ئەركەكلەرگە: ھەزرىتى ئەركەك

tarsayi

	ئوغۇل پەرزەنت ئاتا-ئانا ئۈچۈن ئەمەلگە ئاشقان ئارزۇ، يۈرەك پۈتۈنلۈكىدۇر، جان كۈشەندىسىمۇ، مال كۈشەندىسىمۇ ئوغۇل بار ئۆيدىن ھېيىقىدۇ. ئوغۇل كۆرمىدىم، دەپ بەخىتلىك ئائىلدىن ئايرىلىپ كەتكەنلەر بار. بۇ ئارمانلىرىنى ئىچىگە يۇتۇپ، ئۆمۈر بويى يۈرەكلىرى يىغلاپ يۈرگەنلەر تالاي! ئەمما ناقابىل ئوغۇللارنىڭ دەستىدىن پۇشايمان بىلەن ئۆتۈۋاتقانلار، ئۇلار تۈپەيلىدىن تەقدىرى خانىۋەيران بولغانلارمۇ تالاي! توغرىسنى ئېيتىقاندا، بۈگۈنكى يىگىتلەردىن كۆڭلىمىز ئازراقمۇ تويمايدۇ. ئوغۇل بالىسى بارلارنىڭ كۆڭلىدە بىر تەسەللى بار-ئەمدى مېنى بىمىننەت باقىدىغىنىم بار، دەيدۇ. دەرۋەقە، كىشى قېرىغاندا گۆدەك سۈپەت بولۇپ، كىمگدۇر سۆيۈنۈپ قالاركەن. ئوغلى يوقلار بولسا گويا ئۆزىنى يېتىمسىرىغاندەك ھېس قىلاركەن. بىر قىز ئون ئوغۇلنىڭ مۇرۇۋۋىتىنى كۆرسەتسىمۇ، ئوغلۇم يوق دەپ، ئاتا-ئانىنىڭ كۆڭلى يېرىم كېتىۋىرىدۇ... ئاتا-ئانامنىڭ ماڭا قەدەر ۋە مەندىن كېيىن تۇغۇلغان ئالتە پەرزەنتى ئالەمدىن ئۆتكەن. ئاتام ئەللىك سەككىز ۋە ئاتمىش يېشىدا، ئانام قىرىق ئۈچ ۋە قىرىق بەش يېشىدا ئىككى ئوغۇل پەرزەنتلىك بولغان ۋە مىڭ شۈكۈركى، ئۇلار تىرىك قالدى، ئۇكىلىرىم ۋايىغا يېتىپ ئۆيلىنىدىغان چاغدا ئاتام سەكسەن، ئانام يەتمىشكە يېتىپ قالدى. چوڭ پەرزەنت بولغىنىم ئۈچۈن ئۇلارنى ئۆيلەپ-جايلاپ قويۇش مېنىڭ بۇرچۇم ئىدى. بۇ مەن ئۈچۈن ھەرگىز مالاللىق ئەمەس، ئەكسچە چەكسىز پەخىرلىك ۋە تاتلىق بىر تەشۋىش ئىدى. ئاتا-ئانامنىڭ خۇرسەن قىلىشنىڭ، پەرزەنتى سۈپىتىدە بوي كۆرسىتىشنىڭ يېگانە يولى شۇ بولۇپ تۇيۇلاتتى. بىرىنچى ئۇكامدىغۇ تويغا ئاتاپ نېمە تاپسام بىردىن-يېرىمدىن توشۇپ، ئانامنىڭ ساندۇقىغا تاشلاۋەردىم، ئىككىنچىسىگە كەلگەندە كۆڭلۈمگە ئازغۇنلۇق چۈشتى-قىلغان ئىشلىرىمىنى ئاشكارا كۆرسەتكۇم كېلىپ قالدى. يىغقان نەرسىلىرىمىنى تويغا يېقىن قالغاندىلا ئۈچ چوڭ تۈگۈنگە جايلاپ ئېلىپ باردىم، ئاتام بىلەن ئانامنى تۆردە سالاملىرىمنىڭ ھەربىرىنى نامى بىلەن ئېيتىپ ئالدىدا يېيىپ تاشلىدىم، مەن ئويلايتىتمكى، خۇرسەنچىلىكتىن يىغلاشقا باشلايدۇ، ئاتام مەمنۇن بولۇپ دۇئا قىلىدۇ... ياق، ئۇنداق بولمىدى، شۇ قەدەر ئوچۇق-يورۇق، شۇنداق سۆزمەن ئانام ئىچىگە تىنىپ قالدى. دادام تامغا يۆلەنگەن پېتى تىزىنى قۇچاقلىغىنچە ئويغا پاتتى، شۇ كۈندىن باشلاپ ئانامنىڭ گاھى ئايۋان قىرغىقىدا، گاھى جايناماز ئۆستىدە بىر نوقتىغا تىكىلگىنچە ئولتۇرۇپ قالغانلقىنى كۆرۈپ قالدىم، بۇرۇنقى چاغلاردا بىر تال رومال سوۋغا قىلساممۇ، كۆرۈنگەنلا قوشنىلارغا بالام ئېلىپ كەلدى، دەپ ماختىىندىغان ئانام شۇنچە نەرسە ھەققىدە ھېچكىمگە لام-جىم دېمىدى. مەن بولسام رەنجىپ يۈردۈم(گۇمراھلىقتە!). << بىر قېتىم بولسىمۇ <رەھمەت بالام > دېيىشمىدى دېسەم>> دەپ ئىچىم يىغىلىدى، ۋا دەرىخ! مانا ئەمدى چوڭايغان يېشىم بىلەن، يۈرەككە تولغان ئارمان تېشى بىلەن، ئاشۇ توينى ئىزتىراپ ئىچىدە ئەسلەيمەن. ئۆز ھويلىسىدا توي بولۇۋېتىپتۇ-يۇ، دادامنىڭ كەيىپىياتى غەمكىغىنە، پەقەت چەتتىغىنا تۇرۇپ كەلگەن-كەتكەنلەرنى كۈتۈپ-ئۇزىتىپ تۇرار، كۆزلىرىمدە بولسا ئالەمچە مۇڭ... بۇ ھالەتنى ئىختىيارسىز ئۇكىلىرىمنىڭ ياشلىقىدىكى سۈننەت تويىغا قىياسلايمەن، بۇ دادامنىڭ ئىشلەپ پۇل تېپىپ يۈرگەن ۋاقىتىلرى ئىدى، شۇ چاغدا دادام ھويلىمىزدا شۈنچە جانلىق يۈرەر، ئەمىر-پەرمان بىلەن دوست-يارەنلىرىنى تۈرلۈك ئىشلارغا ئۈندەپ، باشچىلىق قىلار ئىدى. ماۋۇ تۇرۇشىچۇ؟ ئاھ،دادام! مازارلارغا چىراق يېقىپ، گىريان بولۇپ ئوغۇل تاپساممۇ، ئەمما شاراقلىتىپ پۇل ساناپ تويىىنى ئۆزۈم قىلالمىسام-ھە، دەپ سىنىدىڭىزمۇ؟ ئاشۇنداق؟ يا نېمىشقا چوڭ پەرزەنتىم ئوغۇل بولمىدى، تىلەپ ئاران يەتكەن تويۇمنى كۈيۈئوغلۇمنىڭ قولىغا قاراتتىمۇ ئەمدى، دەپ ئىچىڭىزگە تىنىپ قالدىڭىزمۇ؟ ئاھ، دادام...! شۇنىڭدىن كېيىن مەيلى قانچىلىك مۇرۇۋۋەت قىلماي، دادام مەمنۇن بولۇشقا ئىنتىلەتتى-يۇ، بەرىبىر، چاراقلاپ ئىچىلىپ كەتمەيتتى، ئاتا-ئانامنى ئۇكىلىرىم چوڭىيىپ، ئۇنى-بۇنى كۆتۈرۈپ كىلدىغان بولغاندا كۆرۈڭ ئەمدى! ھەر قېتىم <<ھە، بارىكاللا ئوغلۇم!>> دېگەندە دادامنىڭ يۈزىدىكى سىزىقلىرى يوقىلىپ كەتكەندەك بولاتتى... شۇنداق گەپ، يىگىتىلەر، سىزنىڭ ئورنىڭىزنى ھېچكىم باسالمايدۇ، ئاتا-ئانا ئۈچۈن ئوغۇلدىن كۆرۈلگەن راھەت ھەققىي راھەت، قالغىنى مىننەتلىك تۇيۇلۇۋېرىدۇ....<< ئون بولسىمۇ ئورنى باشقا>> دەيدۇ خەلق. ئاكىلرىم ۋە ئۇكىلرىم قاراۋاتىدۇ، دەپ غاپىل بولماڭ، ئۇلار ئاشۇ كەلمىگەن بالىسىغا ئۈمىدۋار بولىۋېرىدۇ، ئون ئوغلان بىر ناۋايدىن بىردىن نان ئېلىپ كەلسە، بىلىڭكى، ئاتا-ئانىڭىز بۇ نانلاردىن ئون خىل مەززە تۇيۇپ ئۈلگۈرىدۇ. ئوغلانىم، بىزدە <<ئارقىسىغا ئوغۇل قالسا، ئاتا-ئانا كەتكەندىن كېيىنمۇ، ئۆينىڭ چىرىقى ئۆچمەيدۇ>> دېگەن گەپ بار. پەدەرىڭىزنىڭ ئۆيى ئەۋلادىڭىزنىڭ روھىلىرى ھەم تىرىكلىرى توپلىندىغان جاي، شۇڭا ئىمكانىڭىزنىڭ يەتكىنىچە ئۇ يەرنى ئاۋات قىلىشقا ئىنتىلىڭ ، جىمى دۇنيارىڭىزنى ساتسىڭىزمۇ، ئۇنى ساتماڭ، يوقاتماڭ، ياكى مىراس تاماسىدا ئۇ يەرنى جاڭجالخانىغا ئايلاندۇرماڭ، ئاتا-ئانىلىرىمىزنى بەزىلىرىمىزنىڭ تىرىكلىكىدە كۆيدۈرگىنىمىز يېتىدۇ، ئۇلارنىڭ روھىنمۇ چىرقىرىتىپ قويمايلى. ئۇلارنىڭ روھىنى شاد ئېتىشنى بەكمۇ خالسىڭىز، قوي-كالا سويۇشنىڭ ئورنىغا، ئۇلاردىن قالغان قان-قېرىنداشلىرىنى يوقلاڭ، ئۇلارنىڭ يېقىن-يورۇقلىرىنى ، دوست-قەدىردانلىرىنى زىيارەت قىلىڭ. ئاتا-ئانىڭىز ئالەمدىن ئۆتكەندىن كېيىن، ئۆزىڭىزنى سىنىماق ئۈچۈن  بولسىمۇ، ئۇلارنى تونۇيدىغانلار بىلەن سۆھبەتلىشىپ كۆرۈڭ-تامامەن يېڭىلىنىسىز، يۈرىكىڭىز سۇ ئىچكەندەك بولىدۇ... ئەۋلادىڭىز نامى <<پالانى>> دەپ ئاتىلىپ، ئاتىنىڭ ئىسىم-شەرىپى بىلەن بەرقارار بولۇپ قالىدۇ، شۇ سەۋەبتىن ئەۋلادىڭىزنىڭ ياخشى نام ئېلىشى سىز-ئەركەكلەرنىڭ پەرزەنتىلرىگە ۋە ئار-نۇمۇسىڭىزغا باغلىقتۇر. ناۋادا بۇۋىڭىزنىڭ ياكى ئاتىڭىز ئەل نەزىرىدىن قالىدىغان بىرەر ئىش قىلغان بولسا، ئەگەر شۇلار سادىر قىلغان خاتالارنى سىز تەكرارلىمىسىڭىز ، مۇبارەك بولسۇنكى، سىزدىن باشلاپ پاكلىنىدۇ.                                                                            --------ياشاش تىلسىمدىن

ali010

	تەشەككۇر قېرېندېشم  كۇنۇپكا باسقان بارماقلېرڭېز ھارمېغاي.مەنمۇ بېر ئەركەك بولغېنېمدېن پەخېرلېنېش بېلەن بېرگە ئەركەكلېگېمنې ئائلېدە تولۇق جارې قېلدۇرۇپ  جەميەتكە بېر كېشلېك ھەسسە قوشۇش بېلەن ئپادلەيمەن باشقۇرغۇچلانېڭ بۇ تڭمنې نادېلاپ قويشنې ئۆمۇت قېلمەن

بېھزات

	ئېسىل ،نادىر تېما ...

alemdarapandem

	ناھايىتى ياخشى تىما يوللاپسىز.   ئەجرىڭېزگە رەھمەت.    ئەربىلەن ئەركەكنېڭ پەرقى بار.

mosajan0997

	بەك ياخشى يىزىپسىز ،شۇنداق تەسىرلىك ۋە قايىل قىلارلىق چىقىپتۇ...

kaitmas

	ناھايىتى ياخشى تىما يوللاپسىز.   ئەجرىڭېزگە رەھمەت. http://www.kuznak.com

NADERJAN

	مانا  ئوغلانلار يەنە بىر قىتىم ئۆزىمىزنى تونىۋالايلى،  بىزنىڭ زىممىمىزگە  يەنە نۇرغۇن يۈكلەر ئارتىلغان ، ئوغۇل بالا دەپ ئاتىلىش ئۇنچە ئاسان ئەمەس ، ئوبدان  ئويلىنىپ ئىش قىلايلى ~!  تېمىڭىزغا رەخمەت قىرىندىشىم !

xebnem

	ئەسسالامۇ ئەلەيكۇم ئەزىز قېرىندىشىم ، مۇشۇ ئەمگىكىڭىزنىڭ ئەجرىنى ئاللاھ بەرسۇن !!! ئاللاھ ھەممىمىزگە توغرا يول ئاتا قىلىسۇن ! ئەسلى مۇشۇنداق ئىسىل ئەسەرلەرنى مومكىن بولسا ئېلكىتاب قىلىپ ئىشلەپ چىقساق بەك ياخشى بولاتتى . لېكىن بەزى توسالغۇلار بولىشى مومكىن ، مەسىلەن ئاپتۇرنىڭ ياكى نەشىرىياتنىڭ قانۇنلۇق ھوقۇقىغا دەخلى قىلغان بولۇپ قېلىشىمىز مومكىن . لىكىن سىزگە يەنىلا رەھمەت، لېكىن مەنبەنى ئەسكەرتىپ قويۇڭ !