مۇشائىرىگە مەيلىڭلار بارمىكىن؟

musilina

	ئەسسالامۇ ئەلەيكۇم،مىسرانىم  مۇنبىرىدىكى ئەزىز  تورداشلار، ھەممىڭلار سالامەت تۇردۇڭلارمۇ؟ قېرى  مۇنبەردىشىڭلار مۇسىلىنەدىن  ئېگىلىپ تۇرۇپ ئوتلۇق سالام،ھەممىڭلارنىڭ تېنى سالامەت بولسۇن، ئىشلىرىڭلار ئۇتۇقلۇق بولسۇن، چېھرىڭلاردىن كۈلكىلەر ئۆچمىسۇن،باسقان قەدىمىڭلاردىن گۈللەر ئۈنسۇن.       ئەمدى مەقسەتكە كەلسەك ، مۇنبەر كەيپىياتىنى تېخىمۇ جانلاندۇرغان ئاساستا مۇشائىرە قىلىشايلى  دېگەن مەقسەتتە بۇ مۇشائىرە سورۇنىنى ھازىرلىدىم،قېنى ،مۇشائىرەگە  مەرھەمەت قىلايلى... قاشلىرى بەرگى قىياقتۇر ئۇيغۇر قىزى، كۆزلىرى ئويناق بۇلاقتۇر ئۇيغۇر قىزى، شەرمى –ھايا ،ئەدەپ –ئەخلاق بابىدا، نۇزۇگۇمدىن ئۇدۇم ئالغان ئۇيغۇر قىزى. خەۋەرسىزسەن بەلكىم ئۇشبۇ ھالىمدىن، ئىشقى ئوتۇڭ ئەقلىمنى قىلماقتا لال. ئاھ،يۈرىكىم شۇندا كېتەرمۇ يېرىلىپ، قۇچاق ئېچىپ بىر رەت باقسا ۋىسال، يولۇڭغا تەلمۈرۈپ ئېرىدى قارچۇق، يۈرەكنى ئۆرتىدى بىر تالاي پىراق. ئۇچۇرۇڭنى ئەۋەت تەلمۈرتمەي، گەرچە ئارىلىق بولسىمۇ يىراق. ئەسكەرتىش : يۇقارقى ئۈچ كۇبلىت شېئىرلار مەزمۇن باغلىنىشى يوق ئايرىم –ئايرىم شېئىرلار،    مۇشائىرە قائىدىسى كۇبلىتلارنىڭ ئاخىرقى مىسراسى باش مىسرا قىلىنىپ باشلىنىدۇ،ئەگەر باشقا شەكىل،باشقا مەزمۇندىكى شېئىرلارنى يېزىپ بېقىشنى خالايدىغانلار بولسا ئۇنىڭغىمۇ مەرھەمەت،چۈنكى  مۇنبەر ھەركىم ئۆزىنىڭ كۆڭۈل  ئۈنچىلىرىنى چاچىدىغان سورۇن..... قېنى ئەمسە ، مەرھەمەت...مېنى نائۈمىتتە قويمىغايسىلەر..... مەنبە : كۆڭۈل ئۈنچىلىرىم

拉依里0

	[مەن سىنى سۈيەتتىم سەن ھەم ئۆزگىنى، باشقىنى سۆيدۇڭ دەپ قىلمايمەن ھەسەت، مەن ئۇچۇن مۇيەسسەر بولمىغان سۆيگۈ، سەن سۆيگەن تەرەپكە ئۈتەلسۇن ئەبەت.

0000bahar

	گەر ئارىلىق بولسىمۇ يىراق، قەلبىم ساڭا شۈنچىلىك يېقىن. ئۆرتەپ تۇرار دىلدىكى پىراق، ساپ سۆيگۈمىز بىر سۈزۈك ئېقىن.

musilina

	0000bahar يوللىغان ۋاقتى  2012-1-19 11:56 PM گەر ئارىلىق بولسىمۇ يىراق، قەلبىم ساڭا شۈنچىلىك يېقىن. ... ساپ سۆيگۈمىز سۈزۈك بىر ئېقىن، ۋاپاسىزلىق بىزگە ئەزەلدىنلا يات. سۆيگۈ بىلەن گۈزەلدۇر ئالەم، پاك سۆيگۈدىن ياشنايدۇ ھايات.

ئۆل

	ساپ سۆيگۈمىز بىر سۈزۈك ئېقىن، پاتقاق بولىدۇ ئاسرىمساق لىكىن . ساپ سۆيگۈگە ساپ يۈرەك كېرەك ، شېرىن سۆيگۈ ئازاپقا بەكمۇ يىقىن .......................:qiray124:qiray124

musilina

	拉依里0 يوللىغان ۋاقتى  2012-1-19 11:56 PM [مەن سىنى سۈيەتتىم سەن ھەم ئۆزگىنى، باشقىنى سۆيدۇڭ دەپ  ... مەن ئۇچۇن مۇيەسسەر بولمىغان سۆيگۈ، قەلبىمدە ئويغىتار ئالەمچە ھەسرەت. ۋىسالسىز سۆيگۈنىڭ ھەر دەقىقىسى، يۈرەكنى قۇرۇت كەبى غاجار داۋامەت.

yaprah0999

	رەھمەت مۇسلىنە سىزنىڭ مۇشۇ يېرىڭىزنى دىمىسەم،دىمسىڭىزمۇ مۇنبەر يېقىندىن بېرى كۆل سۈيدەكلا تىنچ بوپ قالغان... مەن باشلىدىم ئەمسە:باشقىلارمۇ قاراپ تۇرمايلى... گەرچە ئارىلىق بولسىمۇ يىراق، چۈشلىرىمدە ھەمراسەن ماڭا، ھەر قېينىسا يۈرەكنى پىراق. تولغىنىمەن ئازابتىن بىراق. گەرچە ئارلىق بولسىمۇ يىراق، كۆڭۈللەرگە يېقىندۇر كۆڭۈل. يوللۇرۇمغا ياققىن يار چىراق، سېنى تاپاي كېزىپ چۆللەرنى.

ئايچىن

	1. نۇزۇگۇمدىن ئۇدۇم ئالغان ئۇيغۇر قىزى. يۇرەكلەرگە ئوت ياققان شەھلا  كۆزلىرى، ھەم نازاكەت بابىدا تەنھا يالغۇزدۇر، خۇددى گۈلدەك جۇلالىق ئۇيغۇر قىزى. 2. قۇچاق ئېچىپ بىر رەت باقسا ۋىسال، بەردەم بولوپ ھەم سېنىڭ ئازاپلىرىڭگە . جانانىم چۇشەنسەڭ قەلب سىىرىمنى، رازى ئىدىم بىر ئۆمۇر سېنى كۈتۈشكە، 3. گەرچە ئارىلىق بولسىمۇ يىراق. مەڭگۈلۈك باغلانغان كۆڭۈل رىشتىمىز، كۈتۈپ تۇرغىن ئەشۇنداق مېنى جانانىم، ۋىسال شاتلىقىغا چۆمىمىز ھامان ئىككىمىز! قاملاشمىسىمۇ مۇشۇنچىلىك ئەگەشتىم :qiray14

musilina

	yaprah0999 يوللىغان ۋاقتى  2012-1-20 12:07 AM رەھمەت مۇسلىنە سىزنىڭ مۇشۇ يېرىڭىزنى دىمىسەم،دىمسىڭى ... سېنى تاپاي كېزىپ چۆللەرنى، رازىلىق بەرگۈم يوق ھېجرانغا ئەسلا. قايتۇرۇپ كەلسەم سېنى يېنىمغا، كۈلكەمگە جۆر بولۇپ كۈلەرمۇ دۇنيا.

ئايچىن

	ۋاي ئاللا  قىزلار ، مەن بىرنى يېزىپ بولغىچە ئوننى يېزىپ بوپسىلەرغۇ