«ساۋابنىڭ قوڭى تۆشۈك» ئەمەس

.tuz.

	ئەسسىلامۇ ئەلەيكۇم ! مەن يۇقۇردا ماۋزۇ قىلغان ''ساۋاب" دېگەن سۆز ، باشقىلارغا ياخشىلىق قىلىش ، ياخشى ئىش قىلىش دېگەن سۆزنىڭ ئىپادىسىدۇر . ياخشىلىق ھەرگىزمۇ تۆشۇك ئەمەس ، ياخشىلىق بۈيۈكتۇر ! ئىسىل پەزىلەتتۇر !! كىشىلەرگە ياخشىلىق قىلىش ۋە يامانلىقنى كۆرسە توسۇش مۇسۇلمانلارنىڭ ئىسىل سۈپەتلىردىن بىرى شۇنداقلا ئۇلۇغ بۇرچى ! ئىجتىمايى مۇناسىۋەت ھەم رىيال تۇرمۇشىمىزدا بىر - بىرىمىزنى ئۆز- ئارا ياخشىلىققا بۇيرۇپ يامانلىقتىن توسۇپ ، خاتا قىلمىش -ئەتمىشلىرىمىزنى كۆرسىتىپ ، ياخشىلىققا ، ھەقىقەتكە ، ئادىمىلىككە ، ئەخلاققا ، سەمىمى ساداقەتكە تەۋسىيە قىلىشساق ، جەمىيتىمىزدە ئىناق- ئىتىپاقلىق ، مىھرى- مۇھەببەت ، دوستلۇق ،ئۆملۈك شەكىللىنىدۇ ، ئەلۋەتتە ! ئەكسىچە ياخشىلىقنى تەرىك ئىتىلىپ ،كىشىلەر بىر - بىرى بىلەن كارى بولماي " يامان ئىش گۇناھ قىلسا ئۆزىگە ،جازاسىنى ئۆزى تارتىدۇ " دەپ كارى بولماي يۈرسە ، جەمىيەتتە بۇزۇلۇش ئەۋىج ئىلىپ يامان ئىشلار كۆپىيىپ ، ئىناقسىزلىق مەيدانغا كىلىشكە باشلايدۇ . جەمىيەتنى تەشكىل قىلغۇچى ئائىلىلەرمۇ تەسىرگە ئۇچراپ ياش ئەۋلاتلارمۇ ئىزىقىپ كىتىدۇ . جەمىيتىمىزدە يەنىلام كۆپ ساندىكى كىشىلەر ياخشى بولسىمۇ لېكىن ئاز بىر قىسىم يامان نىيەتلىك بۇزۇق پەشكەشلەردىن خالى ئەمەس ...... مەن ھەر جۈمە كۈنى ، جۈمە نامىزىنى ھېيتكاھ جامەسىدە ئوقۇش ئۈچۈن 8-يول ئاپتوۋۇزىغا چېقىپ باراتتىم . ھەر - خىل كەسىپتىكى تىجارەتچى ، ھۈنەرۋەن مۇسۇلمان ئىتىقادچى ئاممىسى مۇبارەك جۈمە نامىزىنى ھېيتكاھ جامەسىدە ئۆتەش ئۈچۈن نىيەت قىلغاچقا ئاپتۇۋۇزدا ئادەم ھەقىقەتەن كۆپ ئىدى . قىستاڭچىلىقتا مىدىرلاشمۇ تەس ئىدى . شۇنداۇق ئەھۋالدىمۇ شوپۇر ئۇستام ، ئارقا ئىشىكنى ئىتىۋىلىپ ، ئالدى ئىشىكنى ئىچىۋىلىپ ، " ئارقىغا مىڭىپ قويۇڭلار !! ئارقىغا مىڭىڭلار !!" دەپ ۋاقىرايتى . مەنمۇ قىستاڭچىلىقتا ئارقىغا قىستىلىپ ماڭدىم . يىنىمدىكى بىر ئايال غۇدۇڭشۇپ ، ئارقىغا مىڭىڭلار دەپ سېۋەتكە ئامۇت قاچىلىغاندەك قاچىلاۋىردىغاندۇ ؟! دېۋىدى ، مەن دەرھاللا ، بۈگۈن جۈمە كۈنى بولغاچقا كىشىلەر جۈمەگە ئالدىرايدۇ ، سەل قىستالساقمۇ ، باشقىلارغا شارائىت يارتىپ بەرسەك ساۋاپ بولىدۇ ، دېيشىمگىلام ، قويسىلا ئۇنداق گەپلىرنى ! ساۋابىڭ قوڭى تۆشۈك ھازىر !  بۇ گەپنى ئاڭلاپ بۇ ئايالغا تازا بىر تىتىتىپ سۆز قىلاي دەپ ئاغزىمنى ئۆمەللەپ بولغۇچە ، 50ياشلار چاممىسىدىكى بىر كىشى ، خىنىم نېمە دەۋەتقانلىرنى بىلىپ گەپ قىلۋاتاملا يا ؟! جاھالىيەت دەۋرىلىردىكى مۇناپىقلارچە گەپ قىلماي ، مۇسۇلماندەك گەپ قىلسىلا ! ساۋاب دېگەننىڭ قوڭى تۆشۈك بولمايدۇ ! نەئۇزۇبىللا ! دىسىلە ، بىكار ۋاقىتلىردا ئىسلامىي كىتابلارنى كۆرۈپ قويالا !!! زەررىچىلىك ياخشىلىقلىرى كىمىيىپ كەتمەيدۇ ، زەررىچە گۇناھلىرى ئاشۇرلۇپ كەتمەيدۇ . بۇ گەپنى ئاڭلاپ بۇ ئايال لام - جىم دىمەيلا ئوڭايسىزلانغان ھالدا سۈكۈت قىلدى... مەنمۇ ئوشۇق گەپ قىلىشنىڭ زۆرۇريىتى قالمىغانلىقىنى پەمىلەپ ئاۋۇ ئادەمگە مەنىلىك بىر قاراپ كۈلدۈم.... ئاپتۇۋۇز 2 - دوختۇرخانا ئۇدۇلدىكى قىزىل چىراقتا توختىشىغا ، يالاڭ باش ،ئورۇق قولتۇقىغا جەيناماز قىستۇرتۋالغان بىرسى ،قىستىلىپ ئۇيان- بۇيانغا ئۆتۈپ دىققىتىمنى تارتتى . ئۇ كىشىلەرنىڭ يانچۇق سومكىلىرنى سىلايتى ، ئۇنىڭ يانچۇقچى ئىكەنلىكىن پەملىدىمدە ، يۇقىرى ئاۋازدا ، يولۇچىلار قاتتىق دىققەت قىلىڭلار ئاپتۇۋۇزدا يانچۇقچى بەركەن !! دەپ ۋاقىردىم . شۇ ئەسنادا 22 ياش ئەتراپىدىكى بىر قىز  سومكىسىدىكى پورتىمالىنىڭ يوقلىقىنى بىلىپ ، قايسىڭ ئوغۇرلىغان بولساڭ قايتۇرۇپ بەر ! 110 غا تېلپۈن قىلىپ ھېچكىمنى چۈشۇرمەي پورتىمالىمنى تاپىمەن ! موھىم نەرسىلەر بار ! تېز قايتۇرۇپ بىرىش  ! دەپ يىغلاشغقا باشلىدى . ئاپتۇۋۇزدىكى ۋاراڭ - چۇرۇڭدا شوپۇرنى توۋلاپ ئاڭلىتالماي ئالدى تەرەپكە قىستاڭچىلىقتا مىڭىشقا تەمشەلدى . دەل شۇ پەيىتتە ھىلىقى يانچۇقچى پورتمالنى تاشلىۋەتتى . نەزىرىم ئاشۇ يانچۇقچىدا ئىدى . ئاشۇ دىمەتلىك پوداق يۈز بىرسى ، ماۋۇ پورتمال پۇتۇمنىڭ قىشىدا تۇرۇدۇ !! دەپ ۋاقىردى . ھىلىقى قىز مېنىڭ پورتمالىم شۇ دەپ پورتمالىنى ئىلىپ ئىچىدىكى پۇل قاتارلىق نەرسىلەرنى تەكشۈرۈپ ھەممە نەرسىسىنىڭ ساقلىقىنى ئىيتىپ ، ھېلىقى پوداق يۈز ياشقا رەھمىتىنى بىلدۈرۈپ خوش بوپ كەتتى .... كۆنا كىتابخانا ئالدىدىكى بېكەتكە كەلگەندە ھەممە كىشىلەر ئاپتۇۋۇزدىن چۈشۋاتاتتى . قىستاڭچىلىقتا ئاپتۇۋۇزدىن چۈشۈشىمگىلام يان تەرەپتىن قاسسىدە ! قىلىپلا كۆزۈمگە مۇشتتىن بىرسى تەگدى . كۆزۈمدىن ئوت چىكەتكەندەك بىلنىپ كۆزۈمنى تۇتۇپلا قاپتىمەن . ھېلىقى قىزچاقنىڭ پورتمالىنى كۆرسەتكەن پوداق يۈز يانچۇقچىنىڭ شىرىكىكەن ، ئاشۇ گۇي كۆزۈمگە مۇشت بىلەن بىرنى ئۈرۈپ قىچىپ كىتىپتۇ . بىر نەچچە كىشى ماڭا قاراپ ھېلىقى مەلئۇن گۇي قاچقان تەرەپنى كۆرسىتىپ ھىسداشلىق قىلىشىپ كىتىشتى . مەن كۆزۈمدىن قولۇمنى ئىلىپ ، ھېچ ۋەقەسى يوق ، دەپ مىڭىشىمغا ، دەسلەپتىكى ''ساۋاپنىڭ قوڭى تۆشۈك" دېگەن ئايال ، كۆزۇمگە تىكىلىپ قاراپ تۇرۇپ ، ھە ، ساۋاپنىڭ قوڭى تۆشۈكمىكەن ؟ دەپ غەلىتە بىر سەت ھىجىيىپ كىتۋاتىدۇ . بۇ ئايالنىڭ بۇ گىپى ئاۋۇ گۇينىڭ كۆزۈمگە تەككەن مۇشتىدىن نەچچە يۈز ھەسسە پۇتكۈل ۋۇجۇدۇمنى غەزەپتىن تىترىتىۋەتتى !! ئىتتىك - ئىتتىك مىڭىپ يىتىشۋىلىپ ، مۇسۇلمان دېگەن بىرسىنىڭ يامان ئىش قىلۋاتقانلىقنى كۆرسە توسۇش كېرەك ! يامان ئىش قىلغۇچىنى توسۇش ، مۇسۇلمان كىشىگە كۆرگۈچىگە نىسبەتەن ۋاجىپتۇر !! سىلىدەك توسۇشقا قادىر بولالمىغان ئاجىزەلەر قەلبىدە بولسىمۇ يامان ئىشلارغا قارشى تۇرۇشى كېرەك ئىدى ! ئەپسۇس ، خىجىل بولماي سەت ھىجىيىپ دېگەن گەپلىردىن نۇمۇس قىلسىلىرچۇ ،كاشكى !!!! دىدىمدە ئىتتىك قەدەملىرىمنى ئىلىپ جامە تەرەپكە مىڭىپ كەتتىم . جاھاننىڭ تەرەققىياتىغا ئەگىشىپ بىر قىسىم يەپ- ئىچىشتىن باشقىنى بىلمەيدىغان شەرەپسىزلەر مىللەتننىڭ ئوبرازىنى ، مۇسۇلماننىڭ سەلتەنەتىنى خۇنۈكلەشتۇرمەكتە ، خۇنۇكلەشتۇرۋاتىدۇ ! بىز مۇسۇلمان بولغان ئىكەنمىز ،ئەتراپىمىزدىكى يامان ئىش يامان ھەركەتلەرنى چامىمىزنىڭ يىتىشچە توسايلى ! يامانلىقلارنى توسماسلىق ، سۈكۈت قىلىپ تۇرۋىلىش ، ئەمىلىيەتتە شۇ يامانلىقنىڭ يامرىشىغا يول قويغانلىق ! دېمەك ،قىسقىسى  ساۋابنىڭ قوڭى تۆشۈك ئەمەس ! ساۋابلىق ياخشى ئىشلار كۆپەيگەنسىرى قەدىر - قىممىتىمىز ئاشىدۇ . بىر - بىرىمىزگە بولغان مىھرى - مۇھەببەت كۈچۈيدۇ . ئىناق- ئىتىپاقلىق خاتىرجەم جەمىيەت بەرپا بولىدۇ . ھەممىمىز ھەر - ۋاقىت، ھەر يەردە ھەر جايدا ئادالەت - ھەققانىيەتنى ياقىلاپ ، تىچلىق - ئىناقلىق ئىچىدە ساۋابلىق ياخشى ئىشلارنى كۆپرەك قىلايلى !!! مەنبە : رىئاللىقتىكى ئەمىلىيەتنىڭ كىچىككىنە كارتىنىسى . ئاپتۇر : تۇز

azizgul

	مۇبارەك جۈمئە  كۈندە ، قولتۇقىغا جەيناماز  قىستۇرۋېلىپ ئوغىرلىق قىلىپ................  مۇسۇلمانلىق تونىغا ئورىنۋېلىپ مۇشۇنداق ئەسكى ئىش - ئەمەللەرنى قىلىپ ئىسلامنىڭ شەنىنى بۇلغايدىغانلار نىمانچە كۆپ ؟  ؟  ؟ « ساۋابنىڭ قوڭى تۈشۈك »  دىگۈچىلەر زەلزەلە  سۈرىسىنىڭ تەرجىمىسىنى زىھىن قۇيۇپ ئۇقۇسا ، ئويلانسا  بولغىدەك !

otyurak0998

	خۇدايم ئنساپ بەرسۇن:qiray3:qiray3:qiray3:qiray3

gulbar5

	قەشقەردە  ئابتۇۋۇز  قىستاڭچىلقى ھەققەتەن  ئىغىر، جاھاندا  ھەر  قىسىم  ئادەملەر  بار .  .دە  توۋا، كۆڭۇل - كۇڭۇلدىن  سۇ  ئىچەر. دىگەن گەپ بار.ياخشىلق  يەردە  قالمايدۇ، يامانلقىمۇ  ھەم بىرسگە  قىلدىم  دەپ  قىلۋالسا بۇ  دۇنيادىلا  كۆردۇ.

رىشتەم

	خەنزۇچىدا  ساۋاب  دەپ گەپ يوق

مارشال

	ھەقىقەتنى سۆيىدىغان،قەدىرلەيدىغان ئىنساننىڭ قەلبى ئاق،نۇرانە بولىدۇ!كىشىلەر ئۆز قەدىر-قىممىتىنى ساقلىغان،ھەقىقەتتە چىڭ تۇرغان كىشىلەرنىمۇ باشقىلار ھۆرمەتلەيدۇ!بۇ ئىنسانىيەت تارىخىدا بۇلۇۋاتقان تارىخىي مۇقەررەرلىك! ساۋابلىق ئىشنى كۆپ قىلغان ئىنساننىڭ ئىككى دۇنيادا كۆردىغىنى راھەتلىكتۇر،دۇنيا مەئىشەتلىرى ھەرخىل تۈسلەر بىلەن ئۆزگىرىپ كېلىۋاتقان،مەنپەئەت،ھوقۇق،بايلىقنىڭ قۇربانىغا ئايلىنىش سەۋەبلىك پۇل دېگەندەك نەرسىنى  بىر مۇھەببەت دۇنياسىنىڭ ئىچىگە ئەكىرىۋىلىپ،پۇل ئارقىلىق ھەر قانداق ئىشنى قىلىشقا ۋاستە تاللىمايدىغان،پۇلنىڭ قۇربانىغا ئايلىنىپ،ئۆز ۋىجدانىنى دەپسەندە قىلىۋاتقان،مىللەتنىڭ ئوبرازىنى خۈنۈكلەشتۈردىغان ئىشلار جەمىيتىمىزدە ئاۋۇپ كەتتى. سىزنىڭ بۇ ۋەقەگە ئۇچراپ،ئىلمىي يۇسۇندا ساۋاب توغۇرلۇق بىر ئىلمىي يۇسۇندا تەپەككۇر قىلىپ،بۇ تېمىنى روياپقا چىقارغىنىڭىز تولىمۇ ياخشى بوپتۇ. بۇ تېمىڭىزدىكى چۈشكەن ئەركىن پىكىرلەر،ئلىمىي يۇسۇندا قىلىنغان بەس-مۇنازىرىلەر تېمىڭىزدا ئوتتۇرغا قۇيۇلغان ھەقىقەتنىڭ قانداق بولىدىغانلىقى،ئىنسان قەدىر-قىممىتى ئارىسىدىدىكى يىراقلاپ كېتىۋاتقان ،بىز چوقۇم تېپىۋىلىشقا تېگىشلىك بولغان بىر ئەڭگۈشتەرنى تېپىپ چىقىشقا زور پايدىسى بولغۇدەك دەپ ئويلىدىم.

kaisar

	ساۋاپ ھەرگىز يەردە قالمايدۇ .    ھەركىم ياخشىلىق قىلسا ئۆزىگە ، يامانلىق قىلسىمۇ ئۆزىگە.

1670154432

	راست ئېيتىسىز، مۇشۇنداق دىنئى تونغا ئورىنۋېلىپ كىشلەرنىڭ رىسقىنى يەيدىغانلار ،ھەقىقى مۇسۇلمانلارنىڭ ئوبرازىنى خۇنۇكلەشتۇرىۋاتىدۇ،يەنە تېخى ھامىلدار ئوغۇرلارمۇ خېلى باركەن ھازىر ،بۇ جاھاننىڭ ئىشلىرىغا نىمە دىگۇلۇك ئەمدى؟لىكىن ئەتىراپىمىزدا ياخشى نىيەتلىك كىشلىرىمىزمۇ خېلى نىسبەتتنى ئىگەللەيدۇ ،بەندىنىڭ ياخشىلىقىنى بەندە قايتۇرالمىسا ،كۆرۇپ تۇرغان اللاھ ئىگەم بار ،مەلۇم سەۋەپلەر بىلەن نەچچە ھەسسە قايتۇرۇپ بىرىدىغان ،ھەرگىزمۇ (ساۋابنىڭ قۇڭى تۇشۇك )ئەمەس.

rizwangul0995

	ئىمانى ۋىجدانىنى ئولچەشتىكى ئولچەم ، بىرى يامان ئش قىلۋاتقىنىنى كۆرگەندە بۇئشنى قىلما دەپ تۇسالىسا ، يەنە ھىچ بولمىغاندا مۇشۇئشنى قىلمىسا ياخشى بۇلاتتى دەپ كۇڭلىدە بولسىمۇ ئويلىسا . بۇ شۇئادەمنىڭ ئىمانىنڭ ۋىجدانىنى قانچىلىك ئىكەنلىكىنى ئۆلچىگىلى بۇلىدۇ دەپ قارايمەن.   (مىنىڭچە ئۇخۇتۇننىڭ ۋىجداننى تۇشۇك ئوخشايدۇ):qiray2

qoqas

	سورة الزلزلة بسم الله الرحمن الرحيم زېمىن قاتتىق تەۋرىتىلگەندە، (1) زېمىن (قوينىدىكى) يۈكلىرىنى (يەنى مەدەنلەر، ئوتلار، ئۆلۈكلەرنى) چىقارغاندا، (2) ئىنسان (يەنى كاپىر) ئۇنىڭغا (يەنى زېمىنغا): «نېمە بولدى؟» دېگەندە، (3) بۇ كۈندە زېمىن ئۆزىنىڭ خەۋەرلىرىنى (يەنى ئۇنىڭ ئۈستىدە ئىشلەنگەن ياخشى - يامان ئىشلارنى) مەلۇم قىلىدۇ (4) (ئۇنىڭ مەلۇم قىلىشى) پەرۋەردىگارىنىڭ ئۇنى شۇنداق قىلىشقا ئەمر قىلغانلىقىدىندۇر (5) بۇ كۈندە كىشىلەر قىلغان ئەمەللىرىنىڭ نەتىجىسىنى كۆرۈش (يەنى نەتىجىسىگە ئېرىشىش) ئۈچۈن توپ - توپ بولۇپ تارىلىپ كېتىدۇ (6) كىمكى زەررىچىلىك ياخشى ئىش قىلىدىكەن، ئۇنىڭ مۇكاپاتىنى كۆرىدۇ (7) كىمكى زەررىچىلىك يامان ئىش قىلىدىكەن، ئۇنىڭ جازاسىنى تارتىدۇ (8)