جېياڭ جېشىنىڭ شىئەندە قولغا ئېلىنىشى ۋە سىتالىن

مارشال

	جېياڭ جېشىنىڭ شىئەندە قولغا ئېلىنىشى ۋە سىتالىن 1936-يىلىنىڭ ئاخىرى شىئەن ۋەقەسى يۈز بەردى. 12-دىكابىر جىياڭ جېشى جوڭگۇنىڭ غەربىي شىمالىدىكى شىئەن شەھىرىدە ئىدى.قول ئاستىدىكى ئككى گېنرالنىڭ ئۇنىڭ ئالىي قوماندانلىق ۋە دۆلەت داھىيسىلىق ئەركىنلىكىنى تارتىۋىلىشى ھەمدە ھۆكۈمەتنى ئالماشتۇرۇش ۋە ياپۇنغا قارشى ئۇرۇش قىلىشنى تەلەپ قىلىشى،يەنە كېلىپ جوڭگۇ كومپارتىيەسى ۋە سوۋىت ئىتىپاقى بىلەن ئىتىپاق تۈزۈشنى تەلەپ قىلىشى زادىلا ئۇنىڭ خىيالىغا كىرىپ چىقمىغانىدى.كۆرسىتىپ ئۆتۈش كېرەككى،جىياڭ جېشى بۇنداق تەشەببۇسنى بىلدۈرمىگەنىدى. ئۇ جوڭگۇ كومىنىستلىرى ئۇستىلىق بىلەن پايدىلانغان ياپۇنغا قارشى يۈكسەك ۋەتەنپەرۋەرلىك كەيپىياتىنىڭ ئۇرغۇشى ئىدى.جىياڭ جېشى گېنراللارنىڭ ئاسىيلىق قىلمىشىدىن قاتتىق غەزەبلىنىپ،دەسلەپتە قىلچىمۇ سۈلھى قىلماسلىق مەيدانىدا چىڭ تۇردى.ئۇ ئۆزىنىڭ جاسارىتىنى نامايەن قىلىپ،گېنراللار بىلەن ھەر قانداق شەكىلدە سۆھبەتلىشىنى رەت قىلدى.گېنراللار ناھايىتى تېزلا جوڭگۇ كومپارتىيەسىنىڭ ۋەكىلى جۇ ئېنلەينىڭ ياردىمىگە ئىگە بولدى.ۋەقەنىڭ تەرەقىياتى كۈن بىلەن ئەمەس،بەلكى سائەت بىلەن ھېسابلاندى.ئىككى كۈنچە ۋاقىتتىن كېيىن،مەركىزىي ھۆكۈمەتنىڭ گېنراللارنىڭ تەلىپىگە تەسلىم بولمايدىغانلىقى ئېنىق بولدى.ئۇلارنىڭ جىياڭ جېشىنى جىسمانىي جەھەتتىن خاراب قىلىش مۇمكىن ئىدى.لېكىن،بۇنىڭ بىلەن ئۇلار ئۆز مەقسىتىگە يېتەلمەيدىغانلىقىنى بىلەتتى.شۇڭا،ئاخىرىدا شۇنىڭغا يېقىنراق بىر سۈلھە تۈزۈلدى.جىياڭ جېشى يېڭىۋاشتىن ھۆرلۈككە چىقتى ھەمدە 25-دىكابىر پايتەخت نەنجىڭگە قايتتى.نەنجىڭغا قايتىپ كەلگەندىن كېيىن،جىياڭ جېشى جوڭگۇ كومپارتىيىسى بىلەن بىرگە ياپۇنغا قارشى ئۇرۇشنىڭ بىرلىك سېپىنى تەشكىللەشكە كىرىشتى.شەرت،ئەلۋەتتە جىياڭ جېشىنىڭ ئالىي قوماندان ۋە دۆلەت داھىيلىقىنى ئېتىراپ قىلىش ئىدى.جوڭگۇ كومپارتىيىسى بۇنىڭغا قۇشۇلىدىغانلىقىنى بىلدۈردى. سوۋىت ئىتىپاقىنىڭ مەيدانى ۋە سىتالىننىڭ پوزىتسىيىسى شىئەن كىرىزىسىنى ھەل قىلىشتا ئىنتايىن ئۈنۈملۈك رول ئوينىدى.جوڭگۇدا ھەممە كىشى بۇ نۇقتىنى بىلىدۇ. بۇنىڭغا ئالاقىدار بىر پاكىت تولىمۇ جايىدا ئۆز ئىپادىسىنى تاپتى.ئەينى ۋاقىتتا جوڭگۇ ھۆكۈمىتىنىڭ باشلىقى،مالىيە مىنىستىرى،شۇنىڭ بىلەن بىرگە جىياڭ جېشىنىڭ باجىسى،يەنى جىياڭ جېشىنىڭ خانىمى سۇڭ مېيلىننىڭ ھەدىسى سۇڭ گېلىڭنىڭ ئېرى كۇڭ شىياڭشى شىئەن ۋەقەسىدىن خەۋەر تاپقاندىن كېيىن،دەرھال ماشىنا بىلەن نەنجىڭغا بېرىپ،ئۇ يەردە سوۋىت ئىتىپاقى باش ئەلچىخانىسىنىڭ باش كاتىپى .M。Nئوشانىن بىلەن كۆرۈشۈپ،ئۇنىڭغا ئۇچۇقتىن -ئۇچۇق مۇنداق دېدى: مۇبادا جىياڭ جېشى ئۆلتۈرۈلسە،جوڭگۇ مۇقەررەر يۇسۇندا ياپۇنىيەگە تايىنىدۇ،جوڭگۇنىڭ ئادەم كۈچى ۋە ماددىي بايلىقى ياپۇن مىلىتارىستلىرىنى تەمىن ئېتىپ،تاجاۋۇزچىلىقنىڭ كاپىتىلىغا ئايلىنىپ كېتىدۇ.بۇ ئاسىيا ۋا سوۋىت ئىتىپاقى ئۈچۈن ئېغىر تەھدىت.مەن سوۋىت ئىتىپاقىنىڭ جىياڭ جېشىنىڭ بىخەتەرلىكىگە كاپالەتلىك قىلىش چارىسىنى تېپىشنى ئۈمىد قىلىمەن.باشقا مەسىللەرگە كەلسەك،ۋاقىتنىڭ ئۆتۈشىگە ئەگىشىپ،ئۇلارنى ھەل قىلىشنىڭ چارىسى تېپىلىدۇ. مۇبادا شىئەن ۋەقەسىدە جىياڭ جېشى جىسمانىي جەھەتتىن ھالاك قىلىنسا،ماۋزىدۇڭنىڭ باشقىچە پىكىردە بولماسلىقى تامامەن مۇمكىن.ئۇنىڭ ئۈستىگە ئېيتىشلارغا قارىغاندا،ماۋزىدۇڭ موسكۇۋانىڭ جىياڭ جېشىنىڭ ھاياتىنى ساقلاپ قېلىش ۋە ئۇنى قۇيۇپ بېرىش توغرىسىدىكى يوليۇرىقىنى تاپشۇرۋالغاندىن كېيىن،غەزەپتىن يېرىلغۇدەك بۇلۇپ،ئىلاجىسىزلىقتىن ئاچچىقىدا تېپچەكلەپ كەتكەن.جوڭگۇ كومپارتىيىسى نائىلاج جىياڭ جېشى بىلەن كېلىشىم ھاسىل قىلدى.مەزكۇر پارتىيەنىڭ ۋەكىلى جۇئېنلەي جىياڭ جېشىغا سىتالىننىڭ جىياڭ جېشىنىڭ ئوغلى جىياڭ جىڭگۇنى سوۋىت ئىتىپاقىدىن جوڭگۇغا قايتۇرۇپ بېرىشكە ماقۇل بولغانلىقىنى ئۇقتۇردى.شۇنىڭغا دىققەت قىلىمىزكى،سىتالىن جىياڭ جېڭگونى جوڭگۇ كومپارتىيىسىگە تاپشۇرۇپ بېرىش ئەمەس،بەلكى دادىسىغا قايتۇرۇپ بېرىش قارارىغا كەلدى.مۇنداقچە ئېيتقاندا،ئۇنى ماۋزىدۇڭغا سېتىۋەتمىدى. قىسقىسى،نۇقۇل جوڭگۇنىڭ ئىشى سۈپىتىدە يۈز بەرگەن شىئەن ۋەقەسىنىڭ خەتەرلىك ئاقىۋىتى جوڭگۇغا ھەمدە دۇنيا سەھنىسىدىكى تەبىي ئىتىپاقداشلارغا تەھدىت سالغانىدى،ئاخىرىدا جوڭگو،سوۋىت ئىتىپاقى ۋە باشقا دۆلەتلەرنىڭ مىللىي مەنپەتىنى نەزەرگە ئېلىنىپ،ئاقىلانە سۈلھى قىلىش شەكلىدە ئاخىرلاشتى.بۇ مەسىلىنى ھەل قىلىش ئۈچۈن،سىتالىن خېلى كۆپ رول ئوينىدى،سىتالىننىڭ شىئەن ۋەقەسىنى تەشكىللەش بىلەن قىلچە ئالاقىسى يوقلۇقى جىياڭ جېشىغا ئايان ئىدى.سىتالىن ئەينى ۋاقىتتا،ئىككى دۆلەت مۇناسىۋىتىنى راۋاجلاندۇرۇش ئۈچۈن پايدىلىق شارائىت ياراتتى.شۇنىڭ بىلەن ئىككى دۆلەتنىڭ يېڭى دەۋردىكى ھەمكارلىقىغا ئاساس سېلىندى.بۇ ئىشلارنىڭ ياپۇنىيە سوۋېت ئىتىپاقى ۋە جوڭگۇنىڭ مىللىي مەنپەتىگە تەھدىت سېلىۋاتقان ئارقا كۆرۈنۈش ئاستىدا روي بەرگەنلىكى ناھايىتى ئېنىق. مەنبە:ئىككى گېنېراللىسسىمۇس سىتالىن ۋە جىياڭ جېشى دېگەن كىتابتىن ئېلىندى. كىتابنىڭ ئاپتۇرى:يۇرىي مىخايلوۋىچ گالېنوۋىچ(رۇسىيە)

Romantic-killer

	شىئەن ۋەقەسى يۇزبېرىپ ئۇزۇن ئۆتمەي جىياڭ جېشى بۇ ئىككى گېنىرالنىڭ بىرىنى قاتتىق قىيناپ ئۆلتۇردى،بۇدەل ياڭخۇچېڭ ئىدى..بىراق جاڭ شۆلىياڭنى نىمىشقا ئۆلتۇرمىگىنى تېخىچە بىر سىر بولۇپ قالدى...

Dakyanos

	ئىككى گىنراللىسىمۇس: جىياڭ جېشىي ۋە سىتالىن دىگەن بۇ كىتاپ بىر قىتىم ئۇقۇپ چىقىشقا ئەرزىيدىغان كىتاپ. ئۇقۇتقۇچىمىز بىزگە تەۋسىيە قىلغان ئىدى. جاڭ شۆلىياڭ مەن جۇڭگو يىقىنقى زامان تارىخىدا مەن ئەڭ قول قۇيىدىغان ھەربىيلەرنىڭ بىرى. ئەمما ئۇ ياپۇنلارنىڭ ئاتىسىنى قەستىلەپ ئۆلتۈرگەنلىكى سەۋەبلىك جىياڭ جېشىيغا بەيئەت قىلغان. لىكىن تەسلمىچى جىياڭ ئەپەندى ئۇنى شەرقى شىمالنى تاشلاپ بېرىشكە، ئاندىن شىمالى جۇڭگونى تاشلاپ بېرىشكە بۇيرىغان.

مارشال

	Romantic-killer يوللىغان ۋاقتى  2012-2-14 08:44 PM شىئەن ۋەقەسى يۇزبېرىپ ئۇزۇن ئۆتمەي جىياڭ جېشى بۇ ئىككى ... جاڭ شۆلىياڭنىڭ ئاتىسى جاڭ زولىن شەرقىي شىمالدىكى زور مىللىتارستلاردىن بولۇپ، باشتىن ئاخىرى ياپونلارغا باش ئەگمەي كەلدى، 1928-يىلى ياپونلار تەرىپىدىن پارتلىتىپ ئۆلتۈرۈلدى. شۇ سەۋەبلىك جاڭ شۆلىياڭ ئاتا قىساسىنى ئېلىش، شۇنداقلا ياپون جاھانگىرلىكىگە قارشى تۇرۇشنىڭ ئالدىنقى سېپىدە تۇرۇپ كەلگەنىدى.   گېنرال جاڭ شۆلىياڭ 1901-يىلى 6-ئايدا شەرقىي شىمالدا تۇغۇلغان. يولداش جۇئېنلەي ئۇنىڭغا « مىللىي قەھرىمان، تۆھپىسى زور» دەپ نام بەرگەن. مىللىتارس جاڭ زولىننىڭ ئوغلى بولۇپ، شىئەن ۋەقەسىدىن كېيىن نەزەربەنت قىلىنغان ۋە جياڭ جيېشى بىلەن بىرگە مەجبۇرى تەيۋەنگە ئېلىپ كېتىلگەن. ۋە تۇرالغۇسىدا ئۇزۇن مەزگىلگىچە نەزەر بەنت ئاستىدا تۇرمۇش كەچۈرگەن. 1990-يىللىرى باشلاپ ئاندىن ئەركىنلىكى ئەسلىگە كەلگەن، 1995-يىلى ئامىرىكىنىڭ ھاۋاي شىتاتىغا كۆچۈپ كەتكەن.2001-يىلى 10-ئاينىڭ 14-كۈنى ھاۋايدىكى تۇرالغۇسىدا كېسەل سەۋەبى بىلەن 101 يېشىدا ئالەمدىن ئۆتكەن، ئۇ تارىختا ئەڭ ئۇزۇن ئۆمۈر كۆرگەن گىنرال بولۇپ قالغان. بەلكىم،جاڭ شۆلىياڭنىڭ ئاتىسى ئەينى ۋاقىتتا يۈكسەك ئابدۇي ۋە شان-شۆھرەتگە ئىگە شەخسلەردىن ئىدى.شۇڭا،ئۇنى ئۆلتۈرمەسلىكتە،ئارقا تېرىكى تولىمۇ كۈچلۈك بولغان مۇھىم شەخسلەر يۆلەنچۈك بۇلۇشى مۇمكىن. جاڭ شۆلىياڭنىڭ رەسىمىنى ئىنكاس شەكلىدە قىستۇرۇپ قۇيۇشنى لايىق تاپتىم.

toxkanjan

	ئۆز ۋاقتىدا سىتالىننىڭ قولى ھەجەپ ئۇزۇن ئىدى دىسە.ئەمدى ئۇنىڭغا ۋارىسلىق قىلغۇچى رۇسيەمۇ توختماي دۇنيا غوجسى بولۇش ئۈچۈن تېپچەكلەۋاتىدۇ.لىكىن بۇ سىتالىن دەۋرى ئەمدى كەلمەسكە كەتتى.بۇ رۇسلارنى ئەسلى مۇسكىۋا ئەتىراپىغىلا تىقىۋتىش كىرەك ئىدى.بەلكىم بەزى دۆلەتلەر مۇشۇنىڭغا ھەركەت قىلۋاتقاندۇ.

altun

	جاڭ شۆلىياڭ  1995 -يىلى ئۈلۈپ كىىتپۇ  ،مەن ھەيران نىمىشقا جاڭ شۆلىياڭدەك ۋەتەنپەرۋەر گىنرال 1990-يىلى تەيۋەندىن ئانا ۋەتىنىگە كىلىپ ماكانلاشماي ھاۋايغا كەتتى ، مىنىڭچە جۇڭگۇ بۇ گىنرالنى قۇبۇل قىلار  ئىدى . بۇ ئىسلاھاتتىن كىيىنكى ئىش تۇرسا ، ئۇ ھاياتىدا مۇشۇ قېىملىق خاتالىقى ئۈچۈن بىر ئۆمۆر ئازاب چەككەن بۇلىشى مۇمكىن .

مارشال

	altun يوللىغان ۋاقتى  2012-2-14 09:15 PM جاڭ شۆلىياڭ  1995 -يىلى ئۈلۈپ كىىتپۇ  ،مەن ھەيران نىمىشقا  ... جاڭ شۆلىياڭ 2001-يىلى 10-ئاينىڭ 14-كۈنى تۈگەپ كەتكەن،سىز تۈگەپ كەتكەن ۋاقتىنى خاتا دەپ قويدىڭىز! بەلكىم،جاڭ شۆلىياڭنىڭ ۋەتەنگە قايتىپ كەلمەسلىكىدىمۇ مەلۇم سەۋەبلەر بۇلۇشى مۇمكىن.جىياڭ جېشىنىڭ ئايالى كۈچلۈك ئامىركاپەرەس بۇلۇپ،2005-يىلى ئامىركىدا ۋاپات بولدى،بەلكىم،جاڭ شۆلىياڭنىڭ ۋەتەنگە قايىپ كەلمەسلىكى نۇرغۇن تارىخىي ۋەقەلەر بىلەن مۇناسىۋەتلىك بۇلۇشى مۇمكىن. جاڭ شۆلىياڭ سىياسىي قىياپىتى كومپارتىيە ئەزاسى ئەمەس،بەلكى،گومىنداڭ پارتىيىسى،90-يىللارنىڭ بېشىدىكى بەزى ئىختىلاپلار ،جوڭگۇ ۋە تەيۋەن مۇناسىۋىتىدىكى بەزى سوغۇقچىلىقلار جاڭ شۆلىياڭنىڭ ۋەتەنگە بارماسلىقى سەۋەب بۇلۇشى مۇمكىن. مەن بىر ماقالىنى يەنە قىستۇرۇپ قۇيۇشنى لايىق تاپتىم: «شىئەن ۋەقەسى» دىكى يوشۇرۇن تارىخ          جياڭ جيېشىنى سۇراق قىلىش توغرىسىدىكى تالاش- تارتىش                    «شىئەن ۋەقەسى» يۈز بەرگەندىن كېيىن ج ك پ مەركىزىي كومىتېتى دائىمىي كومىتېتىنىڭ كېڭەيتىلگەن يىنىنى ئاچىدۇ. يىغىنغا مەركىزىي كومىتېتنىڭ باش مەسئۇلى جاڭ ۋېنتيەن رىياسەتچىلىك قىلىدۇ. يىغىننىڭ ئاساسىي تېمىسى «شىئەن ۋەقەسى» نى مۇزاكىرە قىلىش ۋە بىر تەرەپ قىلىش فاڭجېنىنى مۇزاكىرە قىلىشتىن ئىبارەت بولىدۇ .         بۇ قېتىمقى يىغىننىڭ خاتىرىسى ھازىر مەركىزىي ئارخىپ سارىيىدا ساقلانماقتا. يىغىن خاتىرىسىنى ئېچىپ قارىغاندا، شۇ قېتىمقى يىغىندىكى تالاش – تارتىشنىڭ ھەقىقىي ئەھۋالىنى كۆرۈۋالغىلى بولىدۇ. يىغىندا ماۋزېدۇڭ ئۆز دوكلاتىدا توختالغان مۇنداق ئىككى مەسىلە تالاش- تارتىش قوزغايدۇ. ماۋزېدۇڭ: «مېنىڭچە ۋەقەدىن كىيىن ماھىيەتلىك بىر ھۆكۈمەت قۇرۇش لازىم، ئۇنى ياپونغا قارشى سۈييۇەن كومىتېتى دەپ ئاتىساق، نام جەھەتتە مەملىكەتلىك ھۆكۈمەت بولمىسا» دەپ تەكلىپ بىرىدۇ. ماۋزېدۇڭ يەنە «بىز شىئەننى مەركەز قىلىپ پۈتۈن مەملىكەتكە رەھبەرلىك قىلىپ نەنجىڭنى تىزگىنلىسەك، غەربىي شىمالنى ياپونغا قارشى ئالدىنقى سەپ قىلىپ، پۈتۈن مەملىكەتكە تەسىر كۆرسىتىپ، ياپونغا قارشى بىرلىك سەپ مەركىزى شەكىللەندۈرسەك» دېگەننى تەشەببۇس قىلىدۇ.          ماۋزېدۇڭنىڭ بۇ خىل قارىشىغا قارىتا جۇئېنلەي ئالدى بىلەن ئوخشاش بولمىغان قارىشىنى ئوتتۇرغا قۇيۇپ، «بىز سىياسىي جەھەتتە نەنجىڭ بىلىن قارشىلاشماسلىقىمىز لازىم» دەيدۇ. تەبىئىيكى، ئۇ «شىئەننى مەركەز قىلىش» نى تەشەببۇس قىلمايدۇ. جاڭ ۋېنتيەن ئۇزۇن ۋاقىت ئويلانغاندىن كېيىن، ئاخىر ئېغىز ئاچىدۇ. ئۇ جۇئېنلەينىڭ پىكىرىنى ئېنىق قوللايدۇ. ھالبۇكى باۋئەندىكى ئۆڭكۈردە بولغان تالاش- تارتىشتا جياڭ جيېشىنى قانداق بىر تەرەپ قىلىش مەسىلىسى ئەڭ جىددىي بولىدۇ .        ماۋزېدۇڭ دوكلاتىدا ئېنىق قىلىپ «جياڭ جيېشىنى سوراق قىلىش»، «جياڭ جيېشىنى ئەمىلىدىن ئېلىپ تاشلاش»، «جياڭ جيېشىنى يوقىتىش» نى ئوتتۇرغا قويىدۇ. ئۇ «بىزنىڭ قارىشىمىزچە جياڭ جيېشىنى يوقىتىشنىڭ قايسى جەھەتتىن بولسۇن پايدىسى بولىدۇ » دەيدۇ.        جياڭ جيېشىنى ئۆلتۈرۈش- ئۆلتۈرمەسلىك مەسىلىسىدە جۇئېنلەي بىلەن جياڭ ۋېنتيەن ئېغىز ئاچمايدۇ. جياڭ ۋېنتيەن مەزمۇنلۇق قىلىپ «ئىمكانىيەتنىڭ بېرىچە نەنجىڭ ھۆكۈمىتىنىڭ ماقۇللىقىنى ئېلىپ، جاڭ جيېشى سىستېمىسى قوشۇنىنى چەتكە قېقىۋېتىش لازىم» دەيدۇ. ستالىن «جياڭ جيېشىنى ئاغدۇرۇۋېتىش» قا قارشى تۇردى                    «شىئەن ۋەقەسى» يۈز بېرىشى بىلەنلا ج ك پ مەركىزىي كومىتېتى 12- دېكابىر كەچ سائەت 12 دە، 13- دېكابىر سەھەر سائەت 4 دە، 13- دېكابىر چۈشتىن كېيىن سائەت 4 دە كوممۇنىستىك ئىنتېرناتسىئونالغا ئۈچ قېتىم تېلېگرامما بىرىدۇ.           13- دېكابىر كەچ كوممۇنىستىك ئىنتېرناتسىئونالنىڭ جاۋاب تېلېگراممىسى يېتىپ كېلىدۇ . جاۋاب تېلېگرامما ئۈچ نۇقتىغا بۆلۈنگەن ئىدى. بىراق ئۈچىنچى نۇقتىدىكى جياڭ جيېشىنى بىر تەرەپ قىلىش توغرىسىدىكى پىكىر ماۋزېدۇڭ ئەينى ۋاقىتتا تەشەببۇس قىلغان جياڭ جيېشىنى سوراق قىلىش، جياڭ جيېشىنى ئەمىلىدىن ئېلىپ تاشلاش، جياڭ جيېشىنى يوقۇتۇش بىلىن ئوخشىمايتتى. شۇنىڭدىن كېيىنلا ستالىن ج ك پ نىڭ كوممۇنىستىك ئىنتېرناتسىئونالدا تۇرۇشلۇق ۋەكىللەر ئۆمىكىنىڭ ج ك پ مەركىزىي كومىتېتىغا مۇنۇلارنى يەتكۈزۈپ قويۇشىنى ئۆتىنىدۇ: جۇڭگو كومپارتىيىسى ئالدى بىلەن شۇنى چۈشىنىۋېلىشى كېرەككى، جياڭ جيېشى ياپونغا قارشى تۇرىدۇ. جياڭ جيېشىنى يوقىتىۋەتسە ئىچكى ئۇرۇش قوزغىلىدۇ، بىراق ئىچكى ئۇرۇش پەقەت ياپون تاجاۋۇزچىلىرىغا پايدىلىق بولىدۇ . ستالىننىڭ قارىشىچە، جۇڭگونىڭ ياپونغا قارشى تۇرۇش داھىيسى بولۇشقا جياڭ شۆلياڭنىڭ لاياقىتى توشمايدۇ. ماۋزېدۇڭنىڭ كۈچى يەنىلا ئىنتايىن ئاجىز. پەقەت جياڭ جيېشىلا چاقىرىق قىلىش كۈچىگە ئىگە بولۇپ ، جۇڭگودىكى ھەر خىل سىياسىي كۈچلەرنى يېتەكلەپ ياپونغا قارشى تۇرالايدىغان داھىي بولالايدۇ.           ستالىننىڭ تېلېگراممىسى ماۋزېدۇڭنىڭ قولىغا تەگكەندە بۇ ئىشنى كاللىسىدىن ئۆتكۈزەلمەيدۇ. كوممۇنىستىك ئىنتېرناتسىئونال باۋئەنگە تېلېگرامما ئەۋەتكەندىن سىرت شاڭخەيدە بولۇۋاتقان پەن خەننيەنگىمۇ تېلېگرامما ئەۋەتىدۇ. پەن خەننيەن نەنجىڭگە بارغاندا سوڭ چىڭلىڭ بىلەن سوڭ زىۋىن پەن خەننيەندىن كوممۇنىستىك ئىنتېرناتسىئونال ۋە ج ك پ مەركىزىي كومىتېتىغا جياڭ جيېشى ئۆلتۈرۈلمىسىلا، جياڭ جيېشىنىڭ ھاياتىغا كاپالەتلىك قىلىنسىلا ھەر قانداق مەسىلىنى مەسلىھەتلىشىشكە بۇلىدىغانلىقىنى ئىنكاس قىلىشنى تەلەپ قىلىدۇ. پەن خەننيەندىن كوممۇنىستىك ئىنتېرناتسىئونال بىلەن ج ك پ مەركىزىي كومىتېتىغا سوڭ چىڭلىڭ، سوڭ زىۋىن ئاكا- سىڭىلنىڭ پىكىرىنى ئەينەن ئىنكاس قىلىدۇ.          16- دېكابىر كوممۇنىستىك ئىنتېرناتسىئونال پەن خەننيەنگە جاۋاب تېلېگرامما ئەۋەتىپ «پىكىرىڭلارنى توغرا تاپتۇق، ج ك پ مەركىزىي كومىتېتىغا ئۇقتۇرۇڭ، شىئەن ۋەقەسىنى تىنچلىق بىلەن بىر تەرەپ قىلسۇن» دەيدۇ. يەنە شۇ كۈنى كوممۇنىستىك ئىنتېرناتسىئونال ئىجرائىيە كومىتېتىنىڭ باش شۇجىسى دېمتىروۋنىڭ ئۆزى تۈزگەن ھەمدە ئىمزا قۇيۇپ ج ك پ مەركىزىي كومىتېتىغا ئەۋەتكەن تېلېگراممىنى كوممۇنىستىك ئىنتېرناتسىئونالنىڭ شىئەن ۋەقەسىنى بىر تەرەپ قىلىشتىكى ئەڭ روشەن يوليورۇقى دېيىشكە بولىدۇ :          1. جاڭ شۆلياڭنىڭ ھەرىكىتى قانداق مەقسەتتە بۇلىشىدىن قەتئىينەزەر ، ئوبيېكتىپ جەھەتتە جۇڭگونىڭ ياپونغا قارشى مىللىي بىرلىك سەپ كۈچلىرىنىڭ ئىتتىپاقلىقىغا زىيان يەتكۈزىدۇ ھەمدە ياپونىيىنىڭ تاجاۋۇز قىلىشىغا ئىلھام بىرىدۇ.          2. ۋەقە تۇغۇلغان ئىكەن جۇڭگو كومپارتىيىسى يۇقىرىقى ئەھۋاللارنى ئويلىشىشى ھەمدە مۇئەييەن شارائىت ئاستىدا ۋەقەنى تىنچ يول بىلەن ھەل قىلىشنى قەتئىي تەشەببۇس قىلىش لازىم. جياڭ جېشىغا قارىتىلغان تاكتىكىنىڭ ئۆزگەرتىلىشى           ماۋزېدۇڭ ستالىننىڭ تېلېگراممىسىنى تاپشۇرۇۋالغاندا كاللىسىدىن ئۆتمىدى دېيىشكە بولسىمۇ، ۋاقىتنىڭ ئۆتىشىگە ئەگىشىپ ھەرقايسى تەرەپنىڭ ئىنكاسى ئارقىمۇ ئارقا يېتىپ كېلىدۇ . بۇنىڭ بىلەن ماۋزېدۇڭ كونا رەقىبى جياڭ جيېشىنى قانداق بىر تەرەپ قىلىش مەسىلىسىنى قايتىن ئويلىنىشقا باشلايدۇ. 18- دېكابىر چۈشتىن بۇرۇن جۇئېنلەي ياڭ خوچىڭ بىلەن كۆرۈشكەندىن كېيىن يەنە بىر پارچە تېلېگرامما ئەۋەتىپ، ماۋزېدۇڭنىڭ جياڭ جيېشىغا قاراتقان تاكتىكىسىنى ئۆزگەرتىشىگە ھەيدەكچىلىك قىلىدۇ. جۇئېنلەينىڭ بۇ تېلېگراممىسىدا ئاشكارىلانغىنى ئەڭ يېڭى ئۇچۇر بولۇپ ، ئىنتايىن مۇھىم ئىدى:          1. سوڭ مېيلىڭ، جياڭ جيېشىلارنىڭ پوزىتسىيىسى ياپونغا قارشى تۇرۇشقا ئۆزگەردى.          2. نەنجىڭدىكى ياپونپەرەسلەر پائال ھەرىكەت قىلىپ  «جياڭ جيېشىنى ئاغدۇرۇپ تاشلاش» بىلەن ۋاڭ جىڭۋېينى تەختكە چىقارماقچى. ۋاڭ جىڭۋېي ھەممىگە ئايان ياپونپەرەس، جياڭ جيېشى ئۆلتۈرۈلگەن ھامان، ۋاڭ جىڭۋېي ھاكىمىيەت بېشىغا چىقىش ئىمكانىيىتىگە ئىگە بولىدۇ . ئۇنداق بولغاندا ئىش يەنىمۇ چاتاق بولىدۇ . ماۋزېدۇڭ «ۋاڭ جىڭۋېينىڭ ۋەتەنگە قايتىشى» دىن ئىبارەت بۇ ئېغىر يۈزلىنىشكە دىققەت قىلسا قانداق.          جۇئېنلەي، جاڭ ۋېنتيەنلەرنىڭ نەسىھىتى، ستالىننىڭ تېلېگراممىسى، سوڭ مېيلىڭ، سوڭ زىۋىنلارنىڭ تىنچلىق سۆھبىتى ئۆتكۈزۈشنى خالىشى، جياڭ جيېشىنىڭ پوزىتسىيىسىنىڭ ئۆزگىرىشى ........ مانا مۇشۇنداق بىر قاتار ئۆزگىرىشلەر نەتىجىسىدە ماۋزېدۇڭ ئاخىرىدا جياڭ جيېشىنى بىر تەرەپ قىلىش قارارىنى ئۆزگەرتىشكە مەجبۇر بولىدۇ . ج ك پ مەركىزىي كومىتېتى «شىئەن ۋەقەسى» توغرىسىدا گومىنداڭ مەركىزىگە ئەۋەتكەن تېلېگراممىسىدا بەش تۈرلۈك شەرتنى ئوتتۇرغا قۇيىدۇ. ئۇنىڭدىن كېيىن «پارتىيىمىز شۇنىڭغا ئىشىنىدۇكى، ئەگەر پارتىيەڭلار پۈتۈن مەملىكەت خەلقىنىڭ يۇقىرىدىكى جىددىي تەلىپىنى ئەمەلگە ئاشۇرسىلا، دۆلەت، مىللەت قۇتقۇزۇلۇپلا قالماي، جياڭ جيېشىنىڭ بىخەتەرلىكى، ئەركىنلىكىدىمۇ مەسىلە بولمايدۇ» دەپ كۆرسىتىدۇ.             بۇ تېلېگرامما ئۈچ كۈن ئاۋۋال يەنى 15- دېكابىر قىزىل ئارمىيىنىڭ ماۋزېدۇڭ قاتارلىق 15 رەھبىرىنىڭ گومىنداڭ ھۆكۈمىتىگە ئەۋەتكەن تېلېگراممىسىدا كۆرسىتىلگەن «جياڭ جيېشىنى ئەمىلىدىن ئېلىپ تاشلاپ، دۆلەت خەلقىنىڭ ھۆكۈم قىلىشىغا تاپشۇرۇش» دېگەن سۆز بىلەن روشەن ئوخشىمايدۇ. بۇ ماۋزېدۇڭنىڭ 1936- يىلى 9- ئاينىڭ 1- كۈنى ج ك پ مەركىزىي كومىتېتى نامىدىن چۈشۈرگەن يوليۇرىقىدىكى «جياڭ جيېشىنى ياپونغا قارشى تۇرۇشقا مەجبۇرلاش» قا قايتىپ كەلگەنلىكىنىڭ بەلگىسى بولۇپ قالىدۇ. پارتىيە  ئۇچۇر  تورى

compass

	ئەمگىكىڭىزگە رەھمەت.قولىڭىزغا دەرت كەلمىسۇن.تارىخى تىمىلارنى بەكلا ياقتۇرىمەن.

yarun222

	:qiray4:qiray4:qiray4:qiray4:qiray4:qiray4

تىرەن

	.......