ساراڭ ساقايماس( سۆز ئۇيۇنى)

mahatjan

	ساراڭ ساقايماس                                                                                  ( سۆز ئۇيۇنى)     سەئۇدى سۇلتانلىقىدا سوفىلىق سالاھىتىنى ساقلىيالمىغان ساراڭ سوفىلار سەرگەردان-سەرسانلىقتا، سۈپۈرگىدەك سۆرۈلۈپ، سايىدەك ساڭگىلاپ سەمەرقەنت سارايلىرىدىن سېتىۋالغان ساپايە-سۇنايلىرىنى سايرىتىپ، سىبىرىيە ساسلىقىدىن سۈزۈۋالغان سوقا-سۆرەملىرىنى سۆرەپ، سەككىزىنجى سىنتەبېر سەھەردە سەئىدىيە سۇلتانلىقىنىڭ سەييارە سەھنىسىگە سالمىدەك سەكرىدى .       سەرگەردان سوفىلار سەئىدىيە سۇلتانلىقىنىڭ  سەمىمىيەت سورۇنلىرىدا ساخاۋەت سۇلىرىنى سۈمۈرۈپ، سۆگەت سايىسىدا سەگىدەپ ،سىياسى سەھنىدە سېغىزخاندەك سايراپ ، سوفىزىمنىڭ سېرىق سەپسەتىسىنى سانىماي ساتتى. سەئىدىيە سۇلتانلىقىنىڭ سەھرالىرىدىكى سەمىمى، ساددا، ساخاۋەت، سائادەتلەرنى سۆكۈپ سەتلەشتۈرۈۋەتتى .     سەئىدىيە سۇلتانلىقىنىڭ سۇلتانغا سادىق ساقچىلىرى، ساراڭ سوفىلارنىڭ سۆزلىگەن سۆزلىرىنىڭ سۈپىتىنى سۈرۈشتۈرۈپ، سوفىلارنىڭ سۆزلىرىدىكى ساۋاتسىزلىقىنى، سىياقىدىكى ساقسىزلىقىنى، سالاپىتىدىكى سۈپەتسىزلىكىنى سىزىپ، ساراڭ سوفىلارنى ساراڭلار ساناتورىيىسىگە سولىدى. ساراڭ سوفىلار ساناتورىيىنىڭ ساغلاملىق ساندۇقىدىكى سۈزۈك سۇدا سۈزۈلمەي، سېسترالارنىڭ سەمىمىيلىكىنى سېزەلمەي، سېسىق، ساختا سۆزلەرنى سۆزلەۋەرگەچكە سوفىلارنى سىرىپ-سۈپۈرۈپ، ساراڭلار ساناتورىيىسىنىڭ ساقايماس ساندۇقىغا سەكسەن سەككىز سائەت سولاشنى سوتلىدى. ساراڭ سوفىلار ساراڭلار ساناتورىيىسىدە ساقايسا ساقايدى، ساقايمىسا سېرىق سەللىسىنى سالدۇرۇپ ساغرىسىغا ساۋىداپ، سالمىغا سۆرۈتۈپ، سادەك سايرىتىپ سامان سودىگەرلىرىگە سېتىلسۇن.    سەبداشلار ،سىرداشلار سەمىڭلارغا سالايكى سەمىمى سۆز- ساراڭ ساقايماس!      ئاپتورى: مەخەت ئابدۇرېھىيم(بۇ ئەسەر ئۆتكەندە باشقىلار نامىدا يوللىنىپ قاپتىكەن)

1670154432

	ردھمەت سىزگە مەن مۇشۇنداق قىزىقارللىق سوز ئۇيۇنلىرىنى ئاڭلاشقا بەك ھىرىس ،بۇمۇ بىر تالانت ، مەن ئويدە خېلى دوراپ باقساممۇ ئازراقمۇ قاملاشتۇرالمىدىم ،بولسا ھەممە ھەرىپلەردىن بىر قۇردىن يېزىلىپ چىقسا ھەممىسىنى يادا ئېلىۋالسام دەيمەن.

ritim

	ساقايمىسا سۈرىيەلىك ساقىنى ساقلاڭ

yawayi-0998

	ساراڭدەكلام ساراڭكەنغۇ ؟؟؟:qiray124

esel15299224422

	مەنغۇ نڭمە دىگىنىڭىزنى چۈشەنمەيلا قالدىم،بەلكىم ئۇيقۇمغا قانمايلا تۇرۇپ كەتكەنلىكىمنىڭ  سەۋەبىدىن مىكىن.  نىمىلا بولمىسۇن ئەجرىڭىزگە رەخمەت.

ARKZAT

	تەۋەرۈك ئانا تىلىمىزنىڭ شۇنچە ئىنچىكە ئۇقۇملارنىمۇ ئوبرازلىق، مەزمۇنلۇق، راۋان ئىپادىلىيەلەشكە قادىر  پاساھىتىنى خېلى يۇقىرى ماھارەتتە نامايەن قىلالىغان بەدئىي جەھەتتىكى ئىقتىدارىڭىزغا رەھمەت!      سەمىمىي سۆزۈم:    ساراڭلارنىڭ ساراڭلىقىنى سەۋدايىلەرچە سۆزلەۋەرگەن سۆزلىرىدىن سەۋرىدە سۈرۈشتۈرەيلى.    سۆيۈملۈك  ساراڭلارغا سەۋرىسىز سادالىرىمدىن سۈكۈتلۈك سالام!        ئىزاھات:      قىزىقچىلىق بولسۇن ئۈچۈن سۆز ئويۇنى سۈپىتىدە ئىنسانىيەت ئەدەب-ئەخلاقىغا زىت بولغان بۇ سۆز-ئىبارىلەرنى ئىشلىتىپ قالدۇق. ئەنە شۇ ساقسىزلارنىڭمۇ خۇددى باشقىلىرىمىزدەك نورمال ئەقىل-ئىدراكتا شادىمان ياشىغۇسى يوق، دەپ كىم ئېيتالايدۇ!؟ ئۇلارمۇ بىزنىڭ قېرىنداشلىرىمىز، ئۇلار بىزنىڭ  ئۆزلىرىنى تېخىمۇ كۆپرەك چۈشىنىمىزگە، كۆيىنىشىمىزگە مۇھتاج!ياراتقان اللا ئەنە شۇلارغىمۇ ئەمىنلىك، سەۋرى-چىدام، سائادەت ئاتا قىلغاي!!!

abdulahad

	:qiray121:qiray121:qiray121:qiray121

nazigul8

	سەرسانىلىق ساپلا سەندىمۇ،       سالام-سائەت سۇنالمايسەنمۇ.       سېغىنغاندا سوئاللار  سورا،       سېغىنىمەن سېغىنمىساڭمۇ .

ABRAL.XAMILI

	سىزنىڭ سۇزلىرىڭىزدىن سەگىدىم،،

nazigul8

	سەن سورىساڭ سوئاللار،        سېغىنغىنىمنى سورا.        سەمىمى سۆزلىرىمنى،        سۇنايچۇمەن ساڭىلا.       س سۆزىدىن سۆزلەپلا،        سەنلەپلا سايراپتىمەن.      ساماندەك سارغايدىڭمۇ،        سەندىنلا  سوراپتىمەن.