ئەركەكلەرگە: سىز كۈيئوغۇل بولدىڭىز

tarsayi

	تويىڭىز بولدى، يەلكىڭىزگە قويۇلغان بۇ يۈك _ ئائىلە، بۇ يۈز ئار ۋە يۈز  كار دېمەكتۇر. بىر تەرەپكە قارىسىڭىز _سۆيۈملۈك جۈپتىڭىز، سىزنى ئۆمۈرلىرىدىن ئۈزۈپ ياسىغان ئاتا-ئانىڭىز، يەنە بىر تەرەپتە قېرىنداشلار، سىز ئۈچۈن ئۆيلەر سېلىنىدى، پۇللار سەرپلەندى، ئاتا-ئانىڭىز سىز تۈپەيلى كېلىنلىك بولدى. ئۇلار ئۈچۈن سىز بۈگۈندىن باشلاپ <<چوڭ>> بولۇپ قالدىڭىز. بۇ <<چوڭ>> بولۇشىڭىزنى ئۇلار تۇغۇلغان كۈنىڭىزدىن باشلاپ تاكى تويىڭىزغىچە كۈتتى. ئۇلارنىڭ سىزگە ئاتالغان دۇئالىرىنى كىتاب قىلسا بولىدۇ. ئۇ دۇئالار ئاتا-ئانىڭىز نەزىرىدە تويىڭىزدىن باشلاپلا ئىجابەت بولىدىغاندەك تۇيۇلۇۋېرىدۇ. ئەتراپتىكىلەر سىزنى جىددىي كۆزىتىشكە باشلايدۇ. ھەربىر ھەرىكىتىڭىزنى تارازىغا سالىدۇ، بىراق، سىز ئانچە زېرەك ئەمەسسىز؛ ئاتا-ئانامنىڭ كىچىك بالىسىمەن، ئۇلار مېنىڭ ھەممە ئېغىرلقىمنى كۆتۈرۋېرىدۇ، دەپ ئويلايسىز، تويىڭىزغىچە قانداق ياشىغان بولسىڭىز، تويدىن كېيىنمۇ يەنە شۇنداق ئۆتۈۋېرىسىز، ئوغۇللىقىڭىزغا دەز كېتىش شۇنىڭدىن باشلىندۇ.      ئاتا-ئانا ئۆيلىنىپ <<چوڭ بولۇپ>> قالغان بالىسىدىن چوڭلار كۈتىدىغان ۋاپانى كۈتىدۇ. كىچىككىنە گېپىڭىز ئېغىر بىلىنىپ، ئازراقلا ئىشىڭىزدىن رەنجىيدىغان بولۇپ قالىدۇ، بۇنىڭ ئۆستىگە سىزدىكى جىمى سەلبى جەھەتلەرنى (بۇرۇندىن باشلاپ شۇنداق بولسىڭىزمۇ) كېلىنىدىن كۆرۈشكە باشلايدۇ، كۆرىسىزكى، بىگۇناھ كېلىنمۇ خۇنۇك كۆرىنىدۇ، بۇ سەتىرلەرنى ئوقۇپ، سىز ناچار ئاتا-ئانىلار ھەققىدە يېزىپىسز، دېيىشسىڭىز مۇمكىن. ياق، ئەسلا ئۇنداق ئەمەس. ئوغۇل-قىزى تۇرمۇش قۇرغان ئاتا-ئانىلارنىڭ ھەممىسى شۇ تەرزدە نازۇكلىشىپ قالىدۇ. بۇ تەبئىي ھالدۇر! يەنە قىزىقى شۇكى، كېلىننى ئۆز قىزىدەك ئاۋايلىغان قېيىنئانىمۇ كۆڭلىنىڭ بىر تەرىپىدە ئۇنىڭىدىن ئىمتىھان ئېلىپ تۇرىدۇ، ئەگەر ئاتا-ئانىڭىز ئارزۇ قىلغاندەك، بىردىنلا ياخشى تەرەپكە ئۆزگىرىشىگە باشلىسىڭىز، ھەرگىزمۇ بۇ ھالەتكە كېلىننىڭمۇ تەسىرى بولغاندۇر، دېمەيدۇ، پەقەت ئۆزىڭىزدىن مەمنۇن بولۇشىۋېرىدۇ، بۇنىمۇ ئۇلارنىڭ پەرزەنتىگە بولغان مۇھەببىتى، دەپ چۈشەنمەك كېرەكتۇر.      ئوغلانىم، كۆكسىمىزدە ئۇرۇپ تۇرغان يۈرەك ئۈچۈن، بۇ يورۇق دۇنيانى كۆرۈپ تۇرغان كۆزىمىز، تۇتۇپ تۇرغان قولىمىز ۋە بېسىپ بېرىۋاتقان ئاياغلىرىمىز ئۈچۈن ئاتا-ئانىمىز ئالدىدا قەرزدارمىز. تەقدىرىمىز ئۈچۈن ئۇلارنىڭ قوشقان ھەسىسى بىباھادۇر، ئۆزىمىزنى ۋە جۈپتىمىزنى قويۇپ تۇرۇڭ، بالىچاقىمىزدىنمۇ ئاۋۋال شۇلارنىڭ ئالدىدىكى بۇرچىمىز موھىمىدۇر. ئۇلار ئەڭ قىممەتلىك ئامانەت، قولدىن كېتىشكە ئاز قالغان نېمەتلىرىمىزدۇر، ئەگەر ئۇلارنى رازاى قىلىشقا ئۈلگۈرەلمەس ئىكەنمىز، ئۆمرىمىز ئاچچىق كۆرگۈلۈكلەردىن خالىي بولمىغاي.      توغرىسىنى ئېيتقاندا، ئادەم قېرىغانسىرى يا ئەسەبى، يا تىلى ئاچچىقلىشىدۇ، يا ساقلىقى غايىب بولىدۇ، بۇنداق ئادەملەردىن ھەر دائىم ھەم كۆڭۈلدىكىدەك مۇئامىلىنى كۈتكىلى بولمايدۇ، شۇنداق بولغاچقا دوست-يارانلار، قولۇم-قوشنىلارمۇ ئۇنىڭدىن يىراقلىشىشى مۇمكىن. پەقەت پەرزەنتلا بەزمەسلىكى شەرت! مانا شۇنداق پەيىتتە بىزگە سەۋر، ئۇلارغا بولسا مېھىر، ئىتىبار-غايەت كېرەكتۇر. شۇڭا ئوغلانىم، ئائىلىك بولغاندا ئەڭ موھىمى مۇشۇ ھەقتە كۆپرەك ئويلاڭ ۋە ئىشىنڭكى، سىز بىلەن ئاتا-ئانىڭىز ئارىسدا قانداق ئىقلىم بولغان بولسا، ئەتىگە سىز بىلەن بالىڭىز ئوتتۇرىسىدىمۇ شۇ تەكرار بولغۇسىدۇر.       سىز شۇنداق قىلىشقا ئۈگىنىڭكى، ئاتا-ئانىڭىز سىزگە ماسلىشىپ مۇئامىلە قىلمسۇن، سىز ئۇلارغا ماسلىشىڭ، ماسلىشىش ياشلارغا ئاساندۇر. قېرىلارنىڭ شۇ تۇرۇشى ھاياتنىڭ مىڭبىر چىغرىقىدىن ئۆتكەن ھالەتتۇر. سىز ئۆزىڭىزنى شۇنداق تۇتۇڭكى، بالام ھەممە ئېتىبارىنى ماڭا قارىتىۋېتىپتۇ، دەپ ئىشەنسۇن، سىز شۇنداق كۆرۈنۈڭكى، بالىمىز بىزدىن ھېچنەرسىنى ئايىمايدۇ، دەپ بىلسۇن.      سىز ئۇلارغا شۇنداق مېھىرىبان بولۇڭكى، ئۇلار شۇنداق قابىل بالىمىزنىڭ دىلىنى ئاغرىتىپ قويمايلى، دەپ ئۆزلرىنى قائىدىگە سېلىشقا ئۇرۇنۇپ تۇرسۇن.....      ماغدۇرىدىن كەتكەن، بىمار ئاتا-ئانىنى كۆز ئالدىدا پەرۋىشلەشنى بىلگەن پەرزەنت ھەققىي پەرزەنتتۇر. تەڭرىم ئۇنىڭ ئۆزىگىمۇ شۇنداق سالىھ پەرزەنتلەرنى ئاتا قىلغۇسىدۇر.                                 تۇرسۇنئاي سادىقۇۋا                                                          ------------<<ياشاش تىلسىمى>>دىن

XERHAN

	مىنى ھىچ بىرەرسى كۈيئوغۇل قىلاي دىمەيدا ؟.....   ئومدان بىر قېينئانامنىڭ بولىشىنى تىلىگىلى نىۋاخ ؟

aynurr

	كىلن بولماق تەس ئوخشايدۇ .ئوغلى ياخشى بولسا ئۇزىدىن ،ناچار بولسا كىلىندىن كورىدىكەن.   بۇمۇ بىر ئەمىليەت.

yikqi

	بەكمۇ كۈيۈئوغول بولغۇم بار ،بۇمۇ تەس ئوخشىمامدا

كارۋان

	قېين ئاتا-قېين ئانڭىزنى ھۈرمەتلەڭ چۈنكى سىزمۇ بىر كۈنى قېيىن ئاتا- قېيىن ئانا بولىسز.

yawayi-0998

	ئاللاھتىن  مۇسلىمە بىر ئايالنىڭ يولدىشى بولۇشنى . كۈيۈمچان بىر ئانىنىڭ كۇيئوغۇل بولىشىنى  ئۇلۇغ ئاللاھتىن تىلەپ سەۋەبىنى قىلساق مۇرادىمىزغا يەتكۇزە ...

alemdarapandem

	تۇققانغان كۈيئوغۇل بولغاندىنمۇ نازۇك  ئىش بارمىدۇ؟.......................................

arka-kiz

	XERHAN يوللىغان ۋاقتى  2012-1-31 12:22 PM مىنى ھىچ بىرەرسى كۈيئوغۇل قىلاي دىمەيدا ؟.....   ئومدان  ... ئالدىرماڭ، ھەممە ئىشنىڭ ۋاقىت-سائىتى بار.

allabir520

	:qiray18

joda☠

	خۇتۇن ئالساڭ ،ئانىسىنى ئال .  مۇشتاق بىر گەپ بۇلدىغان :qiray13