كەچمەيمەن

qartekin

	كەل نىگارىم مەن سېنىڭدىن كەچمەيمەن زىكرى قىلىپ بۇلبۇل ئۈنۈم ئۇچسىمۇ، چىرايىمدىن قان دىدارى كەتسىمۇ، ماغدۇر كېتىپ ئەجەل تەنگە يەتسىمۇ، كەل نىگارىم مەن سېنىڭدىن كەچمەيمەن. يۇلتۇز ئېقىپ ئۆز ئورنىدىن كۆچسىمۇ، دەريا قۇرۇپ تاغلار ئېرىپ كەتسىمۇ، قۇياش قېرىپ زېمىندا نۇر ئۇچسىمۇ، كەل نىگارىم مەن سېنىڭدىن كەچمەيمەن. يۇمۇلمايدۇ كۆزۈم سەۋرىم توشمايدۇ، سۆيگۈم گويا ئوت يالقۇنغا ئوخشايدۇ، پەريادىمدىن قۇياش ئىزدا توختايدۇ، كەل نىگارىم مەن سېنىڭدىن كەچمەيمەن. ئاھ پىغانىم گويا توپان بالاسى، ھەسرەتلىرىم گۈلدۈر ماما ساداسى، سەندىن ئۆزگە يوق دەردىمنىڭ داۋاسى، كەل نىگارىم مەن سېنىڭدىن كەچمەيمەن. جۇدالىقتىن پۈتمەس مېنىڭ ئارامىم، ۋەيلۇن دوزاق بولسۇن بارار ماكانىم، قارا بوران ئېلىپ كەتسۇن تامامىم، كەل نىگارىم مەن سېنىڭدىن كەچمەيمەن. سەنسىز مېنىڭ مەنزىلگاھىم باياۋان، قانلىرىمنى چاچسۇن بۆرە تالابان، ئەيلىمىسۇن ھېچكىم ماڭا رەھنامان، كەل نىگارىم مەن سېنىڭدىن كەچمەيمەن. مەنبە: چارتېكىن يازمىلىرى ئەسەر ھوقۇقى پەقەت چارتېكىنگىلا خاس خالىغانچە كۆچۈرمەڭ.

617128314

	ياخشى شېئىركەن.

Ahmadi

	مەزمۇنى   دەششەتكەن  ! ! ! !         ئەمەلىي   تۇرمۇشتا    مۇشۇنداقلار   يوقتە  لىكىن     :qiray17

ئايچىن

	كىچەلمەيمەن سېنىڭدىن ۋەتەن دىگەن شېئىرغا ئوخشاش ئۇسلۇبتا يېزىلىپتۇ ھە

datba

	ئاھ پىغانىم گويا توپان بالاسى، ھەسرەتلىرىم گۈلدۈر ماما ساداسى، سەندىن ئۆزگە يوق دەردىمنىڭ داۋاسى، كەل نىگارىم مەن سېنىڭدىن كەچمەيمەن. بۇ بىر كوپلىتنى بەك ياقتۇردۇم ، ئېلھامىڭىزغا ئاپىرىن رەھمەت .

ئەنسار

	زىكىرقىپ دىگەن  سۆز نى يىگانە رەببىمىز ئاللاھ قىلان خاستۇر  سۆزنى جايىدائشلىتىڭ ،  بولمىسى غۇ خېلى ياخشى چىقىپتىكەن

sapgen

	جۇدالىقتىن پۈتمەس مېنىڭ ئارامىم، ۋەيلۇن دوزاق بولسۇن بارار ماكانىم، قارا بوران ئېلىپ كەتسۇن تامامىم، كەل نىگارىم مەن سېنىڭدىن كەچمەيمەن. ما كوبلىتتىكى ۋەيلۇن دەۋزاخ دىگەن سۆزنى بەكلا خاتا ئىشلىتىپسىز قىرىندىشىم ، بۇ چوڭ ۋەدىگە  ياتىدۇ.

sapgen

	جۇدالىقتىن پۈتمەس مېنىڭ ئارامىم، ۋەيلۇن دوزاق بولسۇن بارار ماكانىم، قارا بوران ئېلىپ كەتسۇن تامامىم، كەل نىگارىم مەن سېنىڭدىن كەچمەيمەن. ما كوبلىتتىكى ۋەيلۇن دەۋزاخ دىگەن سۆزنى بەكلا خاتا ئىشلىتىپسىز قىرىندىشىم ، بۇ چوڭ ۋەدىگە  ياتىدۇ.

chalkush

	بەك تەسىرلىك يېزىپسىز. خۇددى مېنىڭ يۈرەك سۆزۈمدەك بىلنىپ كەتتى.

subhinur

	بەك ياخشى چىقىپتۇ ‹:qiray4