لەغمەن ۋە سۈيرۇ توغرىسىدا

jaywalk

	ھۆرمەتلىك مىسرانىم ئەھلى ، ئىشلار ئالدىراشچىلىقى تۈپەيلى مۇنبەرگىمۇ چىقىمىغىلى خېلى بوپتۇ. ئۇزۇندىن بېرى قىسمەن تائاملىرىمىزنىڭ ئاتىلىشى ۋە كېلىپ چىقىشى توغرىسىدا كۆپچىلىك بىلەن ئورتاقلىشىش ، بىلمىگەننى بىلگەنلەردىن ئۇقۇش ، ئۇققانلارنى بىلمەيدىغانلارغا يەتكۈزۈش ئويى بارتى . بىر ئەلنىڭ ئۆزىگە خاس بولغان تاماق مەدەنىيىتى ، شۇ ئەلنىڭ ئۇزاق مۇددەتلىك تەرەقىيات باسقۇچىدا ، ئۆرۈپ ئادەت ، ياشاش موھىتى ، ئەنئەنىسى ، جۇغراپىيىلىك شارائىتى، شۇنداقلا دەۋر ئالاھىدلىكى قاتارلىق ئامىللار تەسىرىدە تەدرىجى بارلىققا كەلگەن بولۇشى مۇمكىن . مەھەلىمىزنىڭ ئەتىراپىدا خېلى كۆپ ئاشپۇزۇللار بار بولۇپ ، قويۇق مىللىيچە زىننەتلەنگەن تۇرقى ئىختىيارسىز كىشىنى خوش قىلاتتى. لېكىن ھەر قېتىم بۇ ئاشپۇزۇللاردا غىزالانغىنىمدا ئادەمنى ئويلاندۇرىدىغان بەزەن ئىشلارغا يولۇقاتتىم ، ئۇ بولسىمۇ ھەممىمىز كۆرۈپ ، ئاڭلاپ تۇرىۋاتقان  ، تاماق تۈرلىرىنى ئاتاش مەسىلىسى ئىدى .   لەغمەننى ئۇيغۇرنىڭ بىرىنچى نومۇرلۇق تامىقى دېسەم بەلكىم خاتالاشماسمەن. بۇنداق ئىشەنچ بىلەن ئېيتىشىم بەلكىم ئۆزۈمنىڭ بۇ تاماقنى ياخشى كۆرىدىغانلىقىمدىن ، تېخىمۇ ئېنىقىراقى ئانام ئەتكەن لەغمەنگە تولۇمۇ ئامراقلىغىمدىن بولسا كېرەك . خوش ئۇنداقاتا مۇشۇ تامىقىمىزنىڭ نامى نىمە ئۈچۈن ئاشۇ كاتتا بېزەلگەن ئاشپۇزۇللىرىمىزدىكى مۇلازىملارنىڭ تەلەپۇزىدا سۈيرۇ يەمسىز ، گۈيرۇمۇ دەپ خاتا قوللىنىدۇ ، بۇنۇڭغا ئەگىشىپ كىرگەن كۆپ ساندىكى خېرىدارنىڭمۇ يىمەكچى بولغان لەغمىنىنى مۇلازىملارغا ئوخشاشلا ئاتاشلىرى نىمىدىن بولۇۋاتىدۇ ، سەۋەبىچۇ ، بۇ يەنە نىمىدىن ئۇچۇر بېرىدۇ . بۇنداق ئەخۋالنى نۇرغۇن ئاشخانىلاردا تامامەن ئۇچۇراتقىلى بولۇدۇ . يېقىندا بەزى ئاشخانىلاردا لاۋپەيزى(老牌子碎肉面 ، بۇنداق لەغمەننىڭ ئالاھىدلىكى گۆشى ئۇششاق ، جىقاراق توغرالغان ، باھادا باشقا لەغمەنلەردىن قىممەتىرەك) سۈيرۇ دەپ يەنە بىر  لەغمەن تۈرى قوشۇلدى ، بۇ لەغمەننىڭ ئاتلىشىمۇ يۇقارقىلارغا ئوخشاشلا لاۋپەيزى دەپ بېكىتىلدى .  مېنى ئويلاندۇرىدىغىنى ئاشخانىغا تاماققا كىرگەن باشقا مىللەتلەرغۇ سۈيرۇ دەپ ئاتىسۇن ، ئەمدى ئۆزىمىز نىمە ئۈچۈن لەغمەننى لەغمەندىن بىر قاچا دەپ ئاتىيالمايمىز ؟ يەنە بىرى ، گۈيرۇ ( 过油肉面 ) لەغمەننى ئۇيغۇرچە نىمە دەپ ئاتايدۇ ؟! بۇ جەھەتتىكى چۈشەنچەمنىڭ كەملىگىدىن بۇ مەسىلىلەرگە لايىقىدا جاۋاب تاپالمىدىم ، شۇڭا كۆپچىلىكنىڭ يۇقارقى مەسىلىلەر توغرىسىدا بىلىدىغانلىرى بولسا ئىنكاس شەكلدىدە دەپ كۆرۈشىنى ئۈمۈد قىلىمەن .

Naprat2009

	过油肉面--گۆشلۈك لەغمەن ياكى گۆش لەغمەن دەپ ئاتايدىغىنى ئېسىمدە، سۇيروۋ دېگىنى گۆشسىز لەغمەن دېگەن گەپ بولامدىكىن، مەن ئادەتتە ئاشخانىغا كىرسەم گۆش لەغمەن دەپ بۇيرۇپ ئۆگىنىپ قالغان.

diljam648

	过油肉يېغىنى گۆشكە ئۆتكۈزىۋەتكەن (ياغنىڭ كۈچى گۆشنى بېسىپ كەتكەن دىگەن مەنىدە) سۇيرۇ دىگىنىمىز   مايسىزراق پۇشۇرۇلغان سەي

banggi

	سۇيرۇنى  ئادەتتىكى لەغمەن دەپ ئاتايمىز.

atilla

	ئادەتتە قىيمىلىق لەغمەن دەيمىز ،بەزەن تاماقلارنى مۇنۇ دوستلىرىمىز ئەقىللىق بولغاجقا كوپەيتىپ بېرىدۇ. سىزمۇ قىززىق تاماقلارنىڭ ئىسمىنى يىمىگەنكىن يەۋەرمەمسىز سوراپ يۇرمەي...:qiray19چاقچاق

tewelgha

	碎肉拌面 ----بۇ خىلدىكى لەغمەننى غۇلجىدا كۆپرەك يەيدۇ ھەم  شۇ يەردە ئىجات قىلىنغان دېسەكمۇ بولىدۇ .ھازىر ئۈرۈمچىدەك چوڭ شەھەرلەردىمۇ پەيدا بولدى .قورۇمىسى ئۇششاق قىلپ توغرالغان (ئىنىغىنى دېسەك گۆشىنى ماشىنىدا توغرايدۇ)يەنى قىيما قىلىۋىتىلگەن قورىما لەغمەن .بۇنى قىيما قورىمىلىق لەغمەن دېسەك مۇۋاپىق بولامدىكىن. 过油肉拌面  نى گوشلۈك لەغمەن . 蔬菜拌面    نى گۆشسىز لەغمەن ........................

kanat

	ناھايتى مۇھىم مەسىلىنى ئوتتۇرغا قويۇپسىز،ھەممىمىز ئويلىنىشقا تىگىشلىك مەسىلە بۇ .

MitsubishiRayon

	لەغمەنگە مەنمۇ بەك ئامراق . راست ئېيتىسىز ، ناملارغا بولغان قارىشىمىزنىڭ سۇسلىقىدىن بۇ تامىقىمىزنىڭ ئاشخانىلاردىكى ئاتىلىشى تېمىدىكىدەك بولۇپ كېتىۋاتىدۇ . بۇنداق يۈزلىنىشنى تۈزەش پەقەتلا ئۆزىمىزنىڭ قولىدىنلا كېلىدۇ . گەپ ئىشنى قانداق باشلىشىمىزدىلا قالدى .

زامانى

	لەغمىنمىزنىڭ خەنزۇچە ئىسمىنى  ( 拌面بەنمىيەن） دىمەي ئۇيغۇر ئاھاڭ تەرجىمسىگە يېقىنراق قىلىپ   لامىيەن 拉面     دەپ يازسا بولاتتى....    过油肉拉面 -     گۆش قورومىلىق لەغمەن            碎肉拉面   - قىيما قورىمىلىق لەغمەن

MitsubishiRayon

	بۇنداق ئىشلارنى تىل يېزىق كومېتىتىغا ئوخشاش ئورۇنلار تەكشۈرۈپ قېلىپلاشتۇرۇپ بېكىتىپ چىقسا بولاتتى . مەن مۇنداق ئاتاشنى لايىق تاپتىم : لەغمەن - 碎肉面 گۆشلۈك لەغمەن - 过油肉面 تۇخۇم بېسىلغان لەغمەن - 碎肉加鸡蛋 دەپ ئالساق مۇۋاپىق بولارمىكىن . ئەندى مەن ئاشپۇزۇللارغا كىرسەم شۇنداق دەپ بۇيرۇق چۈشۈرىمەن قورۇما ئۇستىلىرىغا ، مەسىلەن ، - ئۇستام گۆشلۈك لەغمەندىن بىرنى دىگەندەك .