2011 - يىلىدىكى ئېچىلغان ۋە ئېچىلمىغان سىرلار

abbas1

	يېڭى يىل كىرىش بىلەن دۇنيا پەن - تېخنىكا مۇنبىرى كىشىلەرنىڭ دىققىتىنى تارتتى . بۇلتۇر كۆپلىگەن سىر ئاشكارىلانغان بولسىمۇ ، يەنە قىسمەن سىرلار بۇ يىل ئېچىشنى كۈتمەكتە . دۇنياغا داڭلىق پەن-تېخنىكا تەتقىقات تورى <<ＤＩＳＣＯＶｅｒｙＮｅｗｓ >> يېقىندا بۇلتۇر ئېچىلغان ۋە ئېچىلمىغان ئون چوڭ سىرنى ئېلان قىلدى. ئېچىلغان بەش چوڭ سىر 1. ئېرۇسالېمدىن تارقالغان كىشىنى ھەيران قالدۇرىدىغان ＵＦＯ　كۆرۈنمە چاستوتىسى بۇلتۇر يىل بېشىدا ئېروسالېمدىن كىشىنى ھەيران قالدۇرىدىغان << ＵＦＯ　>> كۆرۈنمە چاستوتىسى تارقالدى . بۇنىڭدا بىر نۇرلۇق جىسىمنىڭ بۇلتۇر 28-يانۋار ئېروسالېمدىكى بىر مەسچىتنىڭ ئۈستىدە بىر نەچچە مىنۇت ئايلانغاندىن كېيىن غايىب بولغانلىقى كۆرسىتىلگەنىدى . بۇ ناھايى تېزلا  << ＵＦＯ　>> ھەۋەسكارلىرىنى جەلىپ قىلىپ ، << ＵＦＯ　>> نىڭ پەيدا بولغانلىقى توغرىسىدا تۈرلۈك پەرەزلەر ئوتتۇرىغا چىقتى . ئەمما ئالىملار تەكشۈرۈش ئارقىلىق بۇنىڭ بىر يالغانچىلىق ئىكەنلىگىنى ئېنىقلاپ چىقتى. 2. << ماگىنىتلىق بالا >> نىڭ سېھرى كۈچى بۇلتۇر فېۋرالدا سېربىيەدىكى يەتتە ياشلىق ئوغۇل بالا بوگدان بەدىنىنىڭ ماگىنىتلىق ئىقتىدارى سەۋەبلىك داڭلىق شەخىسكە ئايلانغانىدى . بىراق ئالىملار مۇنداق دەپ قارىدى : ياز پەسلىدىكى تومۇز ئىسسىقتا بەدەن تەرلىگەندىن كېيىن ھەر قانداق نەرسە چاپلىشىدۇ . ئەمەلىيەتتە بوگداننىڭ بەدىنىنىڭ ھېچقانداق سېھرلىك تارتىش كۈچى يوق . 3. فىرانسىيەدىكى غالىتە مەخلۇق كىشىلەر ئارىسىدا 1760-يىلى فىرانسىيەدە بىر قورقۇنچلۇق غەلىتە مەخلۇقنىڭ پەيدا بولغانلىقى توغرىسىدىكى گەپ - سۆزلەر تارقىلىپ يۈرگەنىدى . ئۇلار بۇ مەخلۇقنى چوغدەك يانىدىغان كۆزى ، يوغان ئاغزى بار ، دېيىشتى . تارىخشۇناس سېمىس بۇنداق مەخلۇخنىڭ ئەسلا مەۋجۇت ئەمەسلىكى ، كىشىلەر ئېيتقان دېھقان - چارۋىچىلارنىڭ ھۇجۇمغا  ئۇچىرىغانلىقى بۆرىنىڭ قىلمىشى ئىكەنلىگىنى ئېلان قىلدى. 4. قان شورىغۇچى مەخلۇقنىڭ سىرى ئالدىنقى ئەسىرنىڭ 90- يىللىرىدىن باشلاپ يەر شارىنىڭ ھەر قايسى جايلىرىدا ، بولۇپمۇ لاتىن ئامېرىكىسىدا  ، كىشىلەر بىر غەلىتى مەخلۇقنىڭ ئۆي ھايۋانلىرىنىڭ قېنىنى شورايدىغانلىقى توغرىسىدىكى خەۋەرنى تارقاتقانىدى .بىر ئىسپانىيەلىك 1995- يىلى غەلىتە بىر مەخلۇقنىڭ 150 دىن ئارتۇق ئۆي ھايۋىنىغا ھۇجۇم قىلىپ ، ئۇلارنىڭ قېنىنى شۇرىغانلىقىنى ئېيتتى ، ئەمما بۇ سىر بۇلتۇر ئاشكارىلاندى . ئامېرىكىلىق ئالىم جون : ئاتالمىش قان شورىغۇچى مەخلۇق بۆرە ياكى تېرە كېسىلى بار ئىت بولۇشى مۇمكىن ، بۇ بىر رىۋايەت تۈسىنى ئالغان ئىغۋا ، دېدى. 5. رۇسيەدەپەيدا بولغان ＥＴ　جەسىتى بۇلتۇر رۇسىيەدە ئىككى يىگىت سىبىرىيە رايونىدا تاشقى پىلانېتا ئادىمىنىڭ مۇزغا ئايلانغان جەسىتىنى بايقىغانلىقىنى ئېلان قىلىپ ، توردا جەسەتنىڭ سۈرىتىنى تارقاتتى . بۇ ئىككى يىگىت ئاخىردا بۇنىڭ يالغان ئىكەنلىكىنى ، ئەمەلىيەتتە سۈرەتتە كۆرسىتىلگەن  جەسەتنىڭ قونچاقتىن ياسالغانلىقىنى ئاشكارىلىدى. ئېچىلمىغان بەش چوڭ سىر 1. تاشقى پىلانېتادا ھاياتلىق مەۋجۈتمۇ ؟ كېپلېر  تېلېسكوپى بۇلتۇر يانۋاردا تۈنجى قېتىم قۇياش سىستېمىسىنىڭ سىرتىدىكى مېتروئىتتىن شەكىللەنگەن پىلانېتا << كېپلېر 10ｂ >> نى بايقىدى . تەكشۈرۈش ئارقىلىق دەسلەپكى قەدەمدە بۇ پىلانېتانىڭ يەر شارىدىن بىر يېرىم ھەسسە چوڭ ئىكەنلىكى ، ئىلگىرىكى مەلۇم دەۋىردە بۇ پىلانېتا ھاياتلىقنىڭ مەۋجۇت بولغانلىقى پەرەز قىلىندى. بۇ يەنە << دەرىجىدىن تاشقىرى چوڭ يەر شارى >> دەپ ئاتالدى . بىراق ھازىرغىچە بۇ پىلانېتادا ھاياتلىق مەۋجۇتلىقى توغرىسىدا ھېچقانداق دەلىل- ئىسپات بايقالمىدى. 2. ھەسەل ھەرىلىرىنىڭ چوڭ كۆلەمدە توپ ئۆلۈشى ياۋروپانىڭ ھەر قايسى جايلىرى ۋە ئامېرىكىدا 2006-يىلىدىن باشلاپ زور كۆلەمدىكى ھەسەل ھەرىلىرى يوقاپ كېتىش ياكى ئۆلۈش ئەھۋالى كۆرۈلدى . ئالىملار بۇنىڭ كىلىمات ئۆزگىرىشى ياكى ككچمە ئالاقە سىگىنالىنىڭ تەسىرىدىن بولغانلىقىنى پەرەز قىلغان بولسىمۇ ، تا ھازىرغىچە بۇنىڭ ھەقىقىي سەۋەبىى ئاشكارىلانمىدى. 3. نېفىت ئېقىش ھادىسىسى ئېكولوگىيە كىرىزىسىنى پەيدا قىلالامدۇ؟ ئامېرىكىنىڭ لۇئىزانا ئىشتاتىدا 2010 يىلى ئاپرېلدا نېفىت  ئېقىش ھادىسىسى يۈز بېرىپ ، بەش مىليون باكقا يېقىن نېفىت مېكسىكا  قولتۇقىغا ئېقىپ كىردى . ئۇنداقتا بۇنىڭ تەسىرى قانداق بولىدۇ؟ ئالىملار ھازىرغىچە بۇنىڭ جاۋابىنى تاپالمىدى . 4. 2012 يىلى ئاخىر زامان بولامدۇ؟ بۇ يىل ئاخىر زامان بولىدىغانلىقى توغرىسىدىكى گەپ -سۆزلەر مايالارنىڭ كالېندارىدىن كەلگەن بولۇپ ، كىشىلەرنى قاتتىق ساراسىمىگە سالدى . بىراق ئىندىيان ئاقساقىلى كالېنداردىكى 2012-يىلى 21 - دېكابىرنىڭ كونا دەۋىرنىڭ ئاخىرلىشىپ ، يېڭى دەۋىرنىڭ باشلىنىدىغانلىقىدىن بېشارەت بېرىدىغانلىقى ، بۇ ھەرگىزمۇ ئاخىر زاماندىن دېرەك بەرمەيدىغانلىقىنى چۈشەندۈردى. ئالىملار ئاخىر زامان ھەققىدە ھېچقانداق دەلىل - ئىسپات كۆرسىتىپ بېرەلمىدى. 5. نېيترىنو نۇردىنمۇ تېزمۇ ؟ ياۋروپا يادرو تەتقىقات مەركىزىنىڭ 174 فىزىكا ئالىمى بۇلتۇر سېنتەبىردە نۇرنىڭ سۈرئىتىدىن تېز بولغان نېيترىنونى بايقىغانلىقىنى جاكارلىغان بولسىمۇ ، بىراق بۇ ھازىرغىچە دەلىللەنمىدى. مەنبە : شىنجاڭ قانۇنچىلىق گېزىتى

hekmat-uyghur

	دۇنيادا ئېچىلغان  سىرلاردىن ئېچىلمىغان  سىرلار كۆپ.بىر  سىر  يىشىلسە  شۇنۇڭغا ئەگىشىپ يەنە بىرنەچچە سىر بايقىلىدۇ.شۇڭا  كونىلار بىلىدىغىنىڭدىن كۆپتۇر  بىلمىگىنىڭ، بىلمىگەننى  بىلىسەن ئۆلمىگىنىڭ دەپ بىكار ئېيتمىغان.         بۈگۈن ئۆتتىمۇ، ئۇ  يەنە نۇرغۇنلىغان  ئىشلارنى   سىر قىلىپ   كېتىدۇ،  كېيىنكىلەر بۇنىڭ  ئۈستىدە ئىزدىنىدۇ.

yoksu

	مېنىڭ پورتىمالىممۇ ئالدىنقى يىلنىڭ 11-ئېيىدا يۈتۈپ كەتتى! نېم بوپ يۈتۈپ كەتتى؟ نەدە يۈتۈپ كەتتى؟ كىم تېپىۋالدى؟ ھازىر كىمنىڭ قولىدا؟ بۇمۇ ھازىرغچىە ئۆتكەن يىلغا تەۋە يېشىلمىگەن سىر بولۇپ قالدى.

yolkezar

	بەزى خەۋەرلەرگە ئالدىراپلا ئىشىنىپ كەتمىسە بولغۇدەك! رەھمەت بىلىۋالدىم!

oyghakman

	يەنە بىرسى قاپتۇ ، مەۋسۇملۇك ئىمتھاندا 50 بالىدىن ئاران 10 ئى ئۆتتى ، قالغانلىرى ئۆتەلمىدى ، لىكىن سۇئال شۇنداق ئاددى ، ئۇنىڭ ئۈستىگە ئۇچۇق ئىمتىھان ، بىزمۇ پەقەت بىلەلمىدۇق بۇ سىرنى  .

ئەسلىمە

	ھىچنىمە بولمايدۇ بىر تال پورتمال يۈتۈپ كەتكەنگە يىگىت.

hekmat-uyghur

	APANDIM0903 يوللىغان ۋاقتى  2012-1-21 10:07 PM ئاشكارلانغان سىرلار: شەرەپسىز~نۇمۇسسىزلارنىڭ ئەپتى-بە ...    تاشقى  پىلانتتا ھاياتلىق  مەۋجۇت دېسە  لېكىن  مەن  سەل  ئىشىنىپ  قالىمەن

dildarai

	yoksu يوللىغان ۋاقتى  2012-1-21 10:13 PM مېنىڭ پورتىمالىممۇ ئالدىنقى يىلنىڭ 11-ئېيىدا يۈتۈپ كەت ... ھەقىقەتەنمۇ   2011يىلىدىكى ئېچىلمىغان سىرلارنىڭ ئەڭ كاتتىسىكەن......بۇ سىرنىڭ جاۋابىنىڭ 2012-يىلى  يېشىلىپ قېلىشىنى تىلەيمەن...ھا..ھا..

ramu

	ياخشى خەۋەرلەركەن.خەۋەردار قىلغىنىڭىزغا رەخمەت!

yoksu

	ئەسلىمە يوللىغان ۋاقتى  2012-1-21 10:45 PM ھىچنىمە بولمايدۇ بىر تال پورتمال يۈتۈپ كەتكەنگە يىگىت. بىر پورتمالغۇ ھېچنىمە بولمايدۇ، لېكىن ئىچىدكى مۇھىم نەرسىلەر  ھازىرغىچە  ئىشىمنى ئاقسىتىپ قويىۋاتمامدۇ!