مىسرانىم مۇنبىرىگە پىكىر

ahenelar

	ئەسسىلامۇ ئەلەيكۇم !مىسرانىم تورىنىڭ جاپاكەش باشقۇرغۇچىلىرى ۋە ئەزالىرى مەن ئاغىنىلەر بىلوگىhttp://ahenelar.com/نىڭ قۇرغۇچىسى ئاغىنىلەر بولىمەن ،بۇ تىمىنى يىزىشتىكى مەقسىدىم مىنىڭ بىلوگىمدىكى ئىجادىي يازمىلىرىمنىڭ كىلىش مەنبەسىنى ئەسكەرتمىگەن ئاساستا مىسرانىم مۇنبىرىگە كۆچۇرۇپ ئىلىپ كىلىنشى مىنڭ قاتتىق ئاچچىغىمنى كەلتۇردى،nazira0998 قىرىندشىمىز مىنىڭ نۇرغۇن تىمىلىرىمنى مىسرانىم مۇنبىرىگە ھىچقانداق ئەسكەرتىش بەرمىگەن ئاساستا كۆچۇرۇپ كەپتۇ بۇنىڭ سەۋەبى زادى نىمە ؟  https://uyghur-archive.com/misranim/forum.php?mod=viewthread&tid=69219         https://uyghur-archive.com/misranim/thread-69310-1-1.html         ئاخرىدىكى بىلوگىمنىڭ ئادىرسىنى ئىلىۋەتسە نىمە پايدا نىمە زىيان بىز يازارمەنلەرنىڭ بىرلا ئارزۇسى تىمىغا ئىنكاس ساقلاش خالاس مىنىڭ باشقىچە پىكىرىم يوق پەقەت ئادىرىسى ئەسكەرتىلمىگەن ئەسەرلىرىمنىڭ ئادىرسىنى ئەسكەرتكەن ھالدا كۆچۇرۇلىشىنى ئۇمۇد قىلىمەن مىسرانىم باشقۇرچىلىرىنىڭ بۇ ئىشلارنى مۇۋاپىق ھەل قىلالايدىغانلىقىغا ئىشىنىمەن ئەگەر مەن بىلەن ئالاقىلاشماقچى بولسىڭىز چ چ 1025333764

مارشال

	بۇندىن كېيىن،ھەر قانداق ئەزالارنىڭ مەنبەسى ئەسكەرتمىگەن،كېلىش مەنبەسى ئېنىق بولمىغان،شۇ تور بەتتىن كۆچۈرۈشنى رۇخسەت ئالماي كۆچۈرۈپ ئەكەلگەن تېمىلار بىردەك ئۆچۈرىلىدۇ.مىسرانىم مۇنبىرى ئەزالىرى كۆپ،نۇرغۇن ياخشى ئەسەرلەر چىقىپ،ئەزالارغا پايدىلىق ئىلىم ئۆگىنىش سۇرۇنى بۇلۇۋاتقان ياخشى پەيتتە،بۇنداق ئەھۋاللارنىڭ كېلىپ چىقىشى،تەسىرى ياخشى ئەمەس. شۇڭا،ھەربىر ئەزا ئەسەر ئەۋەتكەندە،شۇنچىلىك مەزمۇنى كۆپ ئەسەرنى يېزىشقا ۋاقتى يېتىپ،نېمە ئۈچۈن ئىككى ئېغىزلىق سۆز بولغان مەنبەنى ئەسكەرتەلمايدۇ،شۇڭا،مۇنبەردە ئەسەر ئەۋەتكەندە،چوقۇم مەنبەنى ئەسكەرتىپ قۇيۇشىڭلارنى،باشقا تور بەتتىن كۆچۈرۈپ ئەكەلگەن ئەسەرلەر بولسا،شۇ تور بەتنىڭ ماقۇللىقىنى ئالغان ئاساستا كۆچۈرۈپ ئەكىلىشىڭلارنى ئۈمىد قىلىمىز. بىراق شۇ ئېنىق ئېسىمىزدە بولسۇن ؛ باشقا تور بەتتىن ئەكەلگەن ئادەتتىكىچە شېئىر ، ھىكايە. پىسخىكىلىق سىناق، قىسقا فىلىم...... قاتارلىق ھىچقانداق ئەھمىيىتى يوق ئەسەرلەر بىردەك تەستىقلانمايدۇ . پەقەت ئالاھىدە تەربىيىۋى ئەھمىيىتى بار، تورداشلارنى ئويلىنىشقا سالالايدىغان، تورداشلارغا ھەقىقىي نەپ يەتكۈزەلەيدىغان تېمىلار تەپسىلى مەنبەسى ، ئاپتور ئىسمى ئېنىق ئەسكەرتىلگەن شۇنداقلا شۇ تور بەتنىڭ قوشۇلىشىدىن ئۆتكەندىلا ئاندىن تەستىقلىنىدۇ. ئاخىرىدا دەيدىغان يەنە بىر سۆز،بۇندىن كېيىن كېلىش مەنبەسى ئېنىق ئەسكەرتىلمىگەن،ماۋزۇسىنى خالىغانچە ئۆزگەرتكەن،ئۆزىنىڭ قىلىۋالغان ئەسەرلەر بولۇپ،بايقىلىپ قالسا،قاتتىق چارە-تەدبىر قوللىنىمىز! مەنبەسى يوق تېمىلار بۇندىن كېيىن تەستىقلانمايدۇ.

HENRY

	مۇنبەر خاسلىقىنى قوغداش كېرەك ،،

نــۆل

	قاملاشمىغان ئىش بوپتۇ . . . مەسئولىيەتسىزلىك بوپتۇ . 60 يىل كېچىكتۈرۈپ ئېتىش جازاسى بېرىش كېرەك بۇنداق ئىش قىلغانلارغا ...

شاتئاي

	مەنبە دېگەن خەتنى يازماق ئانچە تەس ئەمەستى تېما يۆتكىگەنگە قارىغاندا....:qiray1:qiray1

شاتئاي

	مەنبە دېگەن خەتنى يازماق ئانچە تەس ئەمەستى تېما يۆتكىگەنگە قارىغاندا....:qiray1:qiray1

attirgul

	ئەمەلىيەتتە مەنبەسىز تېمىلارنىڭ تەستىقلىنىشى خاتا ، ئۆز ئىجادىيىتىڭىز بولسا ، ئۇنى ئايرىم ئەسكەرتسىڭىز  بولىدۇ . ھىچقانداق قىممىتى، تەربىيەۋى ئەھمىيىتى، پايدىلنىش مۈمكىنچىلىگى يوق تېمىلارنى ئامال بار كۆچۈرۈپ يۈرمەڭ . دېمىسىمۇ ھازىر تېمىلار ئۇ مۇنبەردىن بۇ مۇنبەرگە كۈزدە شامالدا تۇزۇغان ياپراقتەك  ھايال قىلماي  قونۇپ بولىدۇ .مۇشۇنداق كۆچۈرمىكەشلىك قىلىپ مۇنبەرلەرنى ئەخلەت بىلەن كۆمۈۋۈتقانلار ئۆز قىلغان ئىشىڭلارغا مەسئۇل بولۇڭلار ،ۋاقتىڭلارنى زايە قىلماڭلار ،تەستىقلىمىساق توختىماي ئۇچۇر قىلىپ قاخشايسىلەر ، تەستىقلىساق ئۇنىڭغىمۇ بىرنىمە دەيسىلەر ، تۈزۈمنى تۈزۈم قىلدۇرمايۋاتقانمۇ يەنىلا مۇنبەردىكى ئەزالار، باشقىلار ئەمەس . بىز باشقۇرغۇچىلار ھېلىمۇ كەڭچىلىك قىلىۋاتىمىز، ھەر بىر تېما ئۇچۇن  نۇرغۇن پىكىرلەر بىرلىگى ئاساسىدا ئۆچۈرۈش يا چىقىرىش ئۈچۈن مەسلىھەت ئاساسەن بار ،ئۆزىنى بىلىش ئەڭ قىممەتلىك بايلىق !!!!!

دەۋىر

	مارشال ئەپەندىم دىگەن سۆزلەرنى بىر-ئىككى باشقۇرغۇچىنىڭ تىرىشچانلىقى بىلەن ئەمەلگە ئاشۇرۇپ بولغىلى بولمايدۇ، ھىچ بولمىغاندا 4-5 باشقۇرغۇچىنىڭ تەڭ كۈچىشىگە توغرا كىلىدۇ، لىكىن باشقۇرغۇچىلار قوشۇنى ئىچىدە بۇنداق ئىشلاردا ئورتاق نىيەتتىكى بىر يەڭدىن قول، بىر ياقىدىن باش چىقىرالايدىغان باشقۇرغۇچىدىن 4-5نى تىپىش تەس. بۇنداق قانۇنلار بۇرۇنمۇ چىقىرىلغان خىلىلا قاتتىق تەدبىرلەر ئارقىلىق ئىجرا قىلىنغان، ھەتتاكى باشقا مۇنبەردىن تىما يۆتكەپ مەنبەنى ئەسكەرىتمەي ئۆزىنىڭ قىلىۋالغانلارنى ئاز مىقتاردا ۋاقىتلىق يىزىشتىن چەكلەش تەدبىرى ئارقىلىق يولغا قويغان، ھەمدە ئۈنۈمى كۆرۈنەرلىك ياخشى بولغان. مۇنبەردە باشقۇرغۇچى بولغان ئىكەنسىز قاتتىق بولۇشقا تىگىشلىك ئىشلاردا زەھەرخەندىلىك بىلەن قاتتىق قول بولۇڭ. يۇمشاق قول بولىدىغان ئىشلاردا،مىھرىبان ئانىنىڭ بالىسىغا قىلغان مۇئامىلىسىگە ئوخشاش مىھرىبان بولۇڭ، شۇندىلا ھەممىنىڭ ئىتراپ قىلىشىغا ئىرىشەلەيدىغان باشقۇرغۇچى بولالايسىز.

tewelgha

	قارىغاندا ساقتىپەزدىن يەنە بىرى تۇتۇلىپتۇدە .ئەسەرنىڭ ئېگىسى مىسرانىمنىڭ ئىشىگىنى چەككىچىلىك بىزنىڭ باشقۇرغۇچىلىرىمىز بايقىمىغان بولسا ،مەسىلە باشقۇرغۇچىلاردا ئىكەن. مەنبەئىسى ئىنىق بولمىغان تېمىلارنى بىردەك تەستىقلىماس كېرەك ئىدى .