تىرىك مۇردىدەك كۆزلىرىنى پىلدىرلىتىپلا قىلىشىپتۇ.ماھەللىدىكى سەل باتۇرراق بىر يىگىت بىر كۈنى شەيتاندىن سوراپتۇ:      -ئەي بۇرادەر،بىزنىڭ ھالىمىزنى كۆرۈپ تۇرۇپسەنيۇ ياردەم قىلمايسەن،نىمە ئۈچۈن؟      -ماڭا نىمە كىرەك ساڭا ياردەم قىلىپ؟مەن سىنى بىر مەزگىل خۇشاللىقتىن بەھرىمان قىلدىم،بۇ خۇشاللىقنىڭ چىكى بار.      -ئەمسە سەن بۇ مەھەللىنى ئەسلى ھالىتىگە قايتۇرۇپ بەر.ئاندىن سەن جەمەتىڭنى باشلاپ چىقىپ كەت!      شەيتان كۈلۈپ كىتىپتۇ ۋە دەپتۇ:      -ئەي يىگىت،ئىگەڭنى تونۇمسەن؟       يىگىت بىشىنى ئىگىپتۇ.       -مەن سىنى ياراتقان ئىگەڭ بىلەن سىنى ھەم ئۇنىڭ باشقا بەندىلىرىنى ئازدۇرالايدىغىنىم توغرىسىدا تالاش تارتىش قىلىشقان،ئۇ ساڭا ھەم باشقا بەندىلىرىنىڭ ماڭا ئىزىپ كەتمەيدىغىنىنغا ئىشىنەتتى،شۇڭا مەن شۇنداق بىر كارامەت كۆرسەتتىم ھەم سىلەر ماڭا سىھىرلىنىپ قالدىڭلار.سىنى مەن قۇتقۇزالمايمەن ھەم ئۇ مىنىڭ ۋەزىپەم ئەمەس.       يىگىت بىلەن شەيتان ئوتتۇرىدىكى سۆھبەت مەھەللىگە تارقىلىپتۇ،كۆپىنچە كىشىلەر ئاھ ئۇرۇشۇپتۇ،تۆۋە قىلىشىپتۇ،بىراق ھىلىقى ئاتامان سايلانغان ئوغۇل توپلىغان قوشۇن يەنىلا شەيتاننى ھىمايە قىلىشىپ يۈرىۋىرىپتۇ.شەيتاننىڭ ھىيلىسىدىن بىزار بولۇشقان بىر توپ كىشىلەر مەھەللىنىڭ سەكراتتا ياتقان ئەڭ ئاخىرقى مويسىپىتىدىن يالۋۇرۇپ سورىشىپتۇ:      -ئەي مويسىپىت،بىز مەھەللىمىزنى بۇرۇنقى ھالىتىگە ئەكىلىشچۈن نىمىلەر قىلىشىمىز كىرەك؟      مويسىپىت ئۆز يىنىدىن ئايرىلماي يۈرگەن ئوغلىغا شەرەت قىپتىكەن،ئوغلى سۆز قىپتۇ:      -ئاۋال ھەممىڭلار ئۆيۈڭلارغا قايتىپ تىنىڭلاردىكى ھەرخىل كىرلەرنى باشتىن ئاخىر يۇيۇپ تازىلاپ چىقىڭلار،يۇيغاندا چىن ئىخلاس بىلەن يۇيۇڭلار.      -ئاندىچۇ؟      -كىيىنكىسىنى مەن دىمىسەممۇ سىلەر بىلەلەيسىلەر..      ھەممە ئالدىرىشىپ ئۆيلىرىگە قايتىشىپتۇ ھەم يىگىتنىڭ سۆزى بويىچە قىلىشىپتۇ.بىز چاغ بولغاندا يىقىن ئەتراپتىن تولىمۇ يىقىملىق ئەرزان ئاڭلىنىپتۇ،كىشىلەر يىگىت سۆزىنى چۈشىنىپتۇ ھەم سىرتتا ئۆزلىرىنى توسۇپ كەينىگە ئىتتىرىپ تۇرغان شەيتان ھەم ئاتامان يىگىت قوشۇنىنى ئىتتىرىشىپ خۇپتەن نامىزى ئۈچۈن مەسچىتكە ئالدىرىشىپتۇ...شۇنىڭدىن تارتىپ مەھەللە بۇرۇنقى ھالىتىگە پۈتۈنلەي قايتمىغان بولسىمۇ خىلىلا زور ئىلگىرلەپتۇ،لىكىن ئاتامان قوشۇنى ھەم شەيتان قوشۇنى تىخى ھۆكۈمران ئىكەن...يىڭى نوپۇسلار دۇنياغا كۆز ئىچىشىپ،ئاتىلىرىدىن تەلىم ئىلىشىپ،ئۇ ئىككى قوشۇننى پاكىز تازىلاپ چىقىرىشقا بەل باغلىشىپتۇ.... مەنبە  ئۆزۈم

kugul

	ئۇقۇپ بۇلۇپ تەھىرلەيمەن!

yawayi-0998

	ئاللاھ  كۆڭلىگە  ئىنساپ بەرسۇن .. ئاللاھ  شەيتاننىڭ ئازدۇرىشىدىن ساقلىسۇن ... ھەر قانداق مەيىشەت  ئابرويپەرەسلىك ھەم  نەغمە ناۋا  شەيتان تەرەپتىن بولىدۇ . ئاللاھ  بۇنداق كۈنلەرگە قويمىغايلا ... ئامىن !!!:qiray146

gurbet_kizi

	allah kalbimiz ga hidayat ata kilsun xaytannig waswisiliridin sak lisun gunahlirimiz ni mag pirat kilsun tima igisiga kop rah mat

xahida223

	ياخشى ئاخىرلىشىپتۇ .

赛乃木江

	راستلا تەسىرلىك ھەم قايىل قىلارلىق يېزىپسىز قىرىندىشىم.

musilina

	كۆز ئالدىمدا  يازمىڭىزدا تىلغا ئېلىنغان شۇ كۆرۈنۈشلەر بىر -بىرلەپ نامايەن بولدى.. ئادەمنى ئويغا سالغۇدەك ئېسەل تېمىڭىزغا كۆپ تەشەككۈر....

Kulkam803

	ياخشى يېزىپسىز،

aynak520

	、ئاللا  بىزلەرگە ئىمان ئاتا قىلسۇن.

pariz

	مەن خۇددى ئۆز كۆزۈم بلەن كۆرگەندەك بولدۇم.......