خانىم - قىزلىرىمىز توغۇرلۇق قىممەتلىق ماقال تەمسىللەر

yalkun085

	بۇرۇن ئەجداتلىرىمىز، خانىم - قىزلىرىمىز توغۇرلۇق قىممەتلىق ماقال تەمسىللەرنى ئوتتۇرغا قويغان .   شۇ ئارقىلىق خانىم قىزلىرىمىزنى تەربىيەلىگەن .ئاياللارنىڭ ئائىلىدىكى رولىنى مۇئايەنلەشتۈرگەن  . مەن بۇ ھەقتە ئىزدىنىپ تۆۋەندىكى ماقال تەمسىللەرنى سىلەرگە سۇندۇم . 1.     ئاياللارنىڭ مۇھىم ئورنىنى ئىپادىلىگەن كۆز قاراشلار ؛   ‹‹  تىرىكچىلىكنىڭ بەركىتى ياخشى خۇتۇن بىلەن ›،  .  ‹‹ ياخشى خۇتۇن ئەرگە دۆلەت ›› .  ‹‹ئەرنى ئەر قىلغانمۇ خۇتۇن ، يەر قىلغانمۇ خۇتۇن ›› . ‹‹ خۇتۇن يوقنىڭ خۇنى يوق ›› .  ‹‹ ياخشى خۇتۇن يامان ئەرنى ئەر قىلار ، يامان خۇتۇن ياخشى ئەرنى يەر قىلار ›› .     ‹‹ ئاتاڭنىڭ باغ ھويلىسى بىلەن قالغۇچە ، ئاناڭنەڭ پىلتە سىۋىتى بىلەن قال ›› .  ‹‹ ئوغاق تۇتۇپ ئاتاڭ قالغىچە ، ئويماق تۇتۇپ ئاناڭ قالسۇن ›› .  ‹‹ ئۆيۇڭنى گۈل قىلغانمۇ خۇتۇن ، كۈل قىلغانمۇ خۇتۇن .›› .  ‹‹  ئالتۇن باش ئاتاڭ بىلەن قالغۇچە ، پاخما باش ئانال بىلەن قال ›› .  ‹‹  ئايال كىشى ئۆينىڭ زىننىتى ›› .‹‹  تالادىكى ئاي جامالدىن،  ئۆيۈڭدىكى ھەلىمە پاخپاق ياخشى ›› .   ‹‹ ئۆينىڭ بەركىتى خۇتۇندىن ›› .   ‹‹ ياخشى خۇتۇن ئەرنى تۈزەيدۇ ››. 2.  ئاياللارنىڭ ئائىلىدە پاسسىپ ئىدىيېسىدىكى كۆز قاراشلار . ‹‹ خۇتۇن كىشى تۆت تامنىڭ قۇلى ›› . ‹‹ خۇتۇن كىشىنىڭ چىچى ئۇزۇن ئەقلى قىسقا ›› . ‹‹ خۇتۇن كىشىنىڭ ھېلىسى قىرىق ئىشەككە يۈك ›› . ‹‹ خۇتۇنغا ئىشەنمە قۇمۇشقا يۈلەنمە  ›› . ‹‹ خۇتۇن ئالساڭ بايدىن ئال  پۇلۇڭغا پۇل قۇشۇلار ، يەر ئالساڭ سايدىن ئال يېرىڭغا يەر قۇشۇلار ›› . ‹‹ ئىت ۋاپا ، خۇتۇن جاپا ›› . ‹‹بىشەم خۇتۇن بەش كۈلۈك ، بىزەڭ يولداش بىر كۈنلۈك›› . ‹‹ ئات ئالساڭ ئاي كېڭەش ، خۇتۇن ئالساڭ يىل كېڭەش ›› . ‹‹ قىز ئال توي قىلغان يەردىن ، بىر ئۆي ئال ئۆي قىلغان يەردىن ››. ‹‹  خېنىمنىڭ قېشىغا قارىماي . جىسمىنىڭ ئىچىگە قارا ›› . ‹‹ ئىشچان خۇتۇن  سەھەر تۇرۇپ چىچىنى تارايدۇ ، ھورۇن خۇتۇن ۋاخچە قوپۇپ كۇلۇڭنى كولايدۇ ›› . ‹‹ پالاكەت خۇتۇن ئولتۇرسا ئۇچاق ئۆرۇيدۇ ، قوپسا مورىنى ›› . ‹‹ بۇ خېنىملىڭ  ئۇزلىقى ، ئاپتاپتا قاپتۇ تۇزلىقى ›› . ‹‹ چېچەن خۇتۇننى ئۇچاق بېشىدا سىنا ›› . ‹‹ ئاشنى بۇزۇپ ئۇماچ قىلدى ، ناننى بۇزۇپ كۈمەچ قىلدى ›› . ‹‹ بەرمەسنىڭ ئىشى پىشماس ، بەرمەسنىڭ قازان بىشىدىن چۈشمەس ›› . ‹‹ ئېرىڭدىن يامانلىغىچە ،ئەيىپىڭدىن يامانلا ›› ‹‹ خۇيى بار قىز ئۆي تۇتالماس ›› . ‹‹ ئۆي تۇتماس خۇتۇننىڭ جىدىلى تولا ›› . ‹‹ ئاختامنىڭ چالمىسى يامان ، خۇتۇننىڭ لالمىسى ››.‹‹ خېنىمنىڭ قېشىغا قارىماي ، تاۋىقىنىڭ تېشىغا قارا ›› . ‹‹ سارىخان ئاچام ئۆيدە ،  ئەخلەت كۈلى تۆردە ›› . 3. قىزلار توغۇرلۇق كۆزقاراشلار . ‹‹ قىزنىڭ ياخشىسى كېلىن بولغاندا ›› . ‹‹ كىلىڭنى كەلگەندە كۆر ،  پۆكنى كېيگەندە كۆر ›› . ‹‹كېلىن بولسىڭىز كېلىڭ ، بولمىسىڭىز كېتىڭ ›› . ‹‹ ئاتىسى ئۇرۇشقاقنىڭ ئوغلى ئۇرۇشقاق ، ئانىسى ئۇرۇشقاقنىڭ قىزى ئۇرۇشقاق ›› . ‹‹ قىزنىڭ تەربىيېسى باشتا قاتتىق بولسا ، كەينى تاتلىق بۇلىدۇ ›› . ‹‹ كالاڭغا كۆڭۈل بۆلگىچە،  قىزىڭغا كۆڭۈل بۆل ›› . ‹‹ ئەركە بالا جانغا جازا ،چوڭ بولغاندا بالا قازا ›› ‹‹ئانىسى ماختىغان قىزنى ئالماي ، خوشنىسى مخىتىغان قىزنى ئال›› .‹‹ چىرايلىق يۈزدە ئەمەس سۆزدە ›› . مەنبە:ماقال تەمسىللەردىن

rizwangul0995

	ئاتسى بار كۇل يىتىم ، ئانسى بار گۈل يىتىم .

gulmira56

	ھەقىقەتەنمۇ بىلىۋېلىشكە تېگىشلىك ئىكەن. رەھمەت سىزگە،.

zvmrat

	بىلىۋىلىشقا تېگىشلىك ماقا-تەمسىللەر ئىكەن ،مەن ساقلىۋالدىم . ئەجىرىڭىزگە كۆپ تەشەككۈر .......ھارمىغايسىز.

arka-kiz

	ئايال كۈنلىسە ئۆي بۇزۇلىدۇ، ئەر كۈنلىسە ئۆي تۈزۈلىدۇ.

ziliyim

	رەخمەت .ھارمايغايسىز

azizgul

	خانىم - قىزلار توغرلۇق  ماقال - تەمسىللەرمۇ كۆپكەن ،  رەھمەت !

munqak

	ئەھمىيەتلىك تېما يوللاپسىز..........ھەممىسىنى ساقلىۋالدىم....سىزگە كۆپتىن كۆپ رەھمەت..:qiray4

ئۆل

	مەنمۇ  دەپ قوياي دىسەم ھىچ تاپالمايمەنغۇ ؟:qiray1 ھە! قىزىنى بۇزغان ئانسى ...قىز ئالساڭ ئانسغا قاراپ ئال ......:qiray13

aman-yaman

	ئايال ھايالىق بولسا نىمىدىگەن ياخشى-ھە!؟