ئۇ قىز ئۆلمىسە بولاتتى

pahtikar

	يانۋار ئايلىرى بىزنىڭ يۇرتتا ئىت ئۆلگىدەك قاتتىق سوغاق بولدى . ھەركىم بۇ سوغاقتا زۆرۈر ئىشى بولمىسا سىرتقا چىقىشتىن قاتتىق ئېھتىيات قىلدى. شۇنداق بولسىمۇ ئاتا-ئانىنىڭ بىپەرۋالىقى تۈپەيلىدىن ئەمدىلا تۆت ياشقا كىرگەن بىر قىز زامانىۋى ئوبۇرنى ، بىخەتەر قۇلۇپلۇق ئىشىك ، ئاتا -ئانىسىنىڭ بىپەرۋالىقى تۈپەيلىدىن توڭلاپ ئۆلۈپ نۇرغۇن كىشىنىڭ ئاچچىق ھەسرىتىنى ھەم ئېچىنىشىنى قوزغىدى . بۇ ئىشقا زادى نىمە سەۋەپ بولدى دەپ قارايسىز ، تۆۋەندىكى ۋەقەنىڭ ئەمىلىي ئەھۋالىغا قاراپ باھا بېرىشىڭىزنى ھەم قارىشىڭىزنى ئوتتۇرىغا قويۇپ بېقىشىڭىزنى ئۈمىت قىلمەن . 1- ئاينىڭ 23-كۈنى ناھىيىگە يېزىدىن بىر ئايال سەككىز ياشقا كىرگەن ، قىزىنى ئېلىپ تۇققىنىنىڭ ئۆيىگە پەتىلەپ كەلدى . تۇققىنى بۇ ئايالنى ئۆيىدە مېھمان قىلغاندىن سىرىت ، يەنە سوقۇما( سۈرلەنگەن گۆش) يىگۈزۈپ كېلىش ئۈچۈن يەنە بىر تونۇشىنىڭ ئۆيىگە باشلاپ كەتتى . ئىشىكى بىخەتەر ، ئىچىدە ئوبۇرنىسى بار ، پارلىق ئۆيدە راسا ئويناپ قانغان بۇ ئىككى نەپەر نارىسىدە قىز ئۇخلايدىغان ۋاقتى بولۇپ قالغانلىقىنى ھەمدە ئاتا-ئانىلىرىنىڭ تېخىچە قايتىپ كەلمىگەنلىكىنى كۆرۈپ ، تەرەت قىلىپ كىرىپ ياتماقچى بولدى .بىراق سەھرادىن كەلگەن قىز ئۆي ئىچىدىكى ئوبۇرنىغا تەرەت قىلىشقا كۆنمىگەچكە ، كىچىك قىز ھەر قانچە دىسىمۇ تالاغا تەرەت قىلىمەن دەپ ئۇنىمىدى ،شۇنىڭ بىلەن ئىككىسى تالاغا چىقتى ،ئەپسۇس بىخەتەر ئىشىك قۇلۇپلىنىپ قېلىپ ئۇلار قايتا ئۆيگە كىرەلمىدى. يىغلىدى قاقشىدى ،ئەمما ئۇلارنىڭ ئاچچىق نالىسىنى ھېچكىم ئاڭلىيالمىدى. ئاتا-ئانا بولغۇچى قورساقنى راسا تويغۇزۇپ ، ئويۇن تاماشىغا قېنىپ ئۆيگە كەلگىنىدە كۆرگىنى زەھەردەك سوغۇقتا مۇزلاپ ئۆلگەن ئۆي ئىگىسىنىڭ قىزى بىلەن جېنى تۇمشۇقىغا كېلىپ قالغان ھۇشسىز يېزىلىق قىز بولدى.بۇنىڭدىن كېيىنكى ئىشلارغا ئاتا- ئانا بولغۇچىنىڭ قانچىلىك ھەسرەت نادامەتتە قالغانلىقىغا نىسبەتەن مەن يەنە سۆزلەپ ئولتۇرمىساممۇ بولىدۇ.بولغان ئەھۋال مۇشۇ . تورداشلارنىڭ دىققەت قىلىشىنى سوراپ ئىبرەت سۈپىتىدە ھەقىقىي ۋەقەنى يېزىپ قويدۇم

كارۋان

	ئېلىپ كەتسىغۇ بولاتتى كىچىك باللارنىمۇ ئۆيدە يالغۇز قۇيامدۇ.بۇ قىزنىڭ يەيدىغان رىزقى شۇنچىلىك ئوخشايدۇ.

yawayi-0998

	ئاللا ئاللا... ما ئىشنى كۈرۈڭ... باشقا بىر يەرگە  بىرىۋالسىمۇ بوپتىكەن... قازا دىگەنغۇ مۇشۇنداق كىلىدۇ... بىر ساۋاق ئىلىش ئۈچۈن بىر جان كىتىپتۇ دىسە...

yarun222

	ئەجەل ھەرخىل سەۋەپلەر بىلەن كىلىدۇ ، ئەلەكمىۇللا .

musilina

	بىرسى ئەمدىلا  سەككىز ياشقا ،يەنە بىرسى تۆت ياشقا كىرگەن ئىككى نارسىدىنى ئۆيگە قويۇپ قويغۇچە، بىرگە ئېلىپ كەتكەن بولسىمۇ بۇ پاجئىە  يۈز بەرمىگەن بولاتتى.،...... اللاھتىن كەلگەن قازاغا بەندىنىڭ ئامالى يوق..

مۇسلىم!

	بىرىنجىدىن ئاللەھقا ياراپتۇ . ئىككىنجىدىن رىزقى شۇنچىلىك پەقەت شۇ ئىشلا شۇ ئانا  سەۋەپكار خالاس بۇنداق قىلسام مۇنداق بۇلاتتى دىيىش ياخشى ئش ئەمەس ھەممە ئىش اللەھنىڭ ئۇرۇنلاشتۇرۇشى بىلەنلا بۇلىدۇ خالاس بۇنى ھەرقانداق بىر مەۋجۇداد ئۆزگەرتەلمەيدۇ . بۇنىڭغا پەقەت اللەھتىن سەۋىر تىلەش كىرەك . يەنە اللەھنىڭ ئۆزىگە مۇشۇنچىلىك ئېغىر سىناقلارنى قۇيۇشىغا مۇيەسسەر بۇلالىغىنىدىن اللەھقا تەشەككۈرلەر ئېيتىش كىرەك ..

awatbag

	بالىلىرىنى يالغۇز تاشلاپ قويۇپ ئوينىغىلى چىقىدىغان ئاتا ئانىلارئېبرەت ئېلىڭلار مۇ شۇ ئىشتىن....:qiray3

wahxi

	ئەتراپىدا قوشنىلىرى يوقمىدۇ؟ مۇشۇ بالىلار توڭلىغاندىن باشلاپ ئۆلۈپ كەتكىچە خېلى ئۇزاق ۋاقت كەتكەندۇ؟ بىرەر ئادەممۇ دىققەت قىلمىغانمىدۇ؟ .... ھازىرقى قوشنىدارچىلىقمۇ بۇرۇنقىدەك ئەمەس. بولۇپمۇ شەھەردە كىشىلەر قوشنىسى بىلەن تونۇشماي ياشايدۇ. ما يېزىدا بولسا بىر مەھەللىدىكى، ھەتتا بىر يۇرتتىكى ھەممە ئادەم بىر-بىرىنى تونۇيدۇ.

كارۋان

	تېمىنىڭ ماۋزۇسىنى ئۆزگەرتىشنى تەلەپ قىلىمەن.

tanha001

	ئۇنىمۇ  دەيىمىز   بۇنىمۇ دەيىمىز ` ئەجەل شۇنداق  ئاللا   شۇ   نارسىىدىىلاغا  جەننەت  ئاتا قىلسۇن