ئاتام قېنى؟

zulayha

	كۆزلۈرۈمنىڭ نۇرى جان ئاتا، ھاياتىمدا سەن بولساڭ ئىدى. مىھىرلىرىم ئىچرە مەن ئەتكەن، تامىقىمنى بىر يىسەڭ ئىدى. ئامراق ئىدىڭ سەن نارىن چۆپكە، ئېتىپ بەرسەم بىر كەلسەڭ ئىدى. <قىزىم ھەجەپ ئوخشار تامىقىڭ>، دىگەن سۆزۈڭ، ئاڭلىسام ئىدى. ~ بوسۇغاڭدىن ئاتلاپ كىرسەممەن، <كەلگىن قىزىم- كەل >دىسەڭ ئىدى. ۋۇجۇدۇمدا قاترىدى بىر سۆز، <دادا -!>دىسەم بىر كۈلسەڭ ئىدى. دادا،دىسە بىراۋ جان دادا؛ يىغلاپ قالدىم ئاغزىم ئۆمەللەپ. قانىتىممۇ راس سۇنۇپ قاپتۇ، كۈلەلمىدىم جان دادا ئۈنلەپ. ~ ياتقان جايىڭ جەننەتتىن بولسۇن، دۇئالىرىم ساڭا يار بولسۇن. مەھشەر كۈنى مىھرىبان دادا، نۇرلۇق يۈزۈڭ كۆزۈمدە بولسۇن . ~ چۈشلىرىمگە كىرگىنە دادا، چاقىرۋالاي سېنى نەچچە رەت. كۈندە كىرىپ چۈشۈمگە دادا، تىللىساڭمۇ مەيلى بىلىپ يەت. قەلىمىم.

赛乃木江

	بەك بەك ياخشى چىقىپتۇ زۇلەيخا بۇ شېئىرىڭىز ،رەسىملەرنىڭ كىرشتۈرىلىشى ئاندىن . ئاپام بىلەن دادامنى شۇنداق سېغىندىم ،تېلېفۇن ئۇرۇپ بىر قېنىۋالاي ھە !رگھمگـ سخزەگ

xaydajan

	«ئەرلەر يىغلىمايدۇ» دەپ كىم ئېيتىپتۇ!؟ كۆڭلۈم  بۇزۇلدىغۇ مېنىڭ. تۇرمۇشقا يېقىن، تەسىرلىك يېزىپسىز. ئاددى سۆزلەردىمۇ يۈرەكنى ئەزگۈدەك مەنە بار. ناخشا بىلەن شېئىر تەبىئىي كىرىشىپ، ئادەمنى تېخىمۇ مۇڭلاندۇرىدىكەن. زۇلايخا، ئەگەر بۇ راستىنلا سىزنىڭ كەچۈرمىشىڭىز بولسا، قەيسەر بولۇڭ. ھايات شۇنداق ئىكەن، بىز ئۇنىڭغا قانداق مۇئامىلە قىلىشنى ئۆگىنىۋېلىشىمىز كېرەك. بىز ئاتا - ئانىمىز ھايات چېغىدا ئۇلارنىڭ قەدرىگە يېتەيلى. قولىغا قول، پۇتىغا پۇت بولايلى.

0000bahar

	چۈشلىرىمگە كىرىپسەن دادا، ماڭا دوپپا تەڭلەپ تۇرۇپسەن. ئاشۇ گۈلگۈن نۇرلۇق چىرايىڭ، قۇياش كەبى پارلاپ تۇرۇپتۇ. ئالغىن قىزىم بۇ مېنىڭ دوپپام، ساڭا بېرەي ساقلاپ قوي دەپسەن. دوپپا ئۈسۈن سۇنغان قوللىرىم، ئويغانساملا قۇرۇق تۇرۇپتۇ. ياتقان يېرىڭ جەننەت بولسۇن دەپ، دۇئالارنى يوللىدىم دادا. كۆز ياشلىرىم سەل بولۇپ ئاقتى، جۇدالىقتا قالدىم مەن مانا. ساناپ باقسام تۆتيۈز سەكسەن كۈن، بولۇپ قاپتۇ ساڭا كەتكىلى. بەش پەرزەنتىڭ ھەسرەت چېكىپتۇ، كېچە -كۈندۇز، سەھەر ئاخشىمى. زۈلۈيئاي، ئەتتىگەندە كۆزلىرىمدىن ئاچچىق ياشلارنى  چىقىرىۋەتتىڭىز. قەداردانلارنى ئەسلەش، سېغىنىش ھەسرەتلىك ۋە بەكمۇ شىرىن .

musilina

	ئۆلۈم ھەممە ئىنساننىڭ بېشىدا بار ئىكەن تىرىكلەر ئۆلۈپ كەتكەنلەرنى ياد ئېتىپ يىغلايدىكەنمىز،قاخشايدىكەنمىز،جاھان دېگەن شۇ ئىكەن....   تەسىرلىك بولغان شېئىر مەزمۇنى بىلەن مۇڭلۇق  ناخشا يۈرىكمنى ئەزدى،اللاھتىن سىزگە سەبرى تىلەيمەن ئاتىڭىزنىڭ ياتقان يېرى جەننەتتە بولسۇن...... ئاتا- ئانامنىڭ تىرىكىلىكىدە ئۇلارنىڭ دۇئاسىنى ئېلىش ئۈچۈن تېخىمۇ تىرىشاي،اللاھتىن مېھرىبان ئاتا -ئانامغا ئۇزۇن ئۆمۈر،سالامەتلىك تىلەيمەن.........

wenas

	ئۆلۈم ھەممە ئىنساننىڭ بېشىدا بار ئىكەن تىرىكلەر ئۆلۈپ كەتكەنلەرنى ياد ئېتىپ يىغلايدىكەنمىز،قاخشايدىكەنمىز،جاھان دېگەن شۇ ئىكەن....... قەدىردانلىرىمىزنىڭ ياتقان يېرى جەننەتتە بولغاي!!!

كارۋان

	ئاتام  چۈشۈمگە تولا كىردىغان بولۇپ قالدى مۇشۇ كۈنلەردە.ماۋۇ ئەسەرنى ئوقۇپ ئاتامغا بولغان سېغىنىشلىرىم تېخىمۇ يۇقرى چەككە يەتتى.خۇدا خالىسا يازدا بىر بېرىپ كىلىمەن.اللا ئاتامنىڭ تىنىنى سالامەت قىلغايسەن~ يوللىغان تېمىڭىزغا تەشەككۈر.

灰狼829

	بۇ شئېرىڭىزغا ئاستىدىكى ناخشا بەك ماس كەپتۇ، رەھمەت سىزگە كىرىشتۈمە رەسىمەلەرنى ئۆزىڭىز ئىشلىگەنمۇ؟

ماياك

	بولۇپما ئاتا بولغۇچى قىزىغا بەكلا ئامراق بولۇدىكەن ، ناخشىمۇ بەكلا تەسىرلىك ھەم مۇڭلۇقكەن .