«قىزىل راۋاقتىكى چۈش »رومانىدىكى بىر شېئىر

ARKZAT

	«قىزىل راۋاقتىكى چۈش» رومانىدىكى بىر شېئىر* ئۆز ۋاقتىدا بەگ غوجاملار تولغان ساراي،      غۇربەت بېسىپ قۇرۇق سۆلەت دالان بولدى.      بىر چاغلاردا بەزمە-مەشرەپ قاينىغان جاي،        گۈللەر توزۇپ، دەل –دەرەخلەر خازان بولدى.                                                   زەر تورۇسقا ئۆمۈچۈكلەر باغلىدى تور،      گۈل پەنجىرلەر ئوت-گىياھقا ئاشيان بولدى. ئۇپا-ئەڭلىك،خۇش پۇراقنىڭ نە ھاجىتى، قىروۋ قوندى چاچقا، قېرىلىق ئايان بولدى. كېچە تۇپراق ئارا كىرسە مۇردا، بۈگۈن – ئاشىق-مەشۇق ھوجرا ئارا پىنھان بولدى.         ساندۇق-ساندۇق ئالتۇن- كۈمۈش ساقلىغانلار، كۆز ئاچقۇچە گادايلىشىپ ۋەيران بولدى.    ئۆمرى قىسقا دەپ ئۆزگىدىن ئاھ ئۇرغانلار، كېلىپ ئۆزى ئۇ ئالەمگە راۋان بولدى. ئاتاسىدىن قاتتىق تەنبىھ ئالغان زاتلار، ئېھتىمالىم، قىلمىشلىرى ئەسيان بولدى. بايۋەچچىدىن ئۆزىگە جۈر ئىزدىگەنلەر ، تاپقان جايى خۇنۈك چالا مەيدان بولدى! تاجىسىنى كىچىك كۆرۈپ كىيمىگەنلەر،      كىيىپ قوۋۇق، ياتقان يېرى زىندان بولدى.          ئاخشام تېخى جۇل –جۇل توندىن غىڭشىغانغا، بۈگۈن بەگلىك چاپىنىمۇ يامان بولدى.    بىرى تەختتىن چۈشسە،يەنە بىرى چىقتى،    ئاقىۋەتتە ماڭا يات يۇرت ماكان بولدى. قويغىنا، بۇ ئەپسانىنى،ھەننىۋاسى-     باشقىلارغا ئاخىر تويلۇق چاپان بولدى.      __________   * «قىزىل راۋاقتىكى چۈش»-جۇڭگونىڭ پىروزا ئەسەرلىرى ئىجادىيىتىدە تەرەققىياتلار ئەڭ يۇقىرى بولغان چىڭ سۇلالىسى دەۋرىدە مەيدانغا كەلگەن داڭلىق رومان بولۇپ، بۇ شېئىر ئەنە شۇ روماندىكى ئىدىيىۋىي مەزمۇننى تولۇقى بىلەن دېگۈدەك يورۇتۇپ بەرگەن  ياخشى شېئىر بولغاچقا، مەن بۇ شېئىرنى 20  نەچچە يىلدىن بۇيان ساقلاپ كەلگەنىدىم. مۇنبەرداشلارنىڭ پايدىلىنىشى ئۈچۈن يوللاپ قويدۇم. بەلكىم، بەزى سۆز-ئىبارىلىرىدە ئاز-تولا ئۆزگىرىشلەر بولغان بولۇشى مۇمكىن.مۇنبەرداشلارنىڭ ئىجادىي مۇئامىلىدە بولالالايدىغانلىقىغا ئىشىنىمەن. (مەنبەسى: ئەينى يىللىرى ياقتۇرۇپ  ئوقۇپ خاتىرەمگە كۆچۈرۈپ ساقلىۋالغانلىرىم )

Submarine

	قىزىل راۋاقتىكى چۈش جوڭگو تارىخىدىكى 4 چوڭ ئەسەرنىڭ بىرى ھېساپلىنىدىكەن ، بۇ ئەسەرنى تەرجىمە قىلغان شۇ ئادەملەر ھەقىقەتەن تىلغا بايكەنتۇق .

gunqa721

	قىزىل راۋاقتىكى چۈش، غەرپكە ساياھەت، سۇ بويىدا، ئۈچ پادىشاھلىق ھەققىدە قىسە قاتارلىق تۆت ئەسەر جۇڭگو كىلاسسىك ئەەدبىيات تارىخىدىكى تۆت چوڭ بىباھا گۆھەر، بۇ ئەسەرلەرنى تەرجىمە قىلغان ئۇستازلىرىمىزنىڭ تەرجىمە ماھارىتىگە ھەقىقەتەنمۇ قايىل بولماي تۇرالمايمىز. ئەمدى ئۇنداق تەرجىمانلارنىڭ يېتىشىپ چىقىشىغا يەنە نەچچە ئون يىل كېتىشى مۇمكىن.

كىشمىش

	خەنزۇلارنىڭ  بۇ ‹‹ قىزىل راۋاقتىكى چۈش ›› ناملىق رومانىنى ئۇيغۇرچىغا تەرجىمە قىلىشتا مەرھۇم شائىر ئابدۇكېرىم خوجا ھەممىدىن بەك كۆپ ئەمگەك قىلغان . يەنە بىر گەپ بۇ روماننى تەرجىمىگە ئشلەشتىن بۇرۇن باشقىلار مەرھۇم ئابدۇكېرىم خوجىغا :‹‹ سىلەرنىڭ بۇ ئۇيغۇر تىلىدا بارى-يوق ئارانلا 32 ھەرپ تۇرسا ، قانداقمۇ ئۇيغۇرچىغا تەرجىمە قىلغىلى بولسۇن ›› دەپتىكەن .مەرھۇم ئابدۇكېرىم خوجا: ‹‹ سىلەر ئەنسىرمىسەڭلەرمۇ بولىدۇ ، بىز بۇ روماننى تەرجىمە قىلىپ بولساقمۇ يەنە بىر نەچچە تاغار سۆزلىرىمىز ئېشىپ قالىدۇ ›› دەپتىكەن . بىزگە بۇ گەپلەرنى تىل-ئەدەبىيات ئوقۇتقۇچىمىزنىڭ ئېيتىپ بەرگىنى ھازىرمۇ ئېسىمدە .

ئشتىياق

	راس بەك ئىسىل ئكەن....

HENRY

	كىشمىش يوللىغان ۋاقتى  2012-1-18 01:25 PM خەنزۇلارنىڭ  بۇ ‹‹ قىزىل راۋاقتىكى چۈ ... ھا ھا  ،،،،

ramu

	يەنە بىر تەرجىمانىمىز مايىنۇر ھاجى ياقۇپمۇ بار. سۇبۇيىدا،غەرىبكە ساياھەت دىگەنلەردىكى سەككىز باشلىق ناۋارا-كۇۋارا،كەلدى-كەتتى،شامالبۇرغا .....كۆپلىگەن نەزىملەرنى شۇنداق يۇقۇرى ماھارەت بىلەن تەرجىمە قىلغانكى ھاي-ھاي ئۇيغۇرتىلىنى ئۇقۇدىغان خەنزۇ يولداشلارمۇ تەرجىمىگە قايىللىقىنى بىلدۇرگىنىنى كۆپ ئاڭلىغان ئىدۇق. يەنە بىرى ھېلىقى مىراسخوردىكى ئەزمەتخانمۇ شىنجاڭغا كىلىپ مىراسخورنىڭ ئۇيغۇرچىسىنى كۆرۇپ بۇ كىنو ئەمدى مەن نىيەت قىلغان سەۋيىگە يىتىپتۇ دەپ ئۆز تىلىدىن بەكرەك ياخشى بولغانلىقىغا قايىللىقىنى بىلدۇرگىنىنى ئاڭلىغانتۇق. ئېخ!پەخىرىم ئانا تىل!!!!

kuyaxogli3

	ئېسىل شىئىردە-بۇ، بۇ شىئىرنىڭ ئەسلى فېلىمىدىن ئارىيە قىلىپ ساقلاپ قويغان ئاۋازلىق ئەسىرىنى يوللاپ قويدىم. ھوزۇرلانغايسىلەر!:qiray18

begzeda

	مەن بۇ شىئىرنى يادىلىۋالغان