تەبىئەت ___ ئۇ ئىلھام بۇلىقى...(قەلىمىمدىن)

enber

	تەبىئەت قوينى ئاجايىپ ھېكمەتلەرگە تولغان. تەبىئەتتىن ئالغان ئىلھاملىرىمنى دوستلارغا سۇندۇم... باھارنىڭ ئىچىدە زىمىستان ياتار، زىمىستان ئىچىدە باھارمۇ ھەم بار. بەزىدە نۇر چېچىپ چىققاندا قۇياش، يېغىپمۇ قالىدۇ يامغۇر بىلەن قار... ********************************************************* ھەيرانمەن، گۈل نېچۈن شۈنچە جەزبىدار؟ سورىدىم قىزىقىپ، ئېيتتى قەلەمدار: __ سەۋەبى شۇدۇركىم، قىسقا ئۆمرىدە ھەممىگە يېقىملىق تەبەسسۇمى بار... ******************************************************* ئىگىلەپ ئالغاچقا قېرىندىشىنىڭ، ئۇۋىسى __ مۇھەببەت سەرمايىسىنى. كاككۇكقا ئاچمىغان قوينىنى ۋىسال، ئېيتسىمۇ ئاشىقلىق ھېكايىسىنى... ************************************************** ئاق بۇلۇت ئۈزگەندە سامادا لەرزان، تەۋرىنەر شائىرنىڭ ئىلھام تارىسى. ۋە لېكىن زېمىنغا يامغۇرىن تۆكۈپ، ھاياتلىق بەرگىنى، بىلسەڭ، قارىسى... ************************************************** ياز كەتتى __ كەچكۈزنىڭ قەدىمى يەتتى، تۈمەنلەپ يوپۇرماق تۆكۈلدى __ كەتتى. سايىسىن بەرگىنى شۇ يوپۇرماقنىڭ، يىللار خاتىرىگە پۈتۈلۈپ كەتتى... ************************************************* تورداش دوستلارنىڭ داۋاملاشتۇرۇشىنى قارشى ئالىمەن... مەنبە: ئەنبەر

yawayi-0998

	ھەقىقەتەن توغرا دەيسىلەن ... تەبىئەت بىر ئىلھام  بۇلىقى . مەنمۇ سىرتلار دا  كەڭ گۇزەل جايلاردا بولسام  ئىلھامىم ناھايىتى تۈتۈپ كىتىدۇ ... ئاللاھ  تەبىئەتنى بىزگە شۇنداق  ئىلھاملىق قىلىپ ياراتقان چىغى :qiray124

fatima

	تەبىئەتنىڭ بىزگە ئاتا قىلغان نىممەتلىرى تۇلا!گۈزەل تەبىئەتنىڭ بىزگە ئاتا قىلغان،خۇشاللىقىلىرىنى  كۈيلىسەك-كۆيلەپ تۈگىتەلمەيمىز. تەبىئەت گۈزەل مىھرىبان ئانامسەن، باغرىڭدا پەپىلەپ خۇشال ئۆستۈرگەن. باغلىرىڭ،تاغلىرىڭ  گۈزەللىكىڭ بىلەن، گۈل ھۆسنىڭگە ھەممىنى مەپتۇن قىلغان.

0000bahar

	تەبىئەتنى سۆيۈش، ھاياتنى سۆيۈش،  بىزنىڭ باش تارتىپ بولمايدىغان بۇرچىمىز.

nalam

	شىئىر بىلەن رەسىملەر شۇنداق ماس كەپتۇ .ئەجىرىڭىزگە ئاپىرىن ،قەلىمىڭىز ھارمىغاي نادىرلىغۇدەك تىما بوپتۇ.

enber

	مېھرى ئىسسىق، گۈزەل تەبىئەت، ھاياتلىقنىڭ سۆيۈملۈك ئۆيى. ئۈزۈلمەيدۇ، داۋام قىلىدۇ تەبىئەتنىڭ ئۈزۈلمەس كۈيى...

enber

	nalam يوللىغان ۋاقتى  2012-1-24 12:53 AM شىئىر بىلەن رەسىملەر شۇنداق ماس كەپتۇ .ئەجىرىڭىزگە ئاپ ... ئىلھام بەرگىنىڭىزگە رەھمەت...

azizgul

	گۈزەللىككە تۇيۇنغان تەبئەتتىن ئالغان ئىلھاملىرىڭىزنىڭ مىۋىسى---------يارقىن مىسرالاردىن كۆڭۈللەر بەھىر ئالدى ، لىرىكىلىرىڭىز  ئۈچۈن كۆپ  تەشەككۈر !