ئۇيغۇر جەمىيتىدىن ئۈمۈدسىز ئويلار!

tumurkala

	ئەخلاق قارشى چۈشكۈنلىشىۋاتقان،ئىتقاد بارغانسىرى سۇسلىشىۋاتقان،ياخشىلار ئازىيىپ يامانلار كۆپىيىۋاتقان،ئادەملەر پايدا ئالىدىغان ئىش بولمىسا بىر_بىرىگە ياردەم قىلمايدىغان،ئاتا-بالىدىن،بالا-ئاتىدىن تەپ تارتمايدىغان،ئاكا-سىڭىل،ئاچا-ئىنى بىر-بىرىدىن ھايا قىلمايدىغان بۈگۈنكى دەۋىرىمىزدە ئىنسان ئويلاپ تىگىگە يەتكىلى بولمايدىغان جىنايەت-شۇملۇقلار يۈز بىرىۋاتىدۇ،بۇنىڭ ئەسلىي مەنبەسى بولسا ئۆز كىملىكىنى ئۇنتۇش،قارىغۇلارچە ياتلارغا ھەۋەس قىلىش،چوقۇنۇش شۇلارنىڭ ئاتالمىش ئەركىن تۇرمۇشىنى ئۈمۈد قىلىش مىللىتىمىز ياشلىرىدا ئومۇمىيۈزلۈك ھادىسىگە ئايلىنىۋاتقىنىنى ئىنكار قىلىشقا ھەقىقەتەن ئامالسىزمەن ھەم ئامالسىزمىز،چۈنكى بۇ ھەقىقەتەن جەمىيتىمىزدە بولىۋاتقان ئىشلار،سوئال:-بىز قاچاندىن بىرى غەرىب مەدەنىيتى بىلەن ئۇچىراشتۇق؟ جاۋاب:-بىز يەنى ئۇيغۇرلار خىلى يىللار ئىلگىرىلا ئۇشبۇ مەدەنىيەت بىلەن ئۇچىراشقان يەنى 19-ئەسىرنىڭ ئوتتۇرىلدىن باشلاپ ئۇچىراشقان،بۇ دەۋىردە دىيارىمىزنىڭ شەرقىي رايونلىرىدا چار روسىيە ئىمپىرىيسى،جەنۇبىدا بولسا بىرتانىيە ئىمپىرىيسى ھەدەپ كىڭەيمىچىلىك قىلىۋاتقان ۋە دىيارىمىزغا كۆز تىكىۋاتقان مەزگىللەر ئىدى،بۇلار شۇ دەۋىردە قەشقەر غۇلجا قاتارلىق ئۇيغۇر مەدەنىيەت بۆشۈكى بولغان شەھەرلەردە تەسىر دائىرسىنى كىڭەيتىشكە تىرىشقان ئىدى!ئەپسۇس بۇلار ھىچقانداق نەپكە ئىرىشەلمىگەن ئىدى.كىيىنكى مەزگىللەردە بولسا شىۋىت مىسسىيونىرلىرى دىن تارقىتىش نامى بىلەن دىيارىمىزغا كەلدى،ئۇشبۇ غەرىب مەدەنىيتى ئەجدادلىرىمىزنىڭ قاتتىق نەپرىتى ۋە قارشىلىقىغا ئۇچرىدى،ئالدىنقى ئەسىرنىڭ 20-يىللىرى شىۋىت مىسسىيونىرلىرىغا قارشى(مەشھۇر ئالىم،دىنىي ئۆلىما ئابدۇقادىر داموللام باشچىلقىدا) قەشقەردە ئومىيۈزلۈك نامايىش بولۇپ ئۇلارنى چىگىردىن قوغلاپ چىقىرىشقا ھەرىكەت قىلغان،ئۇلارنىڭ ئەجدادلىرىمىزنىڭ دىنىي ۋە ئىجدىمائىي تۇرمۇشىغا سىڭىپ كىرىشى قاتتىق قارشىلىق ئاستىدا مەغلۇپ بولغان ۋە چىگىرمىزدىن چىقىپ كەتكەن!شۇنىڭدىن تارتىپ بىز غەرىب مەدەنىيتى تۇرمۇشىمىزدا ئىسلاھات ئىچىۋىتىلگەن مەزگىللەردىن كىيىن قايتا پەيدا بولدى،لىكىن بۇ قىتىم ئۇلار بۇ يەردە مەخسۇس سىڭىپ كىرىش بىلەن شۇغۇللانمىدى ئەكسىچە غەرىب مەدەنىيتىگە ۋە ئاتالمىش ئۇلاردىكى << ئەركىن تۇرمۇش >> قىزىققان بەزى بىر ياشلىرىمىز ئۇلارنىڭ مەدەنىيتىنى قارىغۇلارچە قوبۇل قىلدى ۋە تارقاتتى،ئۆزىنىڭ كىملىكىنى ئۇنۇتتى!نۇرغۇن شەھەرلەردە بەزىبىر خىرىستىئان دىنىغا كىرگەن ياشلار بولدى،( نۇرغۇن كىشىلەردىن ئاڭلىغىنىم ۋە بىلگىنىم بويىچە ئۇ ياشلار شۇ دىنغا بەزى ئىتغادى سۇس كىشلەرنى قايمۇتۇرۇپ ئۆز دىنىغا كىرگۈزمەكتە.يەنى دىنىمىزغا كىرسەڭ مۇنچىلىك پۇل بىرىمىز،مانچە ئادەمنى كىرگۈزسەڭ مۇنچىلىك پۇل بىرىمىز دەپ ئۆز دىنىغا قىزىقتۇرىدىكەن.) ئەڭ مۇھىم مەسىلە شۇكى غەرىب مەدەنىيتى بارغانسىرى كۆپ ياشلارنى جەلىپ قىلماقتا.باشقىلارنىڭ مىللىتىمىزگە بەرگەن باھاسى شۇكى:- بۇلار يەنى ئۇيغۇرلار چوشقا گۆشى ۋە شۇنىڭغا ئوخشاش نەرسىلەرنى يامان بىلىپ يىراق تۇرىدىكەن،لىكىن ئاللاھ ۋە ئاللاھنىڭ پەيغەمبىرى ھارام دىگەن ۋە دىندا چەكلەنگەن نەرسىلەردىن ئۆزىنى تارتمايدىكەن! مانا قاراڭ نەقەدەر ئىچىنىشلىق ئەھۋال بۇ؟ مەن بۇ يەردە كەمچىلكىمىزنى سازايى قىلىپ ئىچىمنى بوشىتىش مەقسىتىدە بۇ تىمىنى يوللىغىنىم يوق،ئەلۋەتتە يۇقارقى بەزى ئىشلار راستىنلا بىزدە ئومۇمىيۈزلۈك ھادىسگە ئايلانماقتا!( گەرچە بەزى بىر ياشلار ئويغىنىۋاتقان بولسىمۇ!) بىلسەك بىز ھىچقاچان تارىختا بۈگۈنكىدەك كۈنگە قىلىپ باقمىغان،يەنى يىگىتلىرىمىز ئوغرى،قىزلىرىمىز پاھىشە دەپ ھاقارەتلىنىپ باقمىغان،تارىخمىزدا ئەزەلدىن ئىپپەت-غورور بۈگۈنكى دەۋىردىكىدەك ئىتىبارسىز قالمىغان،ئۇيغۇرلار ئەزەلدىن بۈگۈنكىدەك چۈشكۈنلىشىپ ھاراق-شاراپ،زىنا-مەسىيەتكە ئۆزىنى ئاتمىغان!ئىتقاد ھىچقاچان بۈگۈنكى دەۋىردىكىدەك سۇسلاشمىغان.ياشلار ئۆزىمىزنى تارتىلى،چوڭلار نەسىھەت قىلىشتىن توختاپ قالمايلى،گۇناھ ئىشلارنى قىلىۋاتقان ۋە شىرىك بولىۋاتقانلار شۇ ئىشلاردىن قول ئۈزەيلى،بىز تىخى بۇ ئىشلاردىن ئۆزىمىزنى تارتالمىغۇدەك دەرىجىدە ئەمەس.بىزدە ئەزەلدىن (دىنىي ياكى ئۆرىپ_ئادەت بولسۇن ) تۇغۇلغان كۈن،ئاشىق-مەشۇقلار بايرىمى دىگەندەك نەرسىلەرنى ئۆتكۈزۈپ باقمىغان...... بىز داۋاملىق بۇنداق قاقشاۋەرسەك بولمايدۇ،ئەڭ ئاۋال ئۆزىمىزگە قايتايلى،كىملىكىمىز ئۈستىدە ئويلىنايلى،ھەممە ئادەم ئاۋال ئۆزىمىزگە ئاندىن ئەتراپىمىزدىكىلەرگە ئىگە بولايلى،يامان ئىشتىن توسۇيلى بىلمەيدىغانلارغا ئۈگىتەيلى،بىلىدىغانلار ئەمەل قىلايلى.(نىمىنىڭ پايدا،نىمىنڭ زىيان ئىكەنلىكىنى)ھەممەيلەن غەرىبنىڭ مەدەنىيتىنى ئەمەس بەلكى ئىلىمىنى ئۈگۈنەيلى،ئىلىمىگە قىزىقايلى.ھەرگىزمۇ چىرىك ئەخلاق چۈشكۈن تۇرمۇشىنى ئەركىنلىك دەپ چۈشەنمەيلى،بىزنى چۈشكۈنلۈك پاتقىقىدىن ئۆزىمىزنىڭ كىملىكىنى تونۇغاندىلا ئاندىن قۇتۇلالايمىز،ۋە دۇنيا مىللەتلىرى ئىچىدە پۇت تىرەپ تۇرالايمىز!قۇتۇلالايمىز،بىز ھەرگىزمۇ خىرىستىئان مۇرتى ئەمەس،ۋە ھەرگىزمۇ باشقىلارغا قارىغۇلارچە ئەگەشمەيلى،ياشلار ھىسىياتقا بىرىلمەيلى،چوڭلار ئەۋلادلارنى ياخشى تەربىيلەپ ئۆز كىملىكىنى ئۇنۇتماسلىقىنى ئەسكەرتىپ تۇرايلى!                                                                                                                     مەنبە:-ئۆزۈم

yolkezar

	ئەجىرىڭىزگە تەشەككۈر! بۇ ئىشلارنىڭ ئالدىنى ئېلىشتا كۆپنى سەپەرۋەر قىلىپ ، يەنىلا ئىشنى ئۈزىمىزدىن باشلاشقا توغرا كېلىدۇ! ئۈزىمىزنى ئۈزىمىز قوغدىمىساق، ئۈزىمىز قۇتقازمىساق باشقىلار كىلىپ ئەلۋەتتە قۇتقۇزۇشۇپ بېرەلمەيدۇ! رەھمەت!

TOGRAK0999

	بەك ياخشى تېما بوپتۇ بۇ .   ھەقىقەتەن ھازىر بەزى بىر ياشلار مودىغا ئەگىشىپمۇ ياكى باشقىلارنىڭ تۇرمۇشىغا قارىغۇلارچە قىزىقىپمۇ ئىشقىلىپ شۇ ئەجنەبىيلەرنىڭ تۇرمۇشىغا كىرىپلا كەتتى ، دىن قارىشى بارغانسىرى سۇسلىشىشقا باشلىدى . توۋا دەيمەن.. .. پۇل بېرىپ زورلاپ ئۆزىگە مۇرت ئىزدەۋەتقان دىننى قانداقمۇ دىن دېگىنى بولىدۇ . لېكىن بەزىلەر ئازغىنە شۇ مەنپەئەتنى دەپ قارىغۇلارچە يات دىن ئېقىمىغا كىرىپ كەتتى .  چىركاۋغاكىرىپ پۇل ئېلىپ چىقىدىغانلارمۇ بار ئىكەن ،  بۇ ئائىلە تەربىيىسى سەۋەبىدىنمۇ ياكى چەتئەل مەدەنىيىتىنىڭ تەسىرىدىنمۇ ؟؟؟؟؟؟؟؟؟؟؟     دىن _ ئىتتىپاقلىقنىمۇ تەشۋىق قىلىدۇ !!!!!!!!!!!!!!!

bayhenim

	ھەقىقەتەن ياخشى تىما بوپتۇ جاپا چىكىپسىز

hiyal0097

	ياخشى يېزىپسىز ، قۇرئان كەرىمدىمۇ ‹‹ بەندە ئۈزىنى ئۆڭشىمىغىچە مەن ئۇنىڭ تەغدىرىنى ئوڭشىمايمەن ›› دىگەن اللە نىڭ سۆزى بار .............

qintomor

	بەك ياخشى تېما بوپتۇ .مېنىڭچە ھېيىت-بايرام.تۇغۇلغانكۇن ۋەباشقامۇبارەكلەشكە تىگىشلىك  كۇنلەردە   ئۇرۇق-تۇققان،دوسىت-بۇرادەرلەرگەسوۋغات بېرىشكە توغراكەلسەتەربىيەۋى ئەھمىيتى ياخشى بولغان دىننى  يازمىلار ياكى تەرجىمە قۇرئان سوۋغا قىلساق  مۇشۇمۇ  بىر ئەھمىيەتلىك ئىش بولغىدەك.

kutluk74

	«ئۇيغۇرلار چوشقا گۆشى ۋە شۇنىڭغا ئوخشاش نەرسىلەرنى يامان بىلىپ يىراق تۇرىدىكەن،لىكىن ئاللاھ ۋە ئاللاھنىڭ پەيغەمبىرى ھارام دىگەن ۋە دىندا چەكلەنگەن نەرسىلەردىن ئۆزىنى تارتمايدىكەن!» «ئىتقاد ھىچقاچان بۈگۈنكى دەۋىردىكىدەك سۇسلاشمىغان.» كىشىنى ھەقىقەتەن چوڭقۇر ئويغا سالىدۇ. تېمىڭىزغا رەھمت.

compass

	ئىسىل تىما.

شەمشەر

	«ئىنسان ئۆز تەقدىرى ھەققىدە ئويلانمىسا يەر يۇرتىدۇ »دىگەن گەپ بار ،شۇنداق مىللىتىمىز تەقدىرى ھەققىدە باشقاتتۇرغۇنىڭىزغا رەخمەت. ئىشنى ھەممىمىز ئۆزىمىزدىن باشلايلى!!!!

uyokuguqi

	«ئىتقاد ھىچقاچان بۈگۈنكى دەۋىردىكىدەك سۇسلاشمىغان.»   راس  ئاتىسى بالىسىنى ساتىدىغان دەرىجىدە