شاڭخۇ يېزىسى

مارشال

	شاڭخۇ يېزىسى شاڭخۇ كورلا شەھىرى ھازىرقى شاڭخۇ يېزىسىنىڭ ۋە شۇ ئورۇندا بىنا قىلىنغان ئۈستۈن شاڭخوۋە شاڭخو،تۆۋەن شاڭخو كەنتلىرىنىڭ نامى .يېزىلىق ھۆكۈمەت تۆۋەن شاڭخو كەنتىدە بولۇپ،شەھەر بىلەن ئارىلىقى 14كىلومېتىر كېلىدۇ.شاڭخۇ يېزىسى كورلا شەھىرىنىڭ غەربىي شىمالىغا توغرا كېلىدىغان بۇلۇپ،جۇغراپىيىلىك تۈزۈلىشىدىن ئېيتقاندا،تاغ تاشقىنلىرىدىن ھاسىل بولغان،يەلپۈگۈچسىمان چۆكۈندە تۈزلەڭلىكىنىڭ شىمالىي قىسمىغا توغرا كېلىدۇ،ئۇنىڭ شىمالىدا تەڭرىتاغنىڭ تارمىقى بولغان خانقورا تېغى بار. چىڭ سۇلالىسىنىڭ گۇڭشۈ يىللىرىغىچە بۇ جاينىڭ ئەسلى نامى ‹‹قار بۇلاق››بۇلۇپ،نەچچە 10ئائىلە ياشىغانلىقى مەلۇم،چىڭ سۇلالىسى گۇاڭشۈ يىللىرىدىن كېيىن،شاڭخۇ دېگەن نام ئوتتۇرغا چىققان.ئەسلىدە ‹‹شاڭخو››دېگەن نام- خەنزۇچە  نام بولۇپ،چىڭ سۇلالىسىنىڭ گۇاڭشۈ يىللىرىدا بۇرۇنقى تىم (دادۇڭزا)مەھەللىسىگە سۇ ئۆتىدىغان كىچىك ئېرىققا پاراللېل قىلىپ،بۇ ئېرىقنىڭ ئۈستۈنكى تەرىپىگە بىر ئېرىق (ئۆستەڭ)چېپىلغان،بۇ ئېرىقنىڭ ئۈستۈنكى تەرىپىدە،بىر ئائىلىلىك خەنزۇ بۇلۇپ،(بەزىلەر خۇيزۇ ئائىلىسى دەيدۇ)كىشىلەر بۇ ئائىلىكنى ئۇلارنىڭ تىلى بويىنچە ‹‹شاڭخو››(ئۈستۈنكى ئائىلە)دەپ ئاتىغان ئىكەن،چىڭ سۇلالىسىنىڭ گۇڭشۈ يىللىرىدا بۇ ئورۇندا چېپىلغان ئۆستەڭ نامى شۇنىڭ بىلەن شاڭخو ئۆستىڭى بولۇپ قالغان.كېيىن دۇربىل ،تىم كەنتلىرىدىكى ئاھالىلەر بۇ ئۆستەڭ بويىدا مەھەللە بىنا قىلغاندا،بۇ مەھەللە نامى ‹‹شاڭخو مەھەللىسى ››دەپ ئاتالغان.مىنگۇنىڭ 35-يىلى (1946-يىلى)بۇ مەھەللە شاڭخو كەنتى دەپ ئاتىلىپ،كورلا ناھىيسىنىڭ 3-يېزىسىغا قارىغان.1950-يىلى شاڭخو ،دۇربىل،دادۇڭزا،چەرچى كەنتلىرى ئاساسىدا يېزا قۇرۇلغاندا،يېزىلىق ھۆكۈمەت ئىسمى شاڭخو يېزا دەپ ئاتىلىپ،4-رايۇنغا قارىغان،1958-يىلى گۇڭشى قۇرۇلغاندا،چارباغ يېزىسى بىلەن شاڭخۇ يېزىسى قوشۇلۇپ‹‹تەڭرىتاغ گۇڭشى››دەپ ئاتالغان،1963-يىلى گۇڭشىلارنىڭ مەمۇرىي دائىرسى تەڭشەلگەندە،دۇربىل،شاڭخو،دادۇڭزا كەنتلىرى قۇشۇلۇپ،‹‹شاڭخو خەلق گۇڭشىسى››دەپ ئاتالغان.1984-يىلى كورلا ناھىيسى كورلا شەھىرىگە قۇشۇۋىتىلگەندە،گۇڭشى نامى ئەمەلدىن قېلىپ،شاڭخو يېزىسى دەپ ئاتالدى.ھازىر يېزا بازارغا ئۆزگەرتىلگەن بولۇپ،‹‹شاڭخو بازىرى››دەپ ئاتىلىدۇ. مەنبە:ئابدۇمىجىت ھەسەن قۇربانىنىڭ ‹‹باشئەگىم دىيارىدىكى قەدىمقى مەدەنىيەت››دېگەن كىتابتىن ئېلىندى، مۇنبەردىكى دوستلار،بۇ يېزا مەن تۇغۇلۇپ چوڭ بولغان  يېزا،تۈنۈگۈن مەھەلىمىزگە قار ياغقان ،بۈگۈن مەھەللىمىزنىڭ قار ياغقاندىكى مەنزىرسىنى رەسىمگە تارتتىم.مۇنبەردىكى دوستلارنىڭ ھۇزۇرىغا سۇندۇم،كۆرۈپ باققايسىلەر::qiray18

Naprat2009

	دىيارىمىزنىڭ بىر يېزىسى بىلەن تونۇشۇۋالدۇق، ئىسمى ئەمما ئۇيغۇرچە ئەمەسمۇ قانداق؟ ياكى ئۆزەڭلار نام قويۇشتا ئۇتتۇرۇپ قويدىڭلارمۇ؟ مەسىلەن: ئاقسۇنىڭ توقسۇ ناھىيىسىدىكى بالىلار شىنخا (新和)دىن دەيدىكەن، توقسۇ ناھىيىسى دېمەيدىكەن، ئىشقىلىپ مەن ئۇچراتقان توقسۇ ناھيىسىدىكى بالىلار شۇنداق دەيدىكەن. مەن توقسۇ ناھىيىسىدىنمۇ دېسەم، ئۇيغۇرچە شۇنداق دەمدۇ دەيدۇ....

kuntikin

	ھارمىغايسىز،ناھايتى ئەھمىيەتلىك تىمىلار ئۈستىدە ئىزدىنىپسىز...بولسا ھەرقايسى يىزا بازارلار توغۇرلۇق ئۆزىڭىزنىڭ پايدىلانغان ماتىرياللىرىنى يوللىغايسىز.

arman81

	بىلۋالدىم

KaLGuSi

	مەن ئۇ يېزىغا ئۇقۇۋاتقان چېغىمدا دائىم چىقاتتىم ،كورلا شەھەرگە بەك يېقىنغۇ دەيمە

xeren8759

	دۆرىلبجىىن   ناھىيەسىدىمۇ   شاڭخۇ  يىزىسى  بار   ...  ...   مەن  شۇ يىزىلىق  ھۆكمەتتە  ئشلەيمەن...  ...

babrim

	ئاۋۇ -دەرەخلىرى ئەجەپ كۆرۇندى كۆزۇمگە ئىسسىق- مەن مۇشۇنىڭدەك جىمجىت جايلارغا بەك ھەۋەس قىلىمەن - بەزى كۇنلىرى قۇملۇقللارغا بېرىپ بىرە كۇنلەپ كىتاپ ئوقۇپ ئاندېن ئويۇمگە كېلىمەن . ھارمىغايسىز !

1670154432

	بۇ مەنزىرلارنى كۆرۈپ ھەجەپمۇ كۆڭلۇم يېرىم بولدى ،مىنىڭمۇ شۇنداق يەرلەردە ياشىغۇم بار بىراق ئارمانغا چۇشلۇق دەرمان يوق.

ئەلشاھ

	شاڭخۇي بازىرى مىنىڭ بۇ يەر توغرىلىق بىلىدىغىنىم پەقەت 1958-يىلى چاھار باغ گۇڭشىسىغا ئۆزگەرتىلگەن،1963-يىلى شاڭخۇ گۇڭشىسىغا ئۆزگەرتىلگەن 1984-يىلى شاڭخۇ يېزىسىغا ئۆزگەرتىلگەن .يەر مەيدانى 36كىۋادىرات كىلومىتىر، نۇپۇسى 6000 دەپلا بىلەتتىم .... نەشپۇتتىن باشقا يەنە تاۋۇز بەك جىق دەۋاتاتتى چوڭلار ... بۇ تىمىدىن تېخىمۇ تەپسىلى بىلىۋالدىم ... بۇنى ھەجەپ يىگۈم كەلمىدى ... ھى ھى ھى

almas8888

	Naprat2009 يوللىغان ۋاقتى  2012-1-20 08:19 PM دىيارىمىزنىڭ بىر يېزىسى بىلەن تونۇشۇۋالدۇق، ئىسمى ئەم ... 1949-يىلى ئازاتلىق ئارمىيەرايۇنىمىزغا كىرگەندىن كېيىن، ئاقسۇ ۋىلايىتىنىڭ توقسۇ ناھىيىسى بىلەن تۇرپان ۋىلايىتىنىڭ توقسۇن ناھىيىسىنىڭ ئىسمىنىڭ يېقىن ئىكەنلىكىنى بايقاپ ،قولايلىق بولۇش ئۈچۈن توقسۇ ناھىيىسگە يېڭى ئىسىم قويۇشنى ئويلاشقان،ئاخىرىدا خەنزۇچە 新疆永久和平(شىنجاڭ مەڭگۇ تىىنچ) دىگەن سۆزنىڭ قىسقارتىلمىسى 新和 توقسۇ ناھىيىسىنىڭ يېڭى خەنزۇچە ئىسمى بولۇپ قويۇلغان.新和 دىگەن ئاتالغۇ خەلق تەرىپىدىن شىڭخا دەپ ئۆزلەشتۈرۈلگەن. ھازىرمۇ يېزىقتا توقسۇ دەپ قوللىنىلىدۇ.