چوڭلار،ئالىي مەكتەپتىكى تەسراتىڭلارقانداق؟

zaghun

	چوڭلار،ئالىي مەكتەپتىكى تەسراتىڭلارقانداق؟ ئەسسالامۇ-ئەلەيكۇم ئەزىز تورداشلار! مانا ھەش-پەش دېگۈچە مەنمۇ ئالىي مەكتەپنىڭ 3-يىللىقىدا ئوقۇپ تۇرۇپتىمەن.ئالىي مەكتەپ كىلىشتىن ئىلگىرى نۇرغۇنلىغان ئارزۇ-ئارمان بىلەن كەلگەنىدىم،چوڭلاردىنمۇ ئالىي مەكتەپ ھاياتى دېگەن ناھايىتى گۈزەل بۇلىدۇ،پۇلنى ئاتا-ئاتاڭ ئەۋەتىپ بېرىدۇ،خالىغانچە غەجلىيەلەيسەن ،چىرايلىق قىزلار،كىلشكەن ئوغۇللار بىلەن مۇھەببەتلىشەلەيسەن. يۇرتقا بارساڭ ئالىي مەكتەپنى ئوقۇغان دەپ ھەممەيلەن بېشىدا كۆتۈرىدۇ  دەيتتى. ئاڭلاپ بەك ھاياجانلىناتتىم ھەمدە تىزرەك ئالىي مەكتەپكە ئۆتۈشنى ئارزۇ قىلاتتىم. ئەمما ئالىي مەكتەپ ھاياتى مەن ئويلىغاندەك ئۇنداق گۈزەل ،رومانتىك چىقمىدى.دەرىسلەر ئاز،ئوقۇتقۇچىلار پەقەت دەرس ئۆتسىلا بۇلاتتى،سەن ھاراق ئىچىپ بىريەردە قۇنۇپ قالامسا،نەچچە كۈن يۇقاپ كەتسەڭمۇ ھېچكىم سىنىڭ سورىقىڭنى قىلمايتتى.شەنبە،يەكشەنبە كۈنلىرى سائەت 11،12لەرگىچە يوتقاندىن چىقماي ئۇخلاۋاتقان،ئاتا-ئاتا ئەۋەتكەن پۇلنى قالايمىقان ئولتۇرۇش،مۇھەببەت دەپ خەجلەپ بېرىۋاتقان.پۇل يوق ۋاقىتتا چىراي ساغارتىپ دوستلاردىن ساۋاقداشلاردىن پۇل سوراۋاتقان،مۇھەببىتى يوقلار پاك قىز يوق دەپ دەرتكە ھاراق ئىچىۋاتقان،قىزلار قىلاغا ئىش يوق زىرىكىپ يامان باللار بىلەن ئارللىشىۋاتقان،ياتاق ئېچىشىۋاتقان....ساۋاقداشلار ئارا پەقەت ئىتتىپاق يوق،نەچچە ھەپتە ھەتتا ئوقۇش پۈتتۈرگىچە بىر ئېغىز پاراڭلاشماي ئوقۇش پۈتتۈرۈپ كىتىشلەر ھازىرقى زامانىۋى دەۋىرنىڭ مەھسۇلى ئىدى.....چۈشكۈنلىك ،زىرىكىش،تاماكا،ھاراقتىن ئاچچىقنى چىقىرىش ،دىپلۇم ئالالماي،يا تۈزۈك بىر نەرسە ئىگىلىمەي ،كەسىپكە قىززىقماي ئۈمىدسىزلەكتە ئوقۇش پۈتتۈرۈش بۇدەۋردە يۈز بەرمەكتە... چوڭلار سىلەرگە بەك ھەۋەس قىلىمەن ،10،20يىل بولغاندا ساۋاقداشلار ئۇچرىشى دەپ يىغىلىپ بىر-بىرىنىڭ ئەھۋالىدىن خەۋەردار بۇلغانلىقىنى ئاڭلىسام مەنمۇ نېمىشكە بۇرۇنراق90-يا 80-يىللىرى ئالىي مەكتەپتە ئوقۇپ قالمىنىمىغا پۇشايمان قىلىمەن. بەزى ساۋاقداشلىرىم بەزىدە ئۇھسىنىپ شۇنداق دەيدۇ:ھەي،ئوقۇش پۈتتۈرۈپ  ساۋاقداشلار ئۇچرىشى قىلالامىزمۇ يا بىر ئوقۇش پۈتتۈرۈپ مەڭگۈ كۆرۈشەلمەي كىتەمىزمۇ دەيمىز ئۈمىدسىزلەرچە .. 90يىللاردا مەركىزىي مىللەتلەر ئونىۋېرسىتىدا ئوقۇغان (中央民族大学)ئۈمىد غەنى،يازغۇچى ئەنۋەرھاجى مۇھەممەت بىر سىنىپتا ئوقۇپتىكەن.....80يىللردا ئوقۇغان شىنجاڭ ئونىۋېرسىتىدا”新疆大学“ يالقۇن رۇزى،باتۇر رۇزى ،دوكتۇر راھىلە داۋۇت ئەلچىن بىر سىنىپتا ئوقۇپتىكەن.....يەنە...لەيلەن بىر سىنىپتا ئوقۇپتىكەن دەپ  ئاڭلىسام شۇنداق ھەۋەسلىنىمەن.شۇنداق ساۋاقداشلار تېلىۋىزورلاردا،گېزىت-يورناللاردا چىقىپ قالسا ،پەخىرلەنگەن ھالدا «ئۇ مەن بىلەن بىرگە ئوقۇغان،مىنىڭ ساۋاقدىشىم دېسە مىنىڭمۇ شۇنداق ساۋاقداشلىرىم بۇلىدۇ دەپ ئۈمىتلىنىمەن....ھەممەيلەن  بىر سىنىپتا ئوقۇغان ساۋاقداشلارنى ئەسلەپ تۇرايلى!

Kulkam803

	مەنمۇ ئىچكىرىدە ئالىي مەكتەپنىڭ 1-يىللىقىدا ئوقۇيمەن . شىنجاڭدىكى ئالىي مەكتەپلەرنىڭ ئەھۋالىنى بىلىپ كەتمەيمەن،ئەمما ئىچكىرىدىكى مەكتەپلەر ماڭا شۇنچىلىك تىمتاس بىلىنىدۇ، بەلكىم ئۇيغۇر بالىلار بەك ئاز بولغاچكىمۇ،كۈندىلىك مەشغۇلاتىمىز ئاساسەن ئوخشاش،دەرسكە چىكىش،تاماق يېيىش،ياتاقتا ئولتۇرۇش،بەزىدە بازار ئايلىنىش،تورغا چىقىش،تاپشۇرۇق ئىشلەش، بەزىدە ‹يۇرتداشلار يىغىلىشى›غا قاتنىشىش،،،،! ئالىي مەكتەپ ھاياتى ئادەمنى بەك مۇستەقىل ياشايدىغان قىلىۋېتىدىكەن،ئالىي مەكتەپ ھەقىقەتەن جەمئىيەتنىڭ بىرىنچى قەدىمى ئىكەن !

wolf007

	بىزنىڭمۇ تولۇقتىكى ئوقۇتقۇچىلار ، ئالىي مەكتەپكە بارساڭلار ئويۇن دىگەن ئونداق  ئوينايسىلەر بۇندا ئوينايسىلەر دەپ قىزىقتۇراتتى ، ئالىي مەكتەپكىمۇ باردۇق ، لىكىن ئۇ يەردە ئويۇن ئوينىسا قەتئى بولمايدىغانلىقىنى ھىس قىلدىم ، ئازغىنە ئايلىق تۇرمۇش پۇلى ، دىپلۇم ئىلىش بىسىمى . ئوقۇش پۇتتۇرسە نىمىش قىلىپ جان بىقىش بىسىمى ..،.، قاتارلىقلار ئادەمنى ئوينىغىلى قويمايدىكەن ، لىكىن ئوينىغانلارمۇ بار ، ئۇلار ئاخىرىدا ئۆز بەختىگە ئوينىدى، ئويۇن دىگەننى يەنىلا قىلىدىغان ئىش قىلىپ بولۇپ ، پۇلنى تىپىپ  قويۇپ ئاندىن ئوينىسا راۋرۇس ئوينىغىلى بولىدىكەن .

ئۈمىد

	ئالىي مەكتەپ سىزنىڭ ھەقىقىي ئادەم بولىشىڭىزنى بەلگىلەيدىغان ئورۇن. ئۇ يەردە سىز نىشان بەلگىلەيسىز. ھايات يولىنى تاللايسىز. تۇرمۇشنىڭ سىزگە بولغان سىنىقى دەل مۇشۇ يەردىن باشلىنىدۇ. مەنمۇ ئىچكىرىدە ئوقۇۋاتقىلى 4يىل بولدى. تۇرمۇش ھەقىقەتەن سەل زېرىكىشلىك. گەرچە تۇرىۋاتقىنىم ھەممە ھەۋەس قىلىدىغان مەركىزىي شەھەر بولغىنى بىلەن سىز بۇ يەردە ئوبدانلا ياتسىرايسىز. لېكىن ئىچكىرىنىڭ مەن ھېس قىلغان بىر ياخشى تەرىپى سىزنى ھەقىقىي مۇستەقىللىق يولىغا باشلايدۇ. تۇرمۇشنىڭ بېسىمىنى، ۋەزىپىسىنى، ھايات يولىنى سىزگە بالدۇرراق بىلدۈرىدۇ.....

nim-japa

	ئالىي مەكتەپتە بىلىم ئالمىدىم ، راست ، ھېچقانداق بىلىم ئالماپتىمەن ،  ئالمىدىم ئەمەس ، ئالالماپتىمەن .  بىراق تۇرمۇش ئۆگەندىم ، ئۆگەتتى .  بىر ۋاقىتلاردا ئىسىت ئۆتۈپ كەتكەن 5 يىل ئۆمرۈم دەپ ئىچىم ئاغرىىيتتى .  بىراق ھازىر ئويلىسام شۇ تۇرمۇش ئۆگەنگىنىممۇ بوپتۇ .

faeza

	ھازىرقى ئالى مەكتەپلەر راستىنلا ئاشۇنداق بۇزۇلۇپ كەتتىمۇ ؟ مەن 95 - يىلدىن 2000 - يىلىغىچە ئالى مەكتەپتە ئوقۇغان . ئۇنداق ئويناپ ياتاققا كىرمەيدىغان ساناقلىقلا ئىدى . بولغاندىمۇ بەك ئاز ئىدى . دىبا دىگەنلەر ئانچە كۆپ ئەمەس ئىدى . بىز پەقەت مەكتەپ پۈتتۈرىدىغان ۋاقىتتا ئاشۇنداق يەرگە سىنىپتىكى ھەممىمىز بىر قېتىم كىرگەن . مانا ئەمدى مەن بىر ئانا بولدۇم . پۇل تېپىشنىڭ ئۇنچىۋالا ئاسان ئەمەسلىكىنى ، بىر ئاي قاتتىق ئىشلىسەك ئاران ئازغىنە مۇئاشىمىزنى ئالالايدىغانلىقىمىزنى بىلدىم . لېكىن ئالى مەكتەپتە ئاتا ئانىسىنىڭ پۇلىنى بىھۇدە خەجلەۋاتقان ئوقۇغۇچىلار مۇشۇنى ئويلىسا بۇلاتتى !

honzade

	ھەي... ئۆتۈپ كەتكەن بىھۇدە ئۆمۈرلەر! شۇنى ئۇنتۇماسلىقىمىز كېرەككى، بىھۇدە ئۆتكۈزۈۋەتكەن ھەرقانداق ۋاقىتنىڭ چوقۇم سورىقى كېلىدۇ!

ansar1013

	سىلەردەك ئالى مەكتەپتە ئۇقۇغانلارغۇ مەيلى ئۇنداق مەيلى مۇنداق ئىشلارنى ئەسلەپ تۇرىدىكەنسىلەر  لىكىن بىىزدەك ئۇقۇيالمىغانلار ئەسلەي دىسەكمۇ ئۇنداق ئەسلىمە يوق، بەك بىچارە ئىكەنمىز .

oguz2

	ansar1013 يوللىغان ۋاقتى  2012-2-9 06:57 PM سىلەردەك ئالى مەكتەپتە ئۇقۇغانلارغۇ مەيلى ئۇنداق مەيل ... ئۇنداق دىمەڭ قىرىندىشىم مەنمۇ بەزىدە نىمىشقىمۇ ئوقۇغاندىمەن،بۇيەردە ئوقۇغۇچە بىرەر ھۈنەر-كەسىپ بىلەن شۇغۇللانسام بولمامدۇ دەپ ئويلاپ قالىمەن،ھەممىمىزنىڭ مەقسىتى پەقەت بىرلا ئۇ بولسىمۇ پۇل تىپىش،ھايات كەچۈرۈش. چۈنكى قورسىقىمىز كۈندە 3قىتىم ئاچىدۇ ئەمەسمۇ؟!

musilina

	80-90-يىللاردا ئالىي مەكتەپتە ئوقۇغانلارنىڭ ئىنتايىن كۆپ قىسىملىرى  ھەقىقى بىلىم ئېلىش ئىستىكىدە ئوقۇغۇنلار ھەم پاك،ساپ ئوقۇغانلار دەپ ئويلايمەن...... ئۇ ۋاقىتلاردا  ئاتا -ئانىلار بىلەن پەرزەنتلەر،قىز -ئوغۇللار ئوتتۇرىسىدا  پەدە -شەپ،شەرمىي -ھايا بار ئىدى،كىشىلەر ئاقكۆڭۈل،مېھرىبان ئىدى،ھاياسىز ئىشلار كۆزگە چېلىقمايتتى....